رواية فتاه التنمر الفصل الثاني عشر 12 - بقلم ياسمينا

مليكه كانت واقفه بعيد متابعه مراد. كانت حاسه إنها فعلاً خسرته. قربت من مراد. مراد: بجد مش قادر أتكلم. مليكه: مراد، محتاجة أتكلم. مراد بص لسليم، وسليم قال: طيب، هسيبكم. سليم مشي، ومراد بص لمليكه. مليكه مسكت إيده، ومراد كان هيشيل إيدها. بس هي مسكته جامد وقالت: مراد، معقول هتسبني؟ معقول بطلت تحبني؟ مراد بضيق: إنتي جايه بعد إيه؟ مليكه بغضب: معقول تحب غيري؟ مراد، على فكرة أنا هموت نفسي. مراد بصدمه:

لا، كدا كتير بجد. عمالة تصدمني فيكي. مليكه: بص يامراد، أنا بجد هموت نفسي لو إنت مرجعتليش وطلقت البنت دي. أنا بقيت وحيدة. أنا عارفة كويس إنك مش بتحبها. مراد: مليكه، أنا جمبك ومعاكي دايماً، بس للأسف أنا متجوز وقصة حبنا انتهت. مليكه بغضب: مستحيل، إنت بتكدب. مراد بغضب: بس بقا، بطلي تطلعيني أنا اللي جيت عليكي. يعني تغلطي وبعدين تطلبي مني أسامحك؟ مليكه: لأ، أنا مطلبتش تسامحني لأني مغلطتش، وإنت اللي غلطان تمام.

فجأة الدكتور خرج، ومراد بص له. الدكتور: الجواب ده ليك. مراد باستغراب: ملك عملت إيه؟ الدكتور اداله الجواب ومردش ومشي من قدامه. مراد فتح الجواب وقرا:

(أنا مبسوطة أوي من كلامك ليا وإنك حاولت تفرحني، بس إنت لازم تختار حبك. الحب مبيتعوضش. مش هقدر أحطك في المواقف دي كتير، لأنك ببساطة بتحب مليكه. أنا عايززاك دايماً مبسوط ومتخافش عليا. أنا هعمل العملية بس مش هنا. ارجع لحب حياتك، عيش وافرح، وأنا سبتلك ذكريات كتير بينا. أول بنت ليكم سميها ملك، أوعد تنسا.... بحبك ياقرة عيني) مراد كان مصدوم. ومليكه كانت بتقرا وقالت: أحسن. مراد بص لمليكه وقال بهدوء: هسألك سؤال تجاوبيني عليه.

مليكه بضيق: إيه هو؟ مراد قرب منها أوي وقال: لو أنا فضلت رافضك كدا، وكل شوية أزعلك وأقولك ابعدي عني، ها هتعملي إيه؟ مليكه بغضب: لأ طبعاً، هسيبك. هو أنا معنديش كرامة؟ مراد ابتسم وبعدين مسك رأسها وباسها وقال: شكراً إنك سهلتيها عليا. مليكه بصدمه: يعني إيه؟ مراد:

أنا كنت برفض ملك وكنت بقولها تبعد عني، بس هي كانت بتتمسك بيا، وده الفرق بينكم. إنك اتعودتي أنا اللي اهتم وأحب، وإنتي متدينيش حاجة. بس أنا خلاص قررت، أنا عايز اللي يحبني..... مراد بص على الجواب وابتسم، وبعدين مشي من قدام مليكه وطلع برا المستشفى. بص حواليه وبدأ يفكر ملك ممكن تروح فين، وبعدين ابتسم وركب عربيته وتحرك...... أما سليم وتسنيم قربوا من مليكه. تسنيم: كنتي ممكن تقوليلو هفضل جنبك ومتمسكة بيك. سليم:

مليكه، إنتي للأسف خسرتي مراد. فاكرة لما تعبتي فجأة بالليل وهو كان بايت عندك؟ ساعتها اتصل على أبوكي، وأبوكي مجاش لأنه كان بيعمل صفقة جديدة. مش اهتم بصحتك، ومراد هو اللي اهتم وفضل جنبك في المستشفى. مكنش بينام لما بتبقي تعبانة. مكنش بيحب يشوف دموعك. مراد حبك حب كبير أوي، وإنتي خسرتيه للأسف. تسنيم: يمكن محبتهوش زاي ما حبك. يمكن حبك كان أقل. سليم: أو اتعودتي على اهتمامه وحبه. مليكه بدموع:

كفاية، أنا عارفة إني غلطانة، بس... سليم بغضب: بس إيه؟ مراد اداكي كل حاجة، اداكي وقته وحيااااته وكل حاجة. ده إنتي كنتي نبر وان في حياته، وحتى بعد اللي عملتيه في الفرح كان مقرر إنه يرجعلك. مليكه بغضب: بس ملك بوظت كل حاجة. تسنيم: أوعي تحطي أغلاطك على شماعة غيرك. هي جت وقالتلك تساعدك ترجعيلو، وساعتها أصلاً مراد لو كنتي قولتيلي كلمة حلوة فوراً كان هيرجعلك، بس إنتي خسرتي كل ده بمزاجك. مليكه بغضب: آه، وإنتوا بقا اللي نضاف؟

بس صدقوني، مراد ملكي أنا، وهرجعه. مليكه مشيت من قدامهم، وتسنيم بصت لسليم وقالت: أحم، مش هتقول مين البت اللي بتحبها؟ سليم بضحك: تؤ. سليم مشي من قدامها، وهي قالت: استنااا طيب. سليم: استنى إيه؟ تسنيم قربت منه وقالت: قولي حرف واحد من اسمها. سليم بحبث: مت... تسنيم بصدمه: نهار أسود! هو صحبك كل ما يحب واحدة تروح تكرش عليها؟ سليم بصدمه: هي مين؟ تسنيم: ملك. سليم بص لها بغضب: امشي حالا من قدااااااامي. ولا أقولك، همشي أنا.

سليم مشي، وتسنيم ابتسمت وقالت: الواد ده شكله بيحبني ولا إيه؟ تسنيم بصوت عالي: طب استني ياعم، متبقاش قفوش. تسنيم جريت وراه وهي بتضحك...... _أما ملك كانت قاعدة في كافيه اللي في البنزينة، وكانت ماسكة التليفون وبتبص على صورها القديمة. وفجأة سمعت حد بيخبط على ترابيزة. بصت قدامها لقت مراد. ملك بصدمه: مراد! مراد ابتسم لها، وبدأت يخبط على ترابيزة وغنى وقال:

فين لياليك، عمال بناديك، مشتاق لعنيك، واحشني لقائك. بالي مشغول بهواك على طول، والليل يطول، وأنا مش وياك. ملك: أحم أحم، يعني عايز إيه؟ مراد غمزلها وقال: يا حبيبي لا تروح بعيد، إنت نصيبي وبقلبي الوحيد. إنت اللي بقلبي والله، تفداك الدنيا كلها. يا غايب ليه ما تسأل أحبابك اللي يحبونك. ما يناموا الليل لعيونك، أنا بفكر فيك. تبعد عني وتنساني، محتاجك جنبي ترعاني، تنسيني جروحي وأحزاني. أنا مشتاق لعينيك. ملك:

أحم، الظباط بيعرفوا يغنوا؟ مراد: وبيرقصوا كمان لو عايز. ملك بضحك: لأ، مش لدرجتي. مراد بابتسامه: مشتي ليه؟ ملك بحزن: علشان تكمل مع مليكه، لأنك بتحبها. وإنت جيتلي ليه؟ مراد: لأني عايزك في حياتي. وملك قطعتو وقالت بغضب: متلفش ودور. مراد بضحك: والله مفروض أقول إيه؟ ملك بثقه: طول ما إنك مقدرتش تعيش من غيري. مراد ابتسم وقال: صح. ملك بضحك: حلو كدا. مراد: بس العملية. ملك:

هعملها بكرة، متخافش. أنا بس كنت عايزة أشوف ماما وعايزة أسيبلك شوية ذكريات. مراد بضيق: بلاش الكلام ده. ملك: إنت عرفت إزاي إنك هنا؟ مراد بتوتر: يعني... ملك قطعتو وقالت: علشان إنت عارف إني حبيت المكان ده، علشان ده المكان اللي غيرت فيه عليا. مراد: اممم. ملك بضحك: طب خلاص، هنقذك من الموقف ده، وتعالى نعملك شوية ذكريات ونغير جو. مراد: هنروح فين؟ ملك: تعالى ورايا.

