رواية جاسر والجميله الفصل الرابع 4 - بقلم بسمله

فجأة سمعت صوت صويت في القصر. نزلت بسرعة لقيت عفاف بتعيط. جميلة: في إيه؟ محدش رد. عفاف بتعيط بس. مروة بزعل: جميلة هانم، جالنا خبر أن جاسر بيه عمل حادثة ومات. لوهلة فضلت تضحك بهستيريا لدرجة إن يزن استغرب. فجأة اتبدلت ملامحها في دقيقة وفضلت تترعش وتعيط واغمى عليها. شالوها لأوضتها وجابولها دكتور. الدكتور اداها مهدئ وفضلت مروة معاها ويزن قاعد جنبها. كانت مروة بتنام على نفسها. يزن: مروة... مروة روحي نامي، أنا هفضل هنا.

كانت جميلة بتحلم بيوم عيد ميلادها، أول ليلة اعتراف، أول ليلة تسلم نفسها لحبيبها. صحت وهي بتصرخ. قرب يزن بالكرسي المتحرك: جميلة.. جميلة بس أهدي، أهدي نامي. بصتله وفضلت تعيط وبتترعش ومش قادرة تتكلم غير متقطع: أنا.. أنا هبعد عنه، والله والله وهنسى اللي حصل امبارح بينا. أنا عارفة إنه مماتش، عمل كده عشان أبعد عنه.. والله هبعد، بس ارجوك قولي إنه مماتش.

كان يزن عينه دمعت وغالباً فهم إن حصل بينهم حاجة امبارح، خصوصاً إن جاسر كان بيحكيله إنه حاسس بمشاعر تجاه جميلة. يزن: جميلة، أنا جنبك، كلنا جنبك. بس جاسر.. جاسر الطيارة اللي كان فيها انفجرت. جميلة بصريخ وعياط: لا لا! أنت بتكدب! لا لا لا! دخلت مروة والممرضة. أدتلها مهدئ تاني. تلات شهور كانت جميلة عايشة على المحاليل بس. وكان بيجيلها تخيلات إن جاسر قاعد قدامها ماسك إيديها. تيجي تدور عليه تلاقيه اختفى.

الدكتور: عفاف هانم، لازم جميلة تروح مستشفى لأنها حامل في تؤام، وخطر عليها تفضل هنا كده. لازم عناية خاصة. كان يزن سامع كل حاجة. لوهلة فرح جداً: هي في الشهر الكام؟ الدكتور: الشهر الـ 3 في آخره. عفاف: أجهض الجنين ده. يزن: انتي بتقولي إيه؟ الدكتور: أنا آسف، مش هقدر. أنا كده بخون مهنتي. مشي الدكتور. خرجت عفاف بسرعة واتصلت على عادل يجيلها. في نفس الوقت كان يزن بيحضر شنطة جميلة. بدأت جميلة تفوق وتعيط.

يزن بهدوء: جميلة.. جميلة فوقي، انتي حامل.. ده ابن جاسر، صح؟ جميلة بصدمة: أنا حا.. حامل؟ يزن: مفيش وقت، لازم نمشي بسرعة وأنا هفهمك بعدين. حطت إيديها على بطنها مش فاهمة حاجة. لبست لبسها ووقفت. يزن: امسكي شنطتك، أنا حطيت فيها هدوم وحاجتك المهمة. الباقي أنا هجيبه. جميلة بخوف: هروح فين وليه؟ يزن: الفيلا اللي جاسر اداهالك هدية، روحي هناك بسرعة. جميلة: انت عرفت منين؟ مين قالك؟ رد عليا، أنا مش همشي قبل ما تقولي.

يزن: جميلة، مفيش وقت، في عربية تحت هتوصلك، انزلي بسرعة. جميلة، اوعي تفتحي الباب لحد واقفلي النور كله عليكي. ممكن تفتحي نور الأوضة العلوية بس، الباقي لا. سمع صوت أمه وغالباً عادل أخوه. يزن بصوت واطي: جميلة، انزلي من الشباك. اياكي حد يشوفك وخلي بالك من اللي في بطنك. أنا هعرف أجلك. نزلت جميلة من الشباك بالملاية. مكانتش المسافة بعيدة. وفضلت تمد لحد ما خرجت من القصر وركبت العربية. دخل عادل وعفاف: يزن فين البنت جميلة؟

يزن: معرفش. عادل: هربت؟ والله لاجيبها. انت فاكر هسيبها هي واللي في بطنها؟ يزن: أحسن لك تسيبها، لأنك عارف جاسر هيعمل فيك إيه. جاسر مش طيب زيي وهيقتلك. عادل بخبث وهو بيضحك: هو ميعرفش أنها حامل وهي فاكرة إنه ميت، وبكده اتحلت المشكلة. الجنين لازم ينزل. عفاف: ده لو كان ابنه فعلاً. هنشوف اللي من الشارع دي جايباه منين. يزن: انتوا مفيش منكم فايدة. أنا بحذركم. جاسر مش هيهون عليه حد. وصلت جميلة الفيلا وهي خايفة إنها لوحدها.

فتحت النور بس خافت أكتر. قفلت الباب وطلعت فوق. فتحت النور بتاع فوق. نزلت. قفلت النور اللي تحت وطلعت تاني. قعدت تعيط من الخوف. الصبح. خرج يزن وراح لها من غير ما حد ياخد باله. بس هو مكنش يعرف إنه متراقب. كان معاه نسخة من المفتاح. دخل وقفل تاني. نادى عليها. نزلت على نص السلم جميلة وهي خايفة: انت مين؟ يزن: أنا يزن. ارتاحت ونزلت. يزن: من غير ما تقولي حاجة، في حد عايز يكلمك. أداها التليفون. جميلة

بصوت ضعيف لأنها تعبانة: الو.. مين؟ جاسر: جميلة. مكانتش مصدقة نفسها ولا الصوت. فضلت تعيط: انت فين؟ كنت حاسة إنك مموتش. جاسر: أنا مش هقدر أقابلك أو أجلك. ده أمان أكتر ليكي. أنا عايزك تنسيني اللي بيننا، كان نزوة لازم ننساها. ركزي في مستقبلك وحياتك. "كلما حاولت الهروب منكِ أجد روحي تعود إليكِ." خد يزن التليفون منها لأنها مش قادرة تتكلم ولا تقف. قعدت تعيط وهي بتفكر في كلامه المؤذي.

"حتى وإن حاولت نسيانُك لن أستطيع. قطعة منك مازالت بداخلي." يزن: جاسر، جميلة حامل. جاسر بصدمة: إيه؟ حامل؟ بصت جميلة ليزن: لا مش حامل، أنا هقتله. مسك يزن إيديها ورمى السكينة. كان مكبر الصوت مفتوح. يزن: انتي مجنونة؟ حد يقتل ابنه؟ حضنت يزن وفضلت تعيط. جاسر فضل ينادي. لسه يزن هيرد عليه لقى باب الفيلا بيتفتح ولقى عادل قدامه.