رواية جبروت الأدهم الفصل الرابع عشر 14 - بقلم ايات

أدهم وهو ينظر لصافي بخبث: كلميه وقولي له يجي عشان عايزاه. صافي بتوتر: هو مين ده؟ أدهم: شاكر، معقول فاكرة إني مش عارف شاكر؟ صافي بسخرية: وأنت إيه الحاجة اللي ممكن تكون بينك وبين شاكر؟ أدهم: ما يخصكيش، قولي له أدهم عايزك عشان القيصر. صافي بحدة: مال القيصر بيكم؟ أنتوا مجانين بتلعبوا مع حد زي القيصر؟ يبقى أكيد اتجننتوا. أنت أو شاكر ما بينكم عداوة قديمة، ودلوقتي بتعمل عداوة بينك وبين القيصر، أنت حصل لمخك حاجة؟

أدهم ببرود: هستنى النهاردة الساعة 8، بلغيه بكده. وبعدها خرج من غرفة صافي. عند تمارا، فتحت عيونها لتجد نفسها في مكان غريب وبجانبها بعض الرجال. تمارا بصوت ضعيف: أنتوا... أنتوا مين؟ لم تجد رد. تمارا: طب أنا بعمل إيه هنا؟ دلف القيصر وانحنى جميع الرجال. القيصر بغموض: نورتي يا تمارا، ولا أقول يا غزالتي زي ما أدهم كان بيقول لك؟ تمارا: أنت مين وجايبني هنا ليه؟ القيصر: أنا اللي مستنيكي بقالي كتير أوي. تمارا: مستنيني ليه؟

طيب أنا عملت لك إيه؟ القيصر: كفاية رغي، يلا علشان نبتدي. تمارا بخوف: نب... نبتت... نبتدي إيه؟ القيصر بسخرية: اطلعوا برا واقفلوا الباب كويس. خرج جميع الرجال وتركوا القيصر وتمارا بمفردهم. القيصر وهو ينظر إليها بخبث: دلوقتي بقى أقدر أدوق اللي كان بعيد عني. عند جيجي، كانت تأخذ أنفاسها من التعب. جيجي: أنت يا عم دراكولا، حرام عليكم مش كده. فارس ببرود: لسه بدري، ارفعي. جيجي وهي تلوي فمها: أرفع إيه لا مؤاخذة؟

لا لحد هنا وستوب يا عم العسل أنت، جرى إيه يا معسكر ما فيهوش راجل؟ فارس بحدة: ارفعي الأوزان اللي قدامك. جيجي وهي تنظر لأدوات رفع الأثقال لكنها لا تعرف اسمها: آآآع أنت عايزني أشيل دي؟ فارس: أيوة، ودلوقتي. جيجي: يا عم هو أنت ما عندكش أخوات بنات؟ فارس بصوت جهوري: اخرسي، أوعي تجيبي سيرة أهلي أو أي حاجة من النوع ده تاني، فاهمة؟ جيجي بتوتر: أ... أنا... أنا مش قصدي. قاطعها فارس بحدة: ارفعي الوزن ده 100 مرة. جيجي

وهي تحاول أن تحمل الأوزان: آآه حاضر. ذهب فارس من أمامها بغضب وتوجه إلى خيمته. قام بالاتصال بالقيصر، فهو الوحيد الذي يسمح له بالتحدث معه. كان القيصر يمزق ملابس تمارا بغضب، لكن قاطعه صوت رنين الهاتف، وقد كان فارس. القيصر بحدة: الظاهر إني اديتك مكانة كبيرة لدرجة إنك تتجرأ تكلمني في أي وقت. فارس بجدية: اسمعني كويس، الاتفاق بتاعنا لازم يكون له آخر. القيصر: قصدك إيه بالضبط؟

فارس: أنا ما يهمنيش أي حاجة، بس خلاص أنا قضيت عمري كله في المكان ده، ولازم أخرج. القيصر ببرود: هتخرج قدامك أسبوع تخلص فيه تدريب اللي معاك، وهخلي مارك يجيبك لحد عندي وتخرج وتشوف الدنيا. فارس بتنهيدة: وأنا موافق، أسبوع واحد. أغلق فارس الخط، بينما خرج لجيجي وهو يتوعد لها. القيصر وهو ينظر لتمارا: إيه ده كله؟ القدر مش عايزني ألمسك. تمارا ببكاء: ابعد عني، أدهم أكيد هيجي. القيصر بابتسامة سخرية: مش أنتي اللي هربتي منه؟

