رواية جعلني احبه الفصل السادس والثلاثون 36 - بقلم سارة بكر

في أوضة ريم. * حضرتك حاجتك خلاص مش فاضلك غير يومين. " اه يا يحيي حضرت كل حاجة كل حاجة. * اي الفرحة دي كلها يا بت. " اسكت أنا مصدقت أخيراً هتجوزه. * اي الدلعة دي يا بت أجمدي كده. " أجمد إيه يا شيخ أنت مش حاسس بيا. * يحيي في نفسه… لا حاسس بيكي بس خلاص هانت... أااا ماشي أنا هسافر يومين شرم. " ليه هاا. * عمر عايزنا نروح نشوف شاليه هناك. " إذ كان كده تمام سافر. * ماشي يا بتاعة مصلحتك سلام.

نزل يحيي وسلم على أمه وشاف سلمى بصلها بابتسامة وخرج من البيت بس هي مفهمتش أي سبب الابتسامة. نزلت ريم. ~ أاا ريمو هو يحيي رايح فين. " مسافر يومين شرم. ~ ماشي... بقولك إيه أنا هموت واستحمى هنا النهاردة سهرانة في المستشفى ومش هعرف أروح الشقة عندها لوحدي. " اطلعي استحمي في أوضتي يا بنتي محدش هنا وأنا قولتلك ميت مرة محدش بيخش الأوضة أصلاً. ~ خلاص تمام أنا هطلع وهاخد ترينج من عندك. طلعت رغد ودخلت طلعت البس ودخلت الحمام.

ريم: يحيي أي اللي رجعك تاني. _نسيت الفون في أوضتك. ريم: ههههه معلش اطلع خده. _في أوضة ريم. خرجت من الحمام وكانت بتنشف شعرها الطويل. في نفس الوقت كان يحيي بيفتح الباب... نرجع عند ريم. " هااااا رغد رغد في الأوضة ويحيي طالع هااا يحيي استني. طلعت تجري على أمل إنها تلحقهم. _كانت مشغولة في تنشيف شعرها وب تلف وشها... وهو كان بيفتح الباب والعيون أخيراً اتقابلت...

_كانت بترن عليه كتير وهو مش بيرد رنت أكتر من خمس مرات وهو برضو مش بيرد لحد ما آخر رد بصوت نعسان... الو. _هو الأستاذ أن شاء الله مش بيرد ليه مشغول في إيه يعني. " مين معايا. _أنا هنا. " هنا مين. _أي لحقت تنسى أنا الدكتورة هنا. " دكتورة هنا مين... اه هنااا. _اه هنا افتكرت مكنتش بترد لي بقى. " وأنتي مالك أنت مردش لي أنا حر أعمل اللي أنا عايزاه أنتي هتحكميني وبعدين تعالي هنا أنتي جبتي رقمي من أين.

_حاجة مش صعبة عليا يعني وبعدين أنا بكلمك عشان أسألك جبت العلاج وأختك ولا لأ مش عشان أحب فيك بعد الشر. " أنتي تطولي أصلاً تحبي فيا أنتي عبيطة. _اه يا عسل أطول وأطول أطول منك كمان هااا ويلا سلام بقى أنا غلطانة إني عبرتك أصلاً. " ... أقسم بالله البت دي عبيطة. _* لا قوليلي هستحمل عرفيني أي السبب. " صدقني مش هتستحمل ولو أنت استحملت أنا مش هستحمل. * مش هستحملي إيه يا هاجر. " هاجر بدموع...

مش هستحمل أحب وأتجوز وأخلف وأشوف عيالي بيتياتمة زي مش هستحمل إني بنتي أو ابني يعيشوا زي منا عشت حياتي محرومة من اللعب والفرحة بسبب إني عندي مرض في القلب مش هستحمل أجي على نفسي زي ما أمي جت على نفسها واتجوزت وجت على نفسها وخلفت ودا غلط على مرضي القلب المفروض منعملش مجهود وهي عملت ووماتت وسبتنا وأبويا هو اللي ربانا لما كنت مخطوبة وعرفت خطيبي مستحملش ووسبني وأنت كمان هتسبني يا كنان عشان أنا حالتي اتدهورت أكتر من الأول وخلاص فاضل أيام أو شهور وهموت هتستحمل تتجوز واحدة فاضل عليها شهور أنا رفضتك قبل كده وقولتلك بلاش تحبني سبني في حالي بقى يا كنان.

