رواية فيروزتي الفصل الخامس 5 - بقلم زولة وحيد

زياد: شايف اللي بترقص دي؟ جلال بصدمة: علياء. زياد: آه، هو انت تعرفها؟ جلال راح بسرعة عليها ووقف قصادها. علياء وقفت رقص أول ما شافته. علياء والدموع ماليّة عيونها: جـ... جلال. زياد رجع لفيروز وقعد جنبها. فيروز وهي بتبص على جلال وعلياء: زياد، هو في إيه؟ ليه علياء وقفت أول ما شافت جلال؟ زياد: عادي يا حبيبتي، أصل جلال حابب يتعرف على اختك. فيروز بخوف: زياد، أنا قلبي مش مطمن، شوف علياء وشها اتغير أول ما شافت جلال.

زياد حط إيده على إيدها: حبيبتي، متخفيش، هي مع جلال مش مع حد غريب. عند جلال وعلياء. جلال مسك إيد علياء وطلع بيها فوق. جلال بغضب: انتي إزاي ترقصي كدا قدام العالم؟ علياء: ملكش دخل فيا يا جلال، ولا نسيت إنك سبتني؟ جلال بزعيق: سبتك لأنك خايـ.ـنة يا علياء. علياء بدموع وصوت منخفض: عمري ما خنـ.ـتك يا جلال، انت فهمت غلط، ولا فكرت تسألني حتى وسبتني، كسرتني وروحت، انت مش متخيل أنا اتوجـ.ـعت قد إيه بسببك. جلال

مسكها من إيدها بغضب وزعيق: طب ليه؟ ليييييه؟ مفهمتنيش ليه؟ سبتيني أروح وأفهم غلط؟ ده إذا أنا كنت فاهم غلط أصلاً. علياء اغمى عليها ووقعت على كتفه. جلال مسكها بخوف. جلال: علياء، فوقي، عليااااااء. وشالها وراح ع المستشفى. عند فيروز وزياد. فيروز بخوف: زيااااد، أنا خايفة على علياء، هي مرجعتش، وإذا عايزة تروح كانت هتقول. زياد: طب أهدي، هرن على جلال. زياد رن على جلال بس مش بيرد. زياد بص على فيروز. فيروز بخوف: في إيه يا زياد؟

ليه جلال مش بيرد؟ زياد: حبيبتي، اهدي، اختك كويسة، وبعدين متنسيش إنها مع جلال. فيروز: ماشى. بعد مدة، الفرح خلص وكل واحد رجع بيته. وجلال وعلياء مش ظاهرين. فيروز وعلياء راحوا ع الجناح بتاعهم وفيروز غيرت لعباية. فيروز: زياد، أنا هروح، أنا خايفة على علياء. زياد: طيب، أنا هاجي معاك. زياد رن على جلال. جلال: ألو. زياد: جلال، فين انتو وفين علياء؟ جلال: زياد، احنا في مستشفى****، تعال. زياد بخضة: ليه؟ في إيه يا جلال؟

جلال: تعال يا زياد. زياد أخد فيروز وراح. فيروز بخوف: في إيه يا زياد؟ زياد: … وكان سايق بسرعة ووصلوا المستشفى. فيروز بخضة: زيااااد، في إيه؟ اختي مالها؟ زياد بضيق: مش عارف، يافيروز، اهدي وخليني أفهم. راح ع المستشفى. جلال كان واقف قدام أوضة علياء ومنتظرهم. جلال: علياء وقعت يا زياد، هي اغمى عليها. فيروز بخضة: علياء، عليااااااااء. ودخلت بسرعة عندها. علياء كانت نايمة ع السرير. فيروز دمعت. زياد وجلال دخلو.

