رواية فيروزة جحيمي الفصل الثاني عشر 12 - بقلم دنيا حسن

جوري وأمل بصوت واحد: أنت مجنون يا زين صح؟ زين: لا مش مجنون، وبعدين أنتو هتساعدوني صح؟ جوري وأمل بصوا لبعض بصدمة. زين: خلاص لو مش هتساعدوني خلاص. وجاي يمشي. جوري وأمل: حاضر هنساعدك. زين: تمام، اتفقنا. هقولكم الخطة... ... عند فيروزة. فيروزة ابتدت تصحى شوية. ودخل جوري وأمل. فيروزة: حبايبي وحشتوني، عاملين إيه؟ جوري: كويسين يا قمر، إنتي عاملة إيه؟ فيروزة: الحمد لله كويسة. أمل: فيروزة، أنا عيد ميلادي النهارده، ينفع تيجي؟

فيروزة: بجد؟ كل سنة وإنتي طيبة يا قمر. إنتي بس والله ما هعرف، زي مانتي شايفة دماغي ملفوفة ومش هقدر أجي. جوري: هنساعدك، مفيش مشكلة. وإحنا ياستي سألنا الدكتور، قالنا ناخدك بس بحذر. وإنتي طول عيد الميلاد هتبقي قاعدة على الكرسي مش أكتر من كده. فيروزة: لا مش هقدر، صدقوني. جوري وأمل: عشان خاطرنا، عشان خاطرنا بقى. يلا. فيروزة: حاضر، هحاول.

فيروزة مكانتش قادرة من الوجع بسبب الوحشية اللي اتصرف بيها زين معاها، وبسبب الوقعة بتاعت السلم. لو على الوقعة عادي، لكن الباقي فهي هتموت من الوجع. وقاومت وقامت معاهم، وهما ساعدوها في اللبس وحطوها على كرسي متحرك واهتموا بيها قوي. ... عند ليلي. ليلي: طنط هدي، يا طنط، يا طنط. هدي جت على صريخها اللي ملي الشقة: إيه؟ إيه؟ عايزة إيه؟ ليلي: زين. هدي: ماله؟ ليلي: عرف كل حاجة. سميحة من وراهم: يبقى دي المفاجأة بقى.

ليلي: مفاجأة إيه؟ سميحة: زين قالي في المستشفى إن فيه مفاجأة بليل. إيه هي؟ هدي: يا يونس، يا يونس تعال. يونس: نعم؟ عايزين إيه؟ هدي: زين اللي عايزك. زين عرف كل حاجة. يونس: عرف إيه بالظبط؟ عرف عن خطتي لما مسكت إيد فيروزة؟

ليلي: أيوه، أنا قلتله على كل حاجة. قلتله على إني اشتركت معاك في خطة مسكة إيديها، وإني أنا اللي شلت الطرحة عشان يروح يهزأها، وأنا كمان اللي وقعتها من على السلم، وأنا كمان اللي حرقتها في إيديها. أنا اللي عملتلها كل ده. سميحة: واتكلمتي عليا بقى يا ستي ليلي؟ ليلي: بالصراحة لأ، بس زين هيعرف كل حاجة قريب. بس اللي أنا مستغرباه، هو عرفها منين عشان يتجوزها؟ سميحة: أنا أمه ومعرفش حاجة. بس هنعرف كل حاجة قريب.

دخل عليهم شخص غريب: السلام عليكم. هدي: عليكم السلام. مين حضرتك وعايز إيه؟ معاذ: بعد إذن حضرتك، أستاذ زين قالي أقول لحضرتكو تجهزوا. والسيارات برا وهتاخدكو للحفلة. هدي: حفلة إيه؟ معاذ: أستاذ زين قالي إن حضراتكو هتعرفوا لنا تروحوا الحفلة الساعة 7 مساءً. عن إذنكو، هنستناكوا برا. ... عند فيروزة.

