رواية فيروز الفصل الرابع 4 - بقلم منة عبده

امها: عشان لا ده سامح ولا ده ابن عمك. فيروز وتقوم تقف: انتي بتقولي ايه؟ ايه التخريف ده.

امها: ابوك زمان قتل صاحب عمره ومراته عشان فلوس. كان ابنهم عمره ساعتها ٥ شهور. فعشان ميحسش إن ضميره وجعه اتفق مع عمك أنه ياخده ويربيه عنده على أنه ابنه. وطبعًا ساعتها مكانش ينفع عمك يرفض لأنه أولًا عمك مكانش بيخلف، وثانيًا لو رفض هيبقي في خطورة على أبوكي. فطبعًا عشان سمعة العيلة عمك وافق يربي سامح على أنه ابنه. وبالمناسبة مهوش اسمه سامح، اسمه الحقيقي طارق. أما سامح ده الاسم اللي أبوك وعمك سموه بيه عشان ميتكشفوش. ولما عمك قرر هو ومرات عمك أنهم يقولوا الحقيقة لسامح، أبوك بعت بلطجية وقتلوهم.

فيروز قاعدة مصدومة ومش بتنطق وبتحاول تكذب اللي سمعته. امها: والله يا فيروز ده اللي حصل. وربنا شاهد على كل كلمة أنا قولتها. فيروز بعياط: وانتي كنتي فين ومبلغتيش البوليس ليه؟ امها: ساعتها كنت حامل فيك وكنت خايفة يعمل فيا حاجة. فيروز: ودلوقتي ليه بتقوليلي الكلام ده؟ امها: عشان عرفت إنك اتجوزتي سامح. فجأة أقولك إن سامح لازم يعرف، وإنتي لازم ترجعي لحضني تاني. فيروز بخضة: لأ، سامح ما يعرفش! سامح لو عرف هيموت بابا.

امها: ما يموتُه، ما هو يستاهل يموت بدل المرة ألف. فيروز: ده بابا يا ماما. امها بنفاذ صبر: طيب هترجعي معايا ولا لأ؟ فيروز: هرجع بس لما أطلق من سامح الأول. بعد ساعات... لارا: مالك يا فيروز؟ سرحانة في إيه؟ فيروز: ها؟ لارا: مالك يا بنتي؟ في إيه؟ فيروز: مفيش. بقولك إيه؟ هو سامح لسه جوه ولا خرج؟ لارا: لسه جوه. فيروز: مقالكيش حاجة؟ لارا: حاجة زي إيه؟ فيروز: لأ خلاص مفيش. لارا: فيروز هو أنا ممكن أسألك سؤال؟ فيروز: إيه؟

لارا: هو إنتي هتطلقي؟ فيروز: اشمعنى؟ لارا: يعني بسأل. فيروز: متقلقيش يا لارا. أنا مش هقدر أعيش مع سامح وإنتي موجودة. لارا: والله مش قصدي يا فيروز. فيروز: معدتش فارقة والله. لارا: طب ممكن نكون صحاب؟ فيروز: لأ. لارا: أنا كنت عارفة إنه لأ على فكرة. بس كنت بختبرك. فيروز بضحك: يا باردة. لارا: كنت بحاول أففك. فكِ كده، شايلة الهم ليه؟ فيروز: كل أما بشوفك بشيل الهم لوحدي. لارا بثقة: غيرانة مني؟

فيروز: أنا هقوم أمشي بدل ما أرتكب جناية دلوقتي. بعد فترة... فيروز: سامح أنا خلاص لقيت مكان أعيش فيه. ممكن تطلقني بقى؟ سامح وهو مش مهتم: فيروز ابعدي عني دلوقتي أنا مش ناقص. فيروز بزعيق: لأ مش هبعد غير لما تطلقني. ما هو أنا بردو مينفعش أعيش مع واحد شايفني أخته. سامح: وأنا مقدرش أطلقك. فيروز: ليه؟ سامح: عشان أنا حر. فيروز: لأ مش حر. وده قراري. فيروز: عشان... سامح ويقاطعها: متقوليش عشان لارا. فيروز: لأ عشان لارا.

سامح: يعني مش عشان اللي جه يشتغل في الحسابات جديد؟ فيروز: مين اللي جه يشتغل في الحسابات؟ سامح: ادخل يا ابني. فيروز بتبص وراها وبصدمة: وائل. سامح: أكيد عرفاه. على العموم أنا هعرفك بنفسي. ده وائل أخويا.