رواية فيروزة جحيمي الفصل الرابع عشر 14 - بقلم دنيا حسن

غيرت فيروزة الفستان وخرجت. وفي نفس الوقت، زين كان مخلص لبسه وخارج من غرفة الملابس. زين وهو يتفحص جسمها: إيه القمر ده! أنا متجوز قمر. فيروزة بحذر: زين. زين: خلاص خلاص، أنا هروح أجيبلك الدوا. وراح جابلها الدوا. زين: يلا ننزل ناكل عشان عارفك أكيد ما أكلتيش يا غلاوتي دلوقتي. فيروزة: للدرجات دي بتهمك أمري؟ زين: أكيد طبعًا، يلا ننزل. ونزلوا أكلوا وطلعوا أوضتهم عشان يناموا. فيروزة: هتنام فين؟ هنا؟

زين: آه، انتي نامي على السرير وأنا على الكنبة، عادي مفيش حاجة. فيروزة: لا، ممكن تنام على السرير عادي. زين نط من كتر الفرح: بجد؟ فيروزة راحت تجهز عشان تنام: آه بجد، يلا تعالي بقا أحسن ما أغير رأيي. زين: لا لا، وعلى إيه؟ وراح نط على السرير وجهز نومته. زين: يلا تصبحي على خير يا فيروزة. فيروزة: وانت من أهله. بس إيه حكاية فيروزي دي؟ زين: ولا حاجة، حبيت أقول كدا عشان أحس إنك ملكي، ولو بالاسم. فيروزة: اممممممم. وناموا.

وجه صباح جديد... في القصر. ليلي: شوفتي شوفتي يا ماما زين اتصرف إزاي امبارح. أمل: ليلي ملكيش دعوة بزين، هو حر ياستي دي مراته، انتي مالك. ليلي: وأنا مراته ولا نسيتي يا أستاذة؟ أمل: لا منسيتش، بس الله أعلم هو اتجوزك إزاي أصلاً ومكنش بيقبلك. سميحة: روحي انتي ذاكري يا أمل وامشي. سميحة: طب هما فين بقا دلوقتي؟ ليلي: معرفش معرفش، هتجنن. كريم مش عايز يقول ومفيش حد عايز يقول. عند زين. زين قام الأول ولبس بدلته القمر زيه.

وراح حط البرفيوم اللي بيهبل كل البنات. وفيروزة نايمة في سابع نومة. زين قرب ليها وشال خصلات شعرها الفوضوية ومسك وشها بكل حنية. زين: فيروزة قومي قومي يا فيروزة. فيروزة بدأت تفوق: صباح الخير. زين: صباح الورد والعندليب يا فيروزة، يلا عشان نفطر. فيروزة ابتسمت ابتسامة ساحرة: تمام، انزل انت وأنا هغير وانزل. زين: تمام، بس إحنا هنفطر في الجنينة، ياريت تحطي طرحة عشان حراس موجودين وكده. فيروزة: تمام حاضر.

ونزلت وهي جهزت ونزلت تفطر معاه. وهما بيفطروا... زين: أمل هتيجي انهارده عشان تذاكروا مع بعض، وهتيجي مدرسة كمياء لأن كل مدرسين المواد ستات، واخترتهم من الخبرة العالية، متقلقيش. فيروزة: تمام. زين قام وباس راسها: يلا أنا همشي، مش عايزة حاجة. فيروزة ضحكت ضحكة خفيفة: لا تسلم. زين بضحك: طب مش ناوية تأجلي السنة وتديني فرصة دلوقتي بقا ويخلص العذاب ده. فيروزة: هو انت لحقت؟ زين: عشان خاطري. فيروزة زقته: يلا امشي. ومشي زين.

وفيروزة فضلت قاعدة في الجنينة بتفكر. فيروزة: إزاي أنا عايزة انتقم منه وهو أذاني وهانني كتير وقلبي بيرفض أي الشعور ده ياربي، ساعدني ياربي. وقامت قعدت جوا تتفرج على مسلسل اسمعني التركي. في القصر. أمل: الو. محمد (المساعد الشخصي لزين) : أهلاً وسهلاً بحضرتك، أنا مساعد أستاذ زين، وهو طلب مني إن أقول لحضرتك تخرجي للعربية اللي برا عشان تذاكري مع المدام في البيت، بشرط متقوليش لحد عندك انتي رايحة فين. أمل: تمام حاضر.

وخرجت أمل فعلاً من غير ما تعرف حد وركبت العربية وراحت عند فيروزة وخبطت عليها. وفيروزة فتحت أول ما شفتها حضنتها. فيروزة: فيرووووزة، وحشاني عاملة إيه؟ فيروزة بضحكة: انتي اتهبلتي صح؟ ده يوم وما كملش أصلاً. محمد: احم احم، حضرتك تأمريني بحاجة؟ أمل: لا شكراً جداً. محمد: تمام، أنا همشي، ولو احتاجتوا أي حاجة أنا موجود. فيروزة: تمام. وقفلو الباب وراحوا قعدوا وأخدوا الدرس والميس مشيت وهما بيتكلموا مع بعض. ترن ترن ترن ترن.

فيروزة: أنا هقوم أفتح. أمل: تمام، هاجي معاكي. وراحوا فتحوا الباب لقوا ليلي وسميحة. فيروزة: نعم حضراتكو عايزين إيه؟ سميحة زقتها: الله الله، وجابلك فيلا تعيشي وترمي فيها لوحدك. فيروزة: بعد إذن حضرتك، زين مش موجود، لو عايزة تستتيه معنديش مشكلة، اتفضلي. سميحة راحت قعدت براحتها على الكنبة: هتقوليلي انتي بقا أنا أقعد فين وإزاي. أمل اتدخلت: ماما خلينا نمشي وهبقى أتصل بزين يجي. ليلي: اخرسي انتي، انتي حسابك معانا بعدين.

سميحة: وانتي بقا يا فيروزة، روحي اعملي ليا قهوة. وراحت عملت القهوة وجاية تديها لها.