رواية جبل دهب الفصل الثالث عشر 13 - بقلم الكاتبه المميزه

ارجوك يا امي ما تتدخليش في شغلي. قلت لك مرة ابنك مش صغير، وأنا عارف أنا بعمل إيه. تفضلي روحي أوضتك ارتاحي، وأنا هنزل لهم أنا. أنا هعرف أتصرف معاهم. سهير: براحتك يا ابني، أنا راحة أوضتي. جبل غير هدومه الأول، وخد قسيمة الجواز اللي جدو كان جايبها له، حطها في جيبي الجاكيت ونزل. أول ما نزل، زياد قام من مكانه وراح عليه يسلم ويقول له: حمد لله على السلامة يا جبل بيه. أنا زعلت قوي لما عرفت بالحادثة اللي حصلت لك انت وسيف أخوك. مش تغير العربية يا عم، يا تخلي بالك، يا تجيب لك سواق. جبل بثبات: أنا قلت أدلع عليكم شوية عشان أشوف غلاوتي عندكم. زياد: غالي غالي قوي يا جبل بيه. جبل: اتفضل اتفضل يا زياد، انت مش محتاج عزومة، انت في بيتك. وسلم على نهى وقعد جبل ونهى وزياد. كان لسه جبل هيتكلم بس تليفونه رن. استأذن منهم عشان يرد على تليفونه وقام من على الكرسي. بس للأسف وهو قام من على الكرسي، قسيمة الجواز اللي كانت في جيبي الجاكيت وقعت منه على الكرسي وما أخدش باله. خرج في الجنينة يرد على التليفون. لكن زياد لاحظ إن في ورقة وقعت من جيب جبل. فمدي إيده ياخد الورقة عشان يشوف فيها إيه. اللي هي أساسا قسيمة جواز جبل ودهب، واللي فيها صورة دهب. دهب دي بقى اللي هي المفروض في بيت زياد، واللي هي مرات جبل. وهنا كانت الصدمة.