رواية فتاة اوقعت قلبي الفصل السادس عشر 16 - بقلم سماح عزت

نور: مفيش يا جدو. الجد عبدالله: ريم في إيه؟ ريم: نور كانت عايزاني أتابع حالة الصقر وأنا رافضة. الجد عبدالله: طب وبالنسبة لـ "هتتجوزي اللي تتجوزيه"؟ ريم: أصل هي مش عايزاني أتجوز عامر. نور: هاااااااا! الجد عبدالله: ليه بقى يا نور، ماله عامر؟ ريم: يا جدو هي قصدها إني أفكر في الموضوع كويس وآخد راحتي. الجد عبدالله: نور عندها حق. ريم: بس أنا موافقة يا جدو على عامر، وأتمنى الجواز يكون في أقرب وقت. نور: بس يا ريم.

الجد عبدالله: في إيه يا نور؟ بدأتي تخليني أشك فيكي. نور: تشك فيا أنا؟ أنا يا جدو؟ الجد عبدالله: آه، بدأت أشك إن في حاجة مخبياها. نور: طب تصدق يا جدو، أنا كنت بعاندها بس... أنا أصلاً موافقة على عامر. طب تعرف... أنا بعمل خطط عشان الجواز ده. الجد عبدالله: خطط إيه؟ نور: خطة للشبكة والحنة والفرح لشهر العسل. الجد عبدالله: أنا ماشي، ربنا يهديكوا. نور: كنتي هتفضحينا. ريم: تفضحي نفسك، أنا مليش دخل باللي أنتي بتقوليه ده.

نور: أنا غلطانة... تعرفي أنتي صح، لازم تنسي فهد وأنا كمان هخليه ينساكي. ريم: أنا أصلاً مش عايزة أفتكره وهو هينساني، ملكيش دعوة وابعدي عنه. نور: بس هو عاجبني وعايزاه وهشغله بيا. ريم: أنتي اتجننتي! نور: حاجة زي كده، سلام. نور وهي تمسك الهاتف في غرفتها. نور: ألو... أحمد. أحمد: إيه؟ حصل حاجة؟ نور: ريم منشفة دماغها دي، كانت قريت تبعني لجدو. أحمد: هههههههههههه. نور: أنت بتضحك عليا؟

أحمد: ما أنتي بتقولي كلام غريب برضه، هو إيه اللي كانت هتبيعك؟ نور: كانت هتعرف جدو إني بقولها تتجوز فهد. أحمد: أنتي قولتلها تتجوز فهد؟ نور: آه. أحمد: هي دي الخطط بتاعتك اللي كنتي عمالة تشكري فيها؟ نور: هي وحشة ولا إيه؟ أحمد: لا وحشة إيه... دي وحشة جدًا. نور: يووووه، خلاص أنا مش هساعدك تاني. أحمد: طب خلاص ما تبقيش قماصة. ريم: أنا عارف دماغها وعارف إن مشكلتها جدك وإن فهد الصقر. نور: جبت التايهة أنت كده.

أحمد: اسمعيني للآخر. نور: أمم، قول. أحمد: ريم مش هتوافق عشان فهد جرحها بما إنها حبته، وحتى لو عايزة توافق هتخاف من ردة فعل جدك وهو ابن عدوه اللدود. غير إن فهد الفترة اللي اشتغلها مع أبوه معرفوش يمسكوا عليه حاجة، لإن دماغ فهد حلوة وخططه حلوة مش زيك. نور: تصدق أنا غلطانة إني سمعتك. أحمد: هههههههههههه، خلاص ما تزعليش. نور: طب أنا هقفل. أحمد: استني. نور: إيه؟

أحمد: لو عايزة خطة بجد تعالي قابليني بكرة في المكان اللي بنقعد فيه. نور: مكان إيه؟ هو أنا فاكرة حاجة أصلاً؟ أنا من الأول قولت إنك غبي. أحمد: إييييييييه بسسسسسس، اهدي، أنا قصدي المكان اللي بقعد فيه أنا والشباب وكده. نور: وأنت عايز تقعدني مع الشباب؟ أحمد: لا بقولك إيه، أنا مش هستحمل أكلمك أكتر من كده. أنا هبعتلك لوكيشن، سلام. نور: يا ابني... قفل. طب سلام. تاني يوم.

الجد عبدالله: ريم جهزي نفسك عشان عامر جاي ياخدك تروحوا تتغدوا بره. نور: 😂😂😂😂. ريم: إيه اللي بيضحك؟ نور: ولا حاجة بس ابقي خدي ماسك الحليب معاكي 😂😂😂. ريم: لا والله! بعد شوية من الوقت. ريم: جدو أنا ماشية، عامر جه بره. الجد عبدالله: تمام يا حبيبتي، خدي بالك من نفسك. نور: ريم نسيت أقولك. ريم: إيه؟ نور: ما تنسيش تاخدي معاكي طماطم ولبن عشان لو حبيتوا تعملوا ماسك ولا حاجة. ريم: بقولك إيه، أنا على آخري.

