رواية في أول طريقي الفصل الثامن بقلم شيماء صبحي

(28) _انا مش مقتنع بكلامك يا تميمة اللى حاسه اتجاهك اقوي من رفضك . _حازم انا ..قاطع حديثها :

_انا في عمري كله ماقبلت حد يخليني استناه لكن لاول مرة انا مستعد استناكي .. اسمحيلي اقرب واعرفك يا تميمة ،انا عاوز اعرفك و اكون معاكي فى كل خطوة وفي كل قرار وكل أختيار مهما كانت النتيجة ..أرجوكي متقوليش حاجة دلواقتي ، خد وقتك وفكري وأسمعي لقلبك متتجهليش .. تصبحي ع خيرتركها وتوجه الى داخل الفندق ، ظلت تميمة واقفه في شرود وحيرة نظرت الى السماء وتنهدت وتوجهت بخطواتها لداخل الفندق .. فى الاتجاة الاخر كان يقف هشام وشاهدهما .

فى اليوم التالي صباحًا الجميع فى المطعم ليتناولوا الافطار ، دخل هشام ورأى طاولة حازم قريبة من طاولة تميمة وكان يخطف نظرات اليها بين حين وأخر .. اقترب نحو طاولة تميمة وفريقها وتفاجئوا بوجوده : _هشام جيت امتي ؟ _الفجر ..جيت نمت ع طول _انت كنت قايل يومين وهتيجي _ما انا خلصت اللى ورايا بدري ، محبتش اسيبكم لوحدكم .تحدثت تميمة : _احلى حاجة انك جيت بجد _بجد يا تميمة ؟

_انت عندك شك ولا ايه ، انت عارف انا بفرح بوجودك معايا ، كلنا بنفرح .إبتسم والقى نظرة الى حازم وتقابلا اعينهم والقى التحية من بعيد .. تحدثت تميمة : _يلا يا شباب ع التدريب مش هنتأخر يا هشام .تحدثت نرمين : _متقلقيش هرغي وهصدع هشام لغاية ما تيجو _اطمنئنت الحمدلله .. يلا يا شبابضحكوا : _خلصوا تدريبكم وانا مستنيكم هنروح مع بعض انهاردة مكان هيعجبكمتحمسوا واتجهوا الى قاعة التدريب .. تحدثت تميمة :

_جهزت الكاميرا يا حودةيقف حودة لتظبيط كاميرا الفيديو : _ثواني وكله هيبقى فى المظبوطتحدثت تميمة بحماس : _احنا هنسجل العرض بتاعنا كذكري لتدريبنا هنا، اعتبروا نفسكم بتأدو على المسرح جاهزين _جاهزين . بدأت تميمة وأصدقائها بالتدريب بحماس وتسجيل ادائهم .. بعد التدريب بدلا ملابسهم وتناولوا الطعام جميعًا ثم ذهبوا برفقة هشام الى الخارج .. ذهبوا الى مكان للسهرة واستمتعوا بالاجواء وجلست تميمة تشاهد فى هدوء وتحدث هشام :

_نرمين مندمجة في الاجواء اويإبتسمت تميمة : _جدًا .. بفكر اصورلها فيديو وامسكه عليها واهددها بيها لما تقاوح معاياضحك هشام: _ايه الشر دا _انت صدقت ولا ايه ، لا طبعًا مقدرش ..انت ونرمين مقدرش اعملكم حاجةنظر اليها لحظات وتحدث: _مبسوطة يا تميمة _مش محتاج سؤال يا اتش ، طول مااحنا كلنا مع بعض متجمعين اكيد بكون مبسوطة _دا المهم عندي انك تكوني مبسوطة _انا عارفةصمتا قليلًا وتحدث هشام : _تميمة _ايوه _فى حاجة عاوزة تقوليهالي ؟

تعجبت : _حاجة زي ايه ؟ _يعني اي حاجة، حاجة حصلت ، حاجة عاوزة تحكيهالي كدا يعني ؟ _لا مفيش _أكيد مفيش ؟ نظرت اليه : _في حاجة يا هشام _بتأكد بس لتكوني رجعتي تخبي عليا زي عادتكنظرت اليه لحظات فى صمت وابتسمت: _لا متقلقش مفيش حاجة ، وانت عارف اى حاجة بتحصل انت أول حد يعرفها لو حاجة حصلت هتعرف ع طول . _وانا مستني ..عادت للنظر الى نرمين مبتسمة وسحبتها نرمين لساحة الرقص وبدأت ترقص برفقتها وجلس هشام ينظر اليها فى شرود ..

عادوا متأخر وكان حازم يجلس فى ريسيبشن الفندق ينظر اتجاه باب الدخول بين الحين والاخرحتى ظهرت تميمة واصدقائها برفقة هشام يضحكون ويتحدثون ، لم يرغب بالاقتراب اليهم ولكنه كان يريد الاطمئنان على تميمة وتوجه الى غرفته . فى اليوم التالي والجميع فى المطعم يتناولون الطعام ،جاء موظف من ادارة المسابقة الى تميمة : _انسة تميمة _ايوه _ممكن 5 دقائق من وقتكتحدث هشام بقلق : _فى حاجة ولا ايه ؟ _ادارة المسابقة

طالبة تقابلهاتحدثت تميمة : _ليه ؟ _لما هتروحي هتعرفي ..اتفضلي معاياتحدث هشام: _هاجي معاكي _لا خليك يا هشام اروح واشوف في ايه الأول _تمام .. لو في حاجة كلميني او ابعتيلي رسالة هكون عندك ع طول _أكيد ..تحركت من مكانها واصتطدمت مع حازم وتحدث حازم: _هما طلبوكي انتي كمان ؟ _ايوة .. فى ايه ؟ _تعالي هنشوف . توجها الى مكتب ادارة المسابقة وجلسا وعرض عليهم فيديو يجمعهما من ليلة أمس فى الساحة .. تبادلا النظرات بذهول وتحدث حازم:

