رواية فتاة اوقعت قلبي الفصل الثالث عشر 13 - بقلم سماح عزت

الجد عبدالله: أنتي بتعملي إيه هنا؟ ريم بخضة: هاا جدو أنا... الجد عبدالله: أنتي إيه؟ بتكدبي عليا بتقولي إنك هتتمشي شوية وأنتي جاية تزوريه؟ ريم بتوتر: أنا كنت... الجد عبدالله بزعيق: إيه اللي بينك وبينه؟ نور: جدو أنت فاهم غلط. الجد عبدالله: طب فهموني إزاي بتكدبوا عليا وتقولوا هتتمشوا والأستاذة جاية تقابله؟ نور: أنا السبب، أنا اللي غلطت. إحنا بعد ما نزلنا كنت قلقانة على أحمد وقولت لريم نيجي نطمن عليه وبعدين...

لما جينا أحمد كان قلقان على فهد فقال لريم بصي عليه كده شوفي حالته مستقرة ولا إيه. الجد عبدالله: وهي هتعرف أكتر من الدكتور؟ أحمد: كل الحكاية يا جدو إني قلقان عشان كده طلبت منها إنها تشوف حالته زي ما نور قالت لحضرتك، ولو حضرتك اتضايقت حقك عليا أنا آسف. الجد عبدالله: يعني هو ده اللي حصل؟ نور وأحمد في نفس واحد: آه. الجد عبدالله: أنا بسأل ريم. ريم وهي منهارة بالبكاء: أنا... نور بتمثيل

وهي تداري على الموضوع: متزعليش يا ريم جدو مش قصده يشكك فيكي هو بس قلقان عليكي. الجد عبدالله: أيوه يا حبيبتي أنا بس قلقان وخايف عليكي، خايف تحبيه وتتعلقي بيه لأنه هيجرحك، وبعدين هو مش من مقامنا، ده الصقر يا حبيبتي وأنتي سمعتيني بتكلم عليه كتير. ريم وهي تمسح دموعها وتنظر لفهد: عندك حق يا جدو بس أنا محبتهوش. الجد عبدالله: الله ينور عليكي، أنا ماشي بقا ابقا وصلهم يا أحمد. ريم: جدو أنا موافقة أتجوز عامر. نور بصدمة: إيه؟

إزاي ده؟ أنتي اتجننتي! الجد عبدالله: اتجننت ليه بقا؟ نور: هاا لا ولا حاجة. الجد عبدالله بحزم: في إيه يا نور؟ نور بكذب: أصله كان عاجبني وهي عارفة، إزاي بقا توافق عليه؟ الجد عبدالله وهو يضحك: يا ستي هجيبلك عريس زيه. نور: لااااا....... الجد عبدالله: أومال في إيه؟ نور: أنا عايزاه هو. الجد عبدالله وهو يضحك: خلاص هجوزكوا أنتوا الاتنين ليه؟ نور: طب ما في حل تاني. الجد عبدالله: إيه هو؟

نور: إحنا الاتنين نسيبه عشان مفيش واحدة تنجرح وتشيل من أختها. الجد عبدالله: نور بطلي بقا هزار. نور: أنا بهزر. الجد عبدالله: آه وبتستعبطي كمان. ريم: استنى يا جدو أنا جاية معاك. الجد عبدالله: طب تعالي يا نور أنتي كمان. أحمد: بعد إذنك يا جدو خلي نور وأنا هبقى أوصلها. الجد عبدالله: تمام بس متأخرهاش. "بعد شوية" نور: أنت ليه قولت لجدو إني ممشيش معاه؟ أحمد: أصل عايزك في موضوع. نور: موضوع؟ طب ما تقول أنت ساكت ليه؟

أحمد: أنتي فعلًا معجبة بعامر؟ نور: أنا؟ ييع. أحمد: أومال كدبتي ليه؟ نور: عشان الجوازة تبوظ، هو في حد يعجب بيه؟ أحمد: آه فيه ريم. نور: بس ريم مش معجبة بيه. أحمد: نور. نور: نعم. أحمد: هي ريم معجبة بفهد؟ نور: اممم آه... بس متقولش لجدو. أحمد: وفهد معجب بيها؟ نور: أنا سمعته بيقولها إنها حاجة صعب يوصلها وإنه يا ريت كان قابلها أيام فهد ما كان فهد متغيرش. أحمد: يعني حبها؟ نور: أحمم وهي كمان بتحبه مش بس معجبة.

