رواية في قبضة العشق الفصل الثالث عشر 13 - بقلم امل الهلاوي

في شقة ساره ويونس صعدت ميرفت إلى ساره ادعت أنها تريد أن تبارك لها على الحمل الجديد ورسمت ابتسامة عريضة على وجهها وكأنها فرحة بحملها. استقبلتها ساره بترحاب شديد، هي ظنت أن ميرفت تغيرت، لأنه خلال أكثر من عام كانت تدعي أنها صديقتها وأنها تحبها. ميرفت: ألف مبروك يا سوسو، أنا مبسوطة أوي. ساره: الله يبارك فيكي يا ميرفت. ميرفت: أنا كده بقيت عمة. أنا كنت خالة كتير، بس مش عمة حربية زي ما بيقولوا على النت.

ساره: انتي أحلى عمة يا ميرفت. ميرفت: بالحق يا ساره، كان فيه حد كاتب منشور إنه معاكم في صيدلة وعنده كانسر ومحتاج مساعدة. أنا اتواصلت معاه أنا وأصحابي وجمعنا مبلغ. اسمه سامي محمد ربيع. ساره: آه ده معايا في السكشن. معقول عنده كانسر؟ ربنا يتولاه. ميرفت: آه، إحنا جمعنا المبلغ ده. ممكن توصليه ليه في ظرف؟ لأنك عارفة جامعتكوا بعيدة أوي عننا.

ساره: مفيش أي مشكلة. ربنا يشفيه يا رب. أنا كمان هحط اسمه في الجمعية بتاعتنا وأشوف هانقدر نساعده إزاي. ميرفت: ما تقومي تعملي لنا أي حاجة نشربها يا سوسو.

هنا بالفعل استجابت لها ساره وذهبت لتفعل عصير كما طلبت. هنا قامت ميرفت سريعاً ودخلت غرفة النوم وفتحت خزنة يونس. كانت تعلم الرقم السري، فيونس كان يخبر ساره به لكي تجلب له بعض المال، واستمعت ميرفت لهم. وبالفعل أخذت كل ما بها من أموال، ووضعت أسفل ملابس ساره هاتف خلوي على وضع الصامت وانطلقت مسرعة للخارج. كانت ساره لازالت تفعل العصير. اطمأنت ميرفت أنها لازالت بالداخل، ووضعت الأموال في ملابسها، ثم ما لبثت أن انصرفت سريعاً.

............................. في اليوم التالي، ذهبت ساره إلى الجامعة وبالفعل قابلت سامي. هنا أعطت له الأموال. شكرها سامي كثيراً وظل يطيل الحديث معها، ولكنها انصرفت مدعية أن عندها موعد آخر. في الجهة الأخرى، قريباً ودون أن يرى أحد، كانت ميرفت ومنى يأخذون صوراً لساره مع سامي وهي تعطيه الأموال. أخذوا صوراً كثيرة لهم في تلك الدقائق المعدودة. ذهب إليهم سامي. سامي: البنت كويسة يا ميرفت؟ صعبانة عليا.

ميرفت: انت كمان هاتقولي كويسة؟ سامي: طيب كفاية حوار الفلوس وبلاش الحوار التاني. ميرفت: أنا بقالي سنة بخطط معاك وعاملين حوارات، وجاي تقول لي بلاش؟ منى: انت يا حبيبي مش شغال ببلاش. انت بقالك سنة بتسحب مننا فلوس، ولما الحوار يكمل وتطلق ليك 50 ألف جنيه كمان. سامي: طالما فيها 50 يبقى براحتكم. ميرفت: أهم حاجة إنك تختفي بعد ما تعمل اللي قلنا ليك عليه. .........................

اصطحبت ساره أخاها مروان هي ووالدها إلى الطبيب. كانت النتائج قد ظهرت. الطبيب: أنا آسف يا جماعة، ده فشل كلوي ولازم يبدأ غسيل فوراً. صعقت ساره وماهر ومروان مما قاله الطبيب للتو. ماهر: غسيل كلوي؟ الطبيب: أيوه، لأن لو ما بدأناش جسمه كله هايورم وهاتتكوم السوائل في جسمه. ساره: مافيش حل تاني يا دكتور؟ الطبيب: فيه الزرع، بس لحد مادة يتم، لازم نبدأ الغسيل على مانرتب ونلاقي متبرع. مروان: والزراعة دي بتنجح يا دكتور؟

الطبيب: آه طبعاً، في حالات كتير نجحت. وطبعاً دي بتوقف على استجابة جسمك للكلية اللي هاتتزرع. نظر مروان للطبيب بحسرة وصمت عن الحديث. ساره بعيون دامعة: طيب هاتتكلف أد إيه العملية؟ الطبيب: لو لاقيتوا متبرع واتوافق معاه، ممكن تتكلف 200 ألف. ساره: كلنا هانعمل التحاليل وإن شاء الله حد فينا هايتوافق معاك يا حبيبي، ماتقلقش يا مروان. الطبيب: لازم نركب دلوقتي قسطرة نبدأ منها الغسيل لحد مانرتب للعملية.