_ماله الفيديو .. اعتقد مفيش حاجة غلط . _ايوه الفيديو مفيهوش حاجة غلط لكن شوفت كام مشاهدة ؟ نظرا الى عدد المشاهدات وكانت تخطت المليون مشاهدة فى يوم ونصف وتفاجأت تميمة ونظرت الى حازم وتحدث : _مش فاهم ودا فيها حاجة ؟ _احنا بعد ما شوفنا الفيديو وانتشاره السريع ، فكرنا وقررنا نعمل فيديو تسويقي للمسابقة هنا ع موقع المسابقة عبارة عن دانسينج لمده 5 دقائق . _تمام كل مره بيبقى في فيديو .. احنا ايه علاقتنا ؟

_الادارة اختارتكم أنتم الاتنين تعملوا الميوزك فيديو للمسابقةتفاجأ وتحدثت تميمة : _أحنا ؟ _اتمني مترفضوش طلبنا ،الفيديو الموسيقي هيكون ذو فايدة لينا وليكم ، انتم هتتعرفوا أكتر واحنا مسابقتنا هتتنتشر لكل حد عنده موهبه هيقدر ينضم لينا.تحدث حازم : _اعتقد ان فى دانسر معيينن هما اللى بيعملوا الفيديدو اللى كسبوا المسابقة الأخيرة صح ؟

_أيوه فعلًا دا كان المخطط لكن بعد الفيديو بتاعكم قررنا انتم اللى تعملوه ، المسابقة بعد 10 ايام فى خلال 5 ايام يكون الفيديو جاهز لاعلان . خرجا من المكتب ووقفت تميمة ملامحها متغيرة وتحدث حازم: _انتي قلقانه ليه الموضوع بسيط _احنا هنكون واجهه المسابقة .. انت مستصغرها ليه ؟ _لأننا كبار _مش وقت غرور دا

_ليه متقوليش ثقة بالنفس ، احنا مش قليليين وموهبتنا مش قليله وانتي شوفتي بنفسك كان معجب أزاي بالفيديو العشوائي بتاعنا ، اننا نعمل الميوزك فيديو دا دليل ع ان موهبيتنا كبيرة ودا يفرح ميخوفش . _يمكن لأنها مش أول مره ليك فبتتكلم عادي _بتكلم كدا من الحماس ،مش أول مره ايوه لكن أول مرة معاكي ودا الفرق .صمتت لحظة : _المهم هنعمل ايه دلواقتي ؟ _ولا حاجة هنصمم حاجة مع بعض تكون سهلة وتخطف _تمام

_خلاص بعد ما اخلص وتخلصي تدريب نتقابل ونشوف هنعمل ايه ؟ _تمام . عادت تميمة برفقة حازم تتحدث ، رأها هشام وهي تبتسم فى محادثتها برفقة حازم ، ودعته وتوجهت نحو هشام واصدقائها واخبراتهم ما حدث : _دا ايه الفرصة الجامدة دي يا تميمة ؟ _ايوه فعلًا فرصة من ذهب تعرفي ان كدا العين هتبقى ع فريقناحماس الجميع فجأئها : _بجد؟

_ايوه طبعًا ليدر بلو بوترفلاي اللي أول مرة يشارك فى مسابقة يكون مشارك فى ميوزك فيديو المسابقة فى موقع المسابقة الرسمي والعالم كله هيشوفه ، دا هيخلي العيون كلها علينا احنا وفريق حازم وقت العرض .تحدثت نرمين : _دا كدا معناه انكم لازم تكسروا المسرح وقت الاداء بتاعكم ، تميمة هتبدء وانتم تقفلوا المسابقة وتطيروا على البرازيل فى النهائي .حديثهم زاد من الاجواء حماس ،الجميع تحمس الا هشام ظل صامت وتحدثت تميمة:

_مالك يا هشام فى حاجة ولا ايه ؟ _لا ابدا بس بفكر هل دا هيأثر عليكي انتي ولا لا ؟ _مش فاهمة هيأثر أزاي ؟ _يعني هيبقى التدريب مضاعف والمجهود مضاعف ع يوم الاداءالرسمي بتاعكم هتكوني مجهدة . _انا كدا كدا يوميًا بدرب سواء معاهم او من غيرهم فهعتبره تدريب ..أطمن _ماهو لما أجهتدي نفسك النتيجة روحتي مستشفي _هخلي بالك من نفسي.. أطمن _تمام هطمن .. المهم ان اللى بيحصل دا مفرحكابتسمت تميمة :

_فاكر يا هشام يوم ما حضرنا حفلة حازم .. فاكر ؟ _ايوه _فاكر قولتلك ايه وقتها ؟ _قولتي يومًا ما هتكوني ع المسرح بالعرض بتاعك وهتكوني معاه ..فاكر _كان وقتها حلم معرفش هيحصل امتي وازاي ، مكنتش أعرف إن انا هوصل لكدا لكن كنت أعرف حاجة واحدة عارف ايه ؟ _ايه ؟

_أن انا أحلم وأستمر أحلم ومستسلمش للواقع إنه يموت أحلامي واسعي ليها مهما قست الظروف وحاولت تغير طريقي طول ما انا اقدر ، مفقدش الأمل و أصدق حلمي إنه هيتحقق فى يوم يا زي ما انا عايزة يا أكتر، انا حلمت بعرض ع المسرح فى حفلة في مصر مع حازم .. اللي حصل أن أول عرض اعمله معاه هيكون ميوزك فيديو لمسابقة عالمية العالم كله هيشوفها أنت متخيل الإحساس . _متخيل .. متخيل .. طيب هتعملي ايه دلواقتي ؟

_هنظم الوقت فى جدولي وحازم مع جدوله وهنوفر وقت نتدرب مع بعض احنا قدامنا 5 ايام ونسلم الميوزك فيديو . _يعني يومك هيبقى مشغول _فى 10 ايام الباقيين لازم أعمل كل اللى اقدر عليه _واحنا معاكي . عادت تميمة تتحدث وهي متحمسة مع اصدقائها ونرمين وظل هشام ينظر اليها فى صمت ، على الطاولة الاخري حينما أخبر حازم فريقه بما حدث تحمس الجميع كما تحمس فريق تميمة ما عدا ندى : _أنت أزاي توافق ع حاجة زي كدا بمنتهي البساطة ؟

