رواية فيروزة جحيمي الفصل الحادي عشر 11 - بقلم دنيا حسن

زين بنفس الصدمه : حضرتك بتقول إيه؟ الظابط : زي ما حضرتك سمعت، اتفضل معايا وبلاش شوشرة لأننا في مكان عام. فيروزه اتدخلت: حضرتك الظابط. الظابط: مدام فيروزه، حضرتك تعبانة، ممكن تشرفينا القسم وتقوليلنا كل شكاويكِ، وأنت يا أستاذ زين اتفضل معانا. فيروزه بصوت عالي مليان قوة: حضرتك ملكش الحق تاخد جوزي! الظابط: حضرتك بتقولي إيه ده؟ اتجوزك غصب وعذبك؟ فيروزه بتمثل القوة وبتكذب عقلها

إن اللي بتقوله حقيقة: زين معملش معايا أي حاجة وحشة، زين بيحبني جداً، وإحنا اتجوزنا عن حب. الظابط: طب تمام، حضرتك تقدري تقوليلي إيه اللي دخلك المستشفى؟ زين كل ده واقف مذهول من الصدمة. فيروزه بتمثيل جراءة وشجاعة: بص حضرتك، أنا آه قاصر، بس أنا بحب زين وزين بيحبني، وغير كده هو معمليش أي حاجة، ده بالعكس واقف معايا دايماً، وأنا جيت المستشفى لأن اتزحلقت على السلم، بس.

وتقدر حضرتك تمشي دلوقتي عشان فيه خصوصية في حياتنا، صح يا حبيبي؟ زين بص لها: ها... آه صح صح طبعاً. الظابط راح لزين: أنت نفدت بسبب مراتك، بس لو مسكت دليل عليك هدخلك السجن ليوم لما تعفن. مشي الظابط. عند ليلي. ليلي راحت لسميحة: شوفتوا اللي حصل؟ هدي: اتزفتي قولي. ليلي: زين عرف كل حاجة، لأن كنت بكلم ابنك وهو سمعني. الزفت ابنك ده مش هسيبه. هدي: وأنا ابني عمل إيه يعني؟ وإنتي أصلاً كنتي بتكلميه ليه؟ وليه كلمتيه في المستشفى؟

بلاش غباء. ليلي: وأنا كنت أعرف منين يعني إن زين موجود؟ كنت هشم على ضهر إيدي مثلاً؟ سميحة: بس بسسسس. أنتو روحوا وأنا هروح أعرف الأجواء وأجيلكم. عند زين وفيروزه. زين راح لفيروزه وقالها: انتي ليه عملتي كده؟ فيروزه: عادي، إنسانية. زين: حتى بعد كل اللي عملتيه معايا؟ فيروزه: آه، وعايزة طلب. زين بحب: إنتي تؤمري. فيروزه: تطلقني. زين اتعصب بس حاول يداري عصبيته: انتي بتقولي إيه يا فيروزه؟

فيروزه: انت عذبتني وخدت مني اللي إنت عايزه، عايز مني إيه تاني؟ زين: انتي... فيروزه بعدم فهم: يعني إيه؟ زين: بصي يافيروزه، أنا عارف إني غلطت وعارف إن كل اللي عملتوه معاكي كان غلط، إنتي كنتي صادقة وكانت كل ده لعبة. فيروزه: والمعنى؟ زين: بصي، أنا وإنتي هنفضل متجوزين وأنا مش هقربلك خالص وهتدرسي. فيروزه: هدرس إيه ده؟ إزاي بقا هدرس إزاي؟

زين: أنا هساعدك، يعني قصدي هجيبلك مدرسين وهجيبلك كتبك وكل حاجة وتحققي حلمك، وبعدين إنتي لو اتطلقتي هتروحي فين بعد كده؟ فيروزه بتفكير: صح، عنده حق، أنا لازم أرجع وأذاكر وأدخل الكلية، وبعد ما أدخل هبقى أسكن في سكن طالبات. زين: ها قولتي إيه؟ فيروزه: إيه؟ مسمعتش. زين: ياااه، إنتي مكنتيش معايا خالص، وضحك ضحكة جننتها من كتر حلاوتها.

على العموم، أنا كنت بقول إن إنتي لما تذاكري وتدخلي كليتك ساعتها قرري لو هتفضلي ولا لا، واعتبري إن الفترة دي فترة اختبار. فيروزه: ماشي، موافقة، بس عندي سؤال. زين: اتفضلي. فيروزه: إنت عرفت منين إن أنا صادقة؟

زين: أنا سمعت ليلي وهي بتقول ليونس الكلب عملت إيه، المهم دلوقتي إنتي شدي حيلك عشان ترجعي على البيت تذاكري إنتي وأمل، بس أمل علمي رياضة، هتشتركي معاها في كل الدروس معاد كام درس، يلا أنا همشي دلوقتي وأتصل بأمل وجوري عشان ييجوا يقعدوا معاكي. فيروزه: وإنت... أكملت بتعلثم: قصدي يعني إنت هتروح فين؟ زين: هروح أصلي. أشكر ربنا إنه نجاكي ليا، يلا أنا هروح أصلي، باي. ومشي زين. وفيروزه فضلت تفكر: ياااه، ياترى هو هيتغير فعلاً؟

يارب بقي الامتحان صعب جداً، ارجوك يارب متسبنيش. الأيام اللي جايه... ونامت من كتر التعب. في مكان آخر. حافظ: إزاي إززززاي يعني؟ الظابط: زي ما قولتلك، مراته دافعت عنه ومكانش بإيدي أعمل حاجة لأنها صاحبة الشأن. حافظ بدأ يزعق ويكسر كل حاجة: اقفل اقفل، إنت متعرفش تعمل حاجة. صفاء جريت على المكتب بتاعه اللي في البيت: إيه إيه يا حافظ، إيه اللي حصل؟ حافظ: كل حاجة باظت، كل حاجة. صفاء: قصدك إيه؟ حافظ: معرفتش، أخدت طار ابني.

ثم أكمل بشر: بس هاخده عاجلاً أو آجلاً، وهنتقم عشان ابني. عند زين. زين خلص صلاة الضهر واتصل على أمل وجوري وهما جايين في الطريق. ورايح الأوضة لفيروزه وقفاته أمه. زين: نعم يا ماما. سميحة: فيروزه عاملة إيه؟ زين: أمي هي كويسة، ولو سمحتي متدخليهاش وروحي. سميحة بتمثيل: إنت بتقول كده يا زين؟ ده أنا جايه أطمن عليها. زين: أمي، النهارده في مفاجأة بليل، روحي اجهزي ليها أحسن، تمام. ومشي.

دخل لفيروزه، كانت نايمة. رجع خصلات شعرها لورا وبدأ يحفظ تفاصيل وشها. بحبك أوي، مش عارف إزاي كنت متخلف كده، أوعدك إن النهارده هاخد حقك. دخلت جوري وأمل، وزين كان مركز مع جمال فيروزه. جوري وأمل: احم احم. زين عدل نفسه وقام علطول: اتفضلوا ادخلوا، بس هي نايمة، ممكن تيجوا أقولكم حاجة. زين أخذهم في أوضة تانية. جوري وأمل: إيه يا زين عايز إيه؟ زين: عايز أعوض فيروزه كل حاجة. جوري: يعني إيه؟

زين: بصوا، أنا النهارده بليل هعمل مفاجأة للكل، وإنتوا هتساعدوني. جوري وأمل باستغراب: مفاجأة إيه؟ زين: ... جوري وأمل: إنت أكيد مجنون صح؟