رواية جبروت عائلة الرشيدي الفصل الرابع والعشرون 24 - بقلم دعاء احمد

ملاك بخوف. قاسم انت بتبصلي كدا ليه؟ قاسم بغضب. هو مين؟ اسمه ايه؟ ملاك. ايه؟ قاسم بزعيق. مين هو الزفت اللي بتحبيه. ملاك بغضب. وانت مالك؟ قاسم. أنا جوزك يا هانم ولا نسيت. ملاك. واحنا بينا اتفاق. قلم نزل على وشها بقوة.

قاسم بغضب وعصبية. اتفاق اتفاق انتي ايه يا بني آدمة انتي زهقتيني في عيشتي. أنا ممكن دلوقتي أدفعك تمن اللي قلتيه غالي أوي بس أنا مش حيوان. آه وصحيح الاتفاق اللي بينا لاغي. وأنا هبات يوم عندك ويوم عند ناهي. وقريب أوي هتبقى ملاك قاسم الرشيدي. وأوعي تاخدي في نفسك مقلب أنا مش بعمل كدا عشان أموت عليكي بس عشان تفهمي إن مفيش واحدة تقول لا لابن الرشيدي. وسابها وخرج وهو غضبان من برودها.

ملاك بدموع. غبي يا قاسم عمرك ما هتتغير هتفضل حيوان. كان نفسي تعرف إن محبتش غيرك بس عمري ما هقبلك وأنت بالطريقة دي. ومش هسيبك لناهي عشان من حق قلبي إنه يفرح. عند حور. رجالة فهد نقلوها للشقة تاني وهي كانت بتنزف بشدة وفقدت الوعي. بعد شوية دخل فهد وبص للارض من أول السلم لحد الشقة في دم على الأرض. فهد. أنتم يا بهايم. واحد. أيوه يا فهد بيه. فهد. إيه الدم دا؟

تاني. بصراحة يا فهد بيه البنت كانت هتهرب وخرجت من العمارة لكن مسكنها وبالغلط أخدت رصاصة. فهد. أغبية هاتوا دكتور بسرعة. شخص. بس على ما يجي الدكتور هيكون دمها اتصفى. إحنا في مكان مجهول. فهد بغضب. والحل إيه دلوقتي؟ الشخص دا. سخن سكينة يا محمود. بعد شوية بيشيل الرصاصة من كتفها وبيكوي الجرح وسط صرختها العالية. قبل قليل. الرائد مالك الجبالي. هو دا الموقع اللي بعته دياب الرشيدي عايزكم تمشطوا المنطقة البنت لازم نلاقيها حية.

مالك بيفضل يتحرك وهو ماسك موبايله وفاتح الجي بي إس لحد ما يوقف في مكان وبينزل على الأرض وبيمسك سلسلة واقعة على الأرض وكان في دم على الأرض. مالك بحده وزعيق. البنت في المنطقة دي دوروا كويس. لكنهم بيسمعوا صوت صراخ عالي جدا. كان في أكتر من مبنى مهجور. مالك طلع مسدسه وبيعمره وبقي يروح ناحية الصوت ووراه عساكر. مالك. أنتم هنا وأنتم ورايا. بيطلع البناية وصوت الصراخ بيزيد لحد ما بينقطع خالص.

مالك واقف قدام باب الشقة وفجأة ضرب رصاصة في الباب وزقه برجله ودخلوا، رجالة فهد طلعوا سلاحهم وبقوا يتعاملوا معاهم. فهد شاف رجالة وهم بيقعدوا راح شد حور من دراعها ووقفها بالعافية وحط على دماغها المسدس. مالك وهو موجه المسدس على دماغه. اللي بتعمله دا مش هينفعك نزل سلاحك يا فهد وسيبها. فهد بغضب. لو هموت يبقى أخدها معايا. مالك بابتسامة واثقة من نفسه. يبقى أنت اللي اخترت. وبسرعة جدا مالك كان ضرب النار على دماغ فهد.

فهد حركته اتشلت وفجأة وقع على الأرض ساب حور اللي وقعت على الارض وهي فاقدة الوعي. مالك بسرعة جري على حور وبقي يضرب على خدها بخفة وهو بيحاول يفوقها. مالك شالها ونزل بيها من البناية وحطها في العربية وساق عربيته بأقصى سرعة. بيبص على تابلو العربية لقى تليفونه مبطلش رن. دياب اتصل عليه 35 مرة. مالك. الو أيوه يا دياب بيه. دياب بخوف. لقيتها؟ مالك. أيوه بس للأسف واخده رصاصة وأنا هاخده على أقرب مستشفى.

