رواية فتون ليث الفصل الثامن 8 - بقلم نادية محمود

رنا بتطلع بسرعة من المحل، خبطت في شخص. لفت، تعتذر. وقفت مكانها من الصدمة. رنا بصدمة: يـ ـااسر! ياسر: الفرحة مش كانت سيعاها، راحت حضنته وفضلت تعيط وتسأله: كان فين كل دا يا ياسر؟ ياسر: أنتي تعرفيني؟ رنا: مش عارفني يا ياسر؟ سنتين تنسيك مراتي؟ ياسر بتوهان: مراتي!!! رنا: أيوا مراتك اللي سبتها سنتين كاملين من غير ما تسأل فيها.

ياسر كان بيسمع كلامها وصور في دماغه بتظهر ومواقف مع واحدة بس مش واضح صورتها خالص، بس بتظهر مدغوشة. دماغه الألم فيها بدأ يزيد، وماسكها ومش قادر. قاطعهم صوت طلق نار. رنا افتكرت الأطفال: وتيييييين! جريت للأولاد، واخدت بنتها في حضنها واطمنت إن فهد كويس. جه الحرامي من وراها ومسكها من شعرها وحط المسدس على راسها كـ رهيـ ـينة عشان يقدر يهرب.

ياسر جه على الصوت، خاف يهجم عليه يأذيها. بس فهد قام بحركة سريعة ورمى الكورة. وقعت المسدس، وراح بسرعة أخد وتين منها. ياسر راح ضربه بوكس وقعه على الأرض. كان المسدس جنبه، أخده. قام ياسر جه يديه بالبوكس في باطن الحرامي. الحرامي سبقه وضربه بظهر المسدس على راسه وسابه وجري. ياسر مسك راسه ووقع على الأرض. وكانت صور كتير مش واضحة بتظهر قدامه. شوية بشوية بتبدأ الرؤية توضح. زاد الألم، مقدرش يستحمله، فقد الوعي. رنا طلبت الإسعاف.

*** عند فهد: وتين: فد فد يد أليا مال ماما ياحت فين؟ فهد بعصبية: اسكتي اسكتي خالص، متكلمنيش. وتين عنيها اتملت بالدموع وراحت بتعيط. فهد: بتعيطي ليه دلوقتي؟ وتين: ات زأتلي دامد تين املت اي؟ فهد نفخ بغضب وراح حاضنها جامد. فهد: مش تعيطي تاني يا حبيبتي، أنا كنت خايف عليكي. أنا لازم أتدرب جامد لما أكبر عشان محدش يقدر يلمسك أو يجي جنبك طول ما أنا عايش. *** "أيه دا؟ أنت راجع لوحدك ليه؟ فين عمتك؟

فهد: هي راحت مع الإسعاف مع أونكل اللي أنقذها من الحرامي. "يلهووي حرامي! طب هي كويسة؟ وأنكل مين دا اللي أنقذها؟ فهد: عمتو كويسة. مش عارف بس هي فضلت تقول هتكون بخير يا ياسر، مش هضيع مني بعد ما لقيتك. فتون كانت بتسمع ومش مصدقة. فتون بعدم وعي: ياسر عايش.. ياسر رجع. أحمد جه عليهم. أحمد: حبايب جدو، مالكم يا تونة؟ واقفة كدا ليه؟ فتون بعدم وعي: ياسر عايش.. ياسر رجع. أحمد: أنتي بتقولي إيه؟ ردي يا فتون يا بنتي.

فضل يهز فيها لحد ما فاقت. *** في المستشفى: أم ياسر: ابني فين؟ ردي عليا. أوعى تكوني قولتي له حاجة. رنا: قولته إيه يعني؟ أم ياسر: إنك مراته. رنا: يعني أنتي كنتي عارفة… عارفة ومش تقولييييلي؟ أنتي أي مش كنتي بتحسي بيا وأنا مدمرة من غيره؟ أم ياسر بدموع: اسمعيني يا بنت. رنا: مش عايزة أسمع خلاص، هيفيد بإيه؟ *** خرج الدكتور من الأوضة، كان الكل وصل وقتها.

الدكتور: للأسف في حالتين ممكن تحصل. أولا لو عدى 24 ساعة ومش فاق يبقى دخل في غيبوبة، وغيبوبة ممكن تفضل أيام أو أسابيع أو سنين، الله أعلم. ليث: والتانية؟ الدكتور: التانية لو عدى الـ 24 ساعة وفاق، في احتمال يكون رجعت له الذاكرة أو لأ، وده هنعرفه لما يفوق. قعدت ساعات الليل على رنا مثل السنين. الوقت كان لا يمر. وعدى الوقت. الدكتور: أنت شايفني كويس؟ ياسر بتعب: آه. الدكتور: شاور له على أمه وسأله: مين دي؟ ياسر: أمي. الدكتور:

شاور له على رنا وسأله: مين دي؟ ياسر: … رنا بصدمة: … *** رنا: قووااامي يـ غيبووووبة. وتين بتأفف: يوووه بقا يا ماما. رنا: قومي بدل ما أشبشبلك. وتين بنوم: ربنا على الظالم والمفترى. رنا: بتدعي عليا يا وتين الكـ ـلب؟ أنا غلطانة، أنا اللي كنت جاية أصحيكي عشان فهد شوية وهيعدي عليكي عشان يوصلك معاه وهو رايح الدرس. بس خلاص هرن أقوله مش يستني حد. هو في تالتة ثانوي يعني سنة مهمة ومش محتاجة دلع.

وتين أول ما سمعت اسم فهد قامت بسرعة سحبت الفون من أمها. رنا: بما إنك صحيتي بقا ولبستي، فـ عدي عليه عشان لسه ساعة على معاد المدرسة. وتين: أنتي ااااه منكمش عارفة أنا عملالك إيه يوليه أنتي دا أنا لو درتك م هتعملي معايا كدا. الله يكون في عون الراجل أبويا، مش عارف أفتكرك. كان زمانا مستريحين منك. رنا: مش تفكريني.