رواية فيروز الاسد الفصل الخامس عشر 15 - بقلم عفاف نصر

اسد بابتسامة بسيطة: انتي طالق يا زينب. وامسك بيد فيروز وغادر من المكان بأكمله. بعد مرور خمس اشهر كان اسد يقف امام المراه يرتدي ملابسه، ولكن قاطعه خروج فيروز من الحمام. اسد بخبث وهو يقترب منها ويحاوط خصرها: انا بقول بلاش نروح الفرح ده، لان كده انتي تتاكلي اكل يا بطايه. فيروز بغيظ زقته بعيد عنها: بطايه في عينك، متقولش كده تاني، ما كل ده بسببك انت. واكملت بسخرية

وهي تحاول تقليد اسد: انتي مش بتاكلي يا فيروز، اهتمي بصحتك يا فيروز. واكملت وهي تضربه بخفة على ذراعه: ودلوقتي بتقولي يا بطايه. اسد بخبث: بقا انا بعمل كده يا روزتي. واكمل وهو يجذبها من خصرها حتي التصقت بصدره الصلب: وبعدين انتي كده بقيتي اجمل. فيروز بحب وهي تحاوط عنقه: بجد يا اسدي، يعني انا مش تخينة. اسد بخبث: تخينة اي ده، انتي مهلبيه. فيروز بخجل وهي تدفن راسها داخل عنقه: بحبك يا اسدي. اسد بعشق: واسدك بيعشقك يا فيروزتي.

واكمل قائلا بخبث: ما بلاش نروح الفرح ونتحجج انك تعبانه. فيروز بعيظ من وقاحته: لا يا اسد هنروح، وسيبتي بقا عشان اكمل لبس. في وقت لاحق كان الجميع يرقص بسعادة على نغمات الموسيقى الهادئة. فيروز بحب وهي تنظر إلى زينب التي ترتدي فستان زفاف أبيض: تعرف يا اسدي، انا مبسوطة اوي عشان زينب فرحت اوي انها لقيت الشخص اللي يحبها ويقدرها، ومبسوطة كمان انك رجعت كلمت ماما فاطمه من تاني. اسد بحب

وهو يضمها إلى داخل احضانه: اسف يا فيروزتي، انا عارف انك كنتي عايزة تبقي زي البنات وتلبسي فستان أبيض ويتعملك احلى فرح، بس انا مقدرتش احقق ليكي ده، ابسط حاجة اي بنت بتحلم بيها مقدرتش احققهالك. فيروز بعشق وهي تدفن

نفسها اكتر داخل احضانه: بالعكس، انا مش فارق معايا الفستان الأبيض ولا ان يتعملي فرح، لان وجودك في حياتي بالدنيا كلها يا اسد، يمكن احنا تعبنا كتير عم قدرنا نبقي مع بعض، وده بالنسبالي الدنيا كلها ان ابقا جو حضنك، لان الامان اللي بحسه معاك ميتقارنيش باي حاجة تانية. عند زينب ويونس يونس بحب وهو ينظر إلى زينب: انا بحبك اوي يا زينب. زينب بخجل: وانا كمان بحبك يا يونس.

تعرف مكنتيش اعرف ان عوض ربنا ليا هيبقي حلو بالشكل ده، كنت مفكرة ان انا بحب اسد، بس اكتشفت ان دي فكرة غلط اتزرعت في راسي من وانا لسه طفلة صغيرة، وحللت اهتمام اسد ليا على انه بيحبني، بس اتصدمت لما لقيته طلب ايد فيروز، بس لما فيروز هربت وخالتي طلبت مني اتجوز اسد، مقدرتش ارفض طلبها، وخصوصا ان فكرة حبي لأسد كانت عاميني. واكملت

بتوتر عندما نظرت له: وفوجت باحمرار عينيه من شد الغضب، بس اكتشفت ان كله ده وهم، وانت بجد حبي الحقيقي. انا بحبك يا يونس. يونس بيعشقك يا زينب. واكمل بغضب وغيره: معتيش عايز اسمع اسم راجل يتنطق من بين شفايفك الحلوه دي، ولا انتي عارفه انا هعاقبك ازاي. زينب بخجل: بطل قلة ادب يا يونس. مر الفرح على الجميع في سعادة حتى انتهى وغادر الجميع إلى منازلهم.

دخل اسد إلى جناحه ولكنه تفاجا بالجناح مزين بالشموع والورود، وفيروز ترتدي فستان أحمر ناري بعد الركبة. اسد بصدمة وهو يقترب منها: ايـه الجمال ده. ابتسمت فيروز بخجل. اسد وهو يقبل شفاتيها ويهمس في اذنيها: بحبك يا فيروز. فيروز بابتسامة: وانا كمان بحبك يا اسدي. اسد بخبث: شكلها سهره عنب. فيروز بخجل: انت قليل الادب. واكملت بابتسامة: نرقص. اسد بحب: نرقص. شغلت فيروز موسيقى هادئة وبدأت ترقص هي واسد.

فيروز بهمس في اذن اسد: انا حامل يا اسدي. اسد بصدمة: انتي بتقولي ايه. فيروز بضحك: بقول انك هتبقي احلى بابي وانا هابقي احلى مامي. واكملت وهي ترتمي داخل احضان اسد: تعرف يا اسد انا كنت خايفة اوي ليكون عندي مشكلة في الخلفه، بس الحمدلله حلمي اتحقق، واخيرا هابقا امك، على قد ما انا مبسوطة ان انا هبقى ام، على قد ما انا فرحانة ان الطفل ده هيبقي منك انت يا اسدي.

ولكنها توقفت عن الكلام عندما استوعبت ان اسد لا يبادلها الحضن، بل ايضا لم يعلق على حديثها. ابتعدت فيروز عن حضن اسد واكملت متسائلة: مالك يا اسدي. اسد ببرود: الطفل ده لازم ينزل. فيروز بصدمة: اي اللي بتقوله ده. اسد ببرود شديد: بقول اللي سمعتيه، الطفل ده هينزل.