رواية فتاة اوقعت قلبي الفصل السابع عشر 17 - بقلم سماح عزت

فهد: أنا هخليها تندم على اليوم اللي شافتني فيه، وفرحها اللي هي فرحانة بيه ده مش هيتم. نور: لا يا فهد، أنا بقولك كده بس عشان تنساها. فهد: لما أبوظ حياتها وأدمر فرحها، ساعتها هنساها. نور: أنت إزاي تتكلم على أختي كده؟ أنت لو حاولت تعمل حاجة فيها أنا هقفلك. أحمد: اهدي يا نور بس، ما كانش ينفع تقولي كل ده. نور: أنت هتقف معاه هو ضدنا؟ أحمد: صاحبي محتاجني ومستحيل أسيبه في مشكلته دي. نور: يعني هتسيبني؟

أحمد: مش هينفع أكرر غلطتي تاني وأسيبه. وبعدين ريم إزاي تروح تشهد وتقول عليه أنه خاطفها؟ نور: ما هي دي الحقيقة، هو مش بتكدب. أحمد: جدك عارف من الأول إنك ممكن تتخطفوا. نور: بس هو ما قدمناش على طبق من دهب ليه؟ هو اللي جه وخطفنا. أحمد: بس الكاميرا مبينة إنكوا ماشيين معاه برضاكم. نور: كنت غلطانة لما حاولت أساعدكوا، ريم كان عندها حق. أحمد: حتى لو عندها حق أنا ما أسمحش إنها تقول على صاحبي الكلام ده.

نور: كلام إيه إن شاء الله؟ أحمد: هي مش قالت عليه دلدول وملوش كلمة؟ نور: وهي دي الحقيقة، أنا ماشية من غير سلام. أحمد: هتعمل إيه يا صاحبي؟ فهد: مش عارف، لسه بفكر. مراد: فهد، إحنا مش هنأذيها. فهد: ومن إمتى وأنا بأذي؟ أنا هتجوزها بدل الواد اللي هتتجوزه. إيهاب: بتحبها يا صاحبي، مش طايق تشوفها مع حد غيرك. فهد: أنا هتجوزها وأسيبها عند أبوها، وأبقى تبوس رجلي عشان أطلقها. أحمد: أحم، بس يا صاحبي كده كتير.

مراد: وبعدين إحنا ما ينفعش نبات في الصورة. فهد: طب أنا عايز أروح وبعدين نتكلم في الموضوع ده. أحمد: طب يلا تعالى عندي البيت. إيهاب: لا يا عم هيجي عندي. مراد: عندي فكرة. فهد: إيه هي؟ مراد: كلنا ننام في بيت أحمد لعند لما فهد يبقى كويس. أحمد: بيت مين أنا؟ هوصل لفهد عند إيهاب وهتكل أنا. مراد: لا بقولك إيه، والله لنروح كلنا عندك البيت. أحمد: أمري لله، يلا. بعد شوية. أحمد: ألوو... نور. نور: أمم.

أحمد: حاسس إن فهد هيعمل مشكلة أكتر من اللي متخيلينها. نور: زي إيه؟ أحمد: فهد بيقول إنه هيتجوز ريم وهيسيبها عند أبوها لعند لما تعتذر له وتبوس رجله، هيبقى يطلقها. نور: طب ده كده حلو أوي. أحمد: حلو إزاي؟ نور: هقولك، اسمع بقى الكلام ده كويس. أحمد: يا بنت اللعيبة، بس خايف الموضوع يتقلب ضدنا. نور: طول ما أنت صاحبه هتلعب في دماغه. وطول ما أنا مع ريم هعلي في دماغها. أحمد: طب سلام بقى عشان الشباب كلهم عندي. نور: سلام.

عند ريم. نور: ممكن أدخل؟ ريم: اتفضلي. نور: آسفة على إزعاجي ليكي، بس أنتي كان عندك حق، فهد ما يستاهلكيش. ريم: لسه واخدة بالك؟ نور: خلاص بقى قلبك أبيض. ريم: بس أنتي قلبك مش أبيض، إيه اللي قلتيه لعامر ده؟ نور: عشان يحرم يتكلم عليكي ولا على اللبن اللي أمه بتشربهوله عشان يبقى أبيض. ريم: هو مش بس أبيض، ده بيض. نور: هههههههه. نور: أيوه يا ريم، ارجعي اضحكي وافرحي، وسيبك من فهد.

ريم: ما أنا سيبتني منه بس خايفة من قراري في الجواز من عامر. نور: ده عين العقل، ده أحسن حاجة عشان تتخطي فهد وترجعي مبسوطة وفرفوشة. ريم: تفتكري هيحصل؟ نور: طبعًا. ريم: آه نسيت أقولك، أم عامر وجدو حددوا الشبكة بعد بكرة. نور: ألف مبروك يا حبيبتي. ريم: الله يبارك فيكي. نور: اتفقوا الفرح يكون إمتى؟ ريم: بعد شهرين. نور: بسرعة كده؟ ريم: آه أم عامر مستعجلة وجدك وافق. نور: ربنا يقدملك اللي فيه الخير يا عمري.

