رواية فتاه التنمر الفصل العاشر 10 - بقلم ياسمينا

ملك: ها قولت إيه؟ مراد مردش. ملك بغضب: مراد رد! مراد شال إيدها وقال: أرد إزاي وإنتي حاطة إيدك على بوقي؟ ملك بسخرية: يعني دي حجتك يعني؟ مراد مسك التليفون وكتب رسالة لسليم. ملك كانت نفسها تشوف بس معرفتش. وبعدين ساق العربية. مراد: هنرجع الفيلا. ملك: مخترتش. مراد تجاهلها وكمل سواقة. وملك فهمت إنه اختار مليكة. وبعد ربع ساعة وصلوا لمحطة البنزين. مراد: هنحط بنزين ونمشي. مراد نزل وراح الماركت اللي في البنزينة.

ملك سندت راسها على شباك العربية. وبعدين سمعت أغنية وندمجت معاها. (خد بالك عليا دي مش معاملة تعاملني بيها وإبقى افتكر ليا أيام تعبت عشانك فيها) ملك بحزن: قوليلو ده ولا بيحس حتى. ملك نزلت من العربية وقربت من الماركت ودخلت. وفضلت تدور بعينيها على مراد، بس ملقتهوش. وفجأة حست إن حد بيحط إيده على ضهرها. فلفت بسرعة ولقت شاب واقف وراها. ملك بغضب: إنت مش محترم، إزاي تعمل كدا؟ الشاب بخبث: إيه الجمال ده.

ملك مفرحتش بالمعاكسة دي. كانت زمان الناس بتتنمر عليها وبتشوف بنات كتير الشباب بيتجننوا عليهم. بس هي مفرحتش بالإحساس ده. ملك بغضب: ابعد عني أحسن لك، بدل ما أصوت وألم عليك الناس. الشاب فضل يبصلها من تحت لفوق، وبعدين قرب منها ومد إيده على شعرها. بس هي زقت إيده وجريت من قدامه. بس الشاب مشي وراها. ملك مكنتش عايزة تعمل شوشة في المكان. بس لما لقتو بيمشي وراها خافت أوي، فوقفت وقالت: لو فضلت ماشي ورايا هصوت وألم عليك الناس.

ملك لفت عشان تمشي، بس مسك شعرها. تاني ملك لفت عشان تبص للشاب ده، بس انصدمت لما لقت مراد ماسك شعرها بإيده وماسك في إيده التانية رقبة الشاب اللي كان بيعاكسها. ملك بخوف: مراد دا كان بيعاكسني ومد إيده. مراد بغضب: مد إيده فين؟ ملك بتوتر: في ضهري. مراد: حلو أوي، زمان كانوا بيقطعوا إيد اللي بيسرق، أنا بقا هقطع إيدك عشان مدتها على حاجة مش ملكك. مراد ضرب الشخص في وشه والناس اتلمت، وبعدين مسكوه من هدومه وخرجوه برا الماركت.

وملك خرجت معاه. مراد طلع مسدسه وحطه في ضهر الشاب وقال: تمشي معايا كدا عدل وتركب العربية، أي حركة صدقني هتلاقي الرصاصة رشقت في راسك. الشخص بخوف: حاضر. ملك: خلاص يا مراد سيبه. مراد بغضب: اركبي أحسن لك. ملك خافت وركبت العربية. ومراد ركب الشخص ده العربية وربط إيده. وبعدين ركب العربية وتحرك. *** عند سليم وصل للمستشفى هو وتسنيم بعد ما شاف رسالة مراد. تسنيم: يعني هو قالك إنه هيعملها العملية النهاردة؟ سليم: آه.

سليم جاي يطلع من العربية، بس تسنيم مسكت إيده وقالت: طب مفروض تسافر برا تعملها، أضمن وأحسن. سليم بسخرية: إيه مش واثقة في دكاترة بلدك ولا إيه؟ تسنيم بضيق: متقوليش كلام مقولتهوش. سليم: طيب انزلي. تسنيم: بس العملية دي هتبقى صعبة. وبعدين كان مفروض يقولك تروح تشوف مليكة وتمنع جوازهم. سليم: يلهوي عليه، إيه كل ده؟ اهدى وهفهمك.

