رواية فتاة اوقعت قلبي الفصل الثامن 8 - بقلم سماح عزت

نور: أنا بحذرك تفكر تلعب بيها. فهد: لا دا أنتي عايشة الدور أوي، مش معنى إني كلمتها كلمة يبقى الموضوع كبير ودخل في لعب والحاجات الهبلة دي، يا إما أنتي شايفة حاجة من ناحيتها. نور: لا ده أنت عبيط بقى! حاجة من ناحيتها إيه هي تعرفك؟ إحنا لسه أول مرة نشوفك النهار ده. فهد وهو يشد خصلة من شعرها: لا بصي يا شاطرة، مش معنى إني بحميكوا إني هأقبل إني أتهزق عادي كده، لا فوقي معايا كده وبلاش تستفزيني.

في نفس الوقت، ريم كانت خارجة وشافت اللي حصل ورفعت إيدها وضربته بالقلم. ريم: أنت إزاي تكلمها كده وإزاي تتجرأ وتمد إيدك عليها؟ فهد بصدمة: هتندمي على اللي أنتي عملتيه ده. ريم: أنت اللي هتندم لو كررت اللي عملته تاني... يلا يا نور ندخل جوه وأنا هيبقى ليا تصرف تاني لما نرجع. فهد بزعيق: ده إن رجعتوا! ريم بتحدي: بمعنى؟ بهاء

وهو يحاول أن يهدئ الوضع: يقصد إنه مش هنقدر نرجعكوا قبل ما اللواء يبلغنا، لإن لو رجعناكوا قبل ما يبلغنا ساعتها هتحصلنا مشكلة. ريم: تمام، يلا يا نور عشان أنا تعبانة وعايزة أنام شوية. عند ريم ونور. ريم: نور متزعليش. نور: أزعل إيه ده أنتي اديتيله قلم خماسي الأبعاد هههههههههههه. ريم: طب إيه رأيك أنا عندي خطة حلوة؟ نور: قولي إيه هي؟ ريم: إحنا نهرب من هنا ولما نرجع طبعًا هتحصل ليه مشكلة، أنتي سمعتي بهاء قال إيه؟

نور: مش كنتي معجبة بيه من شوية؟ ريم بثقة: ولسه معجبة، بس ده ميُدوش الحق إنه يتمادى ويشدك من شعرك. نور وهي تضحك: هو ما شدش شعري جامد، هو يعتبر كان ماسكه بس. ريم: ولو، لازم يعرف إحنا مين. نور: طب هننفذ المهمة دي إمتى وإزاي؟ إحنا في غابة. ريم: بكرة، أما بالنسبة لإزاي سيبيها عليا. في الصباح. ريم بصوت واطي: نووور، قومي يا نوور، يلا بقى اصحي. نور: إيه في إيه؟ ريم: هو إيه اللي فيه إيه؟ يلا نعمل اللي اتفقنا عليه.

نور بنعاس: دلوقتي؟ خليها كمان شوية إحنا لسه الصبح بدري. ريم: هو أنا بقولك يلا نتمشى؟ قومي بقى. نور: يوووه، يلا هأغسل وشي بس. وذهبت ريم ومعها نور وهم يمشون نفس الطريق اللي أتوا منه. نور بقلق: ريم أنتي متأكدة إن إحنا ماشيين في نفس الطريق؟ ريم: يا بنتي أنا ما فيش زيي يحفظ الطريق، يلا امشي معايا أنتي بس ومتقلقيش. نور بصدمة: ريم مين ده؟ ريم: معرفش بس ده معاه مسدس. نور: أنا حاسة إني شوفته قبل كده، وشه مش غريب عليا.

ريم: إحنا لازم نستخبى لإنه ممكن يكون من عصابة الصقر اللي توفيق قال عليها. نور: يلا بسرعة. يمشي بتروي وكأنه خائف أن يراه فهد فيدفنه مكانه. سعد بشر: لازم أخلص عليك يا فهد، وبعد ما أقتلك هأشوف أنا بقى حور، أصل وحشتني أوي. بهاء: فهد قوم البنات مش موجودين. فهد: إيه إزاي ده حصل؟ بهاء: مش عارف أنا، راحت عليا نومة ولما صحيت لقيت بابهم مفتوح ولما روحت أبص عليهم مالقيتهمش. فهد: أنت نايم بقالك قد إيه؟

بهاء: أنا غفلت من نص ساعة بس. فهد: يبقى أكيد ما لحقوش يطلعوا بره الغابة، يلا بسرعة ندور عليهم. سعد بصوت واطي: هاا حبيبي يا فهد طالع تقابلني قلب الأخ بقى. فهد: بهاء أنت امشي من هنا وأنا هأروح من الطريق ده. سعد: هتوحشني يا حبيبي. صوت طلقة الرصاص ملأت المكان. نور بخوف: هاا إيه ده؟ ريم بخوف: مش عارفة يمكن توفيق شاف الراجل. نور: بس توفيق لو شافه يبقى جاي ناحيتنا. ريم: لازم نلحق نهرب. بهاء وهو يصرخ: فهد! ريم: فهد!

