رواية فيروزة جحيمي الفصل السادس عشر 16 - بقلم دنيا حسن

زين رزع الترابيزة: مستحييييييل. الجد صلاح قام بنرفزة: مستحيل إيه؟ إنت مجنون؟ أنا بأمرك مش بطلب. زين قام وبصله بغل: وأنا مستحيل أقتل مراتي. صلاح: بقا كدا. زين بثبات على موقفه: أيوه كدا. صلاح: تمام أوي. طالما إنت مش عايز تقتلها أنا هقتلها لك وهندمك على رفضك لأمري. زين بقوة وانفعال: محدش هيقدر يقرب من فيروزة، ولو مسّ شعرة منها هتشوف مني وش عمرك ما شفته. وأيوه بقف قدامك حتى لو كنت جدي. صلاح: ماشي يابن محسن.

زين بعصبية وعلى صوته: أنا كذا مرة أقولك مش هي، مش هي السبب، صدقني، أرجوك صدقني بقا. صلاح صمت. زين: وصلتلي رسالتك. عايز تعارك؟ عارك وأنا هكسبك. زين قال كلمته ومشي ورزع الباب. ليلي كانت قاعدة في الصالون، وسنية كانت نايمة فوق، وهدي كانت قاعدة مع ليلي، وسميحة كانت برا بتعمل تسوق، والخدامين كانو إجازة في اليوم ده. ليلي وهي بتنادي عليه: زين.. زين. زين راح لها: عايزة مني إيه؟ ليلي: ممكن نقعد مع بعض شوية.

زين: أنا مش عايز أقعد، أنا ماشي. ليلي مسكته من إيديه: معلشي مرة واحدة بس. زين قعد معاها وهدي مشيت: ها، عايزة إيه؟ ليلي كان معاها حبة تراب صغيرين، نفخت فيهم وخليت زين يكح. ليلي راحت تجيب ماية: إشرب، إشرب يازين. زين أخد الكوباية وشرب. بعد عدة ساعات. زين صحي لقي نفسه على الكنبة. زين: إيه ده؟ أنا إيه اللي منّمني هنا؟ سميحة: زين يابني، أنا جيت لقيتك نايم، قولت مزعجكش عشان كان شكلك تعبان. زين: أنا نايم من كتير.

سميحة: آه، 5 ساعات مثلاً. زين قام بسرعة: أنا اتأخرت على فيروزة. وجري ركب العربية وراح لفيروزة. خبط على الباب. زين: فيرووووزي، فيروزي افتحي، فيرووووزي. فيروزة بخطة فتحت: إيه؟ زين أول لما شافها حضنها، حضن كانها لسه راجعة من الموت، ولدرجة إن هيكسر عضمها في إيده. فيروزة: زين، زين، هتموتني. زين فكها بسرعة: متقوليش كدا، ألف بعد الشر عليكي يا قلبي. فيروزة: يلا ندخل.

ودخلوا وقعدوا شوية يتفرجوا على مسلسل "اسمعني". ودخلوا يناموا. وجه الصبح. زين بصريخ: فيروزي، فيروزي، فيروزي قومي يلا، يلا قومي. فيروزة بصدمة وفزع: اعععععععععع... إيه؟ قطعتلي الخلف. زين راح لها ومسك وشها بإيده: متقوليش كدا ياحياتي، إنتي هتبقي أم عيالي ياقلبي. فيروزة اتكسفت أوي: اممم. زين: أموت أنا في الطمطامية، يخربيتك بتخطفي قلبي. نسيتيني... النتيجة ظهرت وجبتي 96% ياقلبي زين الرجال. فيروزة مصدومة فتحت بوقها.

زين: اقفليه، لسه بدري يادكتورة قلبي. فيروزة قامت ونطت عليه: اععععععععععع. حضنته أوي وهو استغل الفرصة وحضنها بكل قوة ولف بيها كتير أوي من كتر الفرحة. زين: بحبككككككك. ونزلها بهدوء. فيروزة: وأنا كمان. زين: وإنتي إيه؟ فيروزة: وأنا... ب. ب. بحبك. زين شالها ولفها تاني بأكثر قوة. فيروزة: نزلني يامجنون. زين: بحبك يافيروزيييي. ونزلها: اجهزي عشان في حفلة انهاردة لنجاحك ياقمري. ونزل وفيروزة فرحت جداً. وجه المساء.