أولاً بصي، مراد بعتلي رسالة وقال إن مليكة دلوقتي بتجوز رامي وحكالي اللي حصل وإنه ناوي يطلع الألماس من بطن ملك. تسنيم: غريبة، ليه مقالش بقا تشوف مليكة؟ سليم بخبث: أصل مراد بدأ يحس إنه بيخاف عليها. تسنيم: على مليكة؟ سليم: غبية، قصدي على ملك. تسنيم بتفكير: معناه ده إيه؟ مش هو بيحب مليكة؟ سليم: مراد يا ستي بيحب مليكة آه، بس الاهتمام ممكن يغير أي حاجة. تسنيم: بس يا سليم اللي بيحب حد مش هيسيبه. سليم: شفتي قولتي إيه؟

مش هيسيبه، ومليكة سابته. وبعدين اهتمام ملك بيه في أصعب أيام حياته دي، صدقيني هتخليه يحس ناحيتها بحاجة. وأكبر دليل أهو إنه قرر يعملها العملية عشان خايف عليه. تسنيم: بس كدا ممكن تموت. سليم: سبيها على ربنا. بس أنا واثق إن ملك دي حاجة تانية وحب تاني ومختلف. تسنيم: بتفهم في الحب إنت؟ سليم بحزن: لا، مبحبوش. الحب اللي من طرف واحد ده وحش أوي. تسنيم بذكاء: إنت حبيت من طرف واحد قبل كدا، عشان كدا إنت في صف ملك.

سليم بتوتر: احم، مفيش، تعالي يلا. تسنيم: مليكة... سليم بصدمة: نعم؟ تسنيم: مليكة حبك الأول صح؟ وحب من طرف واحد. سليم بغضب: مش عايز أسمع الكلام ده، فاهمة؟ تسنيم: بس أنا عارفة كويس إنك بتحبها. ومراد قالك يوم الفرح إنك تخلي بوليس يهجموا بعد كتب الكتاب. **فلاش باك** يوم الفرح الصبح تسنيم وسليم كانوا قاعدين في كافيه ومستنيين مراد. تسنيم بخوف: هو إنت جايب مراد عشان يموتني ولا إيه؟ سليم: لا يا ظريفة، عشان يقولنا على الخطة.

مراد دخل الكافيه وسليم قال: وصل. تسنيم: أوبا، هو ده مراد؟ ده مز. وسليم بضيق: إيه مالك؟ شوفتي ملك جمال العالم ولا إيه؟ تسنيم بضحك: لا، بس حلو. مراد قرب منهم وقال: إزيك يا تونة؟ تسنيم بابتسامة: لا وزوق كمان، بيدلعني. مراد بضحك: وإيه تاني؟ سليم بغضب: لا نجيب اتنين لمون بقمر. مراد: آه والله يا ريت، أنا عطشان. سليم: ادخل في الموضوع أحسن لك.

مراد: طيب يا تونة، إنتي عليكي تحطي المخدرات في شنطة نانا، بس أنا هحطهالك في علبة البودرة بتاعت المكياج بحيث إنها متخدش بالها. تسنيم: حاضر. مراد: أما إنت يا سليم، هتخليهم يهجموا بعد كتب الكتاب عشان مليكة متسبنيش بعد ما يقبضوا على هاني. سليم: آه، طب افرض هاني هو اللي وقف الجوازة؟ مراد بهدوء: هيبقى أحسن، مليكة هتتمسك بيا وتسيب أبوها، ولما يجوا يقبضوا عليه هتصدق إنه تاجر مخدرات. سليم بهدوء: طيب. **انتهاء فلاش باك**

تسنيم بضيق: بس إنت لعبتها صح وخليتهم يهجموا قبل كتب الكتاب، وكدا مليكة سابت مراد لأنك مكنتش قادر تشوفها مراته. سليم بغضب: لا بس... تسنيم بغضب: أوعى تكدب. بس اللي مستغربة إن مليكة دلوقتي بتجوز وإنت سايبها، طب ليه؟ ومراد مسألش عن الموضوع ده إزاي؟ سليم بضيق: سأل، وقولتله الغلطة من عندهم هما. تسنيم: طب وبنسبة لرامي ومليكة؟

سليم بصالها وقال: عشان أول مرة أحس إن قلبي مش بيوجعني، أول مرة أحس براحة، حتى لو بقت مع غيري مش مهم. بس صدقيني صاحبي كان أهم عندي من مليكة. آه حبتها وأوي، بس كان حب من طرف واحد، بس كان عذاب. عشان كدا كنت بحاول أتجنب أي لقاء بيني وبينها، بس المشكلة إن مليكة كانت مع مراد دايمًا، فبعدنا بسببها. تسنيم باستغراب: طب وإيه اللي غير مشاعرك؟ سليم غمزلها وقال: أصل في واحدة دخلت حياتي وغيرتها تمامًا. سليم نزل من العربية

وتسنيم قالت بصوت عالي: سليم استنى، قولي مين البت دي. سليم ابتسم وبعدين تجاهلها ودخل المستشفى. *** عند مراد وقف عربيته ونزل منها ونزل الشخص اللي عاكس ملك. مراد بغضب: اسمك إيه؟ الشخص بغضب: ميدو. وفكني. مراد بسخرية: آه، طب وإنت إزاي تمد إيدك على حاجة تخصني؟ ميدو بخبث: أصلها مزة أوي الصراحة، والفستان القصير اللي هي لابسه ده هيجنني. مراد بص على ملك اللي طلعت من العربية. مراد: مش أنا قولتلك إني هقطع إيدك؟

