رواية فيروزة جحيمي الفصل الخامس عشر 15 - بقلم دنيا حسن

فيروزه جايه تديها القهوه، وقع منها حبه من غير ما تقصد على جيب سميحه. سميحه قامت بنرفزه: انتي غبيه، ازاي تعملي كدا؟ أمل: ماما، محصلش حاجه لكل ده. ليلي زقت أمل: انتي ازاي تعملي كدا يازفته. أنا هوريكي هعمل فيكي إيه. وجايه تشد شعرها. زين دخل ومسك إيديها بشده لدرجة أن كان هيفتفت عظامها بإيده. ليلي وهي بتحاول تفك إيديه: انت واقف معاها كدا ليه؟

زين وهو ماسك إيديها جامد: عشان مراتي، ومحدش ليه الحق إن يهين مراتي في بيتي، مفهوم؟ سميحه: الله الله، يعني انت قابل إن أمك اللي ربيتك تتهان في بيتك؟ زين ساب إيد ليلي وراح وقف قدام سميحه ومسك إيد فيروزه بكبرياء: أولًا، هي ما هانتكيش. ثانيًا بقا، فيروزه مراتي ومحدش ليه الحق إن يهين مراتي وفي بيتها. وثالثًا بقا، إيه اللي جابكم هنا؟ سميحه: عايزه أشوف ابني.

زين: لا يا أمي، بس لو عايزه تشوفيني، كان ممكن تتصلي عليا وأنا أجلك. محمد.. محمد.. محمد. محمد: نعم يا أستاذ زين؟ زين: وصلهم للقصر. سميحه: ماشي... ماشي يا زين. ومشيت و أمل مشيت. ليلي توجهت لفيروزه بكل غل: حببتي يافيروزه، وحشاني أوي. كنت عايزه أقولك حاجه، زين كان نفسه يقولهالك ومخبيها عليكي. زين مسكها وشدها طلعها برا: انتي عايزه إيه ها؟ ليلي: عادي، عايزاكو تطلقوا.

زين: أنا مش هسمحلك تاذيني تاني. ولو على السر، فهقوله ليها في الوقت المناسب. ابعدي عننا بقا. ليلي: لا مش هبعد، افهم بقا، انت ملكي أنا وبس. زين بعصبيه: أنا مش ملك حد غير فيروزه. ولو مش عايزه تفهمي، أنا هفهمك. امشي من هنا يلا، أحسن ما أطلقك حالًا. ليلي: همشي، بس هرجع تاني صدقني. ومشت ليلي هي وأمل وسميحه. زين دخل لقى فيروزه قاعده وفكه شعرها وبتذاكر. زين: فيروزي، ذاكرتي؟

فيروزه ضحكت: متبطل بقا، كلمة فيروزي دي. يعني أنا أقولك إيه بقا؟ زين بغرور: سهله، هتقولي زين الرجاله. فيروزه بضحك هستيري: يخربيتك، فصلتني. زين راح باسها من خدها بسرعه: ولسه هضحكك أكتر، بس تفرجي عني. فيروزه بعدت شويه: احم، أنا هروح أحط الأكل ناكل. وقبل ما تقوم: بقولك إيه، نسيتني صحيح. زين: قولي ياحياتي. فيروزه: هو إيه الحاجه اللي كانت هتقولها ليلي؟

زين بيحاول يخبي: سيبك منها، دي غيرانه مننا، أصل إحنا عرسان جدد وكدا بقا. فيروزه بعدم فهم: ااه، قولتلي. ماهو باين، يلا أنا هروح أحط الأكل. راحت حطت الأكل وهو قام وقعد على السفره. كان بيترأس السفره وهي قعدت في الكرسي اللي جنبه بالظبط. زين وهو بيجهز لقمه وبيمدها لفيروزه: القطر رايح فيين؟ رايح فيين؟ فيروزه: هاكل لوحدي. زين بحذر: فيروزه... طبعًا أكلها وفضلو يضحكوا مع بعض ويهزروا وطلعوا على فوق.

