رواية فيروزتي الفصل الرابع 4 - بقلم زولة وحيد

علياء دخلت وخدت الفون من فيروز. علياء: زياد خلاص انت اتكلمت معاها كتير كفاية بقى. سيب لي اختي اقعد معاها. وبعدين انت هتقعد معاها باقي العمر كله إن شاء الله. فسيبها لي الشهرين دول. زياد: حاضر بس هكلمها. علياء: ماشي بس وقت ما أكون عايزاها هاخدها منك بالغصب. زياد: هنشوف بقى. فيروز بضحك: خلاص يا مجانين. علياء: فيروز ليا أنا وبس. وقفت الفون. فيروز: إيه يامجنونة. علياء: مبسوطة إنك بتضحكي. فيروز: وأنا كمان.

علياء: طب يلا نتفرج على فيلم. فيروز: يلا. عند زياد. قام من السرير بفرح وجرى على أوضة مامته. زياد: ياااااحجة. فتحية (أم زياد وجلال) : إيه يابني. زياد بفرح: هتجوز ياحجة. فتحية بفرح: بجد. زياد: آه بجد. جلال دخل. جلال: في إيه. فتحية بفرح: أخوك بيقول هيتجوز. جلال: آه الواد قال هيتجوز فيروز. صدقيني ياما البنت دي قمر وموووزة أوي. زياد ضربه في كتفه: خلاص ياض دي مراتي.

جلال: آه بس ما إحنا كنا مش هنتجوز وقولنا مش واقعين. إيه اللي حصل. زياد: يووووه بقى خلاص اسكت يا جلال. هو بزمتك بت مزة زي دي متتحبش. جلال: أها يعني إحنا كنا واقعين وبنكدب بقى. زياد: مخلاص يابني. فتحية: يا ولاد خلاص بطلو. أنا عايزة أشوف البت اللي خطفت قلبك دي. زياد: هجبهالك بكرة ياست الكل. فتحية: جيبها بأسرع وقت. جلال: ياما البت من كتر ما حلوة جمالها يخطف القلب. حتى قلبك هيتخطف.

زياد بغضب: ما قولنا خلاص يا جلال. دي مراتي متتكلمش عنها لا بالسوء ولا بالكويس. جلال: مقدرش ياخويا. البت حلوة أوي. زياد: يا حجة قوليلو يسكت لأني كدا مش هجيبها. فتحية: جلال خلاص بقى. إنت كمان روح شوف لك واحدة تتجوزها. جلال بحزن: أنا مش عايز. فتحية: مالك بس. جلال: مفيش. أنا هروح. وطلع. زياد في نفسه: أنا عارف إنك مشتاقلها وأنا بوعدك يا جلال هرجعها لك. إنتو لازم تكملوا مع بعض. إنت محتاجها أوي. فتحية قاطعت شروده.

فتحية: زياد أخوك ماله. زياد: عادي هو أصلًا كدا. تعالي بقى أحكيلك عن فيروز. في صباح يوم جديد. زياد رن على فيروز اللي كانت نايمة وفتحت الخط وهي نعسانة. فيروز بنعاس: الوز. زياد: صباح الخير. فيروز: صباح النور. زياد: هو إنت كنتي نايمة. فيروز: آه وسيبني أكمل نومي بقى. زياد: تؤ مينفعش. أنا واقف لك تحت علشان الليلة هتقابلي أمي. فيروز: طب هنام 10 دقايق. زياد بحدة: فيروز. فيروز: يووووه بقى خلاص اقفل أهو قمت.

وقامت وغيرت ونزلت وراحوا على قصر السيوفي. زياد: اتفضلي على قصرك يا أميرتي. فيروز ابتسمت ودخلت. زياد أخدها على أوضة مامته. فتحية قامت من كرسيها وقربت من فيروز ببطء. فتحية بفرح: ما شاء الله تبارك الله. هي دي عروستك. زياد بابتسامة: آه يا ماما. فتحية قربت من فيروز وباست راسها. فيروز حسّت براحة كأنها مع أمها. فتحية: حبيبي إنت لازم تحافظ عليها. البت دي أنا ارتحت لها أوي وحبيتها.