ملك طلعت من الكافيه هي ومراد، وبعدين دخلت الماركت وجابت عربية اللي بيحطوا الطلبات. ملك: امسكها. مراد فهم هي عايز إيه وقال: مهو خسيتي بقا، ف هتتعبينا. ملك بضحك: وأنا صغيرة كنت نفسي أعملها أوي. مليكه حطت إيدها على كتف مراد وطلعت قعدت في العربية. ملك: ذوقني ياميدو. مراد بغضب: ميدو؟ ملك بخبث: سوري، اتلخبط. مراد زق العربية بغضب، وملك مسكت تليفونها وبدأت تصور. مراد: ها، تاكلي؟ ملك: آه، بس قرب من نوتيلا دي.

مراد قرب العربية، وملك خدت علبة نوتيلا وابتسمت بخبث. مراد: إيه الخبث ده يابنتي؟ ملك بخبث: لأ، زق إنت، ملكش دعوة. ملك فتحت النوتيلا، وبعدين كلتها بإيدها. مراد بصدمه: يخربيت قرفك! إيه ده؟ ملك: إيه؟ هو فيه معلقة، وقولت لأ؟ سوق بس. مراد بغضب: مقرفة بت انتي! أنا أكتر حاجة بحبها النضافة. ملك ابتسمت بخبث، وبعدين حطت نوتيلا في شفايفها. ملك: قرة عيني. مراد بغضب: بكرة. الكلمة دي. ملك لفت وبصت له، وقربت منه وباسته. مراد بصدمه:

مستحيل. ملك بعدت عنه، وهو حط إيده على خده. ملك بضحك: شكلك مسخرة. حلوة النوتيلا اللي على خدك دي. مراد بغضب: ملك، إنتي اتجننتي؟ ملك قربت منه وحطت إيدها على التيشيرت بتاعه. مراد بغضب: غبيييييييييييه! ملك بخبث: مالك؟ مراد شال إيدها بغضب وقال: التيشيرت بااااظ. انزلي. ملك: تؤ تؤ، شلني. مراد قرب منها وشالها، وهي حطت إيدها على التيشيرت. مراد بغضب: قنبلة غباء وانفجرت في وشي. مراد وقع ملك في الأرض ومشي وسابها. ملك بضحك:

يخربيتك، استنى. مراد بغضب: استنى ورقة طلاقك. مراد خرج من الماركت، وملك خرجت وراه بسرعة. مراد ركب العربية وملك ركبت. مراد بغضب: استني! مراد طلع منديل ومسك إيدها ومسحها. مراد: النضافة من الإيمان ياشيخة. ملك: طيب، نركب خيل؟ مراد: ملك، لازم تعملي العملية. ملك: أوف، قولتلك. مراد بضيق: طيب. مراد اتحرك بالعربية، وملك قلعت الكوتشي بتاعها. مراد: مالك يابنتي؟ ملك بضحك: شفت الفيديو اللي طالع ترند ده؟ مراد بغضب:

مستحيل. أوعي تفكري هرميكي من العربية، صدقيني. ملك ضحكت وقالت: شكلك حلو وإنت متعصبة. مراد ابتسم وقال: وإنتي شكلك حلوة وإنتي طفلة. ملك: يبقى نعملها. ملك حطت رجليها على رجل مراد. مراد بغضب: ياشيخة، هطلقك. ملك بضحك: استنى أشغل الأغنية بقا، ومتخافش، شرابي نضيف. مراد: إيه الحب المقرف ده ياربي. ملك شغلت الأغنية وبدأت تصور وتغني معاها. ومراد بص لها، لقاها بتضحك من قلبها، وفرح أوي إنها فرحانة. وبعد نص ساعة وصلوا النادي. ملك:

يلا بسرعة، عايزة أركب خيل. مراد: اهدي ياطفلة. مراد مسك إيد ملك ودخلوا الإسطبل. ملك: هتركب معايا صح؟ مراد: أكيد، يلا. مراد مسك إيد ملك وخلاها تركب على الحصان، وهو ركب قدامها. ملك بخوف: سوق براحة. مراد بضحك: أسوق براحة إيه يابنتي، هو إحنا راكبين عربية؟ ملك بضيق: أيوا، اتريق عليا. مراد: امسكي فيا بس إنتي جامد. ملك: حاضر. ملك مسكت في مراد جامد وحطت راسها على ضهره وافتكرت مامتها. مراد: ملك، هو إنتي هتروحي عند مامتك؟

ملك بحزن: أيوا، وحشتيني. مراد: طيب، الأم أم بردو، حتى لو عملت إيه. ملك: عندك حق. بس صحيح، مش المفروض الدنيا تمطر دلوقتي؟ مراد باستغراب: ليه؟ ملك: علشان إحنا في جو رومانسي، والدنيا بليل، وراكبين حصان. مفروض بقا المطر ينزل علينا. مراد بضحك: إيه شغل الهندي ده؟ ملك بضيق: مش بتفهم. وفجأة الدنيا مطرت، وكان فيه هوا شديد. ملك بصدمه: مستحيل! أنا فيا حاجة لله والله. مراد بضحك: نبرتي فيها أهو. هنموت من البرد. ملك:

ده أحلى شعور. استنى. ملك شالت إيدها من ضهر مراد وفرضتها في الهوا والمطر فضل ينزل عليها وهي مبتسمة. ملك: لو على قلبي داب في هواك، وكفاية ليل وسهر وعناد ويايا. جوه عيوني حنين وغرام، مشتاق لعينيك. قلبي ندالك، حن فيوم وتعالى، وأديك روحي، بس تعالى ياللي بحبك. قرب طمن قلبي عليك. مراد بابتسامه: ليا صح؟ ملك بضحك: لأ، لميدو. مراد بغضب: انزلي، أحسنلك. ملك بضحك: هنروح لي ماما. مراد: أيوا. ملك بصت على هدومها وقالت: كدا؟

مراد بضيق: مش كنتي عايزة جو رومانسي؟ استحملي بقا. مراد نزل من على الحصان ونزل ملك، وبعدين خرجوا من النادي وركبوا العربية، وملك كانت بردانة. مراد: هنروح نجيب لبس الأول. ملك: لأ، مش وقتو. روح لي ماما بس. مراد باستغراب: مالك؟ ملك: مفيش، روح بس. مراد ساق العربية، وملك كانت ساكتة خالص. وبعد ربع ساعة وصلوا قدام العمارة. مراد: وصلنا. ملك بصت على العمارة وقالت: طيب، يلا.

مراد وملك دخلوا العمارة وطلعوا شقة ملك. وملك خبطت على الباب وكانت متوترة. وبعدين مامتها فتحت ونصدمت من اللي شافته. ومراد بص على مامتها....... ملك: ماما! وفجأة مامة ملك قفلت الباب في وشهم. ومراد سرح وفتكر حاجة. فلاش باك ❤ مراد كان حاطط كاميرات في فيلا هاني. وبعدين شاف أم ملك قاعدة مع هاني. رحاب بغضب: بقولك محتاجة فلوس، مفروض تديني. هاني بضيق: واضح إنك طمعانة في الفلوس. رحاب ببرود:

إنت شغال في المخدرات، يعني فلوسك كتير. هاني بضيق: طيب، هديكي، واسكتي بقا. هاني طلع من الخزنة فلوس ودها لرحاب. ومراد تليفونه رن وكان مليكة. مراد: ألو. مليكه: تعالى، عايزاك ضروري. مراد بص على شاشة التليفزيون وقال: طيب. مراد قفل التليفون، وبعدين طلع من الفيلا ودخل فيلا مليكه، بس لقى رحاب خارجة من الفيلا. مراد بص لها، وهي بصت له، وبعدين مشيت...... انتهاء فلاش باك ❤ مراد في سره: مستحيل! هي الحكاية هتعيد نفسها ولا إيه؟

