رواية جبروت المهداوي الفصل التاسع 9 - بقلم داليا منصور

تاني يوم كان إيهاب قاعد ومستني حاجة توصله. ولما وصلتله وقف وهو بيقول بصدمة: -معقول الست اللي ربتلي بنتي هي نفسها مراتي أفنان؟ مش معقول، دي عمرها صغير خالص. بس هي ليه مش طايقة اسمي كدا، مش فاهم... لين صحيت وجريت على إيهاب وهي بتقول: -بوي، استنيتك امبارح ومرجعتش خالص. كنت فين يابوي ومجيتش تشوف لين خالص... إيهاب بحب: -لأ، أنا مقدرش أسيب لين واصل. بس الشغل اللي عمل كده يا لينو، وغصب عني غبت عنك.

أفنان خرجت من الأوضة وهي بتتاوب، وشعرها الناعم متنعكش ولابسة بجامة شبه لين بالظبط. لقت اللي بيضحك عليها. أفنان وهي بتفوق لقت إيهاب قدامها صرخت وجريت وهي بتقول: -أنت يا طور! إنت كيف تيجي كده من غير ما تخبط؟ مش عارف إن في حرمة هنيه ومتجوزة؟ كيف ما قولت امبارح عاد... إيهاب سرح في كلامها وقال: -وإنتي ما تعرفيش إن جوزك واقف قدامك اهنيه يا أفنان؟ أفنان كانت لبست فستان وخرجت وهي خايفة وتقول:

-إيه اللي بتقوله ده يا إيهاب بيه؟ أنا.... إيهاب وهو بيوقفها وبيقول: -هش، كذبتك اتكشفت. وأبويا بنفسه بعتلي القسيمة بتاعت الجواز وشوفت صورتك. ليه بتخبي عليا ها؟ وكان بيقرب عليها وهي بترجع لورا بتوتر وتقول: -أنا غصب عني عملت أكده. أبوي هو اللي بعتني مطرح الخالة ريحانة وقالي متقوليش إنك جوزي لحسن مترضاش إني أعيش اهنيه مع لين. إيهاب بهدوء وهو بيحاول يبعد عنها وبيقول: -بس انتي ليه عملتي كدا طالما مش بتحبيني؟

وليه ربيتي لين؟ أفنان بحزن: -شوفت نفسي في لين عشان كده قلبي متعلق بيها قوي. ما أتخيلش يوم بعيدة عنها واصل يا إيهاب بيه. إيهاب افتكر كلام نرمين قبل ما أفنان تيجي بلحظات وهي بتقوله إنها اطمنت على بنتها وإنها بعتاله هدية. هل كانت تقصد بالهدية دي أفنان؟ فجأة الباب خبط. إيهاب راح فتح ولين راحت لأفنان تغيرلها. إيهاب فتح الباب لقى سليم استغرب وقال: -سليم؟ بتعمل إيه هنا؟ وإيه جابك؟ سليم بتوتر: -كنت جاي عشان أشوف لين وأشوفك.

لين أول ما سمعت جريت وسابت أفنان وهي بتسرح شعرها وبتقول: -عمي سليم، عامل إيه عاد؟ سليم شالها وبيقول: -كنتي كملي تسريح، مش هتطيري متخافيش. لين بخوف: -لأ، أصل أفنان لو كنت قعدت أكتر من كده كانت هتسألني عن الواجب بتاع الحضانة وأنا مش عارفة حاجة. سليم بضحك وهو بيقول: -أنا مش مصدق البنت دي عندها خمس سنين. إزاي هتجنن والله. إيهاب بتكبر: -مش بنتي وإلا إيه؟ لازم تطلع شبهي كدا. لين بهزار:

-لأ، أنا بنت أفنان وذكية شبهها. هي قالتلي كده. سليم ضحك وهو بيفتكر أفنان وسأل إيهاب وبيقول: -أمال أفنان فين؟ مش شايفها خالص. إيهاب باستغراب: -وإنت مالك ومال أفنان؟ وتعرفها منين؟ مش فاهم. سليم بتوتر: -هكون بعرفها منين؟ مش حضرتك بعتني أجبلهم الطلبات؟ فساعتها شفتها خارجة هي ولين واتعرفت عليها. إيهاب بغيرة: -وتطلعلك ليه أصلاً؟ مش لين موجودة؟ سليم باستغراب: -في إيه يا إيهاب؟ مالك؟ شايفك مدايق من إيه؟

هي معملتش حاجة، البنت طلعت تاخد مني الحاجة. وكمان إنت مالك بيها؟ مش أنت متجوز؟ كان لسه هيقوله بس شاف أفنان جاية تجري وتقول: -لين، تعالي أسرّحلك. لين جريت وأفنان بتجري وراها. وسليم شافها سرح في جمالها وهو نسي أن صاحبه واقف وقال: -شعرها شبه الليل. إيهاب شاف المشهد اتعصب وقال: -أفنان! أفنان وقفت هي ولين بخوف وقال: -نعم يا إيهاب بيه. إيهاب بعصبية أكتر: -اتزفتي ادخلي جوة. مش عايز أشوف منظرك قدامي خالص دلوقتي.

