رواية فتاة اوقعت قلبي الفصل السادس 6 - بقلم سماح عزت

عند نور: نور: ريم، انزلي كلمي جدو عايزك. ريم: متعرفيش ليه؟ نور: تؤؤ. ريم: تمام، جايه. نزلت ريم لجدها: جدو، حضرتك كنت عاوزني؟ الجد عبدالله: آه عايزك، تعالي اقعدي جنبي. جلست ريم بجانب جدها: وادي قعدة. الجد عبدالله: في عريس متقدملك. ريم: إيه! لأ طبعًا، وبعدين أنا مش هتخطب لواحد معرفهوش. الجد عبدالله: ومين قال إنك متعرفيهوش؟ أنتي تعرفيه وتعرفيه كويس كمان. نور: مين دا يا جدو؟ هو في حد يعرفها ويتقدملها؟ الجد عبدالله: عامر.

ريم: إيـــــه! نور وهي تكتم الضحك: اختيار موفق هههههه. ريم: دا أنا أرجل منه. الجد عبدالله: لأ بقولك إيه، شغل كل شوية ترفضي عريس خلاص أنا زهقت منه، وبعدين الولد كويس ومحترم وعنده شغله الخاص. ريم: قصدك شركة أبوه؟ الجد عبدالله: شركة أبوه يعني شركته. ريم: بس يا جدو! الجد عبدالله: من غير بس. وبعد كده أي واحدة فيكوا هيجيلها عريس هوافق عليه. نور وهي تنظر لريم: الله! وأنا مالي يا جدو؟ أنا لما بيجيلي عريس بقابله وهُم بيرفضوا.

الجد عبدالله: وأنتي لما تعملي نفسك مجنونة ولا لما تنكشي شعرك وتحطيلي ميكب زي الراقصات ولا لما تقولي أنك كنتي متجوزة عرفي، في واحد فيهم هيرجع تاني؟ نور بكسوف: أحممم. الجد عبدالله: إيه فاكرة إني مكنتش عارف؟ نور: أحمم، المهم خلينا في موضوعنا. الجد عبدالله وهو ذاهب: هتقابلي عامر، ولو ملقتيش فيه عيب يبقى هتتجوزيه. ريم: أوف بقا!

نور: يا بنتي سهلة، أنتي قابليه وقولي له إنك عايزة العصمة تبقى في إيدك وقولي له إنك عايزة تشتغلي ويبقى ليكي كرير. ريم: لأ، وأنتي شايفاني وش شغل؟ نور: يا بنتي أنتي هتقوليه كده بس. في المساء: الجد عبدالله: ريم، اعملي حسابك إنك هتقابلي عامر. ريم: وقت إيه؟ الجد عبدالله: دلوقتي! ريم بخضة: نعم! الجد عبدالله: يا دوب تلحقي تلبسي. ريم وهي تدبدب برجليها: يوووووه! نور: اعملي اللي قلتلك عليه. بعد قليل من الوقت: في الخارج:

عامر وهو يفتح باب العربية: اتفضلي يا روحي. ريم في سرها: نينينينينيي. عامر: اركبي. ريم بابتسامة صفرا: شكرًا. وبعد ساعتين، ريم أمام منزلها: أووف! عامر: يلا ندخل. ريم: ندخل إيه، زمانهم نايمين دلوقتي، أصل أحنا بنام بدري وأنا كمان عايزة أنام. عامر: هتكلم مع جدو شوية. ريم: ما هو برضه نايم، يلا مع السلامة. ودخلت وأغلقت الباب وراءها. نور: يا كدابة، أحنا بنام بدري! ريم: أعمل إيه ما هو لازقة. نور: احكيلي حصل معاكي إيه.

ريم: قعدنا في مطعم..... وقعد يتكلم جابلي صداع، قال إيه يقولي أنتي لازم تشربي لبن أصل ماما بتقولي إن اللبن بيخلي الواحد أبيض وأنتي سمرة، أنتي شايفة عشان بشرب اللبن أبيض إزاي. شرطي الأساسي في الجواز إنك تشربي لبن. فلاش باك: ريم: مش شاربة لبن عشان مبشربوش. عامر: خلاص مش مشكلة، نسيبنا من الشرط ده. ريم: أنا بقى عندي شرط. عامر: اشرطي يا روحي. ريم بقرف: عايزة أشتغل عشان عايزة أعمل لنفسي كارير.

