رواية فتاه التنمر الفصل الثاني والعشرون 22 - بقلم ياسمينا

مليكه بصت على كلبش وقالت: هنفكو إزاي؟ ملك: وإنتي عايزة تفكيه ليه؟ فوقي بقى. مليكه قربت منها وقالت: إنتي لازم تطلعي برا حياتنا بقى. ملك: والله مريضة. مراد مسك الكلبش وطلع من جيبه المفتاح وفكه. ملك بغضب: إنت سمعت كلامها ليه؟ مراد: هي قالت نصيبي نصيبي وأنا مش هسيبها تموت. ملك بغضب: تروح تموت معاها. مراد قرب منها وشالها وقال لمليكه: افتحي. مليكه جريت على الباب عشان تفتح. ملك بصريخ: مش همشي، سبيني. طب خلاص هموت معاكم.

مراد تجاهلها ومليكه فتحت الباب ومراد طلع، وبص على البوابة لقى البوليس محاوط الفيلا. مراد مشي لحد الجنينة وكان فيها أوضة صغيرة. مراد: مش دي الأوضة اللي كنا فيها طول طفولتنا؟ مليكه: كنت لما أتعب باجي هنا، كنت مفكرة إن الأوضة دي هي اللي بتشفيني. مراد: ما كنتيش تعرفي إني كنت بسهر الليالي جنبك أديكي الدوا والميه وأي حاجة كنتي عايزاها. مليكه بغضب: طب انجز. مراد: أنا هدخل ملك هنا وهجي معاكي. ملك بغضب: مستحيل.

مراد دخل ملك في الأوضة وقعدها على سرير. ملك بدموع: إنت ليه بتعمل كدا؟ أنا ممكن أبعد وأخليك معاها. مراد مسك وش ملك وقال: مينفعش أعاندها، هي متهورة وأنا أكتر واحد حافظها. ملك بغضب: تروح تموت نفسها. مراد: الأوضة دي بعيد عن الأكسجين ولو حصل انفجار ولا حاجة مفيش حاجة هتقربلك، هحميكي لآخر لحظة. ملك بصريخ: مش هسيبك تمشي. ملك مسكت إيد مراد ومراد شال إيدها بحزن، وملك مسكتو تاني وقالت: مش هسيبك. مراد: هتسبيني؟

مراد زق ملك على سرير وخرج بسرعة من الأوضة وقفل الباب بالمفتاح، وملك جريت على الباب وفضلت تخبط. ملك بدموع: مرااااد، أوعى تعمل كدا، أوعى تسبني. ملك قعدت على الأرض وفضلت تعيط، وفتكرت أول لقاء بينهم. لما كانوا في القسم. مراد: اسمك وسنك؟ ملك: اسمي ملك وسني ٢٣. مراد بابتسامة: تعرفي إني بحب اسم ملك، يعني ملك ومليكه أكتر اسمين بحبهم. ملك بابتسامة: بجد؟ ملك مسحت دموعها وقالت: أكيد مراد ذكي مش هيسيبها تعمل كدا. أما عند مراد،

بص لمليكه وقالها بسخرية: تحبي ننفجر فين يا بيبي؟ مليكه تجاهلته ودخلت الفيلا ومراد دخل وراها. مراد بغضب: مليكه. مليكه: نعم. مراد قرب منها وقال: إيه اللي إنتي بتعمليه ده؟ مليكه بغضب: خلاص وقت الكلام خلص. مراد: تمام وأنا موافق أموت معاكي، بس يا ترى إحنا ممكن نفضل مع بعض حتى بعد ما نموت؟ مليكه بغضب: مستعد تسيب البنت دي؟ مراد بثقة: مستحيل، بحبها. مليكه بغضب: يبقى نموت. مراد بص لها بتوتر وبعدين

بص على السلم وقال في سره: يارب يا سليم تكون شفت رسالة وتيجي من بلكونة أوضتي. مراد بصدق: أنا خايف عليكي. مليكه: كذااااب. مراد قرب منها ومسك إيدها بهدوء وقال: إنتي بنتي ومش عايزك تتأذي أبداً. مليكه بغضب: إنت عمرك ما حبيتني يا مراد. مراد: ولا إنتي لو بتحبيني مكنتيش عملتي كدا. مليكه بسخرية: ماسك إيدي عشان مضغطش على زر ونموت؟ بس أنا مش هسيبك ليها يا مراد. مليكه حضنت مراد.