ركبوا العربية وراحوا فندق كبير وجميل قوي. أقل ما يقال عنه فندق 5 نجوم. روعة روعة حقيقي. الفندق ده ملك زين وهو خلاه فاضي مفيهوش ولا شخص عشان الحفلة. فيروزة: إيه يا بنات، إنتو مش عارفين فين القصر ولا إيه؟ جوري: لأ، ما إحنا هنعمل عيد الميلاد هنا. يلا هنطلعك ونشيكك وتبقي قمر كده. فيروزة بضحك: لأ، ده إنتي اتجننتي. بت أنا جيت عشان مكسرش بخاطركوا، بس حقيقي مش قادرة. وبعدين أنا أتشيك ليه؟ هو ده عيد ميلادي ولا عيد ميلادك؟

أمل: أوووف، خلاص بقى بطلو كلام. يلا نطلع الأول. وطلعوها بالاسانسير، وحقيقي هي منبهرة بجمال القصر. مش فندق يا جدعان، ده مش فندق، ده قصر. جماله جامد قوي. وطلعوا ودخلوها الأوضة. وجايين يمشوا: يا جدعان، يعني أنا هساعد نفسي، يعني صح؟ أمل: بصي يا قلبي، عيد ميلادي هاخد جوري تساعدني وهبعتلك حد يساعدك، وهتنبسطي قوي. ومشوا من غير حتى ما يسمعوا فيروزة.

فيروزة قعدت على السرير بتعب. واتبسطت قوي بالمكان، بس برضه فيه حاجة في قلبها بتسأل على زين (في تفكيرها) = أووف بقى، يعني بعد ما عمل كل ده بفكر فيه؟ فيروزة اهدى كده. أهم حاجة إنه مش موجود. زين دخل الأوضة وشافها سرحانة. = وحشك، للدرجة دي؟ لفت فيروزة ليه، انصدمت وفرحت، بس حاولت تخبي: زين، إيه اللي جابك؟ زين راح وقرب منها: مش لازم أساعدك ولا إيه؟ فيروزة: أساعدني؟ اللي هو إزاي يعني؟ أكيد مش هتساعدني ألبس؟

زين: هو مش أنا جوزك؟ يبقى ليا الحق طبعًا، ولا إيه؟ فيروزة: بس مكانش اتفاقنا كده. وبعدين... قاطعها زين بمزاح: خلاص ياستي، كنت بهزر. بصي، اللي هتساعدك في اللبس هتيجي دلوقتي، والميكب أرتيست هتيجي معاها برضه. فيروزة: هو مش المفروض إن النهارده عيد ميلاد أمل؟ يعني كل ده يبقى ليها مش ليا المفروض. زين: حضرتك متنسيش إنك مراتي برضه، وأكيد هيبقى فيه رجال أعمال، وأكيد لازم تظهري بمنظر حلو. بعدين أنا عايز أشوف مراتي وهي قمر كده.

فيروزة اتكسفت قوي: تـ تمام. وزين مشي، وجات الميكب أرتيست واللي هتساعدها في لبس الفستان. الفستان كان شبه الأميرات، طبعًا مع الطرحة. هي كانت مبسوطة، كانت بتحاول تفرح حتى لو شوية. وجت الساعة 6 ونص مساءً. جوري وأمل ارتدوا فساتين جميلة قوي. وطبعًا كريم ارتدى عشان ياخد أميرته اللي هي جوري. وطبعًا زين كذلك ارتدى عشان ياخد ملكة قلبه.

ليلي وهدي وسميحة والجد صلاح ويونس ارتدوا، بس عندهم فضول إيه اللي هيحصل. وسنية ارتدت وراحت معاهم. ... في الفندق. كريم: يا واد يا زين، هما ابلعوا جوا. زين: واد بقا اسمي واد؟ طب يا سيدي أنا هعيديهالك بعدين. إنت عارف البنات بقى وإنت عايش كده قبليا، أومال أنا أعمل إيه؟ كريم: يلا، هما هيطلعوا قريب. زين: أهو طلعوا يا أخويا. كريم لف لورا لقى أميرته نازلة. كانت في غاية الجمال. كانت محتاجة أمير يتجوزها وينطلقوا على روسيا.

