تحميل رواية «في منتهي العشق» PDF

تاني يوم البنات صحيت عشان يجهزوا لفرحهم.

طبعًا مبقاش في شغل.

عشق بتتكلم: مالك يا سارة؟

سارة: مفيش، متضايقة شوية.

عشق: طب قولي فيه إيه، متخانقة مع زين ولا مش عايزة تحكي؟

سارة: الصراحة آه.

بتبدأ تحكي، ولما بتخلص عشق بتتكلم:

بصي، طبعًا هو غلطان، بس عايزة أقولك إن الرجالة كلهم فيهم طبع الشك شوية، حتى في نفسهم.

لكن الراجل، تقدري تغيري فيه وتخليه واثق فيكي.

وأحيانًا بتكون غيرة، ولازم تتعودي على غيرة الراجل.

سارة بعياط: طب أنا دلوقتي زعلانة ومش عايزة أكلمه.

عشق: اهدي، والعياط مش حل.

خدي وقتك، بس متخلوش الزعل يبقى بينكم ويسيطر عليكم.

وقتها زين بيتصل، وعشق بتقولها:

هسيبك تتكلمي معاه، والراحة.

سارة: الو، نعم.

زين: افتحي الباب لو سمحت.

سارة استغربت: باب إيه؟

زين: الشقة يا.

سارة: أنجز.

سارة بتقوم تفتح وبتتفاجأ إنه شايل بوكيه ورد وبوكس.

زين: يا مفترية، مش شايلني؟

خليني أدخل ولا هفضل على الباب؟

وسعي كده.

سارة لسه مصدومة: ها، هو راح فين؟

زين: هتفضلي واقفة كتير؟ أنا قعدت.

هههههه.

سارة بتعمل نفسها زعلانة: نعم، خير؟

زين بيقعدها جنبه وبيمسك إيدها:

أنا آسف، ووعد مش هتحصل تاني.

أنا بس كنت حابب أقولك وحشتيني، لكن استنيتك كتير.

حقك عليا.

سارة: يا زين، مينفعش من أول مرة تشك فيا كده، وإلا مكنتش خطبتني.

زين: ششش، خلاص بقى، ولا أرجع البوكس؟

سارة بسرعة: لا لا، خلاص.

وبيضحكوا، وبيستأذن إنه يمشي.

بتدخل أوضتها، وعشق بتتكلم:

أيوا بقى بالنص.

سارة: لا طبعًا، ده ليا أنا.

عشق: ماشي يا ستي، ألف هنا على قلبك.

سارة بتحضنها وبتشكرها، وبيقعوا يفتحوا البوكس، بيلاقوا شيكولاتة وشيبسي كتير، وبتضحك.

زين بيتصل على عشق، وبتروح أوضة تانية تكلمه.

عشق: صباح الخير.

آسف إني مكلمتكيش، بس كان عندي ضغط شغل.

وزين باعني، معرفش راح فين.

عشق بتفاهم: ولا يهمك يا حبيبي.

أنا عرفت هو كان فين.

هههههه.

زين: راح فين؟ وبعدين استنى، قولتي إيه؟

عشق: قولت عارفه راح فين.

زين: لا لا، فيه كلمة في النص كده.

عشق بتتكسف: قولت حبيبي.

زين: يا بركة دعاكي يا أمي.

هههههه.

عشق: يزن بس بقى.

زين: المهم اتصلت عشان تجهزي، ساعة وهعدي عليكي نخرج شوية.

عشق: طب أستأذن من بابا الأول.

زين بيبتسم وبيعرف إنه اختار صح:

أنا اتصلت يا حبيبتي وموافق.

ويلا اجهزي، ولا ألغي المفاجأة؟

عشق: فوريرة وأكون جاهزة.

هههههه.

بعد ساعة ونص، ويزن مستني عشق.

تحت بتنزل، وبتكون جميلة أوي.

لابسة دريس هافان مع طرحة بيضا وكوتشي أبيض، ومفيش أي ميك أب.

زين بيسرح في جمالها.

عشق: يزن بكلمك.

زين بتلقائية: انتي جميلة أوي، يبختي بيكي.

عشق خدودها بتحمر وبتوطي راسها.