ومراد غمض عينو وقال: أشهد أن لا إله إلا الله وأشهد أن محمد رسول الله. وفجأة سمع صوت ضرب نار. مراد فتح عينو بهدوء لقى مليكه في حضنه ومغمضة عينيها. وبعدين حط إيدها على ضهرها، واتصدم من الدم اللي في إيديه. وبعدين بص قدامه لقى سليم واقف وماسك مسدس. مراد بصدمة: مستحيللللل. مراد شال مليكه ونيمها على كنبة. مراد بغضب: لييييييه يا سليم ليييييييييه؟ سليم بغضب: دي واحدة مريضة. مراد حاول يفوقها. مراد: مليكه قووومي. سليم قرب

من مليكه ومسك إيدها وقال: لسا عايشة، مبتموتش، معرفش ليه. مراد بص له بغضب. سليم: جهزتلك عربية، هتروحي تجيبي ملك وتروحي شرم لحد لما أحل القضية دي وأشوف الفيديو الحقيقي. مراد: ومليكه؟ سليم بغضب: متتخرب هي، قوم شوف ملك وامشي من هناااا يا لهوي. مراد بص لمليكه وقال: وديها المستشفى. مراد قام وطلع من الفيلا. وسليم بص على مليكه بقرف وقال: مضر أنقذك. أما مراد وصل الأوضة اللي في جنينة وفتح الباب وملك قامت من على الأرض بسرعة.

مراد: خلاص يا ملك كل حاجة انتهت. ملك جريت وحضنته بسعادة وقالت: الحمد لله. مراد طلعها من حضنه ومسك إيدها وحطلها الكلبش. ملك باستغراب: ليه؟ مراد بابتسامة: مش عايزك تسيبيني، يلا تعالي. مراد مسك إيد ملك وطلعوا من البوابة الخلفية. وأول ما طلعوا شافوا عمر راكب على موتوسيكل. مراد بسخرية: هي العربيات انقرضت ولا إيه؟ عمر: هزار يا عم الخفيف، وخليهم يجوا يقبضوا عليك بقى. مراد بص له بضيق وبعدين قال: هنركب إزاي بكلبش ده؟

ملك: نعم، إنت بتسألني أنا؟ مراد: زوجة. فاشلة صحيح، تعالي. مراد قرب من موتوسيكل وركب ورا عمر وملك ركبت وراه. ملك بخوف: سوق براحة يا عمر، بخاف. مراد بغضب: معرفش إنت إيه اللي جابك معانا أصلاً. عمر اتحرك وقال: خليك في نفسك يا حرااااامي يا مغتصب يا مجرم. مراد بصدمة: نعممم؟ عمر: سرقت الفستان واغتصب أختي، أنا عارف إنها محترمة، عمرها ما هتعمل حاجة بمزاجها، ومجرم، قتلت أمنا اللي ملناش غيرها. مراد بغضب: سوق وإنت ساكت أحسنلك.

عمر: طيب يا خويا. أما ملك كانت بتفكر إزاي تروق مراد. راحت حطت إيدها على عين مراد. مراد بغضب: ملك. ملك همست له وقالت: روووق واهده يا بيبي. مراد: شيلي إيدك أحسنلك. عمر: عندي أغنية ليكم. عمر شغل الأغنية وملك شالت إيدها وقالت: أيواااا، الأغنية بتوصفناااا. مراد بضيق: جوز بهايم قاعد معاهم. ملك حضنت مراد من ضهره وقالت: لما إنت قادر على البعاد قربت ليه ياحبيبي؟ مراد بصدمة: هو أنا بعدت؟ عمر: ليه بعد ما شوقي فـ قلبي زاد

بتسيبني ليه ياحبيبي؟ مراد بغضب: مبعدتش يا أخ إنت اسكت. ملك: وأنا يعني غصبت عليك؟ مراد بسخرية: الله يرحم لما كنتي لازقة في أمي. ملك بهمس: بحبك. مراد ابتسم وقال: وأنا بحبك أووووي. فجأة عمر وقف الموتوسيكل قدام محطة بنزين وقال: كدا مهمتي خلصت، امسك المفاتيح دي والعربية قدامك اهي. مراد نزل هو وملك وقال: طب خلي بالك من نفسك. عمر: حاضر، وإنتو كمان. مراد خد منه المفتاح وعمر اتحرك. ملك بضحك: فاكر يوم ما.

