رواية جاسر والجميله الفصل التاسع 9 - بقلم بسمله

صوتت سلمى لما لقت جميلة على سرير ولادة في مكان مهجور والسرير مليان دم. جري جاسر وهو مرعوب، شالها وحطها في العربية. كانت يا دوب بتتنفس ببطء. سلمى كانت بتعيط ويزن جنبها. دخلها الدكتور بسرعة أوضة عمليات. خرج بعد ساعة، حاول يوقف النزيف ووقف. الدكتور: جاسر بيه، وقفنا النزيف بس فقدنا الجنين...

بس في حاجة مهمة، المدام كانت حامل في تؤام بس كل واحد في بويضة. إحنا فقدنا جنين واحد والتاني لحقناه، بس في خطر عليها هي لو فضل في رحمها. جاسر بصدمة وقلق: إزاي؟ الدكتور: ممكن لو عملت إجهاد كبير تنزف، ولو حصل حياتها هتكون في خطر، ممكن تموت. جاسر بعصبية: مش عايز الجنين، مش عايزه. سلمى: بلاش تاخد القرار ده، جميلة هتزعل لو أجهضته. ممكن تتكلم معاها الأول، لأنه نموه كبير مش صغيرة. يزن: عندها حق يا جاسر، اتكلم معاها.

بصت سلمى ليزن واتوترت لما لقيته بيبصلها. جاسر بقلق: تمام. فاقت جميلة لقيت جاسر جنبها ماسك إيديها ونايم على الكرسي. جميلة بعياط: ابعد عني، موافقتش ليه؟ كان هيسيبني أنا وابني. جاسر: جميلة، حتى لو وافقت مكنش هيسيبك، أنا عارفه. جميلة، لسه في جنين في بطنك، انتي كنتي حامل في تؤام وفي خطر عليكي لو فضل، لازم نجهضه. جميلة بزعل: لا، مش هجهضه، ده ابني. جاسر بنرفزة: غلط عليكي، افهمي! أنا مش عايزو، أنا عايزك انتي.

جميلة: حتى لو حصلي حاجة، هسيبلك حاجة مني. جاسر بعصبية: لا، مش بمزاجك. نجيب غيره بس انتي ميحصلكيش حاجة. مسكت جميلة إيده: مش هيحصلي حاجة، بس أنا خايفة من أخوك... لو... جاسر قبل ما تكمل كلامها قام وقف وخرج مسدسه من جيبه: هو مبقاش موجود. جميلة: لا، لا جاسر استنى، لا! خرج هو ودخلت سلمى ويزن. راح القصر. عفاف: مالك يا جاسر؟ جاسر بعصبية: فين عادل؟ عفاف: مش موجود. مروة بسرعة: فوق يا جاسر بيه، في أوضته.

عفاف بخوف: لا، جاسر استنى. جري على فوق وعفاف وراه بسرعة. كسر الباب برجله. وقف عادل خايف. عفاف: جاسر، ده أخوك، انت اتجننت؟ جاسر وهو مش شايف قدامه: ده قتل ابني وكان عايز يقتل جميلة. عفاف: ده أخوك ودي واحدة من الشارع، أنا اللي قولتله يعمل كده. انت بوظت سمعتنا. رفع المسدس ناحية عادل. وقفت عفاف قدامه. الطلقة جات فيها، وقعت على الأرض.