زين بيرفع راسها:

أوعي يا عشق، توطي راسك تاني.

انتي دايما راسك مرفوعة، يا تاج راسي.

عشق بتفرح بالكلام وبتتمنى في قلبها إن الحب يفضل موجود بينهم ويكون عوضها:

طب يالا بقى عشان متأخرش.

بيمشوا وبيروحوا الملاهي، المكان المفضل لكل بنت.

عشق بفرحة: يزن، مش معقول، عرفت إزاي إني نفسي أجي هنا؟

زين: انتي تتمني وأنا أنفذ، يا عشقي.

بيفضو يوم ولا أحلى من كده.

عشق: يزن، أنا مبسوطة جدًا وحاسة إني هطير من الفرح.

زين: بحبك وهفضل أحبك لآخر نفس فيا.

عشق: وأنا كمان أوووي.

وبعدين أنا جوعت.

زين: عيوني، تحبي ناكل إيه؟

عشق: امم، ناكل...

بيروحوا ياكلوا، وبيروحوا وهما في العربية تحت البيت.

زين بيتكلم: طب إيه، أنا فرحتك النهاردة، مفيش أي تصبيرة؟

عشق بسرعة بتنزل من العربية: ولا أعرفك أصلاً.

ههه.

زين: ماشي، هتيجي، هتروحي مني فين يعني.

سرقتي قلبي وروحي يا عشقي.

وبيمشي بالعربية.

بتمر الأيام، وكل واحد بيثبت للتاني إنه بقى بيحبه جدًا.

وبيجي يوم صعب شوية.

ياترى إيه هو؟

الصبح عشق وساره كانوا مستنين يزن وزينو. فضلتوا تتصلوا عليهم ومردوش وقلقوا كتير.

ساره: طب وبعدين مبيردش.

عشق: ولا يزن كمان. أنا هتصل ع حياه.

بتتصل كتير وبرضه مبتردش.

وقتها يزن اتصل عليها.

عشق: يزن فينك؟ قلقتني عليك ليه مبتردش؟

يزن: عشق أنا محتاجك.

عشق: يزن في إيه مالك يا حبيبي؟

يزن: حياه تعبت الفجر وخدناها المستشفى وهيا حاليا ف العمليات ومحدش خرج طمنا لسه.

عشق: مستشفى إيه؟

يزن: مستشفى….

عشق: إحنا جايين حالا.

بتقول لمامتها وباباها وبيروحوا المستشفى. أول لما يزن بيشوف عشق بيجري يحضنها ويعيط. ونفس الوضع زين وساره.

ساره: اهدي يا زين هتبقي كويسه.

زين: أنا قلقان عليها.

أحمد بيشوف الدكتور خارج وبيجري عليها.

أحمد: مالها يادكتور طمني لو سمحت.

الدكتور: اهدوا يا جماعة. كانت الزايدة والحمد لله قدرنا ننقذها.

الأب بارتياح: يعني هيا كويسه؟

الدكتور: اطمن يا حج شوية وهتتنقل غرفة عادية.

الأم: اه يا حبيبتي كنتي بتتوجعي وأنا محستش بيكي. وبتعيط.

عشق بتهديها: متعيطيش يا طنط. الدكتور طمنا عليها.

الأم: بتهدي شوية.

ويزن بينادي ع عشق وبيخرج.

عشق: إحنا رايحين فين؟

يزن: هنروح نجيب أكل يا حبيبتي زمانكم جعانين.

عشق: يا حبيبي نطمن ع حياه الأول وبعدين نروح نتغدا ف البيت.

يزن: مش هكرر كلامي يالا بقي يا عشقي.

بيخرجوا يجيبوا أكل وعشق واقفة مستنية يزن. في شخص بيعاكس عشق ويزن بيستنى يشوف هتعمل إيه.

الشخص: واقفة لوحدك ليه يا قمر؟ تحبي أساعدك.

عشق مبتردش عليه.

الشخص: الله دا انتي تقيلة بقي.

وبيقرب عشان يمسك إيدها بتضربه بالقلم.

الشخص: نهارك أسود.