أحمد: لحقوا حبوا بعض في الكام يوم دول بس؟ نور: الحب مش بالأيام والسنين، الحب بيجي من نظرة، من كلمة. مسمعتش عن الحب من أول نظرة؟ أحمد: سمعت بس مجربتهوش. نور: يعني محبتش قبل كده؟ أحمد: هتصدقيني لو قولتلك لأ؟ نور: هههه لأ. أحمد: وأنتي محبتيش؟ نور: مش فاكرة. أحمد بضحك: ههههههههه نسيت؟ نور سرحانة في أحمد وهو بيضحك. أحمد: مكنش قصدي أزعلك. نور: هاا لا مزعلتش ولا حاجة. أحمد: أومال سرحتي في إيه؟ نور: في الحب. أحمد: ماله؟

نور: عايزة أقولك حاجة. أحمد: ده أنتي تؤمري. نور: هو أنا فعلًا كنت بحبك؟ أحمد: نعم؟ مين قالك كده؟ نور: ريم. أحمد: قالتلك إيه؟ نور: فاكرة يوم عيد ميلادي لما ضربتك بالقلم؟ أحمد وهو يضع يده على خده: وهي دي حاجة تتنسي؟ نور: وقتها ريم جت وقالتلي إني كنت بحبك بس أنت مكنتش حاسس بده. أحمد: وأنتي رأيك إيه؟ نور: وقتها مكنتش شايفة غير إنك شخص مبقبلوش. أحمد: وقتها... طب دلوقتي؟ نور: أحمم. أحمد: هاااااااا؟ نور: بقيت لذوذ.

أحمد: لذوذ؟ نور: مالك زعلت ليه؟ أحمد: ولا حاجة... بس تعرفي لما تكوني حاسة إنك بتميلي لحد أوي بس بتمنعي نفسك لإنك شايفاه نسخة من شخص عمرك ما تفكري فيه غير زي أخ. نور: تقصد نسخة منه في الشخصية؟ أحمد: لا نسخة شكليًا. نور: طب والشخصية؟ أحمد: مختلفة تمامًا. نور: يبقى هسيب نفسي أميل وأحب. أحمد: وهم نفس الشكل؟

نور: آه لإن بالنسبالي الشخصية هي اللي بتختلف، هي اللي تحدد. يعني ممكن يبقى قدامك أختان توأم بس تحب واحدة بس مع إنهم نفس الشكل، هتحب واحدة وتعتبر التانية أختك لإنك بتحبها من شخصيتها مش من شكلها. أحمد بغمزة: تفتكري أميل؟ نور: القلب بيميل للقلب ولو أنت بتميل لواحدة ده عشان قلبك بيميل لقلبها مش شكلها. أحمد بمكر: مزعلتيش إني بحكيلك وريم قالتلك إنك بتحبيني؟ نور: مش المهم اللي ريم قالته، المهم اللي أنا حاساه.

أحمد: وحاسه بإيه؟ نور: أول ما شوفتك كنت حاسة إني أعرفك وإني شوفتك قبل كده وإني كنت ببقى عايزة أتخانق معاك... بس ده الطبيعي مش إحنا كنا أصحاب؟ أحمد: آه آه طبعًا. طب ودلوقتي بتبقي عايزة تتخانقي معايا؟ نور: دلوقتي لأ. أحمد: طب أنتي إيه رأيك في الكلام اللي أنتي سمعتيه من فهد؟ نور: إنك خونته يعني؟ أحمد: والله ما حصل. نور: وأنا قولتلك حصل؟ أحمد: أومال؟ نور: على فكرة أنا عارفة إنك مخنتهوش. أحمد: وإيه اللي خلاكي متأكدة كده؟

نور وهي تشاور على قلبها: ده هو اللي خلاني متأكدة. أحمد: قلبك وهو قلبك هيعرف منين؟ نور: بيحس وقلبي حاسس إنك معملتهاش وعمرك ما هتعملها. أحمد: مش عايزاني أحكيلك اللي حصل؟ نور: في حالة لو عايز تحكي. أحمد: يعني أحكي؟ نور: سمعاك. أحمد: من يوم ما قابلتها وهي بتبصلي بصات مش كويسة. نور: أمم كمل. أحمد: أنا فاكر اليوم ده كويس. "فلاش باك" أحمد: إيه يا فهد أنت فين؟ فهد: أنا جاي في الطريق وجايب معايا واحدة.

أحمد: هعمل بيها إيه يا فهد ومن أمتى وأنت بتجيب بنات لينا؟ فهد: إيه يا عم أنت فكرت إيه؟ دي واحدة صاحبتي وجايبها أعرفها عليكوا. أحمد: صاحبتك... صاحبتك يعني؟ فهد بتريقة: أيوه صاحبتي صاحبتي. أحمد: طب يلا إحنا مستنيين في النادي. مراد: قالك إيه؟ أحمد: بيقولي جايب واحدة صاحبتي معايا وعايز يعرفنا عليها. إيهاب: يبقى قصده ميار. مراد: ميار مين أنت تعرفها؟

إيهاب: أيوه أعرفها دي معايا أنا وفهد في الجامعة، وفهد شاف واحد بيتخانق معاها المهم فهد راح يكلمه راح الواد شاتمه قام فهد ضربه ومن بعدها بقوا صحاب. أحمد: وهو مين الواد ده وكان بيتخانق معاها ليه؟ إيهاب: اسمه آسر وهما الاتنين كانوا بيمشوا مع بعض دايمًا وكل الجامعة عارفة إنهم بيحبوا بعض. مراد وهو ينظر لأحمد: ده شكله هيبقى مرار طافح.