رواية فيروزة الفصل الخامس 5 - بقلم حورية مصطفي

نادي مهران بصوت غاصب على سعيد حتي أتاه سريعا وقال: خد اتنين من الحرس وروح هات دكتور حسام من بيته بكل هدوء ولو رفض أكيد أنت عارف هتعمل إيه كويس! رد عليه "سعيد" بإيماء: "حاضر يا مهران بيه" غادر سريعا فور انتهاء حديثه، تحت نظرات الخوف والإرتباك من نعمة، فأردفت "عائشة" بسعادة: خير ما عملت يا بابا، دلوقت هتنكشف الحقيقة. وتابعت حديثها بدهشة: مالك يا نعمة! وشك أصفر كده ليه؟ ردت عليها بإرتباك:

يمكن الضغط وطى مش أكتر، دلوقت هاخد علاج وهكون كويسة متقلقيش. عائشة بسخرية: "متخافيش أنا مش قلقانة عليكي" قالت "نعمة" بكل هدوء: أنا هطلع أرتاح شوية، وأنت يا أميرة هاتلي العلاج بتاعي عشان أخده. أميرة بصوت هادئ: حاضر يا ماما. * بعد فترة كانت تجلس في غرفتها ويديها ترتجف من شدة الخوف والتوتر، أخرجت هاتفها وأجرت اتصال، وما هي إلا ثوان حتى أتاها الرد من الطرف الآخر: ألو السلام عليكم يا نعمة. نعمة بصوت شبه غاضب:

أنت فين دلوقتي يا حسام؟ رد عليها معقبًا: كنت بشتري شوية حاجات وراجع البيت، أنت عايزة إيه؟ نعمة بتوتر: مهران بعت سعيد عشان يجيبك ويعرف الحقيقة منك، وإذا أنت كنت متفق مع حد ولا لا. حسام بنبرة غاضبة: "اللَّه يخربيتك يا نعمة، ويخربيت معرفتك يا شيخة، أكيد هتكون نهايتي النهارده إذا عرف الحقيقة، وإن كنت متفق معاكي على ده." نعمة بصوت هادئ: مش وقت كلامك ده وبعدين كان اتفاقنا تقولهم إنها أجهضت، وأنت معملتش كده. رد عليها بخوف:

ما أنا بعد ما قفلت معاكي، عاصي بيه كلمني وطلب مني معملش كده، وبعدين أنت ناسيه إن إحنا بناخد الأوامر منه. نعمة بلا مبالاة: طيب شوف أنت هتروح فين لحد ما الأوضاع تهدى هنا، أنت عارف لو عمران ومهران عرفو الحقيقة مش هيرحموا حد فينا. وأغلقت المكالمة سريعا عندما رأت ابنتها تدلف فقالت "أميرة" بوجه مبتسم: العلاج يا ماما. نعمة بإبتسامة: سيبه هنا يا حبيبتي وأنا شوية ونازلة. أميرة بنبرة هادئة: حاضر.

"غادرت وهي تشعر أن هناك خطب ما، فوالدتها ليست على طبيعتها ووجهها شاحب كالأموات" * في ذات الوقت / قصر الشهاوي كان يتحدث بكل جدية مع الطبيب الذي خرج من غرفة والدته للتو، تنفس عاصي بعمق وقال: هي كويسة يا دكتور؟ الطبيب بعملية: إتعرضت لصدمة عصبية قوي، وده سبب فقدان الوعي يا عاصي بيه. فيروز بصوت ضاحك فهي كانت تقف خلفه: "والله أنا المفروض مكاني في طب بدل تجارة" التفت إليه عاصي وقال بنبرة غاضبة: أنت بتعملي إيه هنا؟

فيروز ببراءة: طلعت أرتاح شوية أنت عارف إن أنا لسه في أول الحمل وبالمرة أطمئن على والدتك. وأكملت ساخرة: "وعلى رأي المثل خيرا تعمل شرا تلقي" الطبيب بجدية: طيب أستأذن أنا يا عاصي بيه. غادر بعدما انتهى من حديثه، بينما عاصي دلف إلى والدته حتى يراها، أدارت وجهها بعيدا عنه عند رؤيته وقالت بنبرة جامدة: إطلع بره يا عاصي مش عاوزه أشوف وشك. عاصي برفض: إسمعيني يا أمي الأول، وإعرفي ليه عملت كده؟ سمية بهدوء: ليه يا عاصي؟

أكيد مفيش سبب مقنع. زفر بقوة وقال: عشان أكسرها وأكسر عيلتها يا أمي، عمري ما أنسي إن أبوها كان السبب الرئيسي في موت أبويا. سألته بصوت هادئ: هي حامل؟ عاصي نافيا: لا يا أمي كل ده كان خطة مني عشان أدمر أبوها وكل اللي هيحصل هيكون دمار لعيلة المغربي. كادت أن ترد عليه ولكنها توقفت عندما رأت فيروز تدلف إلى الغرفة تقول بسخرية: وأنا اللي فكرت حالتك صعبة وكنت جاية أشوفك. عاصي بصوت غاضب: فـيـروز!! فيروز بنبرة غاضبة:

متزعقش بس يا صيصو عشان بخاف وبترعب من الصوت العالي. عاصي بدهشة: يا صيصو؟ فيروز بإبتسامة: "والله مش أبو ابني والمفروض أدلعك، ولا أنت رأيك إيه يا سمية هانم؟ شدها عاصي من كفة يدها حتى أخرجها وقال بإنفعال شديد: أنت زوديتها أوي يا فيروز. فيروز بجمود: "لا بس أنت قلت الكدبة وأنا صدقتها يا عاصي" وأكملت ببرود: وتاني مرة متبقاش تشد إيدي كده، أنا مش بشتغل عندك.

تركته يقف في حيرته، وغادرت فهي كانت منكسرة الآن أمام أهلها، فكيف كل هذه القوة؟ فاق من شروده على صوت الهاتف، فتح المكالمة وقال ببرود: أيوه عايزة إيه؟ أتاها الرد من الطرف الآخر: مهران بعت سعيد يجيب حسام على القصر عشان يعرف الحقيقة يا عاصي. عاصي بنبرة هادئة: إعملي كل اللي هقولك عليه من غير أي غلط وخوف يا نعمة. نعمة بإيماء: حـاضـر.

"بدأ في سرد خطته وهي تستمع إليه بكل أذن صاغية وبعد انتهى أغلق الهاتف حتى يكمل باقي ما فعله" * قصر المغربي "كانت تجلس مقابل أخيها تحاول معرفة ما الذي يدور برأسه؟ وبماذا يفكر؟ فهو شارد هكذا منذ وقت طويل" أخرجت نفس عميق وقالت: أنت كويس يا عمران؟ أيوه كويس يا عائشة. إستقام من مكانه عندما رأى سعيد يدلف من باب القصر وقال بدهشة: فين الدكتور حسام، مجاش معاك ليه؟ سعيد بإرتباك:

أنا دورت عليه كتير يا عمران بيه بس ملوش أي أثر نهائي. مهران بغضب: إزاي يعني ملوش أثر؟ إرتجف سعيد من الخوف وكاد أن يرد عليه ولكن استمع إلى صوت "نعمة" تقول: "دكتور حسام معتش ليه داعي يجي يا عمي، لأن كتب كتاب عاصي وفيروز بالليل، وده اللي يثبت صحة التحاليل"