نور: وهو حد قالك وافقي على ناصع البياض ده؟ ريم: يووووه، أنا ماشية. نور: طب بالراحة على نفسك. في الخارج. ريم وهي ماشية عشان تروح تركب في العربية اتكعبلت ووقعت وشنطتها خبطت في باب العربية. نزل عامر بسرعة وبيمد إيده ناحية ريم. ريم وهي تمد يدها له: أنا كويسة ما حصلش حاجة. عامر وهو يشاور بيده ويترك ريم وينظر لباب السيارة: خبطتي العربية! أنتي عارفة العربية دي ماما جايباها لي هدية في عيد ميلادي. ريم

وهي تقوم وتنفض ملابسها: أنت نازل تطمن على باب العربية مش عليا؟ عامر: يعني أنتي هيحصلك إيه... أنتي اللي خبطاها. ريم: هو أنا جبت حجر طوب وحدفته في الباب؟ أنا وقعت. عامر: حصل خير، ما حصلش حاجة للعربية. ريم: 😳😳😳😳 أنت بتهزر صح؟ نور: 😂😂😂😂 ما بيهزرش كده يا وحشة تخبطي عربية عامر اللي مامته جايباها ليه هدية. ريم: نور لمي نفسك. نور: إزيك يا عامر. عامر: مش كويس بعد خبطة العربية دي. نور: حقك طبعًا تزعل... إيه ده! عامر: في إيه؟

نور: إيه اللي في وشك ده؟ عامر وهو يضع يده على وجهه: إيه؟ نور: في هالات تحت عينك... أنت ما شربتش اللبن بتاعك صح؟ عامر وهو ينظر في مرآة السيارة: لا شربته. هي الهالات باينة أوي كده؟ نور: أووووووووووي. عامر: طب أعمل إيه؟ أنا بشرب اللبن وبعمل ماسكات. نور: قولتلك يا ريم خدي ماسك ولا اتنين لعامر بس أنتي رفضتي. عامر: ماسكات إيه دي؟ نور: دي ماسكات تفتيح، تحب أجيبلك منها؟ ريم: 😳😳 لا طبعًا. عامر: لا ليه؟ هاتيلي منها.

نور: عينيا حاضر، أنا أصلاً جايبالك أهم. عامر: والنتيجة بتظهر بعد قد إيه؟ نور: بص هي نتيجتها غريبة شوية. عامر: قولي لي إزاي. ريم: بلاش يا عامر. عامر: أنتي عايزاني أبقى بهتان وأسمر زيك ولا هالاتي تبقى زي هالاتك؟ ريم: طب بلاش نور، خد ماسكات من حد تاني. عامر: اسكتي أنتي... أنتي مش شايفة بشرة نور عاملة إزاي؟ نضرة كده و بيضة وحلوة. نور: 😂😂😂😂. عامر: ها، قولي بقى مالها النتيجة؟ نور: أول حاجة هيبدأ يطلع في وشك حبوب...

وهتلاقي وشك بدأ يظهر عليه سواد وبهتان بشرة، استعمله لمدة شهر بس وبعد كده هتبقى عصب. عامر: أنا بدأت أخاف. نور: لا ما تخفش أنت هتبقى كويس. هو أنت هتاخد أول شهر بس وبعد كده بطله وادعيلي. عامر: أنا وشي هيفضل كده لمدة شهر؟ نور: تستحمل شهر ولا العمر كله؟ وعلى فكرة أنا بستخدمه بيخلي وشي تعبان بس بعد شهر هتظهر النتيجة، أنت شايف وشي صافي إزاي أهو. عامر: آه فعلًا صافي عن ريم بكتير. وشك لا يوجد به شائبة.

نور: يلا يا ريم امشي مع خطيبك عشان تلحقوا تتغدوا. ريم: ماشي لما أرجعلك بس. نور بضحك: مع السلامة، في أمان الله. بعد شوية. أحمد: نور هتيجي وهنشوف هنعمل إيه. إيهاب: وإحنا هندخل نور في الموضوع ليه؟ أحمد: عشان هي بنت عم ريم وهتقدر توصلنا كل معلومة. مراد: اللي يشوفنا وإحنا متجمعين كده يقول إن بنخطط إزاي نمسك مجرم كبير. إيهاب: وحشتني قعدتنا دي من زمان. أحمد: إن شاء الله مش هنقاطع بعض مهما حصل.

إيهاب ومراد في نفس واحد: يا رب. نور من بعيد وهي تشاور ليهم: هاااااي. مراد: أهلًا حبيبتي وصلت وحشتني. أحمد: في إيه يا عم؟ ما تلم نفسك. إيهاب: تعرف الكام يوم اللي قعدتهم مع نور يا مراد. مراد: مالهم؟ إيهاب: خلوني وقعت في حبها. مراد: هي أصلاً تتحب على طول. إيهاب: كله كوم وشعرها كوم تاني. مراد: آه طويييييل، تعرف أنا بحب الشعر الطويل أوي. إيهاب: شوف ناعم إزاي، زبدة زبدة. أحمد: في إيه يا عم منك ليه؟ ما تلموا نفسكو.

