رواية فتاة في الجيش الفصل الثالث 3 - بقلم مريم محمود

واول ما فتون راحت فى النوم احمد فتش الشنطه ولقى شوية حاجات بناتي. احمد في نفسه: معقول يكون اللي في بالي صح؟ انا مش مصدق. وبعد كده فتون اتحركت وهو قفل الشنطة بسرعة ورجع على السرير وعمل نفسه نايم. وهي قامت ودخلت الحمام، وهو كان عامل يفكر يقولها ولا لأ، بس قرر إنه ميقولش حاجة. وبعد كده نام. وتاني يوم صحوا بدري وراحوا على التدريب.

جاسر: النهاردة التدريب هيكون صعب شوية، هربط ايديكم وتسحفوا تحت السلك، وبعد كده تحاولوا تفكوا الربطة بنفسكم. ولما تفكوها تنطوا من على السور. احمد: لو سمحت يا قايد ممكن كلمة على جنب. جاسر: أكيد طبعًا، اتفضل. وبعد كده احمد وجاسر بعدوا عن الدفعة. احمد: هو ممكن التدريب ده ياسين ميعملهوش؟ جاسر: ليه؟ هو مش من حقه يدرب زيكم؟ وهو كل يوم يحصل خناقة ما بيني وبينه وميكملش تدريب.

احمد: أنا فاهم كلام حضرتك، بس امبارح من الضرب فيه كدمات على جسمه وقام بالعافية عشان يدرب. ممكن يدرب بحاجة تانية أخف من كده. جاسر: يشمعنى ياسين؟ ما أنا حصل معايا أكتر من كده وكنت بدرب عادي. احمد: عشان حضرتك قايد واكيد مريت باكتر من كده، بس إحنا مجرد لسه بندرب، فممكن يعمل التدريب ده في يوم تاني. جاسر: بص، أنا لو عليا أعمل معاك أكتر من كده، بس هحترمك ومش هخليه يدرب غير بس إنه يدرب بسلاح. احمد: أنا متشكر جدًا لحضرتك.

جاسر: بس باين عليكم أصحاب أوي. احمد: هي مش كده، بس عشان هو جدع وأنا بحترمه بصراحة. جاسر: تمام، يلا نروح لباقي الدفعة. احمد مكنش عايز فتون تدرب من أساسه، بس قال يخف التدريب من عليها ويحاول يحميها على قد ما يقدر. جاسر: ياسين. فتون: نعم. جاسر: انت مش هتدرب معانا. فتون: وده ليه ده؟ جاسر: عرفت إنك تعبان والتدريب هيكون خفيف، هتدرب بسلاح. فتون بسخرية: ليه؟ هو أنا صحتي تفرق معاك؟

جاسر: والله أنا لولا احمد كلمني كنت خليتك تعمل أكتر من التدريب، بس أنا احترمته وسمعت كلامه. فتون: لأ، بعد كده متسمعش كلام حد وهدرب. احمد: ما بلاش التدريب ده يا ياسين عشان الكدمات اللي عندك. فتون: ألف مرة أقولك أنا كويس. احمد: وأنا قلت بلاش التدريب ده، أدربه وقت ما تكون كويس، وبعدين انت هتدرب بسلاح يعني يتحسبلك تدريب برضه.

فتون بصت لأحمد عشان فعلاً كلام احمد صح، فتون تعبانة بسبب الضرب، وفعلاً الدفعة كلها اتدربت وفتون كانت بتدرب بسلاح. وبعد كده كلهم خلصوا تدريب. جاسر: دلوقتي وقت الغدا، اتغدوا وبعد كده كل واحد عارف المكان اللي هيقف فيه حراسته. وبعد كده قعدوا عشان يتغدوا وأحمد قعد جنب فتون. فتون: عملت إيه في التدريب النهاردة؟ احمد: الحمد لله، وانت كمان عملت إيه؟ فتون: كويس، أنا بحب أدرب بسلاح أصلًا، بيكون متعة. احمد: أي خدمات؟

فتون: هو ممكن سؤال. احمد: اسأل يا صاحبي. فتون: انت ليه اتكلمت مع جاسر وإني مدربش التدريب ده؟ احمد: عشان عارف إنك تعبان بسبب الكدمات اللي عندك. فتون: بصراحة، أنا مش عارف إزاي قدرت تقنعه ده، بيكرهني كره العمى. احمد: عيب عليك، أنا مش أي حد. فتون: عمتا يا صاحبي شكراً، لأني فعلاً كنت تعبان. احمد: شفت بقى، أي حاسس بيك، بس عارف أكتر حاجة بكرهها فيك إيه؟ فتون: إيه؟ احمد: إنك بتعاند في كل حاجة وواخد الدنيا عافية.

فتون بضحك: لأ، أنا مش واخد الدنيا عافية، أنا بعامل بالمثل. احمد: اه، طيب. وبعد كده خلصوا غدا وكل واحد راح على المكان اللي هيقف فيه حراسته. وفتون راحت عشان تقف، وهي واقفة تعبت واغمى عليها. واحمد وهو معدي بالصدفة شافها وجرى عليها. احمد: ياسين، ياسين رد عليا. وطبعًا مكنش في رد من فتون. راح احمد شالها وراح بيها على العنبر بتاعهم. وفاقها. احمد: انتي كويسة؟ فتون: أنا فين؟ احمد: أنا جبتك العنبر بتاعنا.

فتون: ثواني بس، انتي مين اللي انت قلت عليها؟ أنا ياسين، يبا مش حبيبتك. احمد: اتلغبط يا ياسين، في إيه؟ فتون: مفيش حاجة، يلا عشان نكمل بقيت وقت العمل. احمد: لأ، اقعد انت وأنا هقف مكانك، وهقول لجاسر. فتون: احمد، أنا بقولك إني كويس، مش شوية دوخة يقعدوني في العنبر، أنا مش جاي الجيش ده عشان مدربش. احمد: مش بقولك بتعاند في كل حاجة، حتى نفسك. عمتا انت حر وأنا مليش دعوة.

بعد كده احمد سابها ومشي، وهي مستغربة هو ليه احمد بيخاف عليها كده، وحست إنه يعرف حاجة، عشان دي مش معاملة واحد مع صاحبه خالص. وفعلاً فتون رجعت مكان الحراسة، وكان أحمد طول الوقت حاطط عينه عليها عشان لو تعبت تاني، وكان واخد باله منها لحد ما أخيرًا جه وقت النوم. وكل اتنين راحوا على العنبر، وأحمد وفتون راحوا على العنبر. فتون: احمد. احمد: نعم. فتون: هو انت ليه بتخاف عليا كده؟ احمد: عادي، صاحبي وبخاف عليك. فتون: صاحبك؟

انت تعرفني من امتى عشان تقول عليا صاحبتك؟ احمد: هو أنا عشان أدتك عشم وقلت عليك صاحبي هتعمل معايا كده؟ قول من الآخر يا ياسين، مش عايز يكون ليا علاقة بيك، قول وأنا مش هوجهلك كلام خالص. فتون مردتش عليه وخدت هدومها عشان تغير، وبعد ما غيرت نامت على طول. واحمد هو كمان كده. وصحوا تاني يوم عشان يدربوا. احمد راح اتكلم مع جاسر. وبعد كده جاسر نادى على فتون. جاسر: ياسين. فتون: نعم. جاسر: التدريب بتاع امبارح انت هتعمله النهارده.

فتون: تمام، ماشي. جاسر: بس أنا عرفت كل حاجة. فتون بصدمة: إيه؟