دياب كان بيسوق بسرعة جدا. أنا ساعة بالكتير واكون عندك. تسريع الأحداث. في المستشفى. بيدخل دياب وهو بيجري. دياب. حور الشرقاوي كويس. موظفة الاستقبال. في العمليات يا فندم. مالك. دياب بيه. دياب. حور؟ مالك. متقلقش الحمد لله قدرنا نلحقها وهي دلوقتي في العمليات ودي رصاصة في كتفها. دياب حط ايده على قلبه اللي بيدق بسرعة وبيتنهد بحزن. دياب ببرود عكس اللي جواه. فهد هو اللي خطفها؟

مالك. للأسف آه وهو دلوقتي مات. وعلى فكرة دا هيسهل علينا موضوع تجارة الآثار وأفراد الأمن نزلوا الصعيد وعرفت من دقايق إنهم قبضوا على يوسف الشرقاوي. دياب. محمد الشرقاوي عرف إن بنته اتصابت؟ مالك. بلغناه وبلغناه كمان إنه خطف مدام حور. دياب. جيب العواقب سليمة يارب. بعد كم ساعة. حور بتفتح عينيها براحة بتعب لقيت أبوها قاعد جنبها على كرسي جانب سريرها وماسك ايديها بخوف وبيبكي. حور بتعب. بتبكي يا بويا.

محمد بحب. وحشتني أوي يا ضي عيني. حور. سامحني يا بويا. محمد. مسامحك يا بتي. بعد ما عرفت نية الخسيس ابن عمك واللي عمله والفضل يرجع لجوزك. ربنا يحفظكم يا بنتي. حور. دياب هو عمل إيه؟ محمد بدا يحكي اللي حصل. قبل أسبوع. دياب. محمد الشرقاوي معايا. محمد في الموبيل. أيوه مين معايا؟ دياب. لو لسه بتحب بنتك وخايف عليها تيجي إسكندرية ضروري. اهو على الأقل تعرف اللي أخوك بيعمله؟ محمد بغضب. أنا معنديش بنات بنتي ماتت.

دياب. يبقى صدقني لو مجتش في خلال يومين بنتك فعلاً مش هتبقى كويسة. وقفل معه. بعد يومين. في كافتيريا على البحر. محمد بحده. أنت! عايز إيه!؟ دياب وهو قاعد بيشرب قهوته وحاطط رجل على رجل. يوسف الشرقاوي بيتاجر في السلاح. فهد الشرقاوي حاول يغتصب بنتك. محمد. أنت كداب فهد هيعمل كدا ليه وهو كان هيتجوزها. دياب. كان هيتجوزها عشان هي بنتك الوحيدة ووريثتك. إنما ليه هيغتصبها لأنه حيوان.

محمد. لا يمكن انت عايز توجع بيني وبين أخويا وابنه. دياب. أنت اللي تبقى مجنون لو مصدق إنهم بيحبوك. وعلى العموم كمان خمس أيام بالظبط يوسف الشرقاوي بيجهز لعملية تهريب كبيرة ولو فعلا حصل اتأكد إني مكدبتش عليك. بعد إذنك. باك. حور. عمل كدا فعلاً! دياب خبط الباب ودخل. دياب بجدية. أنت كويسة. حور بابتسامة جميلة. الحمد لله شكر على اللي عملته معايا.

دياب بجدية. الحاج محمد بنتك مفيش أشرف منها خالي بالك عليها. أظن إني عملت اللي عليا. حور انتي طالق. حور بصدمة. إيه! دياب ببرود. تقدر تاخد بنتك يا حاج محمد بس خلي بالك العالم دا فيه أسوأ أنواع البشر. هيحاولوا يأذوها. بعد إذنكم. دياب اتسحب من وسطهم وخرج. حور بدموع. طب ليه؟ ليه يا بويا. محمد بندم. شكله جدع ابن حلال ربنا يوقفه. وأنت يا بتي بكرا هنسافر الصعيد سوا. حور بدموع مكتومة. بابا ممكن تسيبني لوحدي لو سمحت.

محمد. حاضر يا بتي. حور لنفسها. ليه ليه طب وأنتى زعلانة ليه انتي مبتحبهوش. ولا بعد اللي عمله غيرتي رأيك. بس ليه يطلقني ليه يا دياب؟ عند رحمه. كانت لابسة فستان أحمر طويل جميل جدا ومسرحة شعرها بجاذبية شديدة ومكياج بسيط. عاصي كان لابس بدلة سوداء أنيقة وحاطط برفان مميز. عاصي بغمزة. إيه الجمال دا كله. رحمه بابتسامة رقيقة. حلو؟ عاصي وهو بيبوس ايديها. زي القمر. يلا بينا. بعد شوية بيوصلوا لمطعم على البحر جميل جدا.

