رواية فتاه التنمر الفصل الحادي عشر 11 - بقلم ياسمينا

عربيه رامي رامي بغضب: يعني كل دي لعبه علشان تبعتي الصوره لمراد مليكه بحزن: وللاسف مجاش بس انا اللي هروحله رامي بغضب: يعني مفيش جواز مليكه بغضب: افهم أنا بحب مراد جدا رامي بسخريه: بس خسرتيه خلاص مليكه بحقد: بسبب ملك رامي بستغراب: ملك مين مليكه بضيق: البنت اللي مسكته معاها المخدرات قبل كده مراد اتجوزها رامي بصدمه: مستحيل إزاي مليكه: ماهي خست وبقت تحاول تحل عقدتها بس أنا سبب أدتها الفرصه رامي

وقف العربيه وقال بصدمه: معقول طب هي فين دلوقتي مليكه: معرفش لازم نعرف رامي بشر: متخافيش هنعرف رامي كمل سواقه "في أوضه في المستشفي" ملك كانت بتجهز للعمليه وبعدين دخل عليها مراد ملك: احم هي نسبة نجاح العمليه قد إيه مراد بكذب: ٩٠٪ ملك بخبث: أنا عارفة كويس إنها نسبة بسيطة جدا بس عجبني إنك مهتم بيا ومش عايزني أخاف مراد: لا بقيتي خبيثة أوي يا ملك ملك بفخر: خلي بالك إنك مش هتقدر تخبي حاجة عني مراد بابتسامه: مش عايزك تخافي

ملك: لالا مش خايفة أنا حاسة إن ربنا بيحبني وهيديني الأحسن والحمد لله على كل حاجة مراد: عندك صبر بتجيبيه منين ده ملك بضحك: أصل اللي يعيش عيشتي وتنمر اللي كنت فيه طبيعي يكون اتعلم إزاي يصبر مراد بابتسامه: وإنتي مبسوطة بعد العمليه ملك: امممم عادي ولا زعلانه ولا مبسوطة

ملك قعدت على سرير وقالت: اتولدت في عيلة كلها خناق أم قوية أب ضعيف ومات وأنا صغيرة ماما مبقتش تهتم بيا لا دي كمان بتتنمر عليا زيهم حبيت ابن الجيران اللي هو ابن خالتي بس هو جرحني وكسر قلبي وعادي أهي الحياة ماشية في جامعة كل صاحبتي بيتريقوا عليا عادي كنت بسكت ويشاء القدر إنهم يحطولي مخدرات في شنطة وأشوفك وأنت الإنسان الوحيد اللي شفت ملك من جوا وبعدين يحطولي الألماس وماما تتجوز وغير كده أحب واحد مش بيحبني طول عمري بحب اللي مش بيحبوني

مراد كان بيسمع ومركز معاها أوي ملك: تعرف أنا حبيت علاقتك بمليكه حبك أنانيتك تملكك كلوو كلوو ونفسي حد يحبني أوي كدا مراد: ولو كنتي مكانها كنتي عملتي إيه ملك: مكنتش هكلمك ولا أكلم هاني هروح أبعد يوم يومين وبعدين أرجع وأسمع من هاني وأسمع منك ولما ألاقي هاني غلطان هاجي أستخبى في حضنك لأنك هتكون دلوقتي مش حبيبي ولا جوزي بس لا أنت هتبقى أبويا وسندي مراد بحزن: بس هي معملتش كده

ملك: لأنك غلطان على طول مدلّعها بتنقذها لو وقعت في أي موقف مش بتسبها تواجه مقولتهاش تعمل كذا وكذا مراد بضيق: بعد ده كله أنا غلطان ملك: لا أنا شايفة إنك عملت اللي عليك وإنك راجل صعب أي بنت تلقيه في الدنيا دي ويابخت اللي بتحبها بيك مراد ابتسم وقال: طب مش هتحضنيني جوزك وقرة عينك ولا إيه ملك بضحك: لا والله ده اسمه إيه بتودعني مثلا مراد: تؤتؤ اسمه إني عايز أحضنك نوع من الشكر أو

ملك غمزتله وقالت: أو تعبير عن مشاعر مش مفهومة بنسبالك ملك قربت من مراد وحضنته وقالت: عادي لو محبتنيش مش زعلانه تعرف يامراد لو مكتوبلي أكون حبيبتك ولا مليكه ولا حتى العالم كله يقدر يمنع ده ولو مش مكتوبلي صدقني هعمل المستحيل عشان ترجع لمليكه عشان تبقى مبسوط أنا عايزة مساعدك وبس مراد حضنها جامد وقال: إنتي إزاي كده ملك بضحك: براحة يا عم أنا خسيت مراد طلعها من حضنه وقال: وإيه العلاقة ملك: أول مرة أشوف ظابط غبي يا ابني كده