_كنت عاوزاني أرفض أكون موجود وأعتذر ؟ _لا ترفض إن شريكتك حد تاني غيري ، هما عارفين كويس ان أنا شريكتك فى كل ميوزك فيديو بتعمله . _لكن هما أختاروا ، هما حرين عاوزين مين انتي او حد تاني . _يعني لو حد تاني غير تميمة كنت هتوافق وعادي ؟ نظر اليها : _وانا ايه اللى هيخلي الناس تصورني مع حد تاني هل دا حصل قبل كدا ؟ _انا بسألك يا حازم لو حد تاني غير تميمة كنت هتعمل ايه ؟

_كنت هعتذر يا ندى هو دا الرد اللى عاوزة تعرفيه اهو .نظرت اليه بغضب وصمتت : _ماشي يا حازم ماشي . _المهم دلواقتي هنرتب مع بعض مواعيد التدريب عشان هما محددين 5 ايام بس ، أستمروا فى تدريبكم حتى لو مش موجود .

نهاية اليوم أتفقت تميمة مع حازم أن يتقابلا فى صالة الالعاب فى الفندق .. ذهب حازم الى صالة الالعاب وجدها جالسة على الارض وامامها اللاب توب ودفتر وقلم .. وقف لحظات ينظر اليها ويبتسم لرؤيتها تعمل بجهد وهي لم تلاحظ وجوده لتركيزها .. أقترب نحوها وجلس بجوارها : _بتعملي ايه ؟ _كنت بجهز كام حاجة ولو في حاجة معينة قولي عليها . _اللى انتي هتقولي عليه هعمله وانا مغمض .نظرت اليه بتعجب : _نعم .. اللى هو أزاي يعني مينفعش طبعًا

_مينفعش ليه ؟ .. انا واثق فيكي وفي أختياراتك وهسمع كلامك _ودا اسمه ايه ؟ _اقولك حاجة وتصدقيني _ايه ؟ _انا مش مصدق نفسي إن انا وانتي مع بعض بنجهز عرض خاص بيناإبتسمت تميمة لتذكرها ما قالته لهشام فى الحفل .. استكمل حازم حديثه : _أنا اول ما شوفتك فى المطعم لما حصل التحدي بينك وبين ندى أنا تخيلت احنا الاتنين ع المسرح وبنكسر الدنيا . _انت عكست الحكاية ليه كدا ، دا المفروض أقوله انا ، أنت اللى مشهور مش أنا .

_بالنسبالي انتي المشهورة ودا حقيقة _يا سلام _مش مصدقاني بصي في عينيا اهوقرب وجهه اليها وتقابلت اعينهم للحظات ، توترت والتفتت عيناها اتجاه اللاب : _هصدقك مش عشان أنت اللى بتقول ، لا ..هصدقك لأني واثقة من نفسي وعارفة انا شاطرة فى ايه ؟ ابتسم : _شويا وقت وهتبقى أشهر دانسر انا متأكد من كدا _يسمع منك ربنا .. بس خلي الاحلام فى مكانها ووقتها وخلينا فى الواقع دلواقتي قدامنا 5 ايام عاوزين ننجز بعد أذنك ممكن ؟

_تمام انا اعتبريني تلميذ عندك وعلمينيضحكت تميمة : _تلميذ مرة واحدة _ايوة .. هبقى مطيع وهنفذ تعليماتك _انا بتكلم بجد . _خلاص متقفشيش كدا ، معاكي لو في حاجة هقول رأي _طيب بص وقولي ايه رأيك مبدائيًا كداالقى نظرة على ما حضرته: _ايه الجمال دا ايه الحلاوة ديه _ناقص تقول وهيييه .. _وهيييه ولا تزعليضحكت تميمة ع طريقته الفكاهيه .. بعيد كان هشام يقف يشاهدهما وهما يجلسان بمفردهما ويضحكان وشعر بالضيق وغادر دون أن يشعر به أحد .

بدأ حازم وتميمة يتدريان يوميًا ولاحظ هشام انشغال تميمة بالتدريب مع فريقها ومع حازم أغلب الوقت ، لم يجد وقت يجلس برفقتها الا وقت تناول الطعام وسط المجموعة دون ذلك مشغولة .. مر ال5 أيام بسلسلة وجهزا حازم وتميمة الفيديو الموسيقي المطلوب وشاهدوه لجنة المسابقة وتفاجئوا من براعتهم وتناغمهم سويًأ وتحدث رئيس لجنة المسابقة : _رائع .. انتم كدا خلتونا نتحمس لعرضكم فى المسابقة متأكد هننبهر _اتمني كدا

_انتم كابلز جميل ياريت تعملوا فيديوز كتير ممتعه كدا بعد المسابقة هتفرق كتير معاكمابتسمت تميمة وغادرت المكتب برفقة حازم : _قولتلك هنكسر الدنيا _قصدك هنكسر بعض احنا بنتنافسضحك حازم : _طيب بمناسبة اننا انجزنا بتحفه فنية انا عازمك ع أيس كريم ومترفضيش ارجوكيصمتت للحظة وابتسمت : موافقةاتجها الى محل ايس كريم وجلسا : _بجد كان الموضوع موتر الحمدلله انجزنا بحاجة كويسةتحدث حازم :5 أيام ضرب ضرب من غير راحة

_عدت والنتيجة حلوة دا المهم _ايوه صحتغيرت ملامح تميمة : _ليفل الوحش بقى اللى فاضل لينا ، اللى فات دا ولا حاجة _متقلقيش هيعدي وكل حاجة هتبقى كويسة _لو أنت مش معايا فى المسابقة كنت أخدت رأيك فى العرض اللى مجهزينه . _انتى مصوراه ؟ _ايوه كذكري لينا يعني واقعد اشوف لو محتاج تعديل ولا حاجة _وموجود على اللاب اللى بيبقي معاكي ؟ _ايوه _يعني كان قدامي كذا فرصه كنت أشوفه _ربنا بيحبني _طيب عادي انا تلميذ عندك هقولك رأيضحكت :