فيروزه: هدخل أغير في الحمام. زين: تمام، هستناكي عشان آخد شاور. ودخلت فيروزه وبصت للمرايه تاني: إزاي، إزاي؟ إيه الشعور ده ياربي اللي بيخليني أحس معاه بالأمان؟ وهو اللي أذاني. ياربي بقا ارشدني على الطريق الصح. خلصت لبسها وخرجت وهو كان مستنيها. زين: اتأخرتي أوي، انتي كويسه؟ فيروزه: أنا كويسه، متقلقش. زين: تمام، أنا هدخل آخد شاور. فيروزه: تمام.

فيروزه راحت تقرا روايه، وبعد نص ساعه زين خرج من الحمام وكان لافف فوطه وكان عاري الصدر وشعره بينقط مياه وهو بينشفه. فيروزه بتبص ليه وهي فاتحه بقها وخبت عينيها فجأه: روح يازين البس حاجه. زين بص ليها بإعجاب من حبيبته اللي بتتكسف: روح يا... فيروزه: زين. زين بمياصه: لا، أنا عايزه الكلمه اللي بحبها. فيروزه: هي إيه... اه اه افتكرت... روح يا زين الرجال. وضحكت أوي. زين راح غير

هدومه بالفعل ونام جنبها: عايزك تذاكري كويس عشان تحققي حلمك.

مر أجمل 11 شهر. في الفتره دي كانت بتيجي أمل عند فيروزه عشان الدروس، واتقربت أمل من محمد وبدأ محمد يعشقها بجنون. وخلاص جوري هتتخطب لكريم وهيتجوزها بعد التخرج. وفيروزه بدأت تحب زين، لا، بدأت تعشقه، بس للأسف معترفتش لنفسها. كانت كل شويه تكذب نفسها على أساس إنها هتخليه يحبها، بس مكانتش عارفه إنها كمان هتقع في نفس الفخ وهتحبه. وزين كان بيحاول يبعد ليلي عن البيت وعن فيروزه خالص. وبالنسبه لحافظ، فالجد قاله إن هياخد طار ابنه

بإيده. وهدي مكانتش بتبطل إنها تخرب سعاده زين، بس بتفشل. يعني كل مره. وسميحه هديت وعرفت إن سعاده ابنها مع فيروزه، لأن شافته سعيد واتغير خالص عن الأول. وتمنت إن كان اتجوز فيروزه في الأول. وربنا هداها وبقت تكره ليلي، لأنها لاحظت إن ليلي مبتحبهوش، هي عايزه تملكه وبس. بس فرحت إن زين واقف مع فيروزه وبيبعد ليلي عنهم. وسنيه مبسوطه في حالها. ويونس زين سافر برا عشان يبعد عن أمل. اكتشف إن هو مكانش بيحب أمل، ده كان إعجاب، إعجاب

متخلف. وعرف إنه من غيرها عادي، يعني مش فارقه معاه.

وفي يوم. زين: الو. صلاح: عايزك فورًا. زين: أنا مش فاضي. صلاح: لو مجتش هوريك وشي التاني. زين: هحاول أجي.... فيروزه.. فيروزه. فيروزه بضحكة جنان: نعم... عايز إيه؟ زين: نتيجتك امتى؟ فيروزه: بكره. في حاجه؟ زين: لا ياحبيبتي. فيروزه: زين، انت متضايق صح؟ زين: ليه بتقولي كدا؟ فيروزه: عشان قولت فيروزه مش فيروزي. زين حاول يداري وابتسم: لا ياحبيبتي، مفيش حاجه. وباسها من خدها: أنا هروح مشوار كدا ومش هطول.

وبعد عده ساعات، زين وصل البيت وبيخبط على أوضة جده. صلاح: ادخل. زين دخل وقفل الباب وراه وراح قعد على المكتب: عايز إيه؟ صلاح: والله، بقت عايز إيه؟ تمام أوي، أنا عايز.... زين: رزع على الترابيزه: مستحييييييييل.