رواية فيروز الاسد الفصل الثاني عشر 12 - بقلم عفاف نصر

في ناحية أخرى، كانت فيروز تحاول الخروج من القصر. لكنها تفاجأت بأحد يضع يديه على كتفيها. استدارت فيروز بحذر، ولكنها تفاجأت بالذي يقف أمامها. فيروز بصدمة: آ دم. آ دم بخبث: رايحة فين يا روز في الوقت المتأخر ده؟ فيروز بقوة: مليكيش دعوة. آ دم باستهزاء: ويا ترى أسد يعرف إنك خارجة من القصر في الوقت ده، ولا إنتي ناوية تهربي منه عشان كده خارجة؟ سكتت فيروز ولم تعرف ماذا تقول، حتى قالت بعد صمت دام لدقيقة.

فيروز بهدوء: أيوه، ههرب من القصر ده. هطلع من حياتكم للأبد، ومعتش هتلمحوني تاني، لأني خلاص تعبت. وبما إنك عرفت اللي كنت ناوية أعمله، يا تساعدني وتخليني أطلع من هنا، يا تنسى إنك شفتني. آ دم بهدوء: طيب، اهدي يا روز. وصدقيني هساعدك. حاول مسك يديها، ولكنها ابتعدت عنه سريعاً. فيروز بغضب: أوعى تقرب مني. إنت فاهم؟ إنت أكتر واحد أذيتني فيهم كلهم، إنت اللي دمرت لي كل حياتي يا آ دم. أنا كنت بعتبرك أخويا، بس إنت عملت إيه؟

خطفتني يوم فرحي من أسد، وبسببك اتجوزت زينب. وياريت استكفيت بكده، لأ خطفتني وودتني بيت دعارة. وبسببك بقيت منبوذة من الكل، وبقوا يكرهوني ومفكريني واحدة رخيصة. آ دم بندم وحزن: صدقيني، أي حاجة عملتها ده كان من حبي ليكي. مكنتش أعرف إني بدمرك. بس صدقني، أنا كنت هتجوزك، بس اكتشفت في نفس اليوم إن عمي جوزك لي أسد. وأكمل بهدوء: بس صدقني، أنا ندمت على كل حاجة عملتها. ومن النهارده إنتي أختي، وهساعدك تهربي من هنا.

فيروز بابتسامة: بتكلم بجد يا آ دم؟ آ دم بابتسامة هادئة: أيوه، ويلا بقى قبل ما حد يصحى. *** في وقت لاحق. كان يقف آ دم وفيروز بمكان بعيد نسبياً عن القصر. فيروز بهدوء: امشي إنت يا آ دم عشان محدش يحس بغيابك. آ دم بتساؤل: طيب، وإنتي هتروحي فين؟ فيروز بابتسامة: متقلقش عليا. بس ياريت محدش يعرف دلوقتي إني مش في القصر. أومأ إليها آ دم بابتسامة وغادر المكان. كانت تمشي بمفردها ولا تعلم أين تذهب.

وفي لمح البصر، أتى شخص من خلفها وخدرها، وفقدت وعيها. *** في صباح اليوم التالي. كان أسد يتجه إلى غرفته التي بها فيروز من أجل الاطمئنان عليها، ولكنه أعلن هاتفه عن وصول رسالة. وكان مضمونها: (مراتك هربت امبارح من القصر، ودلوقتي هي مع عشيقها وفي حضنه) اتجاه أسد بسرعة ناحية الغرفة، ولكنه تفاجأ بها فارغة. أسرع بفتح خزانة الملابس، وكانت فارغة أيضاً، ولم يكن بها أي شيء من ملابس فيروز.

أسد بغضب جحيمي: صدقيني هجيبك يا فيروز، وساعتها هندمك على اليوم اللي فكرتي تهربي فيه.