وبدأ يرفع إيده بيلاقي يزن مسكها ونزل فيه ضرب والناس اتجمعت وبعدوه. والولد من كتر الضرب اتأسف وجري.

عشق: يزن أنا آسفة والله هو اللي…

يزن: اهدي يا عشقي. انتي أجمل بنت شوفتها في حياتي وعمري ما أشك فيكِ.

عشق بتعرف إنها اختارت صح وبتمسك إيده.

عشق: أنا بجد ربنا بيحبني عشان بعتلي شخص زيك.

يزن: وأنا كمان ربنا ميحرمنيش منك.

عشق: طب يالا عشان جوعت.

يزن: على طول جعانة. وكان من شوية. لما نروح ههههه.

عشق: يزن خلاص بقي قلبك أبيض هههه.

يزن: بطلي دلع أصل والله أخلي الفرح النهارده. مش كفاية هيتأجل.

عشق بتتكسف وبتروح ع العربية.

بيروحوا المستشفى وبيلاقوا حياه خرجت وبيفطروا. وبعد شوية الدكتور بيطلع إذن إنها تقدر تروح. بيروحوا بيت يزن.

والد عشق: نستأذن يا جماعة. وألف سلامة عليكي يا بنتي.

حياه: الله يسلمك يا عمي.

مامت عشق: ربنا ينجيكي يا حبيبتي وتقومي بالسلامة.

حياه: تسلمي يا طنط.

وبيستأذنوا عشان يمشوا.

والد يزن: وصلوهم يا شباب.

أحمد: ينفع يا بابا أطمئن عليها وأجي وراك.

أب: ماشي بس خلي بالك من نفسك وانت جاي.

بيروحوا وزين بيتصل يطمن إنهم وصلوا والبنات بترتاح شوية.

في بيت يزن.

أحمد وحياه في الأوضة.

أحمد: كده تخضيني عليكي يا حياه قلبي.

حياه: حقك عليا يا بعد. لما قفلت معاك حسيت بوجع جامد ومقدرتش أتصل بيك. كان وقتها يزن جاي يقولي إننا هننزل نشوف الفستان بكرة فقلت له يلحقني.

أحمد: المهم إنك بخير يا قلبي. وشدي حيلك بقي عايز أتـ..ـجوز يا ناس.

حياه: بس صوت ماما وبابا يقولوا إيه.

أحمد: يقولوا اللي يقولوه. بحب بنتهم وعايز أتـ..ـجوزها.

حياه: اسكت مش قادرة أضحك. وبعدين يا حبيبي الفرح هيتأجل.

أحمد: ماهو كله بحسابه. اصبري عليا.

حياه بتتكسف وأحمد بيخدها في حضنه وبتنام.

بعدها بيخرج ويستأذن وبيروح.

عدى كام يوم والوضع كويس وحياه بدأت تتحسن. يزن وزين وأحمد بيتفقوا إنهم يعملوا مفاجأة ليهم ويحجزوا يوم في إسكندرية يقضوه هناك. كل واحد بيتصل ع حبيبته إنها تجهز. كل واحد بياخد خطيبته في العربية وبيمشوا.

عشق: زينو حبيبي رايحين فين؟

يزن: خدي كلي الشيبسي ده واسكتي لما نوصل.

ساره: زين هو فيه إيه؟

زين: متستعجليش وافتحي الشنطة دي واسكتي.

حياه: هو انتوا بتخططوا لإيه؟

أحمد: ولا حاجة. هنخطفكم.

بيوصلوا إسكندرية والبنات كل واحدة بتحضن حبيبها. (متنسوش إنه مكتوب كتابهم هاا🤣) وبيجروا ع البحر وبيـ..ـقضوا يوم جميل (عقبالي أنا كمان 🤣) وروحوا ولما وصلوا البيت لقوا والد أحمد ووالد يزن ومامته متجمعين في بيت عشق.

ياترى متجمعين ليه؟

يزن: بابا خير بتعمل إيه هنا؟

عشق بتجري لمامتها: ماما انتي كويسة يا حبيبتي؟

بابا: في إيه؟

أبو يزن: اهدي، مفيش حاجة.

مامت حياة: اقعدوا بس ارتاحوا عشان الطريق وهنفهمكم.