أفنان زعلت ولين زعلت من أبوها ودخلوا سوا. وبعدين بص لسليم اللي بصله باستغراب وقال: -في إيه يا إيهاب؟ أفنان عملت إيه عشان تعمل فيها كدا؟ إيهاب بعصبية: -لما تبقى واقف في بيت احترم حرمته يا صاحبي. سليم استغرب وقال: -بس أفنان مش حرمتك يا إيهاب. وكمان أنا معجب بيها و... مكملش الكلمة كان في بوكس في وش سليم وبيقول بعصبية: -إنت مجنون يالا؟ جاي تقولي إنك معجب بمراتي؟ سليم بصدمة وخوف وبيقول: -إيه؟ مراتك؟ إنت بتقول إيه يا جدع؟

وإزاي أفنان مراتك و... إيهاب بعصبية: -ده ميخصكش. امشي وحسابك بعدين. مشي سليم ودخل عند أفنان متعصب وبيقول: -عمالة تدلعي قدامه وفرحانة بشعرك ده كمان. أفنان بخوف: -أنا معملتش حاجة واصل. كنت بجيب لين عشان أذاكر ليها وأسرح شعرها. إيهاب بص للين وقال: -لينو، روحي أوضتك والعبي واحنا جاين وراكي. لين جريت وسابت إيد أفنان الخايفة من نظراته وهو بيقرب منها وهي بترجع بيقولها:

-من دلوقتي مش أشوف شعراية خارجة من شعرك أبداً. ولو لقيت شعراية واحدة هقص شعرك كله. لين بخوف: -بس أنا مش... إيهاب بعصبية: -بلا مش محجبة بلا نيلة. غوري البسي أي حاجة أو استنى هنزل أجيبلك. ومش أشوف شعراية منك خارجة. خرج إيهاب وأفنان بصتله وهي بتبتسم وتقول: -أنا قلبي بيدق كده ليه مش عارفة. وطلع حلو قوي ورومانسي كمان. شكل الحياة بدأت تلمع في حياتي. ..... عند مرات أبو أفنان. الراجل شاور على العمارة

الموجودة فيها أفنان وقال: -هي قاعدة اهنيه هي وجوزها إيهاب. سنية بكرة: -بقى قاعدة اهنيه وأنا جوايا نار قايدة. يابت جابر مش هعنيكي واصل على فرحتك. سنية بكرن: -لازم ننفذ قبل جوزها يرجع بسرعة. الراجل: -بس هناخدها كيف؟ والعمدة هيعرف بده. سنية بتفكير: -عندي فكرة. بس آخدها معايا، أهم حاجة عشان أقدر أحسبها زين وأعرف أفكر هعمل إيه فيها. هز الراجل راسه وطلعوا شقتها.

عند أفنان سمعت صوت جرس الباب فتحت وهي فاكرته إيهاب. وأول ما فتحت اتصدمت وصرخت وطلت تجري على جوه وهي بتقول: -لين، اتخبي يا قلب أمك بسرعة. سنية بخبث: -اتخبي إنتي يابت جابر، أصل ماسابكيش واصل. أفنان ببكاء: -أبوس إيدك يا مرات أبويا، همليني في حالي. أنا ما ريداش أروح معاكي واصل. سنية غمزت للراجل وهي بتقول: -خدها ويالا بينا بسرعة قبل جوزها ما يجي ويحصل مشكلة عاد.

أفنان وهي بتصرخ بس الراجل رش حاجة على وشها وقعت وخدوها طلعوا. ولين جريت وهي لتصرخ. سنية زقتها وقفلت الباب. وفضلت تصرخ وتاندي باسم أمها وتقول: -ماما أفنان، افتحيلي! ماما إنتي عتروحي فين وتسبيني اهنيه لحالي. ... وفضلت تصرخ فجأة سمعت حد بيفتح الباب من بره. نادت عليه إيهاب باستغراب دخل ورمى الحاجة اللي معاه وهو بيقول: -في إيه يالين؟ أمال أفنان فين يا حبيبتي عشان تصرخي كدا؟ لين وهي بتشهق:

-ماما أفنان الست الشريرة جت خدتها من اهنيه ورشت حاجة على وشها والراجل العجوز شالها وخرج. هاتلي ماما أفنان يابوي. إيهاب حضن بنته وهو متعصب وبيقول بشر: -مش هسيبك يا سنية وهعرفك إزاي تيجي هنا وتاخدي حاجة مش من حقك. ورن على أبوه......