رواية فيلا السيوفي الفصل السابع 7 - بقلم الكاتبوة الصغيرة

في غرفة تبديل الملابس. ليان: إزاي أنسحب كده؟ هخسر، وحضرتك عارف المسابقة دي بنسبالي إيه، صح؟ المدرب: للأسف غصب عني. شخص: لا يا آنسة ليان مش هتخسري، أنا موجود. ليان: أنت بتعمل إيه هنا؟ وبعدين إنت متعرفش حاجة عن الرقص دي. المدرب: لا يا آنسة ليان، مراد بيه شاطر جداً بيدرب هنا، ومش قدامك حل تاني غير إنك توافقي يكون شريك في المسابقة. ليان بقلة حيلة: ماشي. مراد: الوقت جه، مفروض نطلع دلوقتي. ليان: تمام.

(وخرجوا على الاستيدج. يا ترى هيحصل إيه؟ في الشركة. يوسف: أنا همشي يا فهد. فهد: في إيه؟ يوسف بتوتر: مفيش، هروح أرتاح شوية. قوم تعال معايا. فهد: ماشي. (وقاموا مشيوا الاتنين) كان فيه اندماج رهيب بين مراد وليان. وبعد انتهاء الرقصة. مراد بهمس: تتوقعي مين هيكسب؟ ليان بثقة: أكيد أنا. مراد: اممم، بس إنتي حلوة أوي النهاردة. ليان بثقة: عارفه. مراد بمكر: اممم، بكرة عيد ميلادي وبتمنى تيجي، هكون عامله على يخت. العنوان *****.

ليان: وأنا أعرفك منين عشان أجي؟ مراد: اعتبريها بداية صداقة من دلوقتي. ومد إيده ليها: تقبلي؟ ليان بتفكير: اممم، موافقة. وسلمت عليه. مراد: تعالي دلوقتي، هيعلنوا عن الفايز. ليان: أوك. أعلنوا لجنة التحكيم عن فوز ليان ومراد بالمركز الأول. حور: فرحانة أوي. لميس: أنا عارفة إن ليان هتكسب، وبعدين مين اللي كان معاها ده؟ حور: مش عارفة، بس ده مش شريكها في الرقصة. وجت ليان عليهم. حضنوا بعض. حور: مين ده يا ليان؟

ليان: هحكيلكم بعدين، تعالوا نروح بس. حور بقلق وخوف: طب يلا بسرعة قبل ما أبية يوسف يوصل ويشوفني. لميس: أها، يلا بسرعة. وصلت حور ولميس. حور: لميس، هطلع الأوضة بسرعة أغير هدومي. لميس: أوك، وأنا في أوضتي. غيري وتعالي. حور: حاضر. مشيت حور بتتسحب لغرفتها، ولكن يوسف لمحه. دخلت حور أوضتها بسرعة، وقبل ما تقفل الباب، كانت يد يوسف أسرع منها وزق الباب ودخل وقفله. حور بخوف: أبية يوسف، في إيه؟ يوسف بعصبية: إيه اللي إنتي لبساه ده؟

حور بخوف: ماله؟ يوسف حاول يتملك أعصابه: خشي غيري هدومك بسرعة، وألقيكي قدامي هنا في دقيقة، فاهمة؟ حور من كتر الخوف بدأت تعيط، وصوت عياطها بدأ يعلى. يوسف قرب منها وسحبها لحضنه: بس يا حوري، مش تعيطي. إنتي عارفة إنك غلطانة، صح؟ حور: صح، بس إنت بتزعقلي ليه؟ يوسف: عشان خايف عليكي وبغير عليكي من الهوا. وبعدين ده منظر فستان يتلبس يا حور. حور بندم: أنا غلطانة، أنا آسفة.

يوسف بتمثيل: بس أنا زعلان منك ومش بكلمك. يا حور، عشان إنتي كسرتي كلامي. أنا قولتلك ممنوع تلبسي كده بره أوضتك، تروحي إنتي تلبسي كده وكمان تنزلي الحفلة كده. حور: أنا آسفة والله، مش هيحصل تاني. أنا عارفة إني غلطت، بس مش هتتكرر تاني. يوسف: خلاص، أنا مش زعلان منك، بس اوعديني. متتكررش تاني. حور: وعد. يوسف: طب قومي غيري هدومك وتعالي، أنا مستنيكي. حور بحب: حاضر. وسحبت ملابس من الدولاب وذهبت للحمام الخاص بالغرفة.

وبعد وقت خرجت حور، كانت ترتدي بجامة أطفالي، جعلتها في غاية الجمال. يوسف: اممم، إيه الجمال ده كله؟ حور بكسوف: هتذاكرلي؟ يوسف: طبعاً، أمال تعالي يا حبيبتي. جلس يوسف على الكنبة وحور في داخل أحضانه، وبدأ يشرح ليها. وبعد فترة قاطعهم صوت الباب. يوسف: مين؟ الدادة: أنا يا يوسف بيه، في شخص تحت عايزك، بيقول إن هو قريب حور. يوسف بصدمة: قريب حور؟ الدادة: أه يا فندم. نزلت الدادة. حور: مين ده يا أبية؟

يوسف: مش عارف، قومي معايا نشوف مين. نزل حور ويوسف. مجهول: أنا ابن عم أبوكي يا حور، يعني أنا وأبوكي ولاد عم. وعرفت إن أمك والدتك وماتت ساعة الحادثة وروحت الملجأ، وعرفت إن العيلة دي اتبنتك. ودلوقتي جاي أرجعك وأعرفك إن ليكي أهل وسند. يوسف: ترجع مين يا راجل إنت؟ حور مش هتمشي من هنا، فاهم؟ وخد بعضك وامشي أحسنلك، فاهم؟ وبعدين إنت راجل كبير، مش عايز أمد إيدي عليك. (عرفتوا مين المجهول اللي كنا بنتكلم عليه)

حور بخوف: أنا مش عايزة أروح في حتة يا أبية. والدة حور: حور بنتي مش هتطلع من هنا، فاهمي. يوسف: اهدي يا مرات عمي، ده راجل كبير وبيخرف. يا حرس خدوا الراجل ده بره. فريد: أنا هعرف آخدها منك إزاي؟ هاخدها منك بالقانون، غصب عنك أو برضاك يا يوسف، فاهم؟ يوسف: بتهيألك. ولو مين، محدش يقدر ياخد حور مني. والحرس خرجت فريد بره.