عظمتي هتتكسر مراد بسخريه: ليه بسكوتة ياختي ملك: أيوا بسكوتة رقيقة مراد جاي يتكلم بس لقى باب الأوضة اتفتح وكان رامي ومليكه مراد بص على مليكه ومليكه قربت عليه وحضنته وهو انصدم أما رامي قرب من ملك وقال بغضب: لا بس اتغيرتي أوي ملك بثقه: طبعًا أصل في كل حالاتي قمر رامي مسك إيد ملك بغضب بس مراد خرج مليكه من حضنه وشال إيد رامي وقال: إيدك دي متلمسهاش أحسنلك فاهم مراد بعد ملك عن رامي وملك فرحت أوي ومليكه كانت واقفة مصدومة

من تصرفات مراد مليكه: مراد مراد: نعم مليكه: أنا مراد قطعها وقال: إنتي حب حياتي وحب طفولتي بنتي اللي بخاف عليها من الهوا الطاير وأملاكي وكل حياتي بس ده كان زمان إنتي خسرتي كل ده مليكه بغضب: وطبعًا أدتها لملك صح مراد: والله دي حاجة تخصني مليكه بزعيق: إزاي حبك ضعيف كده مراد بغضب: مليكه عايز أفهمك حاجة أنا حبيتك بجد أبوكي كان عايز يقتل أبويا أبوكي كان عايز يقتلني وأنا قولت إني بحبك ومستحيل أنتقم منك إنتي لأنك مالكيش ذنب

مليكه بغضب: بس إنت اتجوزت غيري مراد: عشان أحميها من أبوكي أنا عندي إنسانية مستحيل كنت أسيبها وبعدين إنتي قولتي عني هرجعلك زي الكلب بس أنا مرجعتش إنتي اللي رجعتيلي زي الكلبه مليكه بصتله بصدمه مراد: لعبتك اتقلبت عليكي مليكه قربت منه وقالت: بصلي في عيني وقول إنك هتقدر تعيش من غيري مراد بص لها وقال: قررت أسيبها بظروفها وربنا كاتب إن نصيبي ملك يعني حبنا ولا حاجة قدام النصيب مليكه بغضب: مراد إنت

مراد قطعها وقال: هشش بقا ملك عندها عملية ولازم تعملها رامي بغضب: وإنت مالك بيها مراد بابتسامه: مراتي مراد قرب من ملك ومسك إيدها وبعدين طلعوا من الأوضة ملك: مراد والله ما هزعل ارجع لمليكه مراد: لااااا ملك: مراد اسمع كلامي مراد: إنتي رغاية أوي ملك بضيق: يا ابني والله ما هزعل هفرح لكم مراد بهدوء: عشت طول حياتي أهتم وأحب محتاج حد بقا يحبني ويهتم بيا ملك بابتسامه: امممم طماع يعني مراد: لا والله دي أبسط حقوقي

ملك ومراد وصلوا قدام أوضة العمليات ملك بابتسامه: لو طلعت من هنا صدقني هحبك حب كبير مراد بضحك: اه وإيه تاني ملك بتوتر: أنا خايفة مراد: وأنا مش خايف أنا واثق في ربنا ملك بدموع: افرض مخرجتش مراد بتفكير: امممم يبقى كدا ربنا كاتب لنا نفضل مع بعض في الجنة والحب اللي محبتهولكيش في الحياة هحبهولك في الآخرة ملك بضحك: لا أموت وأنا مرتاحة بقا مراد فتح لها إيده وهي جريت وحضنته كانت مبسوطة أوي مراد: يلا

ملك طلعت من حضنه وقالت: ٠طيب ملك دخلت أوضة العمليات ومراد فضل واقف مستنيها كان خايف عليها جدا وسليم جاه وقف جنبه سليم: مالك ياصاحبي مراد بحزن: نصيبي وحبي الاتنين واقفين سوا مش عارف أعمل إيه سليم: تشوف راحتك فين مراد بص له وقال: فعلاً عايز أرتاح سليم بابتسامه: يبقى إنت عارف فين راحتك وع فكرة الحب مش كل حاجة مراد بص على أوضة العمليات وقال: أيوا عارف راحتي فين.....