فيروزة جهزت وزين كمان جهز ومستنيها تحت. زين: فيروزي. فيروزة من فوق: هنزل اهو. زين فضل مستنيها وفجأة شاف حورية نازلة، كانت لابسة فستان أحمر ومنزلة شعرها وكانت حاطة مكياج خفيف، أقل ما يقال عليها قمر. زين: واخيراً نزل القمر الساحة. فيروزة اتكسفت. سكتت.

زين مسك إيديها وطلع الحديقة وهو أصلاً مشي كل الحراس عشان محدش يشوف قمره غيره. ورقصوا مع بعض على أغنية "من أول دقيقة". ورقصوا أحلى رقصة وطلعوا على فوق وهو شايلها وكانهم لسه متجوزين. في الصباح. فيروزة فاقت الأول وبصت على وشه القمر

وهو نايم وبتتكلم في سرها: أنا أه كنت عايزة أحرق قلبك وأسيبك، بس أنا حسيت معاك بالأمان والإحساس وحسيت إنك أبويا، وكنت بتعمل كل واجباتك، كنت لما أجيب درجة وحشة تقف جنبي، احترمت رغبتي طول السنة دي، كنت بتغار عليا من الهوا الطاير، أنا شوفت معاك الحنية والغيرة والخناق والحب. أيوه أنا بعترف إني حبيتك، لا لا أنا عشقتك يازين الرجال. زين فاق وبص عليها: بتحفظي وشي ولا إيه؟ فيروزة اتكسفت: أنا.. لا.. لا. زين مسك بقها وباسها.

فيروزة: احم احم، ممكن تقوم عشان أغير. زين: لا مش هقوم. فيروزة: زززززييييين. زين قام ولبس بالفعل وهي كمان ونزلوا للفطار. زين: جهزي نفسك عشان بعد ساعتين هنطلع على تركيا. فيروزة: إنت بتهزر صح؟ زين: لا مبهزرش، مراتي وهتبقى دكتورة قد الدنيا، ليها الحق إنها تسافر طبعاً. فيروزة راحت قعدت على رجله: أنا بعشقك يازيني. زين برفع حاجب: إيه زيني دي؟ فيروزة لفت إيديها حوالين رقبته: يعني زين بتاعي، بتاعي أنا وبس.

زين باسها تاني برضه: طبعاً بتاعك، هكون بتاع مين يعني. وجهزوا الشنط وطلعوا الطيارة ووصلوا تركيا ونزلوا في فندق اشتراه زين. فيروزة واقفه قدام الفندق بزهول: إيه ده؟ إزاي؟ زين راح لها وحضنها من ورا: إزاي إيه؟ فيروزة: ده اسمي. زين: أيوه، الفندق أنا اشتريته وسميته فندق فيروزة، عجبك. فيروزة: عجبني إيه بس، أنا طايرة من الفرح. زين: طب يلا نطلع نغير وننزل نتفسح شوية.

وقضوا أجمل أسبوع في تركيا، كانت أجمل أوقات فيروزة حبت زين أكتر وعشقته لحد الجنون ورجعوا تاني مصر عشان تقديم كلية فيروزة وهو وعدها كل إجازة هيوديها المكان اللي هي عايزاه، وهي كانت طول الفترة دي بتتمنى من ربنا إنه يرزقها ابن يحمل اسم زين وحتة منه. زين: أهلاً وسهلاً بيكي في قصرك ياقمر. فيروزة: زين، تالت مرة نعزل؟ إنت بتهزر صح؟ زين: لا مش بهزر، وكتبت كمان البيت ده باسمك إنتي. فيروزة: بتهزر صح. زين: لا دي حقيقة.

فيروزة راحت حضنته: أنا بحبكك أوي.. ليه بتعمل كل ده يازين؟ زين: ببساطة عشان إنتي بنتي وحبيبتي ومراتي ونصي التاني وأم عيالي. فيروزة فكت حضنه: أنا هطلع أغير هدومي وإنت روح طمني طنط سميحة عليكي ومتتأخرش. زين: بتغيري ياروحي إنتي. فيروزة: أيوه طبعاً، اومال متجوز قرطاس؟ زين ضحك: ماشي ياقلب زين الرجال، همشي وخلي بالك من نفسك.

وزين مشي وفيروزة طلعت عشان تفضي الهدوم من الشنطة وتغير هدومها، وفجأة وصلتلها رسالة اتصدمت. عينيها اتفتحت وبرقت. انقطعت أنفاسها في لحظات واتمنت الموت.