_يا سلام لا احنا بنتنافس على التأهيل ولازم نفاجئ بعض بعروضنا _ماشي اللى انتى عاوزة ، انا كدا كدا حتى لو شوفته هتفاجئ متقلقيش _متحاولش مش هوريك حاجة _كلها كام يوم والعالم كله هيشوف ويتفرجضحكت : استرها يارب . _تميمة ؟ _ايوه _بعد المسابقة خططك ايه ؟ _مجهزتش حاجة ، تفكيري وتركيزي للمسابقة حاليًا _تمام اوي سيبلي انا الطالعة دي ممكن ؟ _هتعمل ايه ؟ _هبهرك .. _أستر يارب

حازم وتميمة عائدين من الخارج كان هشام ينتظر تميمة فى الريسيبشن ، شاهد دخولها برفقة حازم توجهه نحوها ورأته : _هشام _ازيك يا حازم _تمام وانت _تمام _طيب عن أذنكم اناذهب حازم ووقفت تميمة مع هشام : _كنتي فين كلمت موبيلك لاقيته مع نرمين ؟ _ايوه كانت بتكلم عبدالله وفصل موابيلها فسيبتلها موبيلي تكلمه منه _كنت عاوز أطمن عملتي ايه ؟

_انا اسفه .. انا قولت هنروح يشوفوا الفيديو وهرجع ع الغرفة اكلمك لكن حازم عزمني على ايس كريم بمناسبة اننا خلصنا الفيديو واللجنة عجبتهم ومن الذوق محبتش احرجه وروحت معاه .. بس كنت لما هرجع اكلمك واعرفك كل حاجة _كل حاجة ؟ _ايوه كنت هحكيلك ايه اللجنه قالته _قالت ايه ؟ تحدثت تميمة بحماس :

-عجبهم اوي يا هشام ، وقالوا مستنين يشوفوا العرض بتاعنا ومتاكدين انه هيبقى اون فاير واقترحوا عليا انا وحازم نعمل فيديوز كتير قالوا هتنفعنا وتنفع فريقنا يعني . _ليه قالوا كدا ؟ _يعني قالوا اننا مناسبين لبعض فى الفيديو ودا قليل لما يحصل _مناسبين لبعض ؟ _فى الفيديو .. بس انا مهتمتش لأن تركيزي فى المسابقة التأهيل دلواقتي ، كدا العين هتبقى عليا وعلى حازم ولازم الكل ينبهر بعرضي .

_ان شاء الله .. انا رايح اقابل صديق ليا روحي انتي ارتاحي . _تمام .. تصبح ع خير تركته وغادرت تميمة وغادر هشام الفندق . عادت تميمة الى الغرفة وجدت نرمين مازالت تتحدث مع عبدالله ، القت نظرة على الساعة : _نرمين انتى بتتكلمي لسه ، 4 ساعات ونص بتتكلمي ؟ اغلقت نرمين الهاتف : _انتى هتحسديني ولا ايه ؟ _احسدك ع ايه بس 4 ساعات متواصله بتقولوا ايه ؟ _كتير .. نخلص موضوع وندخل في موضوع ونفتكر موضوع وكدا واهي ماشية

_والموبيل مسخنش ؟ _لا ما انا كنت ببدل بين تليفوني وتليفونك _مبتزهقيش بجد ؟ _ازهق ليه ..لا مبزهقش ..بصي يا تميمة انا نويت من أول ما عرفت عبدالله اني هستغل فرحة البدايات احسن استخدام ، بمعنى مش هفوت لحظة عشان مندمش بعدين ع تفويت الوقت ، وبعدين لازم يحس اني على قلبه كدا مش معني اني فى مكان وهو في مكان يتسرمح لوحده لا انا عنيا هناك وعارفه كويس بيعمل ايه .ضحكت تميمة : _انتي حاطاله مراقبين ولا ايه ؟

_انتي فاكراني بهزر ايوه موصيه اللى معانا فى المطبخ وبيوصلي تقرير يومي ع الواتساب بالاكلات اللى عملها كمان . _دا انتي فظيعة _لما نشوفك ياحبيببتي هتعملي ايه لما تقعي في الفخ . _هو كل اللى بيقع فى الفخ بيعمل كدا ؟ _دي غريزة يا تميمة انك عاوزة تنقضي على الفريسة متخليهوش يفرفس منكضحكت تميمة : ودا هيام ولا أنتقام ؟ _أنتقام على طول الانتظار ، سايبني انتظر كتير الباشا وكله بحسابه بقىضحكت تميمة: _والله فقر .

_قوليلي عملتي ايه واضح من وشك ان كله تمام ؟ _ايوه تمام وعجبهم اوي ومنتظرين العرض بتاعنا _واتأخرتي ليه كدا انتي كنتي بتشرحي الفيديو دا فيديو 5 دقائق _لا ما بعد ما خرجنا من المكتب حازم عزمني على ايس كريم بمناسبة إننا خلصنا فى الوقت وعجبهم بدون تعليقات . _وكان حلو الايس كريم _مالك بتقوليها كدا ليه ؟ _يعني اصلك مبسوطة بالايس كريم ف قولت اكيد طعمه حلو _نرمين .. اتعدلي فى كلامك وخليكي صريحة

_بصراحة كدا ، الكل ملاحظ مش انا بس _ملاحظين ايه ؟ _حازوووم يا تميمة ، يعني علاقتكم بقت لطيفة كدا وقريبين وضحكتك منورة وشك وهو موجود .. يعني لعل وعسي حصل وانتي مش واخدة بالك .هو ايه دا ؟ _اللى لما بتشوفي حد معين او تسمعي صوته او اسمه قلبك يدخل سباق اللى يلحقني يوقفني . _لا بجد ..انتم شايفين كدا ؟ _الظاهر لينا كدا وبعدين يا تميمة يا حبيببتي عادي قوليلي وفضفضي مش هقولهم صدقيني .