هاجر قالت الكلام وجريت على البيت وكنان كان واقف مصدوم مقدرش يتكلم ولا حتى يهديها ولا أي حاجة ومشي. _نرجع تاني في أوضة ريم. يحيي فتح الباب وشاف بنت جميلة أوي قدامه... رغد. رغد كانت بتلف وشها لقت يحيي واقف وبيقول اسمها. وقفت مكانها مقدرتش تقول حاجة وبعدها... اطلع بره اطلع بره. يحيي خرج وكان فرحان أوي كان عارف إنها رغد بس مكنش متوقع إنه هيشوفها بسرعة دي وافتكر هو عرف إزاي إنها رغد وإنها عايشة. فلاش بااااااااك.

بعد دخول كريم المستشفى بيومين... كان يحيي مخنوق أوي من الكلام اللي قاله كريم وكان حاسس بذنب إنه سبب موت رغد خرج وراح ملهى ليلي لقى كنان قاعد هناك وكان سكران. * أي يبني أنت ماڤور لي كده. " أممممم يحيى أزيك. * أنا كويس أنت فيك إيه ليه عامل كده. " بحبها يا يحيي بحبهاااا أوي بس بس عارف إني قولتلها بس هي رفضتني وقالت بلاش تحبني بس أنا بحبها أوي ليه كل البنات اللي بنحبهم يبعدوا عننا ليه.

كنان كان بيتكلم وبيقول كل اللي في قلبه ويحيي استغل الفرصة وسأله عن رغد. * كنان رغد ماتت إزاي. " رغد هههههههه اسكت أنت غلبان رغد مش ميتة أصلاً دي لعبة. * أي لعبة إزاي. " رغد غيرت ورقها كلها وبقت سلمى أختي اللي ماتت زمان واتفقنا نقول إنها ماتت عشان عايزة تهرب من يحيي الأنصاري هو أنت. * يعني رغد عايشة طب هي فين.

" مش هقولك غلبان رغد في البيت عندك هي الدكتورة سلمى وريم وعلى وندى وكريم وأمك عارفين إنها رغد مش سلمى أنت بس المغفل ومش عارف. * عندك حق أنا مغفل بس شكراً أوي. " العفو بس يحيي أمانة عليك متقولش لحد فاهم. * عيب عليك محدش هيعرف سرك في بير. " يحيي أنا بحب هاجر أوي... بعدها نام. بااااااااك. خرجت رغد وكانت هتدخل على أوضتها بس صوت يحيي وقفها. * حمدلله على السلامة يا رغد جيتي من الموت إمتى. " …………….. * أي اخرسيتي متكلميش.

" مفيش كلام بيني وبينك يا يحيي أنت فاهم. * لا دا هيكون في كلام كتيييير أوي بينا حرام عليكي العذاب اللي أنا كنت فيه. " لا مفيش كلام بينا ولو على العذاب أنا المتعذبة مش أنت وهعيش عمري كله في العذاب بسبب غلطتك أنت مش غلطتي أنا... قالت كلامها ودخلت الأوضة وهو فضل واقف حزين الغلطة اللي عملها محدش هيغفرله عليها أبداً وهيعيش عمره كله حزين عليها. _دخلت رغد بعتت رسالة (احنا اتكشفنا ويحيي عرف كل حاجة)

الرسالة اتبعت على تليفون الشخص بس اللي ماسك التليفون الشخص الغلط. أنت البتساعد رغد يا على أنت اللي شيفني بتعذب عمري كله وسيبني. " أاااا أي إنت بتقول دا. * بقول اللي شوفته مش دا تليفونك مبعوت عليه رسالة من رغد وب تقول احنا اتكشفنا ويحيي عرف كل حاجة ليه ليه يا على تعمل فيا كده ليه تشوفني بموت ومتنقذنيش ليه يطلع منك أنت كده ليه. " هي طلبت مني إني أقف جمبها وكان لازم أقف جمبها.

* على حساب سعادتي يا على على حسابي أنت كنت مبسوط وأنت شيفني بتعذب يا على وأكيد مش أنت لوحدك ريم وكنان وكريم وعمر عرفوا إنها عايشة صح. " اه كلنا عرفنا وكنا مخبيين عليك يا يحيي. * ليه يا على. " لازم نقف جمبها مش كفاية اللي أنت عملتوا كنت عايزنا نسيبها. * لا يا على أنت تصرفت صح طب هي اللي قالتلك. " لا كريم اللي قالي وريم وعمر ميعرفوش إيه السبب ولو عمر عرف معرفش ممكن يعمل فيك إيه. * أنت عارف إنها رغد من إمتى.

