رواية فتاتي الضائعة الفصل الخامس عشر 15 - بقلم ملك نزيه

فجأة لقت إيد اتحطت على ضهرها وشخص قال: مش قولتلك هتجيلي يا حلوة. مليكة لفت ضهرها. مليكة: حسام. (في نفس اللحظة مليكة فتحت على مروة) حسام: عاملة إيه وحشتك صح. مليكة: أكيد لأ. حسام: متستعبطيش. مليكة: هتوحشني ليه أصلًا. حسام: عشان حبيبتيني. مليكة: ياه، لما تطلع الكدبة وتصدقها. حسام: اسكتي عشان ممدش إيدي عليكي. مليكة: ماهو مفيش راجل بيمد إيده على بنت. حسام شد مليكة من شعرها. مليكة بدأت تصوت. مليكة: سيبني يا عبيط.

حسام سحب مليكة على العربية. أول أما دخلوا العربية حسام كتف مليكة وحطلها مخدر على بوقها. *** في بيت محسن: جميلة: يخربيتك لو مكنتش ظلمتها مكنتش هربت. محسن: كفاية بقى، أنا بعت ناس يدوروا عليها. جميلة: أنتَ لو فعلًا أبوها مكنتش بعت حد يدور عليها، انزل بسرعة دور عليها، أنتِ فين يا مليكة يا حبيبتي. محسن بزعيق: أحمد يا أحمد. أحمد: نعم يا حاج. محسن: طلع العربية من الجراش عشان ندور على مليكة.

أحمد: أحسن حاجة إنك فكرت كده، أنا هموت من القلق. مروة خرجت بسرعة: استنوا لحظة. محسن: في إيه؟ مروة: أنا عارفة حاجة مهمة. محسن: حاجة إيه؟ مروة: مليكة معايا على التليفون بس مش هي اللي بتكلمني. محسن: أومال مين. مروة: مليكة فتحت الموبايل وردت عليا عشان تعرفني إن حسام مسكها. محسن: إيه اللي حصل أنا مش فاهم. مروة: الخلاصة حسام خطف مليكة تاني. محسن: بتقولي إيه؟ مقولتيش من بدري ليه إنها معاكي على التليفون.

مروة: كنت بسمع الكلام، حاليًا حسام خدها على عربيته. جميلة: أنتِ واقفة ليه، هاتي الموبايل بسرعة. مروة: حاضر. مروة دخلت جابت الموبايل من غرفتها. كلوا قعد يسمع. *** في بيت حسام: حسام: ياه، أنا بقالي كتير مدخلتش هنا. مليكة: أنتَ هربت من السجن. حسام: آه هربت، بس دفعت فلوس ودلوقتي الأحكام وقعت من عليا. مليكة: يعني محدش هيقبض عليك دلوقتي. حسام ضحك باستهزاء: آه. مليكة: بس أنتَ لازم تتحبس لأنك راجل ظالم ومفتري.

حسام: إلا قوليلي يا حبيبتي أنتِ اتعلمتي الكلام ده منين. مليكة: هيكون منين، من على النت طبعًا، عشان أقولهالك. حسام: ما أنا كنت عارف، عشان ليه يعني. مليكة: عشان أنتَ دمرتلي حياتي. حسام: لاء واللهِ مدمرتش حاجة. مليكة: لاء دمرتها، أنكر بقى. حسام: أنتِ قصدك على إيه. مليكة: خدتني من أبويا وأنا صغيرة. حسام: أبوكي ده مش كويس، اسمعي مني. مليكة: أنتَ كداب. حسام: لاء واللهِ، وممكن أثبتلك. مليكة: تثبتلي إزاي.

حسام: أول أما محمد ييجي هثبتلك. مليكة: أنتَ بجد معاك إثبات. حسام: آه واللهِ، ممكن أسألك سؤال. مليكة: اتفضل، ما إحنا شكلنا مطولين مع بعض. حسام: هو أنتِ ممكن تسامحيني. مليكة: إزاي يعني. حسام: يعني ممكن تسامحيني لو عرفتي إني اتغيرت. مليكة: مش عارفة. حسام: أنا ممكن أعملك كل حاجة لو سامحتيني. مليكة: بس إزاي ممكن حد ينسى حد سبب الأذى ليه. حسام: ممكن الشخص ده يعوضه على كل حاجة هو عملهاله. مليكة: بس...

حسام قاطع مليكة وقالها: لو سمحتي مترديش دلوقتي. مليكة: حاضر. محمد دخل فجأة: حسام أنتَ هتعمل إيه، هترجع في كلامك، أبوها سرق مننا حاجات مهمة جدًا، انشف كده. حسام: بس هي ملهاش ذنب. محمد: بطل استعباط يلا. محمد لاحظ موبايل في جيب مليكة. محمد: إيه اللي في جيبك ده. (في اللحظة دي الحمد لله مروة ومحسن كانوا أذكياء وقفلوا الخط) محمد مسك الموبايل ملقاش حاجة. محمد: ده كان في جيبك ليه.

مليكة: عشان أنا إنسانة، نزلت من البيت، لازم يكون معايا موبايل. محمد بنرفزة: ردي عدل. مليكة: ما أنا برد عدل أهو. محمد: أنا مش زي حسام وهسكتلك زيه. محمد سحب مليكة. حسام قاطعهم: لاء بلاش يا محمد ونبي. محمد: مفيش حاجة هتجيبنا ورا غير طريقتك دي، لازم نعمل فيها حاجة عشان أبوها. حسام: طب سيبني أنا. محمد: أكيد لاء، أنتَ مش هتعملها حاجة. حسام: مين قالك.

محمد: أنا عارف لأنك بتحبها، والحب بيودي في داهية، أنتَ انتقمت زمان بس للأسف لازم تنتقم دلوقتي تاني عشان أبوها ممكن يحبسنا. حسام: أنا أتحبس بس أنا معملش كده في الشخص اللي أنا بحبه. محمد: معلشي اسكت، إحنا لازم نعمل كده، عجبك مش عاجبك، كده كده هعمل كده. حسام: بس أنا مش راضي. محمد: أنتَ عايز تخسر حياتك، براحتك، بس أنتَ مش هتخسرها. محمد سحب مليكة ودخل بيها على أوضة فاضية وربطها و ........