_انتي يا نرمين .. دا مش بعيد تكوني فاتحه سبيكر تسمعيهم، دا هشام بيعرف حاجات بتكون حاصلة من 5 دقائق وبستغرب عرف منين وافتكر انك كنتي موجودة . _احنا متعودين منخبيش حاجة عن بعض _عمومًا متشغليش دماغك مفيش حاجة _عيني فى عينك كداصمتت تميمة وتحركت من مكانها : _خليكي مع عبدالله وأبراج مراقبه فى مصر وسبيني فى مسابقتي _عاجلًا أم أجلًا كله هينكشف ويبان .. اصل الحاجات دي بتلعلع كدا طبيعي واساليني انا _ماشي يا خبرة ..

دخلت تميمة الحمام ووقفت امام المرآة للحظات وأبتسمت .

سافر هشام يومان للعمل ضروري ووعد تميمة بعودته قبل المسابقة ليكون برفقتها ، فى الفندق تجمع الفرق واتفقا ع الذهاب الى تخييم يومان كتغيير اجواء وأزاله الضغط والتوتر .. وافقا الجميع واتجها الى تخييم فى مكان ملئ بالاشجار .. اشعلا النيران وجلسوا حول النار لتعارف والتحدث والاغاني ثم توجهه كلا منهم الى الخيم للنوم وللجولات الحرة .. جلست تميمة امام الخيمة الخاصة بالفتيات وهي تستمتع الى الموسيقي .. رأت يد ممتده لها نظرت كان حازم ،

أزالت سماعة الاذن : _حازم .. خير _تعالي معايا _فين ؟ _تعالي معايا مش هخطفك _اعرف رايحة فين ؟ _هتعرفي لما نوصل هنروح مكان هتنبسطي جدًاتحركت تميمة برفقة حازم ووصلًا لمكان مرتفع وجلس وطلب منها أن تجلس بجواره : _احنا هنا ليه ؟ _عشان فى مشهد مبيتكررش غير كل كام سنه هيحصل دلواقتيالقى نظرة على الساعة : _كمان نص ساعة كدا _ايه اللى هيحصل يعني مش فاهمة ؟ _تعرفي الشهب ؟ _ايوه مالها ؟ _في شهب هيمر من هنا _والمطلوب ؟

_بيقولوا لما تتمني أمنية لما تشوفي الشهب بتتحققضحكت تميمة : _أنت بتصدق الحاجات دي ؟ دا بيحصل فى الافلام انا شوفته فى فيلم هندي . _مش حكاية بصدق لكن ممكن تأخديها بشارة من السما مثلًا ، وبما اني ليدر فريق وانتى ليدر فريق فيهمنا فريقنا ونستغل اى حاجة عشانه .تحدثت تميمة : _نتمني امنية والشهب بيمرضحك حازم: _هو انتى لازم تلمضي يعني ، اعتبريه مشهد طبيعي ،هتشوفي السماء هتكون مليانه نجوم مش انتي بتحبي النجوم ؟ _ايوه

_اهو اعتبريها ميداتيشن فى الطبيعة ياستي ..ااعتبريها اي حاجة يا تميمة هرمي نفسي من هنا وهقول انك اللى زقتيني . _هتقول ازاي مانت هتكون سافرت لفوق _هطلعلك فى الكوابيس ، هو انتي فاكره هسيبك لا وراكي وراكيضحكت تميمة : _خلاص نمشيها ميداتيشن .جلسا فى صمت وتحدث حازم : _فى وقت تعالي نسأل بعض أسئلة صراحة والشاهد علينا ربنا يعني من غير كذب _انت بتزنقني يعني ؟

_لا نتعرف ع بعض نعرف بعض وانا هجاوب ع اى سؤال وعشان تعرفي انا جدع السؤال الاول ليكي اسألي يلا ؟ _ماانا مش مجهزة اساله _اى حاجة فكري ؟ _طيب .. لو أنت مش إنسان تحب تكون أيه ؟ _حصان _ليه ؟ _له هيبه كدا ووقار وشمخه وعزه شخصيته منفردة .. وانتي ؟ _فراشةابتسم : _فراشة زرقا عشان كدا .. ليه بقي فراشة ؟

_كائن ضعيف شكلة مميز جميل يوحي انه سهل تموته لكن حقيقته انه قوي ، عاش مراحل كتير قاسية واتعرض للموت كتير وبأرادته حول ضعفه لقوة و قرر انه يخرج من الشرنقة اللي دخلها دودوة حرج منها يطير بشكل جميل .. بحس ان حياتي وحياة الفراشة متشابه. _والازرق ؟ _لون المفضل لماما سمية اللى لولا وجودها فى حياتي واللى علمتهولي مكنتش وصلت للى انا وصلتله . _يعني انتي الفراشة والازرق هي مامتك _بالظبط الفراشة الزرقاء احنا الاتنين

_جميل .. سؤالك ؟ _انت خططك بعد المسابقة ايه ؟ _بعد المسابقة دي ؟ _ايوه مفيش مسابقة تانية احنا فيها يعني فى مسابقات حفلات كدا يعني ايه خططك ؟ _هنتجوزتفاجئت تميمة : _بتقول ايه ؟ _بقول اللى عاوز اعمله ان شاء الله يعني _مش عارفه اقولك ايه بجد _أنتي سألتي وانا جأوبت .. سؤالي ؟ _ايه هو ؟ _ليه أتفاجتي كدا مش الطبيعي لاي بنت تتجوز ؟ صمتت لحظة ..: _ايوه طبيعي لكن فى وقته

