رواية فيروزتي الفصل الرابع والعشرون 24 - بقلم زولة وحيد

في صباح يوم جديد عند فيروز وزياد. زياد كان يبوسها في وشها لحد ما فاقت. فيروز بنعاس: زيااااد خليني أنام. زياد: صباح الخير يا جميل، كفاية نوم بقى. فيروز بصتله بضيق: مش كفاية، واصلاً كله بسببك. زياد: وأنا عملت إيه؟ فيروز بغضب: متكلمنيش وسيبني أنام. زياد: ماشي ياستي نامي انتي، أنا رايح شغلي. فيروز بنوم: اممم روح. زياد قام بضيق ولبس هدومه. فيروز وهي بتبصله بنعاس: زيااااد غير التيشيرت ده. زياد: ليه؟ فيروز: لأنه ضيق.

زياد: أنا راجل مش ست علشان تقوليلي ضيق. فيروز: زيااااد غيره، هو انت مبسوط يعني علشان عندك عضلات وعايز تظهرها للبنات اللي عندك؟ زياد بخبث: آه ومش هغير. فيروز بغضب: ماشي يلا روح من قدامي. زياد: أصلاً رايح. وطلع وهو مبتسم. فيروز بغضب وصوت عالي هو سمعه: واحد بارد. بعد مدة، فيروز فستان ضيق شوية ولونه أبيض مع طرحة بنفس اللون ونزلت. تالا جريت عليها. تالا: ماما انتي رايحة فين؟ فيروز: عندي شغل يا حبيبتي، هروح وأجي مش هتأخر.

تالا: عايزة أروح معاكي. فيروز: لا. فجأة علياء طلعت. علياء: رايحة فين ابت؟ فيروز: رايحة ع شركة زياد. علياء بخبث: ليه اشتقتيله ولا إيه؟ فيروز: اتنيلي انتي كمان.. رايحة أغظه. علياء: ليه؟ فيروز حكتلها كل حاجة. علياء: آه، أحسن لك تاخدي تالا. فيروز: ليه؟ علياء: علشان توري البنات اللي هناك إنه عنده بنت معاكي وبيحبكم أوي وكده هم هيبعدوا عنه ومش هيفكروا يبصوا له. فيروز: معاكي حق. تالا. تالا: نعم. فيروز: روحي اتجهزي.

تالا بفرح: هيييي. وجريت. فيروز وعلياء ضحكوا عليها. بعد مدة في الشركة. فيروز دخلت ومعاها تالا وكل الأنظار موجهة عليهم والناس بتتهامس. فيروز دخلت المكتب. السكرتيرة: مش ممكن حضرتك تدخلي كده، مستر زياد عنده اجتماع. فيروز بصتلها من فوق لتحت: مراته وليا الحق أعمل اللي عايزاه. ودخلت. فيروز كانت مفكرة إن الاجتماع مع ست أو مع حد من زمايله، بس اتفاجئت لما شافت كل الرجالة اللي في المكتب بيبصوا لها بانبهار. زياد بغضب: فيرووووز.

فيروز: احم، أنا مساعدة الأستاذ زياد. وراحت على زياد وبدأت تشرح لهم عن المبنى اللي عايز يبنيه زياد وعن الفوائد من المبنى. بعد ما خلصت الكل صفق لها. طارق بانبهار: مراتك طلعت رائعة بجد. زياد بضيق: شكراً. واحد من الشباب: واو، يعني فوق الجمال ذكاء كمان. زياد بغضب: لم لسانك، عارف انت عن مين بتتكلم. فيروز وهي بتهدي زياد: زياد خلاص اهدأ، مفيش حاجة. زياد بغضب: اهدأ إيه، هو انتي مش شايفة بيقول عليكي إيه؟

فيروز بصوت منخفض: حبيبي اهدأ، تعال معايا. وأخدته على برا. طارق: احم، آسف على اللي حصل، بس انت مالكش الحق تتكلم كده عن مرات زياد، هو بيغير. الشاب بتفهم: اوكي، أنا آسف. طارق: يلا بعد كده ممكن تروحوا. والشباب راحوا. عند فيروز وزياد وتالا في مكتب عامل زي الأوضة بتاع زياد. فيروز قعدته على الكنبة وقعدت جنبه. فيروز: اهدأ، هو مقلش حاجة سيئة. زياد وهو بيشدها عليه أكتر بغضب: انتي إيه اللي جابك أصلاً وليه لابسة ضيق كده.

