رواية فتاة اوقعت قلبي الفصل الثالث 3 - بقلم سماح عزت

نور في الهاتف: أيوه يا ريم، أنا هروح على المحل وهستناكي هناك... يعني إيه يا ريم أنا في نص الطريق؟ ... خلاص يا ريم أنا هرجع وخلاص بقى، وأنتِ ابقي تعالي خديه وقت تاني... طب تمام، هجيب الفستان أنا وأمري لله بس يا رب يطمر فيكِ أنتِ وهدى. عند ريم: خلاص أنا قلت لها إني مش هعرف أجي، يلا بقى نخلص قبل ما هي تيجي. حمد: يلا ما عادش غير حاجات بسيطة. نور: ده نفس الفستان اللي كان عاجبني ووريته لريم...

ماشي يا ريم عقابًا ليكِ أنا كمان هلبسه. وهي راجعة للبيت في الشارع: حااااسببببي!! نور: آهااااااااااااا. نزل من عربيته وجرى عليها. مراد: أنتِ كويسة؟ نور: الحمد لله. مراد: تعالي أوصلك. نور: شكل الخبطة جات في راسك، أنت مين عشان توصلني؟ مراد بضحك: أنا مراد. نور بتريقة: حصلنا الشرف. مراد: يا بنتي اهدي، أنا الضابط مراد، شغال مع جدك، ودلوقتي أنا رايح عندكوا البيت. فتعالي أوصلك معايا في الطريق.

نور: وإيه يثبت إنك بتقول الحقيقة؟ مراد: أممممم، جدك اللواء عبد الله صح؟ نور: طب ما دي حاجة معروفة. مراد: طب ما أنا لو مش عارفك هعرف ده منين؟ وبعدين أنا أعرف العيلة كلها يا نور. نور: إيه ده أنت عارف اسمي؟ مراد: لا بجد صدقي ما كنتش واخد بالي. نور: طب يلا بسرعة أخلص عشان ما أتأخرش عليهم أكتر من كده. مراد: اتكلمي بأسلوب أحسن من ده، أنا مش السواق بتاعك. نور: شكلك عايز جدو يعرف إنك خبطتني بالعربية.

مراد: بس أنا دوست فرامل قبل ما العربية تخبطك. نور: شوف بقى جدو هيصدق مين فينا. مراد: هيصدقني أنا طبعًا، ويلا كفاية بقى عشان أنا عايز اللواء في موضوع مهم. نور: يلا. في المنزل. ريم: أووووووووف الحمد لله خلصنا. أحمد: رني على نور شوفيها فين دلوقتي. ريم: تمام. الو أيوه يا نور أنتِ فين؟ ... إيه داخلة على البيت... لا أنا لسه عند هدى مش هعرف أجي دلوقتي... تمام سلام. يلا يلا طفوا النور.

نور: طلعت عارف البيت أهو يعني ما كنتش بتكدب. مراد: أستغفر الله العظيم، يعني أنتِ راكبة معايا وأنتِ مش مصدقاني؟ افرضي لو كنت بضحك عليكِ كنتِ هتعملي إيه؟ نور: هاااا هااا لا أنا بعرف أدافع عن نفسي كويس وبعدين أنا ما بأخافش. مراد: طب انزلي انزلي. نور وهي تفتح الباب: إيه ده الجو ضلمة كده ليه؟ أنت خاطفني صح؟ مراد: صبرني يا رب، هأخطفك في بيتكم؟ الكل في نفس واحد: Happy birthday. نور بخضة: آهاااااااااااا.

مراد: لا واضح إنك ما بتخافيش. أحمد: مين جاب الواد ده هنا؟ مراد بزعيق: ما تلم نفسك إيه واد دي؟ أحمد بعلو صوته: واد وستين واد كمان. نور: في إيه جماعة اهدوا؟ مراد طلع مسدسه: أنت اللي جنيت على نفسك. أحمد: لا تصدق خفت يا مي يا مي يا مي خاف يا عيد. مراد: يا مي يا مي يا مي هههههههههههه. أحمد: حبيبي واحشني. مراد: تعال في حضن أخوك يا فواز هههههههههههه. نور: إيه ده إيه اللي حصل ده؟

الجد عبد الله: سيبك منهم، هم كل مرة لازم يعملوا حوار كده. مراد: سيادة اللواء كنت عايز أكلم حضرتك في قضية الصقر. الجد عبد الله: بعدين يا مراد، دلوقتي في حفلة عيد ميلاد نور، روح انبسط معاهم وبعدين نبقى نتكلم في القضية. مراد: بس يا باشا. الجد عبد الله: من غير بس، وبعدين ريح نفسك من الشغل شوية. مراد: طب حيث كده مع السلامة يا باشا. الجد عبد الله: رايح فين؟ مراد: رايح انبسط معاهم.

ذهب مراد ناحيتهم وظلوا يضحكوا منتظرين من نور أن تجهز ليكملوا احتفالهم. نور: ها كده حلو؟ أنا لحد دلوقتي مش مستوعبة إنك جبتي لي الفستان اللي كان عاجبني، بأحبك. ريم: زي القمر بس إيه رأيك في الكدبة اللي كدبتها عليكِ؟ صدقتيني صح هههههههههههه بس ما قلت ليش شكلي عامل إزاي. نور: قمرين. ريم: يلا عشان ننزل. نور: يلا. ونزلت من على السلم وكأنها أميرة، ونظر لها أحمد وكأنه يرى نور لأول مرة في حياته. مراد بغمزة لأحمد: لا بس حلوة.

أحمد: أحمم أحممم هي مين؟ مراد: العصفورة. مراد يمد يده لنور: تسمحي لي بالرقصة دي؟ نور مدت إيديها لمراد: ما فيش مانع. أحمد: نور ما بتعرفش ترقص. نور: أنا مش فاكرة إن كنت بأعرف ولا لأ بس هأحاول مش هيجرى حاجة. وبدأوا يرقصوا وكانت نور ترقص باحتراف. واندهش الجميع برقصتها هي ومراد. أحمد بضيق: ريم تعالي عايزك. ذهبت ريم خلف أحمد. ريم: ها في إيه؟ أحمد: مين دي وفين نور؟