رواية فتاتي الضائعة الفصل الحادي عشر 11 - بقلم ملك نزيه

مليكة لسه بتفتح عينيها اتفاجأت بشخص غريب باصصلها. مليكة: أنتِ مين؟ الغريبة: انتِ اللي مين و ايه اللي دخلك هنا؟ مليكة: أنا مليكة بنت عمو محسن. الغريبة: إيه ده أنتِ بنتوا اللي كانت ضائعة اللي كان قارفنا عليها. مليكة: إيه الأسلوب ده؛ انتِ مين بقي؟ الغريبة: أنا بقي بنت جميله مرات أبوكي. مليكة: يعني أختي؛ و أنتِ اسمك إيه؟ الغريبة بضحكة مستفزة: أنتِ مالك عبيطة كده ليه؛ ملكيش دعوه باسمي. مرة واحدة حد دخل عليهم قاطعهم.

محسن: صباح الخير يا أميرتي. مليكة: صباح الخير يا بابا انتَ نمت كويس؟ محسن: آه يا حببتي؛ اتعرفتي على أختك. مليكة لسه مردتش و مرة واحدة أختها دخلت. الأخت: آه طبعًا يا بابا ده إحنا لسه كنا بنتعرف على أسماء بعض و أنا لسه قايللها إن اسمي مروة صح يا مليكة. مليكة بصت لمروة و لسه هتتكلم لقت مروة بصصلها بصة غريبة. مليكة: آه يا بابا أنا و هي بقينا صحاب. مروة: شفت متخفش.

محسن: الحمد لله يلا يا حببتي علشان نفطر و أنا هروح الشغل و أنتِ و جميلة و مروة هتروحوا تعملوا شوبنج. مليكة بفرحة: شكراً يا بابا. نزلوا كلهم و قعدوا يفطروا و كانوا فرحانين جداً و مليكة حست إنها أسعد واحدة على كوكب الأرض بس للأسف السعادة دي مكملتش. بعد الفطار مليكة راحت هي و جميلة و مروة يعملوا شوبنج بس اللي هما اتفاجأوا بيه إن مليكة كانت عمالة تنقلهم هم لبس. أول أما نزلوا الشارع:

جميلة: بصي بقى يا بنت الناس متقرفناش و تقعدي تطلبي إحنا هنشتري أي حاجة و خلاص. مليكة: مش مشكلة يا طنط. مروة و جميلة قعدوا يضحكوا. مليكة: هو في حاجة غلط. جميلة: إيه طنط دي اسمي جميلة متحرجناش. مليكة: حاضر. و هما بدأوا يمشوا داخلين على المول مرة واحدة في أولاد بدأوا يعاكسوا جميلة و مرة واحدة بدأوا يشدوا جميلة يدخلوها عربية.

مليكة سابت كل حاجة في إيديها بدأت تصوت و تقول سيبوا ماما بقلكوا سيبوها و بعدت مروة و قالتها اجري بسرعة اتصلي بالشرطة. و مليكة بدأت تبعد الرجالة و تضربهم بأي حاجة في إيديها. أول أما الولاد لقوا كده و لقوا ظباط جايين جريوا. جميلة: بدأت عمالة تشكر في مليكة. مليكة: مفيش حاجة. داخل المحل الأول: مليكة: إيه رأيك يا مروة أما نلبس زي بعض هيكون حلو أوي صح. مروة بتوتر: م.. مش.. مش عارفة الصراحة. جميلة: ماشي ممكن ناخدها سوا.

مليكة: شكراً شكراً. جميلة: خلاص بقى لولا إن لو إحنا مجبنا لكِ أبوكي هيتخانق معانا عشان كده هنجيب لكِ بس. مليكة: مش مشكلة شكراً. داخل المحل الثاني: مليكة: إيه رأيك في ده يا جميلة في ده. جميلة: إيه ده حلو أوي. مليكة: ممكن نشتريه. جميلة: بس.. مليكة قطعت جميلة. مليكة: عموا إحنا هناخد ده. بعد أما خلصوا مليكة و جميلة و مروة حسوا إنهم بجد عيلة و فرحوا أوي و لما روحوا قعدوا يعملوا أكل سوا و أول أما محسن جه اتفاجئ بيهم.

