رواية جارحي بقلم ملك وائل | كاملة

مصطفي بغضب. يعني إيه وهو مين ده عشان يبعتلك صورته. ملك بعياط. أقسم بالله معرفه والله العظيم يا مصطفى معرفه صدقني. مصطفي. آه أمي اللي تعرف، إنتي طالق. ملك سمعت الكلام وبصتله بصدمة ودموعها نزلت أكتر. ومتكلمتش ولا كلمة غير إنها بصت على إيده وحطت الخاتم بتاع جوزهم على السفرة. وراحت على الأوضة وهي مصدومة. فتحت شنطة وكانت بتحط فيها هدومها وافتكرت إن اللي جايب كل الهدوم دي. سابتهم وخدت شنطة صغيرة حطت فيها فلوسها اللي كانت شايلها وحطت حاجتها بتاعتها وعباية ليها وطرحة وشاحن الفون وشوية حاجات من بتوعها. وراحت عند السفرة كان مصطفى سايب الفون بتاعها. مسكته وبصته وهي عينها بتنزل دموع بس. ومسكت شنطتها ونزلت على السلم. وكانت أم مصطفى واقفة بتنادي عليها عشان عايزاها. وشافتها ماسكة شنطة ودموعها نازلة اتصدمت. وملك نزلت ووقفت عندها وحضنتها جامد وقالت لها: هتوحشيني. وكان مصطفى واقف على السلم وشايف كل حاجة. أم مصطفى مسكت في ملك. أم مصطفى. فيه إيه...