رواية فتاة اوقعت قلبي الفصل الثاني والعشرون 22 - بقلم سماح عزت

نور: مستحيل! إياد بابتسامة: قلت لك جميلة. ريم: أنت عارف دي مين؟ إياد وهو يلتفت للبنت: أنتِ بالذات ما تتكلميش... مين دي؟ نور: أنت اللي تقول لنا أنت إزاي تجيب دي بيتنا؟ ريم: باين كده حظنا بيوقعنا في ناس ما تستاهلش. إياد: أنتو بتقولوا إيه؟ أنا ما أعرفهاش. ريم: يعني مش هي دي البنت اللي كنت عايز تعرفنا عليها؟ إياد: أنا أبص لواحدة زي دي... أنتِ مش شايفة لبسها خليع إزاي؟ ميار: تُّوتُّو...

ما تقولش عليا كده، قلبي الصغير لا يتحمل. ريم: أنتِ جاية هنا ليه؟ ميار: عرفت إن في واحدة جاية تاخد حبيبي مني. نور: بقولك إيه، إحنا عارفين كل حاجة وعارفين أنتِ مين يا... ميار. ميار: أنتِ بقى حبيبة أحمد صح... أصلك شبهه، أسلوبك زيه بالظبط. نور: عشان ما أنولكيش اللي في بالك صح؟ ميار: ويا ترى أنتِ متأكدة إني ما نلتوش؟ نور: آه متأكدة وواثقة في كلامي كويس. ميار: وأنا مش حابة أكسر الثقة دي بالحقيقة. ريم: أنتِ جاية هنا ليه؟

ميار وهي تقترب من ريم وتوشوشها في أذنها: جاية أقولك ابعدي عن فهد عشان فهد ملكي أنا وبس... وأظن ما تحبيش تتجوزي واحد كان على علاقة بواحدة تانية. ريم: هو ما حبكيش أصلاً. ميار: بس حب جس*مي أوي. ريم: أنتِ كذابة، هو ما قربلكيش. ميار: ابقي اسأليه. ريم: عمّتاً، أنتِ ولا هو تفرقوا معايا. ميار: أنا حذرتك، ابعدي عن فهد عشان مش عايزة أوذيكي. إياد: أنتو تعرفوها منين دي وإزاي تعرفوا واحدة بالأشكال دي؟

ميار وهي تقترب من إياد: لا ما أحبكش كده. إياد بقرف: اطلعي بره. هيا: إيااااااد... مين ديييي؟ إياد: حبيبتي أنتِ وصلتي؟ تعالي. ميار وهي تضع إصبعها على وجهه: ما تخلينيش أحطك في دماغي عشان لو حطيتك في دماغي مش هتكون لحد غيري. هيا ذهبت بسرعة وأمسكت إصبع ميار وكسرته وهي تقول: هيا: ما تبقيش تلمسي حاجة مش بتاعتك. ميار: آااااااااااه! هيا مسكتها من شعرها وشدتها ورمتها بره.

ميار بعياط ووجع: هتندمي، هخليكي تكرهي اليوم اللي شوفتيني فيه. هيا وهي تقفل الباب: يبقى أحسن لك لو ما خلتنيش شوفت وشك عشان ما أخليهوش شوارع. نور لريم: هي دي اللي عمك حبها؟ ريم: قصدك هي دي اللي كانت معاه في الجامعة؟ هيا لإياد: مين دي؟ إياد: والله ما أعرفها. هيا: أومال لو كنت تعرفها كانت خدتك بالحضن؟ إياد: أتكلمي منك ليها، أنا أعرف البنت دي؟ ريم: والله أول مرة يشوفها. هيا: أومال كانت مقربة منه أوي كده ليه؟

نور: عشان هي واحدة ما تربتش. هيا: حسابك معايا بعدين. هأشوف البنات الحلوة دي الأول. ريم: أنا ريم. هيا: عارفة، إياد ما بيبطلش كلام عليكوا. نور: وعارفة أنا مين بقى؟ هيا وهي تقوم باحتضانها: عارفة وعارفة أوي كمان، وحشتيني. نور: أحم... هو أنا كنت أعرفك؟ إياد: آااه... هي كانت قابلتك كام مرة قبل الحادثة. نور: آااه، بس تعرف إن ذوقك حلو أوي. ريم: بس أنا ما أعرفكيش ولا شوفتك قبل كده.

هيا: لا أنا شوفت نور كذا مرة، بس هي تتحب بسرعة. إياد: تعالي يا هيا أعرفك على باقي العيلة. هيا وهي تداري دموعها: يلاا. ريم: حاسة إنها غريبة شوية. نور: مش عارفة بس أنا حاسة إني عارفاها لكن مش فاكرة. ريم: امممممم، طب يلا ندخل نقعد معاهم شوية. هيا بعد ما العيلة كلها اتعرفوا عليها وقعدوا مع بعض. هيا: همشي أنا بقى. الجد عبد الله: خليكي لسه بدري. هيا: شكرًا بس كفاية كده، أنا لسه ما شوفتش أخويا.

الجدة: ليه ده زمانه استغربك دلوقتي. هيا: أنا قعدت مع بابا وماما بس أخويا قاعد مع صاحبه. الجدة: أخص عليه بدل ما يجي يشوفك قاعد مع صحابه. هيا: هو ما كانش يعرف إني جاية، كنت عاملاها مفاجأة زي إياد ما كان عملكوا مفاجأة كده. إياد: تعالي أنا هوصلك بالموتوسيكل بتاعي. حامد: خد مفاتيح عربيتي وروح وصلها بالعربية. إياد: مش لازم هوصلها أنا.

محمد: اسمع الكلام يا إياد، الماكنة بتاعتك بقى لها كتير مركونة وقبل ما تركبها لازم تشيك عليها الأول عشان ما يحصلش حاجة للقمورة. إياد: ماشي يلا يا قمري. ريم: استنى هاجي معاك أوصلها. نور: ما تبقيش خنيقة، خليهم مع بعض شوية. ريم: ما لكيش دعوة، خليكي أنتِ في حالك. في الخارج. ريم: أنتِ تعرفي نور منين؟ إياد: ريم الكلام ده مش وقته. هيا: لا وقته يا إياد... اللي في بالك صحيح. ريم: يعني أنتِ عارفة إن اللي جوه مش نور؟

هيا: قصدك حور.