رواية جارحي الفصل الرابع 4 - بقلم ملك وائل

مصطفى: أنا مطلق ملك من كام يوم. أم ملك: بصدمة. ي لهوي بنتي. مصطفى: ملك فين؟ أم ملك: بصدمة. معرفش. معرفش. مصطفى نزل بسرعة وحاول يكلمها، لكن تليفونها مقفول ومش عارف حاجة عنها. رجع البيت تاني وكان إياد لسه موجود مع خالد. مصطفى: مش لاقي مراتي بسببك. منك لله. إياد: ده مش غلطي. أنا لو كنت مكانك كنت كلمتها بهدوء، عرفت الموضوع وبعد كده أحكم أو أعاقبها كام يوم، مش أطلقها مرة واحدة. مصطفى: ولك عين تتخانق؟ إياد: أنا جاي علشان أعرفك إني غلطان وإن مراتك ملهاش أي ذنب في حاجة. وبيني وبين ربنا أنا ضميري مرضي كده. ضاعت فـ دي حاجة متخصنيش. سلام عليكم. مصطفى شد إياد: خد تعالى هنا. رايح فين؟ زاي ما عرفت تجيب بيتها وعرفت تجيب المعلومات، هاتلي كل حاجة. إياد: أنا مجبتش حاجة. ده صاحبي. وبعد التليفون مغلق يعني هتجيب المعلومات إزاي؟ مصطفى: امشي من قدامي. إياد ببرود: أنا كنت ماشي، لكن أنت اللي وقفتني؟ وسابهم ومشي. مصطفى فضل قاعد يفكر هيعمل إيه، وملك هتكون راحت فين؟ مكنش عارف. عند يسرا. أماني (أخت أم ملك): يسرا. يسرا (أم ملك): أماني. أماني: أيوا. يسرا بدموع: أيوا ي أماني الحقيني. مش لاقية ملك وجوزها طلقها. أماني: أنا كنت برن عليكي علشان أقولك ملك عندي وهي تعبانة شوية عشان حامل.