والد يزن: إحنا قولنا نعمل لكم مفاجأة حلوة ونخلي الفرح آخر الأسبوع ده. حياة بقت كويسة واحنا عايزين نفرح بيكم.

زين: أيوه بقى يا ناس، أخيرًا هخش الجنة.

سارة بكسوف: زين اسكت.

وكلهم بيضحكوا.

مامت عشق: يلا يا بنات على المطبخ جهزوا غدا حلو، وقومي يا حياة معاهم.

الثلاثة في صوت واحد: حاضر يا ماما.

والد عشق بيتكلم: أنا مش هوصيكم على بناتي، لأني عارف إنكم هتحافظوا عليهم وأنا شايف ده في عينكم.

يزن: دول في عينينا يا عمي، وانت يا أحمد مش هوصيك على حياة، هي دلوعة البيت.

أحمد: بتوصيني على قلبي يا جدع.

البنات في المطبخ، وهما بيتكلموا.

عشق: إنتوا مالكم يلا، خلصوا عشان منتأخرش عليهم.

حياة: أنا هعمل الفراخ.

عشق: وأنا هعمل مكرونة.

سارة: أنا هعمل السلطة، ههههه.

عشق: ده اللي قدرتي عليه يا ختي.

سارة: لا، أنا بقول أروح لخطايبي أحسن، هو أولى بيا، هههه.

عشق وحياة مسكوها: اتنيلي اعمليها يلا.

خلصوا الأكل وخرجوا اتغدوا، والقعدة ما سلمتش من الضحك والهزار.

وبعدها مشيوا.

يزن اتصل على عشق: أي يا حبيبي عاملة إيه؟

عشق: بخير يا قلبي، في حاجة؟

يزن: لا، قولت أسمع صوتك عشان وحشتيني.

عشق: لحقتي أوحشيني؟

يزن: كل ثانية وكل دقيقة مشبعش منك.

عشق بتتكسف ومبتردش.

يزن: عارفة يا عشقي، أنا الرسول وصاني عليكي ومستحيل أزعلك أو أأذيكي.

عشق: أنا بتأكد إني كل يوم اخترت صح، وربنا يجمعنا على خير.

نسيبهم بيتكلموا ونشوف الحبيبة التانيين.

زين: أنا مبسوط إننا هنتجوز.

سارة: احم، وأنا كمان.

زين: أوعي تخافي مني، عمري ما أذيكي.

سارة: ربنا يباركلي فيكي.

زين: ويباركلي فيكي.

بيعدي اليوم بفرح وسعادة.

تاني يوم.

يزن بيتصل على عشق: صباح الورد والفل.

عشق: صباح النور.

يزن: اصحي اجهزي عشان ننزل نشوف الفستان والقاعة.

عشق: حاضر يا حبيبي.

يزن: آآآه يا قلبي، كلها كام يوم وأصحى على القمر ده كل يوم.

عشق بتتكسف وبتقفل، وهو بيضحك عليها: مجنونة.

نفس الكلام مع سارة وحياة.

وبيجي يفطروا الأول ويروحوا يلفوا، وهما ماشيين عشق بتقابل بنت جميلة غلبانة، بتروح عليها وبتتكلم معاها وبتضحك وبتساعدها. كل ده ويزن بيبص عليها وبيبتسم.

عشق: يزن لو سمحت ممكن تجيب فلوس، أنا معايا بس محتاجة منك.

يزن: تؤمري يا عشق.

عشق بتاخد الفلوس وبتديها للبنت وبتدعيلهم.

يزن بيمسك إيدها وبيمشي: ليه خدتي مني فلوس؟

عشق: آسفة بس...

يزن: ششش، متتأسفيش، مقصدش كدا، أقصد إيه الفكرة؟

عشق: حبيت ناخد الحسنات أنا وانت.

يزن فرح جداً وخدها في حضنه.

راحوا كام محل عشان يختاروا الفساتين، وفي الآخر اختاروا فساتين ومشوا يشوفوا القاعة.

سارة: جعانة يا ناس، كل ده من غير أكل.

حياة: لو بتعذبونا مش هتعملوا كدا.

الشباب بيضحكوا عليهم.