زياد: آه طبعًا ياست الكل. هو مين اللي يقابل فيروز وما يحبها. فيروز ضربته على إيده بخفة. زياد: طب عن إذنك ياحجة. إحنا هنروح نشتري الحاجة. فيروز: حاجات إيه. أنا مش عايزة حاجة. زياد بغمز: لا معندكيش الحاجة اللي أقصدها. فيروز ببراءة: قصدك إيه. زياد بخبث: قمـ.ـصـ.ـان النـ.ـوم. فيروز وشها كله صار أحمر وبصت عليه بصدمة. زياد: إيه ياقمر. فتحية: عيب عليك يازياد كسفت البت. زياد: والله ياما هي اللي خلتني أعمل كدا.

فيروز: أنا أنا هروح. زياد مسكها من إيدها: هنروح السوق مع بعض ونشتري الحاجة. فيروز ووشها أحمر: مش عايزة يازياد. زياد: فيرووووز. فيروز والدموع عالقة في عينها: طب خلي طنط تيجي معايا. أنا مش هروح معاك. زياد بخبث: ليه بقى. هو مش أنا هكون جوزك وإنتي هتلبسي الحاجات دي ليا. فتحية: زياد خلاص. أنا هروح معاها. إنت روح على شغلك. زياد بضيق: ماشي. فتحية: اطلع بقى من هنا. زياد: بس... فتحية بحدة: زياااااد.

زياد بهمس لفيروز: أنا هوريكي بقى مش عايزاني أروح معاك. وطلع. فيروز: طنط هو ابنك ده قليل أدب معايا أنا بس ولا. فتحية بضحك: لا أنا اكتشفت قلة الأدب دي دلوقتي. مكنتش أعرف الصراحة. صدمني الواد. فيروز: طب والنبي تخلييني معاكي ليلة الفرح. فتحية بضحك: ماشي. فيروز: شكراً يا أحلى طنط. فتحية وفيروز اتكلموا مع بعض كتير وبعدها راحوا على السوق يشتروا الحاجات ورجعوا. بعد مرور شهرين.

فيروز اكتشفت إنها بتحب زياد وحبها ليه كان بيكبر كل يوم وحياتها بقت أحسن بكتير بعد ما دخل فيها زياد. في يوم الفرح. فيروز مكنتش بتكلم زياد ولا زياد بيكلمها وممنوع يتقابلوا. وطبعًا ده أمر من الآنسة علياء. فيروز: علياء بليز خليني أكلم زياد وحشني أوي. علياء: قولنا لا يافيروز بطلي عناد بقى. فيروز: بس... علياء: هو يوم واحد اتحملي بقى. فيروز: ماشي. علياء: تمام. عند زياد.

كان طالع شيك جدًا ولابس بدلة سودة وقميص أسود وساعة سودة وحزمة سودة. جلال بغمز: طالع شيك عريس لقطة. زياد: عايز أكلم فيروز. جلال: طب كلمها. زياد: أختها قالت ما نكلمش بعض لحد ما الفرح يخلص. وحتى لو رنيت عليها مش هترد لأنه فونها مع أختها. جلال: أختها دي شكلها قمر. نفسي أتعرف عليها. زياد: آه هتعجبك بس بت زنّانة بعيد عنك. بس ظريفة وتتحب. جلال: دانت لازم تعرفني عليها بقى. زياد: حاضر. ادعي لي بقى ربنا يهون عليها اليوم ده.

جلال بضحك: ربنا يكون في عونك بقى. وطلع. زياد: بتسيبني لوحدي. أخص عليك. جلال من برا: مش فاضي أسمعلك وأسمع قصة حزنك. زياد: ماشي يا جلال. ماااشي. بعد مدة. زياد وفيروز وصلوا الفرح وبدأوا يرقصوا والفرح كان حلو أوي. كان أكبر حفل في مصر وسمع عنه كل حد. زياد وفيروز كانوا قاعدين وبيتكلموا. جلال جه وسلم على فيروز. جلال: أنا هخطف منك زياد تلات دقايق. ممكن. فيروز بضحك: ممكن. جلال: تعال بقى يازفت. زياد: لا مش هروح معاك.

جلال جه مسكه من إيده وأخده على جنب. جلال: اهدأ يابني كلها تلات دقايق هسألك سؤال وبس. زياد: اسأل وخلصني. جلال: فين أخت فيروز القمر. زياد شاور على علياء اللي كانت بترقص وكل الناس بيبصوا عليها. زياد: شايف اللي بترقص دي. جلال بصدمة: علياء.