فيروز بوجع: زيااااد، تالا هنا. زياد بص لتالا اللي كانت خايفة منه. زياد هدا وبعد إيده عن فيروز. زياد لتالا: حبيبتي تعالي. تالا قربت منه بخوف. زياد شالها وقعدها فوق رجليه. زياد: خايفة من إيه يا حلوة؟ تالا: بابا هو انت وجعت ماما؟ زياد بص لفيروز. فيروز: لا يا حبيبتي، هو بس كان بيشوف إذا الفستان ضيق أو لأ. تالا بصتله: بجد؟ زياد: آه آه. بعد مدة السكرتيرة دخلت. السكرتيرة بمياعة: مستر زياد عايز حاجة؟

فيروز راحتلها: لا يروحي، هو لو عايز حاجة هيطلب مني لأني مراته، وبعدين انتي شايفة بيكلم بنته يعني مشغول، فـ الأحسن تروحي. السكرتيرة راحت بغضب. فيروز بصت على زياد. زياد بضحك: ليه كده يعني؟ فيروز: علشان متفكريش تقربيله. وطلعت من شنطتها تيشيرت. خد البس ده. زياد بضحكة عالية: يعني جيتي لحد هنا علشان تديني تيشيرت واسع؟ فيروز: آه، ومتضحكش كده تاني. زياد: هضحك ومش هغير التيشيرت. فيروز بضيق: يووووه بقى!

طب والله منا ماشية من هنا غير لما تغير. زياد: ماشي، طب خليكي. فيروز بغيظ: إيه الإنسان الباااارد ده. زياد بضحك: بارد أوي. فيروز: أنا هوريك. وطلعت من المكتب وراحت عند مكتب طارق. (طبعًا طارق بدأ يشتغل عند زياد) فيروز: طارق أنا عايزة كل البنات اللي في الشركة دي يروحوا. وطارق باستغراب: نعم؟ فيروز: زي ما سمعت. زياد دخل وهو شايل تالا: في إيه؟ طارق راح همس لـ زياد: باين إن مراتك اتجننت، بتطلب مني أروح البنات اللي في الشركة.

زياد بضحك: حبيبتي يافيروز، كده الشغل مش هيمشي. فيروز: يبقى تسمع الكلام وتغير التيشيرت ده. زياد بص لـ طارق اللي بيحاول يكتم ضحكته. زياد: مش هغيره. فيروز: ماشي، أنا هروحهم بقى بطريقتي. وطلعت. فيروز: بنااات، كل البنات اللي في الشركة تجمع هنا. كل البنات اجتمعوا. فيروز: انتو... زياد جه بسرعة. زياد: فيروز خلاص. فيروز: يعني إيه؟ زياد: هقولك بعدين. دلوقتي كلكم روحوا يابنات، كل واحدة على شغلها. فيروز: هتغير؟ زياد: آه.

فيروز بابتسامة نصر: يلا روح. زياد راح وهو مدايق وبيكلم نفسه. زياد: يبقى أنا زياد السيوفي تيجي بنت وتحكمني، ياااخسارة يا وكستك يا ابن محمد. بعد مدة زياد غير وطلع. فيروز أخدت منه التيشيرت الضيق. فيروز: أنا هروح. زياد: حسابك معايا بعدين يا بت رضوان. فيروز بـ لا مبالاة: طيب، خلي بالك من نفسك ها، ومن البنات دي. زياد بضحك: ماشي... طارق هيوصلكم. فيروز: طيب. زياد: تالا إذا طارق كلم أمك قوليلي علشان أوريه. تالا: حاضر.

فيروز بضحك: يلا. وراحوا. بعد مدة طارق رجع. زياد: طارق أنا عايزك في مهمة. طارق: إيه هي؟ زياد: في واحد عايز ياخد مني مراتي وبيهددها، وأنا عارف كل ده، بس هي مش عايزة تقولي علشان خايفة عليا. هو كان حبيبها بس هي سابته لأنه كان خاين وقصة طويلة. طارق بتفكير: اسمه مين؟ زياد: اسمه آدم. طارق بغضب أول ما سمع اسمه: آدم الكلب...