رواية جاسوسة في الصعيد الفصل السابع 7 - بقلم هاجر حسين

كل اللي أعرفه دلوقتي إن كل سؤال على بالي إجابته عند الكبيرة. مريم بتجري على سليم وبتلاقيه ابتدى يسخن. مريم: أعمل إيه دلوقتي؟ والبيه مش عايز يروح مستشفى. مريم بتجيب قماشة وبتفضل تعمل لسليم كمادات طول الليل. سليم بيصحى يلاقي حتة على دمغة ومن فوقيها إيد مريم. سليم: إزاي بتكرهيني وإنتي اللي بتداويني؟ بس كل اللي لازم تعرفيه إني هفضل أحميكي من أي حاجة لآخر نفس فيا. مريم: إنت فوقت؟ سليم: أيوه وأقدر أمشي كمان.

مريم: لا تمشي إيه؟ هو إنت فاكر نفسك متعور؟ إنت مغزوز في بطنك. سليم: اسمها مغزوز. مريم: ولاول مرة تضحك لسليم. سليم: على فكرة ضحكتك حلوة أوي. مريم: بكسوف، شكراً. سليم: طب إحنا هنعمل إيه دلوقتي؟ مريم: هنفضل هنا لحد ما تخف. سليم: مينفعش الشغل كده هيقع. مريم: شغلك في السلاح؟ سليم: حاولي متدخليش نفسك في الموضوع ده كتير. مريم: يا سليم اسمع، إنت ممكن تاخد حكم بسيط لو بتتاجر السلاح وسلمت نفسك. سليم: ومين قال إني تاجر سلاح؟

إنتي اللي بتقولي؟ مريم: إنت عارف كويس إنت مين. بعدين إنت ممكن تحكيلي مين اللي إنت قتلته ولو في حد بيهددك بحاجة وإمتى حصل كده. سليم بغضب: إنتي جبتي الكلام ده منين؟ مريم: طول الليل عمال تخرف بإنك قتلت حد. سليم مسك مريم بغباء. سليم: إنتي ملكيش دعوة بيا خالص وإنسي اللي سمعتيه امبارح أحسنلك، وإلا هتشوف وش مش هيعجبك. سليم: يلا بينا عشان نرجع القصر. مريم: وجرحك؟ إنت مينفعش تطلع كده. سليم: قولتلك هنرجع، هنرجع.

سليم ومريم بيرجعوا على القصر. الكبيرة: سلامتك يا ولدي. سليم بيبص للكبيرة بصة كلها حزن وبيسيبها ويمشي. الليل بيجي. مريم: يلا عشان أغيرلك على الجرح. سليم: مش عايز منك حاجة، أنا أقدر أخدم نفسي. مريم بتقرب من سليم وبتروح تشوف الجرح. مريم: أنا مش بطلب إذنك. سليم: دماغك الناشفة دي هتجيب آخرك في مرهم. مريم: اتعدل بس خليني أعقم الغزة كويس. سليم: برضو مصممة إنها غزة؟ متمشيش معاكي طعنة يعني؟

مريم: لا غزة واسكت، بدل ما أغزك أنا. سليم: لا، وإنتي ست قوية وتعمليها. مريم بتفضل مع سليم لحد ما بتتأكد إنه نام. وبتنزل تحت على أوضة الكبيرة. وقبل ما تدخل بتسمع: الكبيرة: سليم مش عاجبني يا عبد القادر. عبد القادر: إيه اللي مخوفك يا كبيرة؟ الكبيرة: سليم بيحب البت مريم، أنا خايفة تقويه وينسى وعده. عبد القادر: إنتي فكرك إنه هيفضل طول عمره يسمعلك؟ الكبيرة: طول ما سليم فاكر إنه هو اللي قتل أبوه، هيفضل طول عمره تحت طوعي.

مريم بتتصدم.