" لما روحت جبتها من المستشفى. فلاش بااااااااك. في المركز. هنا: في إيه حضرتك بتزعق لي مالك اهدي شوية أنت مش واخد بالك إنك في مستشفى وفي مرضى ولا إيه ومطلوب ليهم الهدوء. علي: المفروض إني أطلب دكتورة هي مجتش لي لحد دلوقتي. هنا بانفعال... أي طلب دكتورة دي هو احنا واجبنا غذاء ولا إيه وبعدين بالعقل كده اللي بيطلب بيطلب ممرضة وبيطلب بأدب إنها ترافق المريض لكن مش شوفتش حد أبداً عايز دكتورة.

علي: أنا حر واتكلمي معايا حلو أنتي متعرفيش أنا مين ولا إيه. هنا: هتكون مين يعني. علي: أنا على الأنصاري. _بعد ما على خرج من المركز سلمى خرجت وراه. * على. " خير في حاجة. * أنت متعرفنيش. " مش واخد بالي. * أنا رغد يا على رغد كمال بنت خالت عمر صاحبك وصحبت ريم. " أي رغد إزاي يعني. * أيوا يا على أنا عايشة. " طب ليه يحيي قال إنك توفيتي إيه الحصل وأنتي هنا باسم سلمى سليمان ليه.

* أنا غيرت كل حاجة في حياتي يا على وغيرت اسمي ومكنتش عايزة أرجع هنا تاني. " أنا مش هسألك عن السبب عشان عارفو. * نعم عارف عارف إيه. " عارف أنتي ليه سافرتي بالطريقة دي وعارف إيه الحصل يوم فرحي. * يحيي اللي قالك. " لا مش هو هو مقالش لحد. * أنت عرفت إزاي. فلاش بااااااااك. بعد كتب كتاب يحيي وريم. كريم: على عايزك في موضوع. " في إيه خير. _يعني لو أنا كنت عملت في ريم زي ما يحيي عمل في رغد كده هيكون كويس.

" أنت بتقول إيه يبني أنا مش فاهم. _لو كنت اغتصبت ريم زي ما يحيي اغتصب رغد أكيد كنت هتجوزها صح. " كريم أنت بتقول إيه أنت اتجننت أنت بتتكلم عن أختي وعن أخويا يحيي استحالة يعمل حاجة زي كده أبداً وأنت لو فكرت بس مجرد تفكير إنك تؤذي أختي هقتلك فاهم.

* أنا استحالة أعمل كده في ريم عشان بحبها بجد بس قول لأخوك هو كسر قلبي وقلب عمر لما أخد ريم لنفسه وكسر قلب رغد لما عمل فيها كده يعني بكرة هيكسر قلب مين وأنت هنا اهو وسايب البيت سلام يا على. باااااااااااك. علي: بس كنت هتجنن يا رغد ولما عرفت إنك موتي كنت هتجنن أكتر بس الحمدلله أنتي لسه عايشة. رغد: أنا هاجي البيت بس مش عايزة حد يعرف إني رغد أنا سلمى مش عايزة يحيي يعرف خالص.

علي: أنا معاكي بس رغد بصراحة والحق يتقال يحيي ندمان على كل حاجة يحيي عامل اليوم العرف في إنك موتي دا يوم سنويتك وبيقضيه كله في الأوضة بتاعته يحيي تعب أوي من بعدك بجد. رغد: ميخصنيش يا على يلا سلام. باااااااااااااك. علي: بس يا يحيي دا كل اللي حصل بيني وبينها. يحيي: شكراً يا أخويا. يحيي ساب على وخرج وكان هيموت من التفكير إزاي يعملوا في كده إزاي. بعد شوية اتبعت رسالة على فون ريم وكريم وعلى وعمر وكنان من يحيي نص الرسالة

(عايزكم في موضوع مستنيكم في أوضة المكتب) دخلوا كلهم أوضة المكتب في انتظار يحيي. دخل يحيي وكان في ابتسامة على وشه ودخلت رغد وراه وكانت بصها في الأرض. الكل استغرب إيه سبب ابتسامة يحيي. يحيي: أنا هتجوز رغد.