ماهر: القسطرة دي إزاي يا دكتور؟ الطبيب: دي عبارة عن قسطرة فيها أنبوبتين بتترزع في شريان كبير في الرقبة أو الفخذ، ومنها بتم عملية الغسيل. أول جلسة هاتكون ساعتين، وبعد كده 3، وبعد كده 4. شرح الطبيب طريقة الغسيل الكلوي بالكامل لهم. كان عقلهم لا يستوعب ما يحدث لهم. ............................ كانت ساره حزينة جداً على أخيها. قصت ليونس ما حدث عند الطبيب. يونس: ما تشيليش هم حاجة يا حبيبتي، أنا هاوفر فلوس العملية. لمروان.

ساره: وانت إيه ذنبك يا يونس؟ يونس: ما تقوليش كده يا ساره، إخواتك هما إخواتي. مش عاوزك تشيلي هم حاجة طول ما أنا موجود. أنا عاوزاك بس تهتمي باللي في بطنك وتاخدي بالك من نفسك. ........... بكت مديحة بحرقة على ولدها الذي زاره المرض مبكراً وهو مازال يخطو أول صباه. كانت تخاف عليهم دائماً من الحسد، ولم تتخيل أن الحسد سيصيبهم في مقتل، وأن الحسد يدخل الرجل القبر كما كانت تسمع. ..........................

بعد ثلاثة أيام، توجهت ساره ويونس وماهر إلى المشفى الخاص لعمل القسطرة وبدء الغسيل الكلوي. جلب يونس معه الأموال لدفع أي رسوم، ولكن تلك الأموال من شركته. لم يفتح الخزنة حتى الآن. شكره ماهر كثيراً، فهو بحق كولد له، وقف بجوارهم كأنه منهم. كانت ساره سعيدة به وبرجولته مع أهلها. تمت أول جلسة غسيل بنجاح وبالتوفيق. كان مروان شخصاً هادئ الطباع، راضياً بقضاء الله، بل هو من كان يصبر أهله على مرضه. .............................

ذهب يونس إلى شركته في اليوم التالي. وجد أحدهم ترك له ظرفاً على مكتبه. فتحه وجد صور لساره مع سامي وهي تعطيه أموالاً وصوراً لمحادثات بينها وبينه.

وأحدهم كتب له تلك الرسالة: "أنا صاحب سامي، ومراتك بتخونك معاه من زمان، حتى من قبل ما تتجوزوا، ولسه من فترة قريبة أعطته يجي خمسين ألف جنيه سرقتهم من وراك عشان هي هاتطلق منك وتتجوزه. ولو مش مصدق هاتلاقي موبايل في دولابها بيتكلموا عليه وانت مش موجود. انت صعبان عليا وحاولت أنصح سامي بس ما استجابش ليا. هما أصلاً كانوا بيحبوا بعض قبل ما تتعرف عليك واتجوزتك عشان انت غني وتاخد منك شوية فلوس يتجوزوا بيها."

لم يصدق يونس ما رأى وكذب عينيه. لا يمكن أن تخونه ساره. قاد سيارته إلى منزله. كانت ساره مازالت في الجامعة، فقد بدأت الدراسة للتو. بحث في ملابسها عن ذلك الهاتف وبالفعل وجده في تحت ملابسها. فتح المحادثات بالفعل، محادثات منذ عام لها مع ذلك المدعو سامي، وصور لها أرسلتها إليه من قبل. إحدى تلك الصور بملابس المنزل في شقته، ومحادثات غاية في الانحطاط والتدني. بكى يونس، بكى كطفل صغير كما لم يبكِ من قبل. ظل يكسر في أي شيء يده تطيله ويأتي أمامه. ذهب إلى الخزنة ولم يجد أي أموال بها. بالفعل صدق أنها تخونه، ولم يصدق قلبه ولا عقله. صدق ما قيل وافتروا بها عليها. هنا أتت ساره وجدت المنزل في حالة يرثى لها ويونس جالس على الأرض وملابسه غير مرتبة.

ساره بذهول: إيه ده؟ مين اللي عمل كده؟ نظر لها يونس طويلاً وقال: ليه؟ ليه عملتي كده؟ ساره بتساؤل: عملت إيه؟ يونس: ليه خونتيني؟ ساره: خونتك؟ إيه الكلام ده؟ يونس: أنا شفت المحادثات اللي بينك وبين سامي وشفت صورك معاه. ليه حطمتيني وأنا حبيتك أكتر من نفسي؟ ساره بذهول: محادثات إيه دي؟ أنا مش فاهمة بتتكلم عن إيه.

هنا رمى لها يونس الهاتف الذي وضعته ميرفت في ملابسها. وبالفعل وجدت شخص ادعى شخصيتها وعمل حساب على موقع التواصل الاجتماعي الفيس بوك. والأغرب أن ذلك الشخص تواصل مع سامي باسمها. ظلت تقلب في الصور، أن تلك الصور أرسلتها إلى ميرفت من قبل. كانت ميرفت دائماً تقول لها: "ابعتيلي صورك بملابس البيت". نعم، إنها تلك الصور. نعم، إنها هي...