ريم: يا رب يا قلبي. نور: يلا تصبحي على خير. ريم: وأنتي من أهل الخير. في غرفة نور. نور: ألو أيوه يا أحمد، عايزة أقولك حاجة مهمة. أحمد: حاجة إيه؟ نور: جدي حدد معاد الشبكة. أحمد: طب كويس، إمتى المعاد؟ نور: بعد بكرة، والفرح بعد شهرين. أحمد: طب كويس عشان ننجز. نور: يلا بقى سلام. أحمد: سلام. فهد: هي رنت عليك ليه؟ أحمد: بتقولي إن شبكة ريم بعد بكرة، وإن أخليك بعيد عن الشبكة. فهد: آه تمام، حلو كده أوي. مراد: هتعمل إيه؟

فهد: هو حصل إيه في القضية الأول؟ مراد: ما تقلقش، جبت محامي صاحبي واديته فيديو الكاميرا، والمحامي راح على أنه تبعك وأثبت إنهم رايحين بمزاجهم معاك. فهد: طب حلو أوي، أنا عرفت إيه هو اللي هعمله. أحمد: هتعمل إيه؟ فهد: (فكرته) إيهاب: طب عال أوي كده. فهد: دماغ شغالة مش بتنام. أحمد وهو ينظر لمراد وإيهاب بضحكة خفيفة: آه دماغك دي فظيعة، ما أعرفش بتجيب الأفكار دي منين. فهد: أنا داخل أنام عشان فصلت. هتناموا ولا إيه؟

إيهاب: لا أنا صاحي شوية. مراد: وأنا كمان. أحمد: وأنا هحاول أكلم نور عشان أصالحها. فهد: تصبحوا على خير. كلهم في نفس واحد: وأنت من أهل الخير. بعد شوية. مراد: إيه رأيك في الكلام اللي فهد قاله ده؟ أحمد: مش عارف ومش قادر أخليه يغير كلامه. إيهاب: على فكرة كلام فهد هيسهل لنا حاجات كتير أوي، وهو اللي هيخلي الخطة تمشي مظبوط. أحمد: أيوه ما أنا عارف كده، بس بردو خايف على اللواء. مراد: اللواء مش هيصدق أي حاجة من اللي حصلت دي.

أحمد: أنا هقوم ويوم الشبكة يبقى يحلها حلال. مراد بمكر: هتنام؟ أحمد: ملكش فيه. في غرفة نور وجدت هاتفها يرن. نور: ألوو أيوه يا أحمد. أحمد: عاملة إيه؟ نور: كويسة، أنت بترن عشان كده؟ أحمد: مش جاي لي نوم، قولت أكلمك أشوفك كده. نور: ولا أنا جاي لي نوم. أنت قلت لفهد اللي قلتهولك؟ أحمد: آه، بس فهد ناوي على مصيبة. نور: مصيبة إيه؟ أحمد: فهد قال (فكرته) نور: ليه كده؟ حاول تقنعه إنه يعمل حاجة تانية.

أحمد: حاولت بس مفيش فايدة، بس بعد ما فكرت في الموضوع شوفت إنه هيكون مناسب. نور: مناسب إزاي؟ أنت مش شايف اللي فهد عايز يعمله؟ أحمد: بصي، مش إحنا عايزين فهد وريم يتجوزوا حتى لو غصب عنهم؟ نور: آه. أحمد: طب بصي بقى الخطة اللي في دماغي (فكرته) نور: حلوة أوي، بس فيها ضرر، وبعدين كده كره العيلة لفهد هيزيد. أحمد: سيبك من الموضوع ده، هنحله مع بعض. نور: ماشي مع إني خايفة. ظلوا يتكلمون حتى مر الليل كله.

نور: أحمد في حد داخل أوضتي، أنا خايفة. أحمد: حد إيه؟ نور: مش عارفة، الوقت متأخر، في حد فتح باب أوضتي. أحمد: خليكي متغطية، أنا جاي حالًا. نور: آهااااااااااا. أحمد: نور في إيه؟ ردي عليا. أحمد وهو يفتح باب غرفته: إيه ده هو الصبح طلع؟! نور ألوو. نور: ألوو، طلعت ماما جاية تشوفني، وأنا فاكرة إن في حرامي، والوقت متأخر، طلعنا الصبح هههههههه. أحمد: هههههههه، أنا طالع من الأوضة عشان أجيلك، لقيت نور الشمس خرم عيني هههههههه.

نور: سلام بقى، أنا هروح أشوف ماما. أحمد: سلام. يوم الشبكة. ريم: مش عارفة مالي يا نور، قلبي مقبوض. نور: ما تقلقيش يا حبيبتي، كل حاجة هتبقى كويسة. ريم: أتمنى. في المساء كانوا جميع العائلة يرقصون ويصفقون ويضحكون. أتى بهيبته ودخل قصر عبدالله. فهد وهو يخلع نظارته: إزاي بتتخطبي لواحد تاني غيري؟ الجد عبدالله: أنت بتعمل إيه هنا؟ وإيه اللي جابك هنا؟ فهد بتمثيل: أنا مش هقدر أسيبك تتجوزي غيري، إحنا بنحب بعض.

ريم: أنا بكرهك وعمري ما حبيتك. فهد: ما تخافيش منهم، إحنا هربنا مرة وهم لقونا، هنهرب تاني وتالت، مش هنسيب بعض. ريم: أنا هربت معاك؟ أنت كنت خاطفني. فهد: عشان خاطري ما تسيبنيش، أنا بحبك ومش هقدر أعيش من غيرك. ريم: اطلع بره. فهد: هم هدد وكي صح؟ أنتي خايفة منهم ليه؟ أنا هنقذك منهم. ريم بصراخ: اطلع بره. فهد: أنا ماشي بس مش هسيبهم يجبر وكي على واحد غيري، أوعدك إنك هتفضلي ليا حتى لو اضطريت أكشف سرنا.

الجد عبدالله: اطلع من هنا عشان ما أرميك في السجن دلوقتي. فهد: أنا ماشي يا ريم، خدي بالك من نفسك. أم عامر: إيه الكلام اللي سمعناه ده؟