_أجابتك مش صريحة ، وقته دي بتقوليها لتسليك السؤال وتسكتي اللى قدامك لكن في سبب تاني انا متأكد، قوليه وصدقيني مفيش حد هيعرف انا قولتلك الشاهد علينا ربنا .صمتت لحظة : _مش هتجوز غير لما نرمين وهشام يتجوزو الأولتفاجئ من السبب : _بتتكلمي بجد ؟ _عرفت ليه مبقولش السبب عشان مفيش حد هيصدقني _اصله سبب غريب ، نرمين ومخطوبة لكن هتستني هشام ليه ؟ نظرت اليه :

_كدا .. انا مش هتجوز ولا هاخد خطوة غير لما هشام يتجوز الأول وكدا كدا انا مش مستعجلة ولو حصل وفي حد في حياتي يستني ، هيستني تمام مش هيستنى ومستعجل أسفه . _انتى بتتكلمي بجد ؟ _عاوز تصدق براحتك مش عاوز براحتك انا مش هقنعك بس دا أجابتي ع سؤالك . استلقت تميمة على الارض بضهرها وتنظر الى السماء : _كدا الرؤية أحلياستلقى حازم بجانبها وهو مصدوم من أجابتها :فى تلك اللحظة ظهر بالفعل الشهب وابتسمت تميمة لرؤيته :

_الله .. ايه الجمال دا ؟ تحدث حازم : _اتمني امنية يا تميمة _وهتتحقق ؟ _ممكن ..اتمني وخليها تترفع للسمااغمضت تميمة عيناها وتمنت أمنية وتمنى حازم أيضا امنية ، وظلا مستلقيان ينظران الى السماء فى صمت يستمتعان بالمشهد .. بعد مدة تحدث حازم ولم تجيب تميمة فنظر اليها كانت اغمضت عيناها واستسلمت للنوم وظل بجوارها للشروق واستيقظت تميمة ع صوت الطيور : _ايه دا هو انا نمت _ايوه _وانت ؟ _نمت انا كمان _مصحتنيش ليه ؟

_اعتبريها تجربة جديدة ، كانت حلوة ولا ضايقتك؟ _لا بصراحة كنت مرتاحة _بس دا المهم .. _طيب يلا بينا نرجع ليهم المخيم . عادوا الى المخيم وسط نظرات ندى لتميمة الغير مريحة ، جلسوا حول النار المشتعلة وقرروا ان يلعبوا لعبة السرعة ، وهو سمع كلمة والاجابة بكلمة واحده سريعًا بدون تفكير كثير .. مر الدور ع الجميع ووصلا الى تميمة : _جاهزة _جاهزة يلا _من غير تفكير بسرعة اسرع واحد هو الكسبان _تمام _البحر _هدوء _الرقص _حياه _نرمين

_اختى _المسابقه _هكسب _الاكل _نرمين _النجوم ( كانت ستنطق اسم حازم وترردت وخسرت وجاء دور حازم) _مستعد؟ _ايوه .. _السما _براح _النجوم _احلام _المسابقه _منافسه _الحب _دقه _بحب _تميمةتفاجئ الجميع ونظرا الى تميمة التي ارتبكت ونظرت الى حازم وتحدث حازم: _مالكم في ايه ؟ هي دانسر بحب رقصها انتوا في ايه ؟ يلا كملوا

الهى حازم الجميع ووغمز الى تميمة لتطمئن .. انهو جلستهم وعادوا الى الفندق وعادوا الى التدريبات المسابقة بعد يومان .. فى صاله الالعاب كانت تميمة برفقة فتيات من الفرق الاخري .. بحثت تميمة ع اوزان معينة ف اخبرتها فتاة بوجودها فى المخزن .. توجهت الى المخزن وشاهدها حازم وتتبعها ، دخلت ولحق بها وبعد لحظات سمع صوت صراخ تميمة ، توجهه الى الداخل وجد تميمة على الارض مستلقيه ووقع على قدمها ماسورة معدن وكانت تتألم ، سريعًا ذهبوا

الى المشفي أخبرها الطبيب بأصابتها بكدمة وشرخ بسيط ولابد من راحة لمدة شهر .. طلب الطبيب بوضع قدمها فى جبيرة ولكنها رفضت وتمسكت برفضها وأكتفت بلف قدمها برباط ضاغط .. عم حالة من الحزن على تميمة بسبب قدمها والمسابقة بعد يومان .. تنظر الى فريقها وملامح الحزن تكسو وجوهم لضياع حلمهم .. ولانها عنصر أساسي فى الاداء والجميع ينتظر الاداء بسببها فمعنى وجودها مهم واختفائها يعني ضياع الفرصة ..حاول حازم التحدث معها ولكنها رفضت

الانصات الى أي أحد

حتى جاء هشام وتحدث معها : _تميمة العند فى كدا مش صح _انا مش هستسلم يا هشام _محدش قال استسلمي لكن رجلك مصابه واى مجهود اضافي هتتأذي _متقلقش انا كويسه وهبقى كويسة ، و الاداء هيتعمل وانا موجودة _تميمة _الحلم دا مش حلمي لوحدي ، حلمنا كلنا وانا مش هضيعه لاخر نفس مش هستسلم _انتي بتقولي ايه ورجلك ؟ صمتت لحظات تفكر :

_في حل .اجتمعت مع فريقها وبدلت اداء ب أداء اخر كانوا يقوموا به فى مصر وهو بسيط وحركاته اخف وفي العرض الثاني ستبدل مكانها مع احدى اصدقائها حتى لا تكون فى الواجهه ولكن لابد من اظهارها فى الاداء الاول .. اصرت تميمة واستعملت مسكنات ومخدر موضعي لمكان الاصابة وربطتت قدمها برباط ضاغط ووقفت امامهم ثابته مبتسمة: _كل حاجة هتبقى كويسة وهنعرض الادائين بتوعنا ..تحدث معها حازم : _تميمة غلط رجلك _انا عارفه بعمل ايه يا حازم .