مراد بضيق: فاكر، متفكرنيش. مراد مسك الكلبش وفكه. ملك بضيق: ليه؟ مراد بخبث: هعمل حاجة، روحي إنتي اقعدي في الكافيه. ملك بغضب: ماشي. ملك مشيت من قدامه وهو ابتسم ودخل الماركت اللي في بنزينة. أما ملك قعدت في كافيه بضيق، وبعدين مسكت تليفونها وابتسمت أول ما شافت صورة مراد في خلفية تليفونها. وبعدين فتحت التليفون وبدأت تتفرج على فيديوهات بتاعتهم.

وبعد خمس دقايق حست إن في ورد عمال ينزل عليها، بصت على فوقها واتصدمت من كمية الورد اللي بينزل عليها. ملك بصدمة: ورد واحمر كمان. وبعدين سمعت صوت مراد. مراد: ملك. ملك بصت على مراد لقتوه واقف بعيد ومعه ورد ولونه أحمر لونها المفضل. ملك عينيها دمعت ومراد قال: أنا بحبك أوي يا ملك، بحبك حب مختلف ومحبتوش لحد قبل كدا. ملك بحب: وأنا بحبك. مراد بحب: تقبلي تجوزيني من أول وجديد ونخلف ملك، لأني بحب الاسم ده. ملك بدموع: موووافق.

مراد بسعادة: على فكرة أنا أب شاطر جداً وهساعدك. ملك ابتسمت وجريت على مراد وحضنته وكل اللي في الكافيه سقف لهم. مراد: إنتي عوضي. ملك بسعادة: وإنت حبيبي المجهول اللي كنت دايماً مستنياه. مراد: بحبك. ملك: استناااا، جتلي دلوقتي أغنية في دماغي توصفنا. مراد طلعها من حضنه: لاااا لاااا مستحيل. ملك مسكت الورد وقالت: اسمع. مراد: استرها يارب. ملك بدأت تغني: حبيت واخيرا جالي اللي سنين اتمنيته دعوة وربنا جابهالي بعلن للناس حبيته

ياه بقيت وياه، وياه دي أحلى حياة. مراد: متغنيش تاني بقى. ملك بضحك: دانا هقرفك. مراد بص لها بحذر وبعدين طلع من ورا ضهره علبة نوتيلا وقال: شوفتي جبت إيه؟ وجبت معاها معلقة كمان عشان إيه؟ ملك بسعادة: الله، هات. مراد: استني الأول عشان إيه؟ ملك بضيق: عشان مش أبهدل هدومك، هات. مراد أدالها نوتيلا وقال: شاطرة، خدي المعلقة. ملك مسكت العلبة والمعلقة وبعدين رمت المعلقة، ومراد اتصدم، وبعدين فتحت العلبة وبدأت تاكل بإيده.

مراد بقرف: مكانك في بسكت الزبالة. ملك ضحكت وقالت: ما تجيب بوسة وتبقى بوسة بنوتيلا. مراد بغضب: ابعدي عني، أوعي تلمسيني. ملك: ماشي، بس بردو هبوسك، تعال. مراد بعد عنها وطلع برا الكافيه وملك جريت وراه وهي بتضحك. مراد بغضب: متقربيش. ملك كانت أسرع من مراد ومسكته من تشرت. مراد بغضب: ملك. ملك قربت منه وباستو في خده، وبعدين فضلت تحط شوكولاتة في وشه وهو كان واقف مصدوم.

ملك: امممممم، في نصيب وبيتشال لينا مَش حب كلام في أغاني، فبنقفل بابنا عَلِينا نستنى النص التاني. مراد مسك إيدها الاتنين وقال بغضب: نقضة ضعفي النضافة، إحنا مش هينفع نكمل مع بعض يا بت إنت. ملك ابتسمت وحضنته وقالت: بحبك. مراد بسخرية: التشرت باظ خلاص، حسبي الله ونعمة الوكيل. ملك بحدة: فيييي مين يا بيبي؟ مراد: في اللي عمل الشوكولاتة يا قلبي.