عايزاه يلحقك تاني؟ تمارا: أيوة هيلحقني. القيصر: تمام، هنشوف. أنا مش هقرب لك دلوقتي لأن بعد أسبوع هنسافر وهنقضي شهر العسل بتاعنا. تمارا: أنت مين بالضبط؟ القيصر: أنا القيصر، أنا اللي بعمل كل حاجة وأي حاجة عايزها. تمارا: أنت اللي أخذت جيجي؟ القيصر وهو يضع السيجار الفاخر في فمه: هي اللي كانت غبية زيك بالضبط. تمارا: طب هي فين؟ القيصر: هتشوفيها قريب. تمارا: حرام عليك دي أهلها نفسهم يفرحوا بيها. القيصر: أنتي أخذتي عليا أوي.

تمارا: ما أنت اللي قولت إنك مش هتقرب لي غير بعد أسبوع، فعشان كده دلوقتي أنت مش هتعمل لي حاجة. القيصر: واو وذكية زي صحبتك. تمارا: أومال إحنا مش أغبية، بس قولي صحيح أنت واخدها ليه؟ يا عيني عليك يا رشاد زمانك متبهدل يا حبة عيني. القيصر بتركيز: مين رشاد ده؟ تمارا: هو أنا ما قولت لكش؟ القيصر بحدة: اخلصي، مين رشاد ده؟ تمارا: طب يا عم اهدى، هو كلكم كده؟

رشاد ده يا سيدي الواد اللي بيحب جيجي، وكان هيقرا فاتحتها بس يا قلب أمه ما لحقش عشان حضرتك خطفتها. القيصر وقد تبدلت أعينه للأسود من شدة الغضب. تمارا بخوف: في إيه؟ أنت هتتحول ولا إيه؟ خرج القيصر بغضب وهو ينادي على مارك بغضب: مااااااااااااااارك. مارك وهو يرتجف من غضبه: اؤمر يا باشا. القيصر: تروح المكان اللي كانت عايشة فيه الزفتتين اللي عندنا وتعرف مين رشاد اللي كان بيحب جيجي وتجيبه لغاية عندي.

مارك بعدم فهم: طب يا باشا أعمل به إيه ده؟ القيصر بحدة: هاتهولي يا مارك، ساااااااامع يكون عندي النهاردة. مارك: حاضر حاضر يا باشا. عند أدهم، أدهم وهو ينظر لشاكر ببرود: إحنا مصلحتنا واحدة يا شاكر. شاكر بسخرية: مصلحة إيه اللي بيني وبينك بقى يا ترى؟ أدهم: القيصر. شاكر بغضب: ما تنطقش اسم الكلب ده. أدهم: اهدى يا شاكر، كل حاجة هترجع لمكانها الطبيعي. شاكر: أنا ما فيش حاجة تخصني من ناحيتك.

أدهم: شاكر قصر الكلام، أنت حقك مش معايا، حقك مع القيصر. شاكر بحدة: خلص يا أدهم وقول اللي عندك. أدهم: اللي يخلصك من القيصر. شاكر بصوت قوي: أدي له عمري كله. أدهم: أنت عمرك فيه قد إيه بس يا شاكر عشان أعوزه؟ بص من الآخر أنا مش عايز عمرك، أنا عايز مارك. شاكر: مارك الدراع اليمين للقيصر، وده أجيبهولك إزاي بقى إن شاء الله؟

أدهم: أنا عارف إنك على تواصل مع مارك، بس مارك مش بيديك حاجة مفيدة. كل اللي مطلوب منك أنك تحدد ميعاد معاه وتجيبه، وفي واحد هيستقبله. شاكر: وأنا هستفاد إيه؟ أدهم: إزاي دي؟ أنت ليك بدل الحاجة اتنين. أول حاجة إني هخلصك من القيصر، والتانية هخلي مارك يقولك على السر اللي مدوخك ويريح بالك. شاكر بلهفة: بجد يا أدهم هتقدر؟

أدهم: أكيد، بس كلامك مع مارك في موضوعك يتم بعد ما أنا أكون سافرت بره مصر، وساعتها هسيبلك مارك يقولك أي حاجة أنت عايز تعرفها. شاكر: موافق، مارك هيكون عندك في أقرب وقت. أدهم: مارك لازم يكون هنا الليلة عشان القيصر مسافر بعد أسبوع. شاكر: خلاص يا أدهم أنا هجيبلك مارك و...