يوم العرض قبل ذهاب تميمة الى مكان الاداء وقفت امام المرآة تحدث نفسها : _انتى كويسة وهتقدري .. هتستحملي عشان حلمك وحلمهم المربوط بيكي .. هتقدري يا تميمة هتقدري .خرجت وتحركت طبيعي امامهم واخبرتهم بتحسنها لتنقنعهم انها بخير ..قبل ذهاب حازم الى الاداء الخاص به ذهب لرؤية تميمة : _تميمة .. عادي انك تنسحبي المسابقات كتيرة ، المهم رجلك وانتى _انا كويسة يا حازم.. روح الاداء بتاعك وربنا يوفق الجميع

عنادها وتمسكها ب رأيها افقد الجميع صوابه حتى هشام لم يستطيع ايقافها .. اقترب العرض الاول لتميمة وفريقها وبالفعل ذهبوا وكانت حركاتها بسيطة ولكن العرض نال اعجاب الجميع .. بدأت تشعر ببعض الالم ولكنها ذهبت الى الغرفة لتضع المخدر والمسكن وتعيد ربط الرباط جيدًا.. كان اداء الثاني لفريق حازم وهي فى غرفتها نقر على الباب حودة ودخل وملامح وجهه متغيره : _الحقي يا تميمة الحقينا _فى ايه

_لا انتي تيجي تشوفي بنفسكتوجهت برفقة حودة الى قاعة عرض الاداء وصدمت وهي تشاهد اداء الثاني لحازم وفريقه ..كان حازم وفريقه يأدون الاداء الثاني التي جهزته تميمة وفريقها : _احنا كدا ضيعنا يا تميمة وخرجنا رسمي _اكيد خرجنا كل الفرق مجهزة ادائين احنا معرضناش غير واحد والتاني اتاخد مننا

_ازاي هما خدوه كدا ببساطة، مين كان يعرف اننا مصورين الاداء بتاعناتذكرت تميمة مرافقتها لحازم وقت الفيديو الموسيقي وبرفقتها اللاب توب به فيديو الاداء ومعرفة حازم بوجود الفيديو للاداء وتيقنت انه سرقها .تحدث احدهم : .مجهودنا كل الشهور دي ضاعت ، اتسرق مننا فرصتنااقترب هشام اليها : _انسحبي يا تميمة وبعدين حاسبي اللى سرق مجهودكم ببساطة كدا -انسحب ؟ قالتها غاضبه :

_انسحبي دي مش اخر مسابقة فى مسابقات كتيرة جايه وبعدين انتى رجلك تعباكيبنبره وملامح غضب وهي تشاهد أدائها المسروق وسط اعجاب وتهليل اللجنه والجمهور : _محدش يقدر يسرق مني حاجة .. فاهمين حلمنا متسرقش _يعني ايه ؟ _هنطلع ونأدي الاداء التاني بتاعنا _فين الاداء دا ؟ تنفست نفس عميق وقالت :

_الاداء اللى بدلناه الاول .. الاداء الاساسي هنعملهتبادلا الجميع نظرات فى صدمة وهما ع علم مدي الضرر الذي سيصاب قدم تميمة من الحركات التي ستنفذها فى الاداء تحدث احدهم : _لا يا تميمة مش هينفع لا احنا ننسحبتقالت ب إنفعال: _مفيش انسحاب ولو محدش دخل معايا المسرح انا هطلع لوحديعادت الى الغرفة وتناولت المزيد من المسكنات دخل خلفها هشام امسك يدها ووقف امامها : _بصيلي هنا .. مفيش طلوع ع المسرح _موتني _ايه ؟

_السبب الوحيد اللى مش هيخليني اطلع ع المسرح الموت .. موتني يا هشام _تميمة انتى فاهمة كلامك دا معناه ايه ؟ _معناه لاخر نفس هكمل لحلمي ومش هرجع لاخر نفس .. _مينفعش العند دا _هكمل يا هشام عن أذنك انهى حازم الاداء ولاحظ تغير ملامح اصدقاء تميمة ونظراتهم الغاضبة الساخطة عليه ، رفضت نرمين التحدث معه ولكنه اصر : _فى ايه يا نرمين وتميمة فين ؟ _مكناش نتوقع تعمل كدا يا حازم .. مكنتش اتوقع تعمل فى تميمة كداحازم

مصدوم من كلمات نرمين : _انا مش فاهم حاجة فى ايهتحدث كريم صديقة تميمة : _اخر حاجة كنا نتوقعها منك انت بالذات إنك تسرق مجهودنا وحلمنا بالشكل دا ، احنا اعتبرناك واحد مننا يا حازم .. يا خسارة .اقتربت تميمة وملامحها غاضبة حاول حازم التحدث معها دفعته بقوة وتحدثت بنبرة غاضبة :

_متقربش ليا .. ابعدتفاجئ حازم من نبرة غضب تميمة ووقوفها هي وفريقها يستعدا لصعود المسرح ووقوف حازم مصدوم مما حدث .. صعدت تميمة المسرح وحاولت ان تبتسم .. بدأت الموسيقي وبدأ يتحركا على المسرح وبدء اصدقائها بالتغطيه عليها قدر المستطاع وملامحهم كلها قلق عليها وبدأ أداء العرض الخاص بهم.. اثناء اداء العرض مر امام تميمة ما مرت به فى حياتها ومقابلتها لسمية وفقدانها لها هي وجلال وحبسها ومعاملة السيئة التي تعرضت لها وكل المواقف

المؤذية التي عاشتها ومقابلتها لحازم وثقتها فيه مما زاد ألم فى قلبها مما فعله لها وسرقة حلمها ببساطة انهمرت دموعها فى تلك اللحظة شعرت بالألم فى قدمها ولكنها تحاملت .. كان بالاداء جزء خاص بها ستتحرك بقوة وستضغط ع قدمها بقووة وكانت نرمين تحضر معها التدريب ورأتها من قبل فعلمت جيدًا مدي السوء الذي ستتعرض لها تميمة ..كانت تشاهد العرض برفقة هشام ودموعها تنهمر .. امسكت

نرمين يد هشام وهي تبكي :

