رواية فيروزة جحيمي الفصل الخامس 5 - بقلم دنيا حسن

زين: انت بتقول إيه يا جدي؟ صلاح قام من على الكرسي وراح للشباك: إيه؟ قلت إيه؟ يعني أنا عايزك تعذبها. زين: يا جدي بس... صلاح: بس إيه؟ انت نسيت إن جدها هو اللي قتل حفيدي. زين: طب ما أنت قتلت أبوها. صلاح بكل شر: قتلته، بس لسه ما أخدتش طاري. زين: يا جدي مش جدها اللي قتله، عيلتها ملهاش دعوة، وبعدين أنا كنت في مكان الحادث، محصلش كدا.

صلاح: زين، أنت ملكش دعوة باللي أنا بخططه. فيروزة جدها قتل حفيدي لأنه هو كان عايز شركتي وأنا رفضت، وهو للأسف مات لوحده، وأنا قتلت ابنه بعدها، بس برضه عايز أشوف العذاب في عين حفيدته، لأنه زي ما حرمني من حفيدي، هعذب حفيدته. زين: بص يا جدي، أنا متأكد إن ملهاش علاقة.

صلاح: زين، أنت هتعمل اللي قلتلك عليه بالحرف الواحد، وبعدين متنساش إن أنا اللي جوزتك إياها، وأنا اللي خليتك تيجي هنا، واللعبة كلها أنا اللي بتحكم فيها. اطلع برا دلوقتي. زين طلع برا المكتب وراح أوضة الملاكمة. عند فيروزة، كانت بتاخد شاور. ليلي دخلت أوضتها، أخدت كل الطرح اللي موجودة ومشيت. فيروزة خرجت ولبست الدريس، وجاية تلبس الطرحة، ملقتش طرح. قررت إنها تنزل كدا، لأنها جعانة، وخلاص افتكرت زين مش هيعمل حاجة.

وبالفعل نزلت. لواحظ: إزيك يا هانم؟ فيروزة: متقوليش كدا، أنتي زي أمي. معلشي تعرفي طرحي اللي فوق راحت فين؟ لواحظ: لا والله يبنتي، أنا مدخلتش أوضتك من أول ما جيتي. أنا هروح أحط العشا، وأنتي اقعدي على السفرة لحد ما يتجمعوا. وقعدت على السفرة، والكل اتجمع، جوري وسنية ويونس وكله، ما عدا زين. عند زين، خرج من أوضة الملاكمة وراح غير هدومه ونزل. طبعًا اتصدم لما لقاها من غير طرحة. ليلي جت من وراه وغمزت.

يونس بصياعة: واو يا فيروزة، شعرك جميل أوي، يا ريتك كنتي مراتي. زين بأقصى صوت عنده: فيروووووووووزة! راح لها وشدها من شعرها، وجرجرها من على السلم، وطلعها فوق، وهي بتعيط جداً، حقيقي كانت منهارة. دخلها الأوضة ورزعها على السرير، واتكلم بكل عصبية: انتي ازااااي تنزلي من غير طرحة؟ ازااااي؟ فهميني! فيروزة وهي بتعيط: والله والله مكانش فيه طرح هنا. زين: مفيش إزاي يعني؟ وراح فتح الدولاب.