عامر: موافق، وأنا هديكي الفلوس اللي هتحتاجيها في الشغل بتاعك. ريم بنفاذ صبر: والعصمة تبقى في أيدي. عامر: موافق عشان تعرفي تمسكيها هههههه. ريم بقرف: هيهيهيي. نهاية الفلاش باك. نور: هههههههههههه دمه بايخ بشكل. ريم: لأ والله ده السبب اللي هقول لجدك عليه. نور: هههههههههههه أكيد لأ، بصي بكرة وأحنا في النادي هندي شوية شباب فلوس في المقابل يعملوا أنهم صحابك ويهزرو ويضحكوا معاكي، وهو أكيد هيرفضك.

ريم: ماشي مع إني أشك ده لازق بغرا. تاني يوم: أحمد: قلقان من هدوء الصقر. مراد: أكيد بيخطط لحاجة يعملها، بالذات إنه مبيسبش دليل وراه. أحمد: أكيد هنعرف نمسكه المرة دي. هي حور فين دلوقتي؟ مراد: نور في النادي هي وريم. أحمد: أممم، في حد معاهم؟ مراد: معاهم الظابط توفيق. أحمد: ملقتش غير توفيق يحميهم، ده لو الصقر غمزله بس هيخاف منه. مراد: هيخاف من اللواء أكتر. في النادي:

ريم: أدينا عملنا اللي قولتي عليه وهنشوف عامر لما يجي هيعمل إيه. نور: هههههههههههه جبتي في سيرة القط جيه ينط. ريم: طب يلا اغمزي للشباب عشان يجوا. بعض الشباب: هههه، ريم حبيبتي عاملة إيه؟ ريم: إيه يا أسطا مش شايفاك بقالي يومين، كنت فين؟ الشاب: كنت بفكر فيكي ههههه. عامر: ريم مين دول؟ ريم: دول صحابي بس متفكرش حاجة تانية.

عامر: لأ عادي يا روحي، خدي راحتك، طب أنا بقى هوصل البيت ولما تخلصي مع صحابك ابقي كلميني عشان نخرج مع بعض شوية، ولو عايزة تعزمي صحابك معانا اعزميهم. (ومشى) ريم بغضب: أههههههههه يا برودك! نور: لأ بصراحة عسل هههههههههههه. مش قادرة، ده ولا حتى اتضايق بالعكس عازمهم يخرجوا معاكي. ريم: طب ما دي فكرة، أكيد معترضش إن يكون ليا صحاب ولاد، يبقى عنده أصحاب بنات، أنا بقى أقول لجدو إنه بتاع بنات.

نور: هتجيبي للواد بلوة وهو معملش حاجة، وبعدين أحنا لازم نتأكد إن ليه أصحاب بنات. ريم: خلاص أحنا نبحث عنه وأخلي أحمد أو مراد يعرفوا عنه كل حاجة. نور: يا بنتي ما دام جدو موافق يبقى هو مش بتاع بنات ولا حاجة. ريم: إيه ده، أحمد بيرن عليا. نور: طب ردي. ريم: ألو، أيوه يا أحمد..... إيه عربية بوليس نركب فيها..... ماشي خلاص هنركب..... آه شوفتها. نور: فيه إيه؟

ريم: مش عارفة، أحمد بيقولي إنه لازم نركب في عربية البوليس اللي جاية لينا دي عشان حياتنا في خطر. نور: خطر؟ طب يلا. ريم: أنت اللي جاي تاخدنا؟ وهو يلتفت لهم: أيوه أنا. ريم: أووه. نور: طب يلا عشان أحنا متأخرين. ريم: أسمك إيه؟ ... : توفيق. ريم: طب يلا وصلنا. ركبوا العربية ومشوا، وواحد طالع بيربط حزام بنطلونه: استنى، أقف عندك! يا خراابي، أعمل إيه دلوقتي؟ أحمد ومراد هيقتلوني. عند أحمد:

أحمد: ألو، أيوه يا توفيق، البنات ركبوا معاك؟ ..... إيه إزاي ده حصل؟ ..... طب أنا جاي حالًا. مراد: فيه إيه؟ أحمد: توفيق بيقول إن حد سرق العربية والبنات ركبوا معاه.