نور: ريم إحنا لازم نرجع. ريم بقلق: يلا. سعد: كويس إنك كنت بعيد عن البيت عشان أروح للحلوة. سعد عند البيت. سعد: إزاي أنا مش لاقيها بس أنا شوفت فهد وهو لابس ظابط وخد حور ومعاها بنت كمان... مش وقت تفكير أنا لازم أهرب عشان بهاء ما يشوفنيش. بهاء: فهد إزاي ده حصل؟ فهد بتعب: بسيطة دي في الكتف. بهاء ببكاء: لازم ناخدك لدكتور. فهد: دكتور إيه بس، أنت دور على البنات وبعدين نعرف نتصرف في الرصاصة.

بهاء: أنا ما يهمنيش البنات، أنا يهمني أخويا يهمني أنت يا فهد ولازم نمشي عشان نروح لدكتور. فهد: البنات كده حياتهم في خطر لإن اللي ضرب عليا نار ممكن يأذيهم لو شافهم. ريم: أحممم إحنا هنا. فهد بتعب: رجعتوا ليه؟ نور: لما سمعنا بهاء وهو بيصرخ باسمك قلقنا وقلنا نرجع عشان أكيد الرصاصة دي جت فيك. ريم: وظننا طلع في محله. فهد: خوفتوا يعني اللي ضربني يشوفكوا فقلتوا تيجوا عشان نحميكوا.

ريم: إحنا نعرف نحمي نفسنا كويس بس الرصاصة لو فضلت في جسمك كتير هيحصلك تسمم. فهد: مش فاهم إيه دخل الرصاصة في رجوعكوا. نور: ريم في كلية طب وهتعرف تخرج ليك الرصاصة. ريم برفعة حاجب: يعني حياتك بين إيدي. فهد بتعب وضحكة سخرية: ده حتة رصاصة في الكتف لإن أكيد اللي ضربها جبان وبيخاف مني. ريم: هدي العجرفة بتاعتك دي شوية. بهاء: عجرفة!!! ريم: بهاء قومه معايا عشان ندخله جوه يرتاح. فهد وهو يحاول أن يقوم: بعرف أقوم لوحد... آآآآه.

ريم: امسكه معايا يا بهاء وأنت ما تحاولش تضغط على دراعك لإن ده هيتعبك. في البيت. ريم: بهاء عايزين نار. بهاء: أعمل إيه يعني؟ نور: يعني زي ما بيحصل في الأفلام ولع خشب. بهاء: إيه فيه إيه ما في بوتجاز جوه أولعه أسهل. ريم: خلاص هنسخن سكين على البوتجاز عشان نعقمها. بهاء: ما إحنا ممكن نعقمها في الميكروويف. نور: هو أنتوا عندكوا هنا ميكروويف؟ بهاء: أه. ريم: أنتوا على كده قاعدين هنا على طول؟

فهد بزعيق: أنت هتحكوا، مش لسه من شوية بتقولي الرصاصة تعملي تسمم؟ ريم: آآآه طب يلا بسرعة. ريم: طب وعلى كده ألاقي عندكم بنج أو مخدر؟ فهد: لا ماهو أنتي مش جاية تحققي طلباتك عندنا. ريم: خلاص أهو اتكلنا على الله. ريم وهي تخرج الرصاصة: امسك نفسك هي هتوجعك شوية عشان مفيش بن... فهد وهو يصرخ: آآآآآآآآآآآآآآه. وبعدها بدأ يعرق وظهر عليه التعب ونام. ريم: نور ادخلي أنتي نامي وأنا هأفضل جنبه هنا.

بهاء: ادخلي أنتي يا آنسة ريم وأنا هأفضل معاه. ريم: لا ريح أنت كمان شوية أنت ما نمتش وبعدين لازم أأفضل أنا عشان لو تعب ولا حاجة. عند أحمد. الجد عبدالله: معرفتش حاجة عنهم؟ أحمد: إحنا بنراجع الكاميرات اللي كانت على الطريق بس في بعض الطرق مش عليها كاميرات بس متقلقش إحنا هنوصله قريب.