😂 أفرحوا يلا. كريم أخد جوري وجاي يمشي: يلا يا معلم، أنا هسيبك بقى تتحنط هنا. زين: يلا يا بابا، امشي من هنا. ومشي كريم، وطبعًا أمل مشيت. زين وهو واقف: يعني أغني ولا أعمل إيه؟ حبيبتي افتحي شباكك أنا جيت، أنا واقف تحت البيت. 🙃😂

وفجأة نزلت فيروزة. البت كانت تقول للقمر قوم يلا وأنا أعد مكانك. رغم كانت تعبانة، بس البت بـ 7 أرواح نزلت. وهي نازلة افتكرت شريطها الأسود اللي شافته على السم ده، ابتداء من لما كانت هتقع في حضنه في البداية، لـ وقعها على السلم. زين: أنا متجوز قمر يا ناس. فيروزة وشها بقى أحمر زي الطماطم، لأ لأ أكتر منها. 😂: احم احم، هنتأخر على عيد الميلاد. زين جاي يمسك إيديها، بعدت: بعد إذنك، إحنا اتفقنا اتفاق.

زين: لو نسيتي، فانتي وافقتي إنها تكون فترة اختباري. فيروزة: تمام، سيبني أنا اللي أقرر. يلا نمشي. ومشوا. وهي ممسكتش إيديه، ماشيين جنب بعض، بس هو هيموت ويمسك إيديها، بس يلا يستاهل، مش كفاية اللي عمله. وراحوا الحفلة، وكانت على بسيم. طبعًا مش في فندق، قصر قمر قوي كده. وزين راح قعد فيروزة على كرسي. ووصلوا الأفاعي. سميحة رايحة لفيروز. زين وقف قدامها: عايزة تخلصي عليها ولا إيه؟ سميحة: إيه يا ابني اللي بتقوله ده؟

أنا رايحالها عشان أطمن عليها مش أكتر. زين: طب روحي اقعدي في طاولة تانية وابعدي عنها. فيروزة قاعدة لوحدها. جه كريم ليها: فيروزة، فين زين؟ فيروزة: آه، هتاك واقف مع طنط سميحة. بقولك إيه. كريم: إيه؟ فيروزة: هو النهارده هتتم أمل كام سنة؟ كريم: أمل... بس أمل مش عيد ميلادها النهارده. فيروزة استغربت: اومال الحفلة دي إيه؟ وفجأة زين راح على المسرح ومسك المايك: احم احم، انتباه للكل.

زين: أنا عايز أحكيلكم حكاية بسيطة. بس قبل ما أعرض فيلم الحكاية، عايز أعتذر لمراتي وبنتي وحبيبتي ودنيتي. أنا آسف، آسف يا فيروزة. أنا شكيت فيكي وعملت حاجات مينفعش كنت أعملها خالص. أنا آسف، بعتذر قوي وبتمنى تسامحيني. وبدأ يتحرك يمين وشمال وهو بيبص في عنيها، وهي مصدومة.

كل ده فيروزة دي بقى، هكلمكو عنها. هي آه عندها 18 سنة، بس أجمل بنت أشوفها في حياتي ومش هشوف أجمل منها. أنا شكيت فيها وهنتها وعذبتها بسبب خطط من أقرب الناس ليا، بسبب أمي وعمتي ومراتي الأولى. استغربتوا طبعًا. على العموم، هتعرفوا كل حاجة دلوقتي. وشغل فيديو على المسرح. فيه اعتراف للكل (لما هما كانوا بيتكلموا الصبح في أول البارت) . كل كلمة وكل اعتراف بان قدام الناس كلها. (طلع خبيث😂😅)