زين: طب اقعدوا لما نجيب، أصل سارة هتبلعني، ههه.

أحمد: خدني معاك يا أحمد، مش عايز أتنكد عليا النهارده.

حياة: بقي كدا، ماشي يا أحمد.

أحمد بيبوسها من خدها: مقدرش يا حبيبتي.

زين: الخوف حلو بردو، ههههه.

يزن: طب روحوا وأنا هقف معاهم.

الأب بيتصل على عشق: انتوا فين يا حبيبتي، اتاخرتوا.

الأب: خلي بالكم من نفسكم.

عشق: حاضر يا حبيبي.

يزن بيبصلها بغيره.

عشق: في إيه؟

يزن: إيه حبيبي دي؟

عشق بصدمة من غيرته: ده بابا يا حبيبي.

يزن: ولو ماما تقولي أنا بس، محدش تاني.

عشق: مجنون والله.

زين وأحمد بييجوا وخلصوا أكل وراحوا يشوفوا القاعة، وبعدها روحوا ناموا.

عشق بتصحى الصبح بتلاقي سارة تعبانة وجسمها دافي.

بتجيب مياه وتعمل لها كمادات.

وقتها يزن بيتصل: صباح الورد.

عشق بزعل: صباح النور.

يزن: مالك يا حبيبي صوتك متغير.

عشق: سارة تعبانة ومش عارفة أعمل إيه.

يزن: طيب مافيش حد في البيت.

عشق: صحيت ملقتش حد وأحمد نزل الشغل.

يزن: طب هجيب حياة ودكتور وجاي.

عشق: متتعبش نفسك يا قلبي هيا شوية وهتبقى كويسة.

يزن: قولت كلمة خلاص.

عشق: طب عرف زين عشان مايزعلش.

يزن: طب البسي عقبال ما أجي.

عشق: حاضر.

يزن بيصحي حياة وزين.

يزن: زين اصحى.

زين: مش عايز أروح الشغل يا يزن سيبني أنام.

يزن: يا ابني آدم سارة تعبانة.

زين سمع كدا وقع من على السرير من الخضة.

يزن بيضحك عليه: قدامك عشر دقايق لو مجهزتش هاخد حياة وأمشي.

زين بينط ويجري: أنا جهزت خلاص.

بعدها بيروحوا بيت عشق مع الدكتور.

يزن بيخبط وبيدخلوا.

الدكتور بيكشف على سارة وبيخرج.

زين بخضة: طمني يا دكتور فيه إيه.

الدكتور باطمئنان: اطمنوا حمى وكويس إنكم لحقتوها وأديتها حقنة وهتبقى بخير وجيبوا باقي العلاج وتاخدوا في الميعاد وتاكل كويس.

زين: حاضر.

عشق: الحمد لله شكراً يا يزن.

يزن: بس يا عبيطة دي أخت الغالية.

زين بيدخل يطمن على سارة.

بتلاقيها بتحاول تفوق.

سارة بتتخض لما بتشوف زين: زين فيه إيه وجاي عندنا ليه.

زين بصدمة: إيه شفتي عفريت.

سارة: هو فيه إيه.

زين باستغراب: هو انتي مش فاكرة حاجة.

سارة: لأ.

زين: كنتي تعبانة وعشق كلمت يزن والدكتور قال حمى.

سارة بصدمة: للدرجة دي.

زين: أنا عارف إن حد باصص في الجوازة دي.

سارة بتتضحك.

زين: بتضحكي طب جيبي تصبيرة لبكرة طيب.

يزن بيحط إيده على خدها وبيبوّسها.

وقتها عشق وحياة ويزن بيدخلوا وبيتخضوا وسارة بتتكسف وبتخبي وشها في حضن زين.

زين: إيه يا عم الرومانسي الفرح بكرة.

زين: مش باين لها هههه.

أهل عشق بيشوفوا الدكتور وهو خارج وبيخضوا.

الأم: فيه إيه ولمين الدكتور.

عشق: اهدي يا ماما سارة تعبت وخير.

الأم والأب بيحضنوها: سلامتك يا روحي.

سارة بحب: الله يسلمكم.

يزن بيسحب عشق لبره الصالة.