فيروز بعياط وغضب: أنت عملت إيه في اختي؟ عملت فيها اييييييه؟ جلال كان بيبص ع الأرض وبيدمع. فيروز لزياد: وانت، انت عمال تقولي إنها مع جلال وهتكون كويسة، بس لااااا، اختي بسبب أخوك دخلت المستشفى. علياء مسكت إيد فيروز. علياء بصوت ضعيف: فيفي، أنا كويسة. فيروز حضنتها. فيروز: حبيبتي، انتي كويسة؟ طمنيني عليكي، حصل إيه؟ علياء: أنا والله كويسة، بس اغمى عليا ومفيش حاجة حصلت ياحبيبتي، بس أنا يمكن عشان مأكلتش كويس حصل معايا كدا.

فيروز: متكدبيش يا علياء. علياء كانت هتتكلم بس جلال قاطعها. جلال: فيروز، أنا وعلياء كنا مرتبطين. فيروز وزياد بصدمة: إيه؟ جلال: آه، وحصل ما بينا خلاف فـ انفصلنا. فيروز: حصل إيه؟ علياء كانت بتهز رأسها بـ{لا} عشان جلال ميقولش السبب لـ فيروز، بس جلال مسمعش وقرر إنه ينهي كل ده بـ إنه يقول كل حاجة. جلال: أنا كنت فاكر إن اختك خانتـ.ـني، بس شكلي فهمت غلط، لأنها لو كانت خانتـ.ـني، كانت هتكون متجوزة دلوقتي.

فيروز بغضب: بتقول إن اختي خايـ.ـنة؟ اختي مش كده، ولا بتفكر كده أصلاً… يعني بالمنطق كده، إزاي علياء هتخونـ.ـك وانت مرتبط بيها؟ هو انت مبتفهمش؟ علياء مسكت إيد فيروز: فيفي، خلاص. فيروز: لا، أنا عايزة أفهم، هو ليه عمل كده؟ ليه سابك تتوجعي وانتي المظلومة مش الظالمة؟ علياء وهي بتقوم بتعب: فيروز، خلاص عشان خاطري، القصة دي بيني وبين جلال واحنا هنحلها، متخفيش، وروحي مع جوزك، الليلة ليلتكم، المفروض تكونوا مبسوطين يا حبيبتي.

فيروز بصت على زياد. زياد: هنروح ولا إيه؟ فيروز: أنا عايزة أقعد مع علياء. علياء: والله أنا كويسة يا فيروز، روحي بقى، متزعليش زياد منك. فجأة فون علياء رن، وكان رضوان. علياء: اهو بابا بيتصل، أنا هروح بقى. جلال: أنا هوصلك. فيروز: لا، أنا وزياد هنوصلها، وأنا بنصحك تخليك بعيد عن اختي يا جلال. جلال طلع بغضب. وزياد وفيروز وصلوا علياء ع البيت، وهما رجعوا الجناح بتاعهم ودخلوا الأوضة. السكوت كان مالي الأوضة.

زياد نام ع طرف السرير، وفيروز دخلت الحمام غيرت وطلعت. بصت ع زياد اللي كان نايم ع طرف السرير. فيروز راحت حضنته من ورا. فيروز بحب: في إيه، مالك نمت من بدري؟ زياد: لا، بس أنا تعبان، واكيد انتي كمان تعبانة، فـ أحسن ننام. فيروز قامت وباسته ع خده. فيروز: قولي في إيه. زياد بص عليها بغضب: بتسألي في إيه؟ بعد اللي حصل، فيروز، انتي زعقتي على أخويا قدام الدكاترة والممرضين كلهم.

فيروز بغضب: لاااا، وحضرتك كنت عايزني اسكت لما أعرف إن السبب في زعل اختي هو أخوك ورجع تاني ع حياتها؟ زياد بغضب مماثل: فيروز، صوتك. فيروز اتجهت ع الاتجاه التاني ونامت وهي بتعيط. زياد حس بشهقاتها بس ما اتجاهلها. في صباح يوم جديد. زياد فاق ملقاش فيروز، اتجنن وفضل يفتشها لحد ما لقاها مع مامته. زياد وهو داخل أوضة مامته: فيروز. فيروز بصت عليه بغضب. فتحية: زعلت البت منك من أول يوم يابني. زياد قرب من فيروز: آسف ياحبيبتي.

فيروز: أنا عايزة أطلق.