رواية فيروزة جحيمي الفصل التاسع 9 - بقلم دنيا حسن

زين جري عليها وهي كانت بتنزف وتحت راسها كله كان غرقان بالدم. شالها: فيروزة قومي قومي ياحبيبتي قومي. طبعًا البيت كله جه، جوري وأمل وكله، وحتى الجد صلاح. استغرب على رد فعل زين، حس إنه بدأ يحبها. زين: يلا وديها المستشفى. قال الجملة دي بكل برود. زين مكنش مركز لأي حد غير لحبيبته اللي مرمية على الأرض. شالها بسرعة وداها عربيته وساق للمستشفى بسرعة.

فيروزه ارجوكِ عيشي ارجوكِ متسبينيش ارجوكِ أنا آسف سامحيني سامحيني ارجوكِ أنا عرفت غلطتي، ونبي ماتسيبنيش. وبدأ يسرع جداً وهو منهار من العياط. *** في مكان آخر. ليلي بضحكة شر: أخيرًا خلصنا منها. هدي: أنا مش مصدقة إن دي حقيقة. سميحة: لأ حقيقة يا أختي صدقي. يلا نروح المستشفى عشان ميحسوش بحاجة. *** عند حافظ. حافظ: بكرة كل حاجة هنخلص منها. صفاء: حافظ ربنا أخد حقنا منه في مراته خلاص سيبه. حافظ: أسيبه إيه يا ولية انتي متخلفة.

صفاء بحسرة: أنا أه كان عندي ولد بس يمكن ربنا أخده عشان هو مكنش بيتكلم. حافظ: أنا قولت اللي عندي. بكرة هنخلص من كل حاجة وهناخد طار ابننا حتى لو مراته ماتت. *** عند زين. وداها المستشفى بسرعة ودخلت أوضة العمليات. الدكتور خرج: إحنا عملنا كل اللي علينا، بس خلال 24 ساعة اللي جايين لو مفاقتش يبقى ماتت موت سريري، وبالحالة دي هنوقف كل الأجهزة وهتكون ماتت. زين مسكه من ياقته بشدة: انت بتقول إيه يا متخلف انت؟ انت مجنون صح؟

فيروزة هتعيش هتعيش فااااهم. جوري اتصلت بكريم وقالتله، وراحت هي وأمل على المستشفى. *** في المستشفى. زين كان بيتخانق مع الدكتور بهمجية. كريم جه في وسط الخناقة اللي ما بينهم. وهدي زين. زين هدي ودخل لفيروزة. جوري جريت على كريم: انت كويس؟ كريم: كويس متقلقيش. ادعي لفيروزة هي دلوقتي بين الحياة والموت. جوري بعياط شديد: يعني إيه؟ كريم قالها كل اللي قاله الدكتور. جوري راحت قعدت

جنب أمل على الكرسي وقالت: أنا أه متعاملتش معاها كتير، بس والله هي من أطيب الناس، كانت هادية وكانت بجد مبتشوفش يوم حلو في حياتها من ساعة ما جت. يارب يارب ونبي أنقذها. *** عند زين. دخل لفيروزة وأول ما شافها على الأجهزة عجز لسانه عن الكلام نهائي. مسك إيديها: أنا عارف إني غلطت، بس ارجوكِ عيشي. والله ما كنت أعرف إن القدر هيلعب معانا لعبته. فيروزة أنا أه لسه عارف إني بحبك النهارده، بس والله قومي واعملي اللي انتي عايزاه.

ثم أكمل بوجع: عايزة تسيبيني براحتك، بس ونبي ماتفارقيش الحياة. أنا من غيرك ولا حاجة. ارجوكِ فوقي. *** في خيال فيروزة. والد فيروزة: يا بنتي انتي لازم تمشي. فيروزة: لأ يا بابا ده بيعذبني، يا بابا متودنيش الجحيم تاني. والدتها: فيروزة ارجعي لحياتك، لسه في حاجات حلوة هتشوفيها. فيروزة بعياط: لأ مش هشوف حاجات حلوة، أنا لو رجعت كده هرجع الجحيم تاني يا ماما. ارجوكي عايزة أبقى معاكو.

والد فيروزة: فيروزة يا حبيبتي ساعات الجحيم بيبقى جنة في الآخر، وساعات الجنة بتبقى جحيم. ارجعي ارجوكِ. فيروزة بصريخ: لأ لأ لأ لأ مش هرجع. وهنا وفي هذه اللحظة توقف جهاز القلب وتوقفت نبضتها، وبدأ الموت يأخذ مجراه.