عشق: إيه يا يزن.

يزن بيطلع فلوس من جيبه: خدي دول خليهم معاكي.

عشق: لا أنا معايا والله.

يزن بزعل: هزعل منك وبعدين عارف إن معاكي بس هتحتاجي حاجة للفرح وكده ومتضغطيش على أهلك.

عشق: يا حبيبي مش كفاية إنك مخلتنيش أجيب حاجة فرحي.

يزن: انتي تيجي بيتك أميرة بشنطة هدومك وكل حاجة تحت أمرك ولو معجبتكيش الشقة نجددها بعد الفرح.

عشق بحب: أي حاجة منك حلوة ربنا ميحرمنيش منك يا زين.

يزن: لا لا أبوس إيدك بلاش دلع هتور والله.

عشق بكسوف: لا خلاص ههههه.

زين بيخرج وبيستأذن ويمشوا.

آخر اليوم زين بيطمن على سارة إنها بقت كويسة.

حياة بتروح أوضة يزن وزين وبتطلب تتكلم معاهم.

حياة بجدية: فيه كام حاجة لازم تكونوا عارفينها انتوا واخدين بنتين من بيت واحد يعني لازم يكون بينكم الحب والاحترام والصدق والثقة والأمان الخمس حاجات دول هما أهم أساس نجاح أي زواج وكلهم مرتبطين ببعض مينفعش تتنازل عن حاجة عشان التانية.

وانت بتعامل مراتك عاملهم بالخمس دول.

اسمعها حتى لو بتقول حاجة تافهة بالنسبة ليك لكن حسسها إنها مهمة وبتشارك يومها.

أوعي في يوم تسيبها زعلانة منك ومتبطلش تقولها كلام حلو.

مراتك انت أخدتها من بيت أهلها اللي هيا كانت فيه ملكة ولازم تفضل ملكة في بيتك.

لو عملت كل ده مش هينقص من رجولتك بالعكس ده هيزودها.

الراجل بجد هو اللي يحتوي مراته ويكون ليه أب وأب قبل الزوج وحسسها بالأمان واوعي تشك فيها.

أول لما خلصت كلامها حضنوها وفرحوا بكلامها.

في بيت عشق طلبت تتكلم مع أحمد.

عشق: أنا عارفة إن أخويا عاقل ومش محتاجة أوصيك على حياة عشان عارفة إنها هتكون في عيونك قبل قلبك دي وصية رسول الله وحافظ عليها ودايما تكون محتويها مش معنى إنها أخت خطيبي لا أنا اعتبرتها أختي الأول مش مرات أخويا واجبك تصونها واسمعلها حتى لو تعبان وخليها دايما في حضنك ورافع راسها وسط أي حد حتى لو متخانقين.

أحمد: ربنا ميحرمنيش من كلامك اللي دايما مفرحني إني عندي أخت زيك وبتوعيني دايما وبيحضنها.

بيخلص اليوم بفرحة وسعادة عليهم وبييجي يوم الفرح اللي كلهم مستنينه.

يوم الفرح.

يزن يتصل على عشق.

يزن: صباح الخير يا حبيبتي، جاهزة؟

عشق: صباح النور، جاهزة لأيه؟

يزن بصدمة: عشق، انتي مسطولة؟ النهارده فرحنا.

عشق: فرح مين؟ اي بتهزر؟

نطت من ع السرير ويزن بيضحك عليها.

عشق: حاضر، نص ساعة وأكون جاهزة.

عشق بتصحي سارة وبتعرفها إن يزن جاي ياخدهم. بيجهزوا وبيخرجوا، بتلاقي الأم بتحط الفطار.

الأب يتكلم: تعالوا يا حبايبي، أحلى عروستين في الدنيا.

الأم: ربنا يفرح قلبكم ويهنيكم.

عشق وسارة بيحضنوهم وبيعيطوا.

أحمد باستظراف: انتو مسافرين ولا إيه؟ ده مسافة السكة ونكون عندكم.

عشق بتخبطه ع كتفه: رخــم أوي. وبعدين مانت كمان هتتجوز وتنسانا.

أحمد بحب: عمري ما هـنساكم، انتو حياتي.

