رواية في شرع الهوى الفصل السادس 6 - بقلم اسراء مالك

في صباح يوم الجمعة في منزل ليلى، كان يلتف الجميع حول طاولة الطعام. حسن: هي ليلى لسه ما صحيتش؟ نهلة: لا لسه، جت امبارح متأخر وشكلها مهدود. حسن: امممممم ما قالتش حاجة يعني؟ نهلة: لا. خرجت ليلى بتكاسل لتقبل رأس حسن وتضع يدها حول عنقه. ليلى: أحلى صباح لما أشوفك أنت الأول، صباح الخير. حسن: صباح النور يا ستي، بطلي بكش وقولي لي إيه اللي عملتيه امبارح. خطاب: أكيد مصيبة طبعًا، قولي قولي.

جلست ليلى وكأنها لم تسمع شيئًا وبدأت بتناول الطعام. ليلى: هو الفول ما عليهوش لمون ليه يا ماما؟ نهلة: خلص، وبعدين إيه اللي حصل امبارح فهميني؟ ليلى وهي تضرب خطاب على ذراعه: قوم يلا جيب لمونة من هناك بسرعة. خطاب "بألم": إيدك يا ماما في إيه؟ عايزاني أشحت على الصبح، وبعدين ده كله غلوشة، ها، اعملي حسابك مش هيسيبوكي وأنا كمان إلا لما نعرف. ليلى: ما تشغلوش بالكم بيا.

حسن: أنتِ كدا على طول بير، محدش يعرف يوصلك أبدًا، بس أخبارك وصلتني، بس تسلم إيدك برضه، دي بنتي حبيبتي. نهلة: حد يفهمني ولا أنا طرطور هنا؟ خطاب بمرح: هاتي لي طرطور معاكي يا ماما علشان أنا مش فاهم برضه. أحد المستشفيات الحكومية: ايه يا معلم أنت هتسيب البت دي كدا بعد ما كسرت دراعك وفرجت عليك الناس؟ رامز "بغل": وحياة أمها لأنـ.دمها على شبابها بس أفك اللي في دراعي ده ومحدش يقرب لها غيري. في نادي الطبقة المخملية:

كانت تجلس تاليا مع بعض أصدقائها. ياسين: أنتِ بقيتي تغيبي كتير يا تالي، ولا معتمدة على الوالد؟ ريم: هو أبوها بس وخطيبها وحماها، حد يقدر يسقطها؟ هاني: أنتِ اتخطبتي أمتى؟ تاليا: يا بنتي قلت لك ما تقوليش دلوقتي. ياسين: إيه كنتِ هتخبي علينا ولا إيه؟ تاليا: أبدًا، بس عايزة أطفشه يمكن أخلص بقى. ياسين "بخبث": أنا قلت إنك مش ممكن تستغني عني أبدًا، وبعدين حازم باشا قفل أوي.

تاليا: يسو، احنا صحاب بس، وبعدين حازم ابن عمي، كل الحكاية إننا مش بنفهم بعض، كل واحد له شخصية مختلفة. المهم هنقضي الـ weekend فين؟ هاني بضحك: يا بنتي أنتِ كل حياتك weekend أصلًا. في منزل سارة: كان يجلس أحمد على سريره يحادث إحداهن عن طريق التواصل الاجتماعي. أحمد: يا بت افهمي، أنا ليكي مفيش كلام بس الحالة معقربة معايا أوي، أنا لو طلقتها هدخل في حوار كبير ومتأخر وليلة، بس إيه أخبار البوب؟

سلمى: أهو مستحملة سخافته علشان اللي بأخذه منه، أهو كله رايح للجمعية بتاعتك علشان تخلصي اللي وراكي ونتجوز. أحمد: يا بت الصبر، المهم قشطيه أول بأول، دول على قلبهم كتير، وأهو كله علشان نتجوز. أتاه صوت سارة من الخارج. أحمد: طب سلام دلوقتي يا قمر. سارة: السوق زحمة جدًا. أحمد: الحمد لله على السلامة يا حبيبتي، طب تصدقي وحشتني. في مديرية الأمن: كان يجلس الرتب والضباط يتناقشون حول إحدى القضايا.

اللواء مهران: الراجل اللي اسمه جابر الديب مش عارفين تمسكوا عليه حاجة لدلوقتي؟ الضابط محمود: ده حويط جدًا وما عليهوش أي دليل، ومصنع الملابس الجاهزة واخده تمويه لتجارة العملة ومخدرات وبلاوي، وكل ده ومعناش أي دليل عليه. حازم: أنا عملت تحرياتي وعرفت إنه ما بيثقش في حد بسهولة ومش أي حد بيشتغل عنده. وعشان كدا أنا عندي خطة إن شاء الله هاقدر أعرف عنه كل بلاويه. مهران: قول يا حازم، يا رب فكرة كويسة.

شرح لهم خطته بمنتهى الاحترافية وقد حاز على إعجاب الجميع. مهران: وأنت هتقدر تقوم بالدور ده؟ حازم بضحك: اللي اتدرب في الصاعقة ومعسكرات على إيد اللواء مهران البنا يبقى بالنسبة له اللي هاعمله ده تسلية. محمود بمرح: بس يا حازم الدور لايق عليك أوي. حازم بغيظ: هاخدك معايا علشان سخافتك دي.