رواية فتاة حطمت كبريائي الفصل الثالث عشر 13 - بقلم عبده شحاتة

لما واحد طلع من ورا الستارة.. ده اختك يا مليكة. مليكة دمعت.. بابا.. بابا.. بابا.. وجريت عليه حضنته جامد وفضلت تبكي وتمسك وشه بإيدها جامد وهي مذهولة. الأب بحب حضنها وفضل يبوس فيها.. وحشتيني يا قلبي بابا.. وحشتيني يا بنتي. مليكة بعدت بدموع.. أنا اتعذبت من بعدك يا بابا.. اتعذبت.. وقالولي إنك موت وأنت عايش.. أهو. الأب.. كان لازم أبعد يا بنتي.. وكنت موصي أخوكي جاسر عليكي لو حصلي حاجة. مليكة بصت لجاسر..

يعني أنت أخويا اللي هو كان بيقولي عليه؟ وأنتِ أختي؟ ملك.. قامت حضنتها جامد.. آه يا قلبي.. أنا أختك.. ومن هنا ورايح مفيش حاجة هتبعدنا عن بعض تاني.. أنا كان نفسي أشوفك من زمان. ابتسمت مليكة وراحت لجاسر.. حطت إيديها على كتفه وابتسمت.. وهو كمان ابتسم. طب بما إنك أخويا اللي كنت نفسي أتسند عليه من زمان.. ممكن أعمل حاجة؟ راحت حاضنها جامد.. وهو طبطب عليها وبدأت تعيط.

بعدها جاسر ومسك إيديها.. أنتِ خلاص مش هتعيطي تاني.. العياط انتهى لحد هنا.. في فرح ولعب وضحك.. ماشي؟ يالا جهزي نفسك أنتِ وملك عشان ننزل نجيب لك اللي أنتِ عايزاه. مليكة ابتسمت.. اللي أنا عايزه؟ رمحت لحضن أبوها وحطت راسها على صدره.

بعد كام يوم عند عمر.. بعد ما خلاص حياته استقرت واقتنع إن مليكة ماتت.. قرر ينساها ويفكر في حياته.. أو في ريري اللي عمالة تتنازل عشان ده.. فقرر ينسى مليكة ويظهر قدام العالم كله إنها كانت مجرد واحدة أعجب بيها.. ويرجع يبني كبريائه من تاني. نزل.. كانت قاعدة أمه وأخته وأبوه. زينات أمه.. إيه النشاط ده يا حبيب ماما.. أخيراً طلعت من العزلة اللي كنت فيها. مختار الأب.. سيبيها يا زينات.. طلع أو نزل ميخصكيش.

جني.. المهم يا حبيبي أنا كنت عايزة أخويا يوديني أقرأ الفاتحة لمليكة.. ممكن؟ عمر بغضب.. مفيش مليكة خلاص.. انسى مليكة.. أهي كانت نزوة وعدت.. ومبقاش ينفع نفكر فيها كتير.. ماشي؟ عن إذنكم. زينات.. متسكتي أنتِ التانية بقى.. لازم يعني تنكدي يومنا باللي متتسماش ده.. يالا الله يرحمها بقى. جني.. أنا هموت وأعرف هي البنية عملت لك إيه.. بس ده حتى غلبانة.. وكانت بتقول نعم وحاضر.. رغم الذل اللي أنتِ كنتي معيشاها فيه.

زينات.. عملت ولا معملتش.. بقي يالا الله يسامحه. في الصعيد.. محمد القناوي بيعذب صافية عشان تدلوا على مكان مظهر أبو مليكة أو مكان الألماسة. صافية.. وربنا ما أعرف.. غير إن مختار الطحاوي هو اللي يعرف مكان مظهر.. إنما أنا معرفش.. والله.. سيبني أرجع القاهرة.. ورقبتي وأنا هجبلك مظهر تحت رجلك. محمد.. موافق يا صافية.. في خلاص تلات أيام.. لو معرفتيش مكان مظهر هقتلك.. ومحدش هيعرف مكانك.

دخلت عليهم واحدة باين على وشها إنها مرات الكبير. وه.. أنت بتتبع كلام المخبلة ده؟ عازها تهرب زي ما عملتها زمان وجابتلنا العار. صافية.. طول عمرك بتكرهيني يا خالة.. مع إن مكنش بيطلع مني الغلطة.. والغلط اللي حصل كان بسبب جحودكم أنتو.. لما استكترتو عليا مظهر ومنعتو بالغصب وخلتوني كرهت بعد الجواز منكم.. للهم. محمد.. خلاص معدش له لازوم الكلام ده يا جليلة.. يالا.. وأنتِ بالليل هتكوني نازلة القاهرة ومعاكي الرجالة.

عمر راح عند ريري.. خدها وخرج.. وقررت تروح مول تعمل شوبينج.. راحت هي وعمر مول فخم جداً. جاسر كان واخد مليكة وملك عشان يختاروا لمليكة ملابس جديدة. مليكة بتختار جوا مع جاسر.. وملك كانت بتجيب آيس كريم.. وهي ماشية خبطت في جاسر.. اتغرقوا هما الاتنين. بصت ليها عمر وتنح من جمالها.. خصوصاً إنها شبه مليكة.