رواية فتاة حطمت كبريائي الفصل السادس 6 - بقلم عبده شحاتة

دخلت أول ما شافت الي موجود صرخت. لما لقيت عمها متكتف وبيقرّب منه عمر وبيضربه كذا بوكس ينزف دم من بوقه. عمر: بقي الزبالة الي المفروض عمك الي محسوب ع البشرية ذكر بيحاول يعتدي عليكي. أخس. مليكة بصت لعمر وابتسمت. مليكة: هو انت ليه مختلف كده ليه؟ كنت قاسي معايا وليه بقيت حنين كده؟ عمر ابتسم. عمر: أنا مش حنين خالص. انتي اللي أخدتي الفكرة دي عني. بس خلينا في عمك دلوقتي.

نده ع الرجالة وخلّاهم يعذبوه ويهينوه لحد ما يجيب آخره، وخد مليكة ومشي. في بيت عمر قاعدة أمه ومعاها أم مليكة، ودخلت عليهم ريري. ريري بزعل: والله أنا زعلانة منك يا طنط. بقي عمر يضربني ويهيني قدامك وأنتي متتدخليش. زينات: تعالي الأول عشان أنا جايبة أم مليكة لحد هنا وجاية تطلق بنتها. وهنعمل فيلم إنها كانت ماشية مع واحد وحملت منه. ومصدقوا لقوا عمر لبسوه البت. ريري بصت لام مليكة باستغراب.

ريري: برغم إني عاوزة أمشي مليكة من هنا بأي طريقة، بس مفيش أم بتعمل في بنتها كده. انتي إزاي جالك قلب؟ أمها: بصي يا حبيبتي أنا المهم عندي الفلوس. أما بنتي دي فمليش من وراها غير وجع القلب والعار. من ساعة ما شلتها في بطني، وأهي لقيت من وراها مصلحة. أسيبها وأسكت؟ أكيد لأ. زينات: خلاص يا ريري. المهم أول ما توصل هتعملي اللي قلت لك عليه. ماشي.

في الصعيد، في بيت محمد القناوي، كبير عائلة القناوي، قاعد ع كرسي كبير. ودخل عنده راجل واتكلم. الراجل: أمها موجود والبنت كمان موجود. يعني عمها كان بيشتغلنا طول السنين اللي فاتت. محمد القناوي: والله وهنرجع شرف عيلة القناوي من تاني. وانت بتدبحهم كيف الفراخ قدام الناس تعرف لي. قرارهم ولازم نجيبهم في أسرع وقت عندنا. يلا روح.

عند بيت عمر دخل هوا ومليكة. الي مبسوطة أول ما شافت أمها. انصدمت وهما داخلين عليهم. عمر سمع إنهم بيتكلموا والأم بتعيط. الأم: والله يا ست هانم هي اللي كانت بتحب الواد ده. وإحنا ياما حذرناها. وادي آخرتها حملت منه وجابت لنا العار ده. لو أهلها عرفوا في الصعيد هيدبحوها. عمر قرب منها. عمر: انتي تقصدي مليكة؟ ولما هي كده ليه بقي لبستوهالي؟ أنا شايفيني مغفل صح؟ زينات وقفت وبصت لمليكة اللي بتبكي بصدمة.

زينات: وليه تعصب نفسك يا حبيبي؟ هي آخرها إيه يعني غير كلمة مكونة من أربع حروف: طالق. وأخلص. عمر بص لمليكة بشر. عمر: وليه تطلق؟ أنا هستعمل أسلوب أوحش من ده.