ملك: مراد، روحت فين؟ ملك: ها، لأ مفيش. يلا نمشي. ملك بحزن: يلا. ملك ومراد نزلوا من العمارة وركبوا العربية وتحركوا. ومراد كان بيفكر في رحاب، مكنش مستعد إنه يخسر ملك. معقول الحكاية تعيد نفسها؟ طب ملك هتصدق مراد؟

مراد بص على ملك، لقاها نامت، وكان باين عليها التعب. مراد ساق بسرعة، وبعد فترة وصل الفيلا، ونزل من العربية وشال ملك، كانت هدومها كلها ميه. وبعدين طلع أوضته ونيم ملك على السرير. وبعدين راح أوضتها وفتح دولابها وطلع فستان. مراد بضيق: ملك مش زي مليكه، أكيد هتصدقني. مراد قفل الدولاب ودخل أوضته وقرب من ملك وحاول يصحيها. مراد: ملك! قوومي. ملك مردتش عليه، كانت نايمة. مراد: تمام، هغيرلك أنا بقا، بس متبقيش تزعقيلي الصبح.

مراد ابتسم وبدأ يغير لها. وبعد ما خلص نام جمبها على السرير ومسك تليفونها وفضل يقلب فيه، يمكن يلقي أي حاجة تدله. في صباح يوم جديد ❤ في المحكمة، كان واقف هاني في القفص، وكان واقف بثقة. وكانت مليكه قاعدة هي ورامي، وسليم كان بيتابع من بعيد. ومحامي هاني بص لهاني بخبث، وبعدين بص للقاضي وقال: عند حضرتك في أدلة بتقول إن فيه واحد جه وبلغ على نفسه، وقال إنه كان انتحل شخصية هاني بيه. والمتهم موجود أهو يافندم، تقدر تاخد أقواله.

سليم بص على الشخص اللي واقف جنب هاني في القفص. شخص بتردد: أنا فعلاً انتحلت شخصية هاني بيه. قولت إنه راجل كبير في البلد، يعني لو وقع ألف مين هيشيله. وأنا كنت بتاجر في مخدرات، وهو مكنش يعرف حاجة عنها خالص. ومدام رحاب، أنا اللي حطتلها المخدرات، لأني يعني كنت عايزها في الحرام، بس هي رفضت. فقررت أذيها. هاني بثقه: هو كان شغال عندي سواق، وقدر يعمل كل ده بسهولة، لأنه بيدخل بيتي عادي. المحامي: والأدلة قدام حضرتك. سليم بهمس:

ياااولاد...... *عند مراد صحي من النوم ومسك التليفون وقال بصدمه: الساعة ١١، أنا نمت كل ده؟ مراد بص على ملك، لقها لسه نايمة. وبعدين تليفونه رن، وكان سليم. مراد رد وقال: ألو. سليم بغضب: هاني طلع براءة يامراد. مراد بصدمه: نعم! إزاي؟ سليم حكاله اللي حصل. مراد بغضب: طب والفيديوهات اللي تأكد إنه بيتاجر في المخدرات؟ سليم: لأ، كل ده اتبخر. لعبها صح هاني. مراد جاي يرد، بس قطعه صريخ. ملك.

مراد بص عليها، لقها حاطة إيدها على بطنها وبتصرخ. مراد قرل منها بلهفة. مراد: ملك، مالك؟ ملك بدموع: بطني بتوجعني. مراد قرب منها ومسك إيدها وقال: لازم تعملي العملية. ملك بحزن: لأ، هموت. أنا كنت حاسة. مراد بغضب: ملك، اخرسي بقا. بعد الشر. ملك بصت له، وعنيها مليانة دموع، وهو بص لها: أهدي، هنروح الدكتور دلوقتي. مراد شالها، وهي بدأت تهده، وصوت عياطها وقف. مراد بص لها، لقاها نايمة. مراد بصدمه: ملك!

مراد نيم ملك على سرير تاني، وحط إيده على وشها، لقه ساقع أوي، وحاول يصحيها. معرفش. مراد برعب: لأ، مستحيل. ملككك فوقي....