محسن: إيه ده إنتوا أخدتوا على بعض بسرعة كده. مليكة: آه يا بابا جميلة و مروة جمال أوي. محسن: الحمد لله؛ متفرجوني إنتوا عملتوا إيه و جبتوا إيه. جميلة: يلا نروح نفاجأ بابا. لما محسن شاف الحاجة فرح جداً إنهم جابوا لمليكة و لمروة زي بعض و جميلة مسكت الفستان اللي مليكة اشترتهالها. جميلة: بص يا محسن إيه رأيك. محسن: ده جميل أوي تنقية مين ده؟ جميلة: فكر كده. محسن: يلا بقى. جميلة: تنقية مليكة.

محسن: بجد أنتِ ذوقك حلو أوي يا حببتي. مليكة: شكراً يا بابا إيه رأيك في كل اللي إحنا جبناه ده. محسن: أنتِ أكيد مش هتجيبي حاجة وحشة. مليكة: شكراً ❤️. قعدوا يدردشوا و أكلوا و لعبوا و لسه هيدخلوا يناموا. مليكة: بابا ممكن تستناني شوية. محسن: حاضر يا حببتي؛ عايزة إيه؟ مليكة: عايزة أتكلم معاك. محسن: اتفضلي يا حببتي. مليكة: هي ماما فين. محسن: لما أنتِ اتخطفتي مامتك تعبت أوي و توفت. مليكة قعدت تعيط: بجد 😭.

محسن: معلشي يا حببتي؛ ده القدر. مليكة: آه الحمد لله على كل شيء. مليكة دخلت نامت و هي عمالة تعيط بجد حست إن في حاجة كبيرة أوي بعدت عنها. مليكة نامت و تاني يوم صحيت لقت في احتفال في البيت. مليكة نزلت من أوضتها و هي لبسة البيجامة و شعرها منكوش و متبهدلة. فجأة لقت مروة جت عليها. مروة: يخربيتك انتِ رايحة فين. مليكة: هو فيه إيه.

مروة: اتنيلي ادخلي البسي الفستان البينك اللي إحنا جبناه امبارح و أنا هجي أكويلك شعرك و أحطلك ميكاب أو لاء أنتِ قمر مش محتاجة ميكاب. مليكة ضحكت بصوت عالي: بجد أنتِ كلامك حلو أوي؛ بس هي الحفلة دي ليه. مروة: عشان عندنا حد هيجي من بره. مليكة: مين!!! مروة: أخويا أحمد و أصحابه اللي كانوا في أمريكا. مليكة: بجد أنا عندي أخ كمان. مروة: أكيد أخوكي. مليكة: ياه أنا كمان عندي أخ.

فعلاً كلهم جهزوا البيت كله و طفوا النور قبل أما أحمد يوصل. أول أما أحمد وصل: أحمد: إيه ده إنتوا طافيين النور ليه. جميلة ولعت النور: إيه رأيك في المفاجأة دي. أحمد: روعة بس أنا عايز المفاجأة الكبيرة. جميلة: قصدك مين. أحمد: مليكة اللي بابا كان بيدور عليها الفترة اللي فاتت دي كلها. جميلة: آه انتَ جي عشان كده. مليكة: أنا أهو؛ ازيك. أحمد خدها بالحضن.

أحمد: ازيك عاملة إيه أنا كنت عمال أدور عليكي و أنا حتى مش عارف شكلك؛ كنت عمال أتخيلك. مليكة: بجد؛ و أنا بقى طلعت نفس التخيلات ولا إيه. أحمد: طبعاً و أجمل كمان. مليكة: شكراً. مرة واحدة الجرس رن أول أما فتحوا الباب مليكة اتفاجأت إن واحد من أصحابه هو...