_رجلها يا هشام ، تميمة مش هتكمل هنا يا هشاموبالفعل حينما وصلت لاداء حركة الخاصة بها كانت ستسقط ولكنها تحاملت وعادت تقف مرة اخري وسط قلق وخوف نرمين واصدقاء تميمة الذين لحظوا عدم اتزانها على المسرح وتحاملها .. انتهت الموسيقي ودوت صرخة قوية من تميمة وسقطت على الارض فقدت وعيها من شدة الالم .. سريعًا حملها اصدقائها وغادروا المسرح متجهين الى المشفى .. لحق بهم حازم وشاهده هشام واقترب اليه وانهال عليه بالضرب قائلًا:

_أنت السبب .. انت السبب انها كدا .. أنت السببحاولا الجميع ابعادهم عن بعض وطلب اصدقاء تميمة من حازم مغادرة المشفي .. وغادر بالفعل .. خرج الطبيب واخبرهم بكسر قدمها نتيجة الضغط المفرط عليها وأصابتها بصدمة عصبية .. بكت نرمين بشدة ووقف هشام فى صدمة وفزع .. شاهداها مستلقية على السرير وهى نائمة .. حاول حازم الدخول لرؤية تميمة ولكن هشام منعه من التقرب لها .. ظل حازم امام المشفى ..هاتفته ندى واخبرته بتأهل فريقه لنهائي .. رأي خروج هشام من المشفى ودخل وجد

نرمين تجلس بمفردها تبكي : _نرمين _انت هنا بتعمل ايه .. عاوز تشوفها كدا اتفضل شوف نتيجة عمايلك ايهبغضب تحدث: _انا عملت ايه مش فاهم.. كلكم بتقولوا عملت عملت .. عملت ايه ؟ _الاداء الاخير ليكم دا انتم سرقتوه من تميمة وبسببه هي في الوضع داتفاجى حازم : _بتاع تميمة .. ازاي ؟ _والله المفروض اصدق انك متفاجئ .. امشي يا حازم امشي كفاية اللى حصلها ( دموعها منهمرة )

تميمة خلاص مش هتقدر ترقص تاني الحاجة اللى بتحسسها انها عايشة راحت منها مع اللى راحوا .. امشي .صدم حازم من كلمات نرمين والاكثر ان تميمة صدقت ما حدث انه سرق الاداء الخاص بهم وتسبب فى ما حدث لها .. عاد الى الفندق لفريقه وسحب ندى من يدها : _فى ايه يا حازم .. _ردي عليا بصراحة .. تصميم الاداء الاخير جيباه منين يا ندى ؟ _ما انا قولتلك شخص اعرفه طلبت منه كذا واحد ودا عاجبني وعجبك لما ورتهولك _مين الشخص دا .. اوصله ازاي ؟

_ليه ؟ بنبره غاضبة: _مين الشخص دا يا ندى _فى ايه يا حازم واحد بيصمم وانا اخدت منه ايه المشكلة هنا ؟ _المشكلة ان التصميم مسروق .. مسروق من تميمةافتعلت الصدمة : _ايه لا مش معقول ؟ _انا متهم اني سرقت تميمة ، تميمة فاكره انا اللى سرقتها وسبب اللى حصلها دا _وصدقت عادي ؟ بغضب قال : _هاتيلي رقم او اى حاجة اوصله بيها _هحاول حاضر حاضر .

ظلت تميمة نائمة بسبب الادوية وكان هشام ونرمين لم يفارقها .. عادت نرمين الى الفندق لاستبدال ملابسها وقف هشام امام تميمة وتساقطت دموعه من عيناها ورن هاتفه برسالة وفتحها : _مبرووك على نجاح خطتنا _ندى . فلاش باك من شهر ونصف فى القاهرة هشام فى مكتبه ودخلت السكرتيريه ووضعت بطاقة امامه وتفاجئ من رؤيتها : _خليها تدخلدخلت ندى المكتب وهي تنظر فى الانحاء : _المهندس هشام اكيد عارفني انا ندى من تيم زوو تيم حازم

_ايوه فاكرك.. اقدر اخدمك فى حاجة ؟ _بصراحة كدا انا جايالك بخدمة مشتركة لك وليا _مش فاهم _تميمة وحازم .. انا بحب حازم وعاوزاه وانت بتحب تميمة وعاوزها ودا واضح _ايه كلامك دا ؟ _متحاولش تنكر حقائق كل ما بنتقبل الحقيقة بنقدر نتعامل معاها ، انكارنا مش هيفيدنا بشئ _انتى عاوزة ايه ؟ _عاوزة اللى انت عاوزة .. نبعد تميمة وحازم عن بعض بعد نهائي بدون راجعهصمت هشام واستكملت ندى :

_افهم ان السكوت موافقة ، الموضوع بسيط وانت الوحيد اللى تقدر تعمله وهيحللنا مشكلتنا بكل بساطة . _ازاي ؟ _احنا البنات اللى يقفلنا ويوجعنا من شخص بنحبه هو الغدر وخيانة الثقة ، فتميمة عشان تبعد حازم عن حياتها لازم تتغدر منه وقتها مش هتقدر تسامحه مهما عمل . _ودا هيحصل ازاي ؟ _فيديو مدته 4 او 5 دقائق هتاخده من عندها وتبعتهولي والباقي انا اللى هعمله _هتعملي ايه ؟

_هعمل ان حازم خان ثقتها وسرقها وهيخسرها المسابقة من بعدها صدقني تميمة مش هتبص فى وش حازم مرة تانية وان تم زي ما بقولك مبروك علينا رجوعهم لينا. باك ..امام سرير تميمة وقدمها معلقة بجبيرة وهي نائمة مستكينة من الادوية.. ينظر اليها هشام ودموعه منهمرة يقول : _انا اسف يا تميمة.. ياريتني ما سمعت كلامها واديتها الفيديو ، اسف مكنتش اتوقع ان دي النتيجة اني هأذيكي بالشكل دا وهكون سبب نهاية حلمك . يتبع ... عرض أقل