سارة وعشق بيحضنوه والعيلة بتفرح.

يزن جه وخد التلات بنات ومشي.

في العربية، لما وصلوا وسارة وحياة نزلوا. يزن بيمسك إيد عشق وبيبوسها وبيـبص في عيونها.

عشق بتحط الإيد التانية ع خده: في إيه؟

يزن: أنا مبسوط إن النهارده فرحنا وهتبقي مراتي يا عشق.

عشق بحب: أنا بحبك، وأتمنى تكون معايا في الدنيا والآخرة، وأتمنى لقاك في الجنة.

يزن: ربنا يطولي في عمرك ونجيب بنوتة شبهك.

عشق: حبيبي انت.

سارة بتنادي ع عشق وبتخرج.

يزن بيروح يجهز هو وزين وأحمد.

في الكوافير، البنات بتخلص والشباب بييجوا.

يزن يتكلم: متخبط وتدخل.

زين: متدخل انت.

يزن وزين: خلاص، ادخل انت يا أحمد.

أحمد: يعني بتبدأوني أنا الأول؟ هههه.

أحمد خبط ودخلوا. التلاتة كانوا واقفين.

بتاعت الكوافير: ألف مبروك ليكم.

التلاتة ردوا: الله يبارك فيكي. فين عرايسنا بقي؟ هههه.

بتاعت الكوافير: كل واحد يطلع عروسته.

يزن راح ع عشق وانبهر من جمالها. باس راسها بكل حب.

يزن: دايماً بتوقعي قلبي من جمالك يا عشق.

عشق بحب: وانت كمان جميل أوي.

عند زين.

بيبوس سارة من إيدها: مبروك عليا انتي.

سارة: الله يبارك فيك يا حبيبي.

عند أحمد.

بيحضن حياة: جميلة كالعادة.

حياة بحب: بحبك يا حبيبي.

كل واحد بياخد عروسته وبيروحوا يتصوروا.

ويعدي الفرح بكل حب ومن غير أي مشاكل. كل واحد خد عروسته بيته.

والد عشق أول لما دخل البيت زعل.

الأب: بناتي الاتنين أجوزهم في يوم واحد. البيت هيكون وحش من غيرهم. بس دي سنة الحياة.

أم عشق: هتوحشني مناقرتهم مع بعض وهزارهم وضحكهم.

والد عشق: إن شاء الله يتهنوا في بيت جوزهم، وحياة هتكون زي بنتنا.

عند يزن.

يزن: عشق تعالي نصلي ركعتين.

صلوا وطلب إنه يتكلم معاها.

يزن: انتي بقيتي مراتي. أسرارنا تكون جوه الأوضة دي. برة الأوضة تنسيها تماماً ومحدش يعرف عننا حاجة. وأي زعل تيجي لحضني وتشكيلي، ولو أنا زعلت يكون بينا ومنمش زعلانين من بعض. ووعد أشيلك جوه عيني وأكون ليكي أب وزوج وأب.

عشق بحنية: حاضر يا زين.

يزن: بعد زين دي استعني ع الشقا بالله. ههههه.

نسيبهم يقضوا يومهم ونروح لزين.

سارة بعياط: عايزة أروح لأمي.

زين بضحك: تروحي فين يا حبيبتي؟ عايزة تجيبي ليا فضايح؟ هههه.

زين: طب اهدي، انتي خايفة من إيه؟

سارة: إيه؟ أه، لا بس أنا عايزة أروح لماما.

زين بياخدها في حضنه: أنا عمري هاذيكي، انتي بنتي قبل لما تكوني مراتي، ومفيش حد بياذي بنته صح؟

سارة: صح، بس يا زين.

زين بيبوسها بكل حب وبتنسي الخوف.

نسيبهم ونروح لأحمد وحياة.

أحمد بحب بياخد حياة في حضنه وبيطمنها.

أحمد: حبيبتي جاهزة ولا لأ؟

حياة بكسوف: اممم.

أحمد: لو مش جاهزة مش هغصبك ع حاجة.

حياة: لا عاد.

ويعدي اليوم ع التلاتة بكل حب، وبقي كل واحد زوج وزوجة قولا وفعلا.