رحمه وعاصي دخلوا. عاصي بهمس للنادل. جهزتوا اللي قلتلكم عليه. أيوه يا عاصي بيه. عاصي ساب إيد رحمه والاضاءة كلها انطفأت. رحمه. عاصي عاصي. بعد شوية بيظهر أضواء على البحر. رحمه بتدخل المطعم للناحية التانية كان في طريق من الورد الأحمر جميل وعاصي واقف في نهاية الطريق. رحمه ضحكت وكانت رايحة ناحيته أول ما بقيت قاصاده الورد نزل عليهم بشكل جميل. رحمه بقيت تمسك ورق الورد وتبتسم لعاصي. عاصي. بحبك أوي يا رحمه.

رحمه بهمس. وأنا كمان. شكل قلبي بدأ يميل يا مجنون. عاصي شالها ولف بيها والورد بينزل بخفة عليهم وهي بتضحك. الناس بقيت تصقف له. لكن وقفهم صوت مش غريب على رحمه. سامح. احلوتي أوي يا مدام رحمه. عاصي نزل رحمه وبص لسامح والرحمه اللي بقيت تتنفس بسرعة. عاصي. مين دا؟ سامح. أنا جوزها. عاصي بغضب. أفندم؟! سامح. أقصد طليقها بس بصراحة بقيتي مرة أوي مكنتش متخيل إني هشوفك تاني بعد قضية الزنا. فاكرها؟

فاكرة أيامنا سوا لما كنتي دايما تترمي في حضني وتقوليلي بعشقك يا حبيبي هههههه. غبية أوي بس كويس أنا برده استغليت دا وأخدت شقتك الجديدة وفلوسك اللي في البنك واتسببت في طردك في المستشفى. رحمه كان بتسمع الكلام وهي بتعيط وماسكة في عاصي بخوف. عاصي مستحمل دموعها وراح ناحية سامح ومسك دماغه من وراه وبسرعة ضربه بالروسية في دماغه وفضل يضربه. رحمه بخوف ودموع. ابعد عنه يا عاصي مترديش نفسك في داهية أرجوك عشان خاطري عندك.

عاصي ساب سامح اللي مرمي على الأرض وطلع موبايله وكلم الحارس يدخله. الجارد. أؤمر يا عاصي بيه. عاصي بحده. تاخد الزبالة دا على المخزن وسيبه هناك يعفن. عايزه يتعلم الأدب واعمل تنازل عن كل حاجة يملكها باسم رحمه عبد الحكيم. رحمه. بس. عاصي مسك ايديها وخرج من غير ما يسمع ردها. في العربية. رحمه. عاصي انت كويس. كان بيسوق وهو متعصب. لسه بتحبيه؟

رحمه بضحكة سخرية. تفتكر إن ممكن أحب حد دبحني. لا يعلم أنا مبحبش واكتشفت إن عمري ما حبيته. خالص بقى متهتمش دا كلب ولا يستاهل. عاصي دير وشه ليها ومسك ايديها وباسها وهي ابتسمت بهدوء. بعد يومين. كلهم قاعدين على السفرة. رحمه كانت متوترة من حاجة. وثريا بترقبها وهي بتاكل بتوعد وهي بتفكر حاجة. بقلم دعاء أحمد. فلاش باك. فاروق. دا سم سيانيد من أخطر أنواع السموم. حطيلها ٠٠٠ جرام. ثريا. بس دا كمية صغيرة جدا جدا يا فاروق.

فاروق. انتي مش فاهمة حاجة. السم دا مفعوله مدمر. المهم تاخده بالنسبة اللي بقولك عليها. ثريا. أنت عارف إن شغال في البيت ممرضة ممكن اخليها تحطهولها في الأكل بالنسبة دي. فاروق. لازم تموت لو هي اللي معاها الورق عشان نخلص من المصيبة دي ويتدفن السر معاها. لو تعرف حاجة. ثريا. وأخلص منها بقى. باك.

رحمه كانت بتاكل لكن حسيت بصداع شديد جدا ودوخة وبتبص لعاصي كان الرؤية مشوشة. فجأة المعلقة وقعت من ايديها وهي بقيت تنهج بطريقة غريبة وحاسة إن ضغطها بيوطى. فجأة بدأت تنزف من بوقها. ملاك. رحمه. عاصي بخوف. رحمه مالك في إيه. رحمه بصت ناحيته ثريا وهي مش قادرة تتنفس والدام على بوقها وقعت على الأرض وكلهم حواليها وفجأة بتفقد الوعي وجلدها بيتغير لونه. عاصي. رحمه فوقي في إيه. قاسم. لازم ناخده على المستشفى يا عاصي بسرعة.

عاصي شالها وهي نبضها كان بيوقف. كلهم خرجوا وراها ماعد ثريا وناهي. ثريا طلعت أوضة رحمه وفضلت تدور في كل حتة على الورق. في المستشفى. الدكتور. للأسف بعد التحليل عرفنا إنه نوع من أنواع السموم المميتة وللأسف مدام رحمه. عاصي مسكه من ياقة قميصه بغضب. رحمه كويسة انطق. الدكتور. ملحقناش نديها الترياق و. وبقلم دعاء احمد.