بس للأسف معيش سكينة عشان أقطعها. ميدو بسخرية: آه، وبعدين؟ مراد مسك مسدسه وصوبه على ميدو وضرب نار، ورصاصة جت في كف إيده. وملك صرخت. وميدو كان بيصرخ بوجع. مراد: عشان تعرف تمد إيدك على حاجة متخصكش. مراد لف وبص على ملك، لقاها واقفة مصدومة. قرب منها وقال: نظام لبسك ده يتغير أحسن لك. ملك بخوف: إزاي عملت كدا؟ مراد: ده عقاب أي واحد متحرش. المهم تعرفي حاجة اسمها حجاب ولا متعرفيش؟ ملك: أعرف طبعًا، بس...

مراد قطعها بغضب وقال: بس إيه؟ عجبك اللي حصل؟ إزاي تسمحي له يمد إيده عليكي؟ ملك بخبث: وإنت مضايق ليه؟ مراد بغضب: لأني مراتك. ملك فرحت أوي من الكلمة دي، وبعدين قالت ببرود: والله دلوقتي مراتك؟ اعترف بقى إنك غيرت عليا. مراد ضحك بسخرية وقال: مستحيل. مراد ركب العربية وملك ابتسمت بسعادة وقالت: بيغير والله بيغير. ملك ركبت العربية ومراد اتحرك. ملك: اممم حبيبي بيغير عليا. مراد بغضب: هزقك صدقيني.

ملك بخبث: تخيل كدا أحب غيرك وأدلعوا بقى وأهتم بيه؟ ومراد مسك شعر ملك بغضب وقال: ممكن تخرسي. ملك: طب إنت متعصب ليه؟ مراد: لأني بتقولي مفكراني بغير وأنا مبغيرش. ملك بخبث: واضح، بس تعرف أنا مبسوطة بشعور ده حتى لو كان بسيط. مراد مردش عليها وساب شعرها. وملك قربت منه وبوسته. مراد بصدمة: نعم؟ ملك بضحك: ببوس قرة عيني وزوجي. ومراد: يا مثبت العقل والدين يارب. ملك ابتسمت وقالت: لما شفتها قلبي دق تلات دقات. مراد بضيق: شفتها إيه؟

شيفاني بنت قدامك؟ ملك: لا، أنا قصدي ميدو، واد مز كدا. مراد مردش عليها، بس كان باين عليه الغضب. وملك كانت عايزة تكمل وتخليه ينفجر، كانت مبسوطة بغيرته. ملك: تخيل كدا نطلق ونجوز حد... حد كدا يكون جنتل وكيوت ويحبني من قلبه. مراد وقف العربية فجأة قدام المستشفى وقال: على فكرة أنا اخترتك إنتي. ملك بسعادة: احلف. مراد بهدوء: قررت أسيب كل حاجة على ربنا، بس إنتي بتثقي فيا صح؟ ملك: آه.

مراد نزل من العربية وفتح باب عربيتها ومسك إيدها وطلعها. وهي كانت قلبها مقبوض. مراد بحذر: هاني وإنتي بتعملي العملية في لبنان هرب في معدتك الألماس واتفق مع الدكتور. وملك صرخت فيه وقالت: مستحيل! إنت بتقول إيه يا مراد؟ مراد: ممكن تهدي. ملك حطت إيدها على بطنها وقالت بدموع: يعني أنا في بطني ألماس؟ معقول؟ مراد مسك وشها بهدوء وقال: مش إنتي بتثقي فيا ولا إيه؟ ملك مسحت دموعها وقالت: آه، بس أنا خايفة. مراد: بس أنا معاكي.

ملك بصتله وقالت: بجد؟ مراد بابتسامة: أنا اخترتك إنتي عشان بتحبيني. اللي كنت بحبها عايزة تنتقم مني، واللي بحاول أبعدها عني بتحميني. أنا عايزك سليمة يا ملك عشان لما نعيش سوا منتفرقش أبدًا. ملك بصتله بصدمة: براحة عليا ونبي عشان أنا ممكن أموت منكم. مراد ضحك وقال: أنا واثق إنك هتنسيني أي حاجة وكل حاجة. ملك بابتسامة: وأنا تحت أمرك يا قرة عيني. مراد ابتسم ومسك إيدها ودخلوا المستشفى.

ملك كانت طايرة من الفرحة إن مراد بدأ يحس بيها، وفي نفس الوقت قلبها مقبوض. أما مراد كان صادق في كل كلمة قالها وشايف إن النصيب فاز عن الحب.