مراد: إيه اللي مزعلك يا عم؟ دي حور مش نور. إيهاب وهو يضع رجل على الأخرى: وبعدين أنت مش قولت إنك باعتبار نور أختك وإنك برضه هتعتبر حور كده عشان مش شايفها غير بوش نور. أحمد وهو يتعصب: غيرت كلامي يا أخي، أنت مالك؟ مراد: لا غيرت كلامك إزاي؟ ده أنا بحلم بيها وباليوم اللي هشوفها لابسة الفستان الأبيض وأمسك إيدها وأنزلها من على السلم وأنكجها و.. أحمد بعصبية وهو يمسك مراد من ياقته: وإيه؟ مراد بضحك: وأسلمها لك يا زميلي.

أحمد: أيوه كده لموا نفسكو. إيهاب: هو غير كلامه لك نانا لسه. أحمد لسه بيمسك إيهاب. نور: في إيه مالكوا؟ هتضربوا بعض ولا إيه؟ إيهاب: خايفة عليا صح؟ نور: لا خاف مني. أحمد: 😂😂😂😂 شكلك وحش. إيهاب: كل حاجة منها حلوة. نور: من إمتى وأنت طري كده؟ ما تسترجّل شوية. مراد: أوبااااااا. إيهاب: أنا غلطان إني بهزر معاكي. نور: خد بس ما تزعلش، هسميك قماصة. إيهاب: أنا اتهزأت يا مراد صح؟ مراد: أوي. إيهاب: طب أنا ماشي. نور: طب خلاص.

إيهاب: عشان خاطرك بس. نور: لا أنا بقولك طب خلاص مع السلامة. إيهاب: أنا ماشي. أحمد وهو يضحك: اقعد بقى يا إيهاب، نور بتهزر معاك. إيهاب وهو يمثل الحزن: لا مش قاعد. نور: أنت جايب واحد قماص عشان نحل مشكلة فهد وريم؟ أحمد: 😂😂😂😂 خلاص بقى يا نور، سيبي الولد في حاله. نور: عشان خاطرك بس. إيهاب: لا والله كتر خيرك. أحمد: نور هي ريم ممكن تعمل إيه وهي متعصبة؟ نور: لا بتعمل كتير. أحمد: بتاخد القرارات إزاي؟

نور: القرار اللي فيه تحدي بتاخده. أحمد: كده فل أوي. نور: إيه اللي فل؟ أحمد: هقولك........................ مراد: فهد بقى عشان يتحول ويفكر بشر لازم نقوله..... عند فهد في المستشفى. أحمد: فهد نور عايزة تقولك حاجة. فهد: بعدين بس خدني البيت عايز أروح. أحمد: لو روحت هتيجي على بيتي. فهد: بس. أحمد: من غير بس. فهد: طب قولي يا نور في إيه. نور: الموضوع إن ريم وافقت على الجواز من واحد كان متقدملها. فهد: كنت حاسس إنها مش هتسامحني.

نور: لا هي قالتلي إنك مش فارق معاها أصلاً وإنها كانت بتضحك عليك عشان ترجعها البيت وتسمع كلامها. أحمد: كفاية يا نور فهد تعبان. فهد: كملي يا نور. نور: وقالتلي إنها هتروح تشهد إنك كنت خاطفنا عشان تخش السجن وما تطلعش منه طول عمرك. مراد: خلاص يا نور. نور: خلاص إيه؟ مش لازم أقوله إنها بتقول إنها بتكرهه وإنها شايفاه إنسان ضعيف وإنه مفيش فرق بينه وبين الحمار؟ إيهاب: حمار؟

نور: أيوه تقصد يعني إنه بيشيل ويعمل اللي يتقاله وخلاص وإنه ما بيعملش غير اللي أبوه بيطلبه منه زي الحمار بيشيل وينفذ الكلام وبس. إيهاب: أنتي هتعرفيلي الحمار؟ نور: مش أنت اللي سألت؟ إيهاب: لا أنا استغربت إزاي تقول كده على فهد إنه حمار يعني. نور: ده قالت أكتر من كده. إيهاب: كمان.... دي كان باين عليها طيبة. نور: قولت لها إن فهد بيحبك وإن ممكن يبوظ لك الفرح، قالت لي مين ده؟ هو ما يقدرش يعتب الفرح أصلًا عشان يقدر يبوظه.

فهد: هي قالت كل ده؟ نور: وأكتر والله بس محرجة أقولك. فهد: أنا هخليها تندم على اليوم اللي شافتني فيه وفرحها اللي هي فرحانة بيه ده مش هيتم. نور: لا يا فهد أنا بقولك كده بس عشان تنساها. فهد: لما أبوظ حياتها وأدمر فرحها ساعتها هنساها.