رواية جبروت قاسي الفصل العاشر 10 - بقلم حورية مصطفى

روز بصت لداغر بغضب وعصبية: أنا بقيت بكرهك يا داغر وبقرف منك، لأن كل يوم تثبتلي إنك إنسان حقير وقذر. وهطلق منك ولو ما عملتش كده هقتل نفسي. داغر بسرعة مسكها من رقبتها وقربها له وبحدة: حتى دي مش من حقك، لأن حياتك دي مش ملكك. وأنا هسيبك تهدي، لكن هنتكلم تاني يا روز. وزقها بعنف وخرج من الأوضة ومن القصر كله، وراح النايت وفضل يشرب بغضب. فاتن دخلت النايت، كانت لابسة فستان أبيض قصير من الدانتيل، ضيق ومغري.

وابتسمت بمكر وراحت حضنت داغر. فاتن بدلع: وحشتني أوي يا داغر. داغر بسكر: وإنتي كمان. فاتن: طب ما تيجي نروح الشقة القديمة، لو فعلاً عايز تثبتلي إني وحشتك، ولا مفيش غير ست روز. داغر: لأ طبعاً، يلا بينا. بعد مدة، وصلوا لشقة فاتن. وهي سابته ودخلت لجواه. داغر بص للمكان، وكلّه متزين بالورد والشموع، وفي تربيزة عليها أطيب وألذ أكل. بعد شوية، خرجت فاتن وهي لابسة قميص نوم أسود قصير. راحت ناحية داغر وشغلت مزيكا.

فاتن بدلع: ممكن نرقص سوا. داغر بابتسامة: طبعاً. فاتن وداغر بدأوا يرقصوا سوا، وهي في حضنه. فاتن بخبث: هتوحشني أوي يا داغر. داغر مكنش مركز. فاتن: لأ يا حبيبي، إحنا قدامنا سهرة طويلة، ركز معايا. ومسكت كوباية عصير بخبث، وديتها لداغر. فاتن: خد يا حبيبي اشرب عشان تفوق معايا كده. داغر أخد الكوباية وشربها، ورجعوا يرقصوا تاني، لكنه بدأ يحس بدوخة ورأسه لفت، وحاسس إنه هيقع. فاتن بخبث: مالك يا حبيبي، حاسس بحاجة؟

داغر بدوخة: لأ يا فاتن، أنا كويس. فاتن بخبث راحت جابت ورقة من على الكومود. فاتن بخبث: ممكن يا حبيبي تمضي هنا على الورقة دي. داغر كان حاسس بتوهان ودوخة، وأخد الورقة من فاتن وفعلاً أمضاها. فاتن أخدت الورقة وابتسمت بمكر وباغراء، قعدت على رجل داغر. فاتن بابتسامة خبيثة: دلوقتي يا حبيبي لازم تاكل. وأكملت بدلع: وأنا هاكلك بنفسي.

وفعلاً بدأت فاتن تاكل داغر كل الأكل، وهو حاسس إنه دايخ وحاسس بوجع في بطنه، وريقه ناشف وعنيه بتزغلل، وبيشوف كل حاجة بتشويش. قرب على الماية اللي على الترابيزة، ولكن فجأة فاتن بتشيل الماية وبتوقعها على الأرض. داغر كان حاسس بالتشويش بيزيد ووجع بطنه بيزيد، بيرفع راسه لقى فاتن واقفة مبتسمة بخبث. بدأ يحس إن الدنيا كلها سودا، وياخد أنفاسه الأخيرة. داغر بتعب وهو بيغمض عينيه: ليه؟ عملتي كده؟

فاتن: عشان الفلوس يا حبيب قلبي، ما هو لو إنت مش ليا، يبقى مش هتبقى لغيري، ولازم على الأقل أستفيد منك. قالت ذلك عندما شاهدته يفقد الوعي تمام وأنفاسه بتقف. في وقت لاحق. فاتن بخبث: مع السلامة يا داغر، كده مفعول السم أكيد عمل مفعوله، رحلة موفقة يا بيبي. داغر بإغماء: روز..... عند روز. قامت مفزوعة من النوم، وهي حاسة إن داغر في خطر وإنه بيروح منها. قامت اتوضت، وصلت، وفضلت تعيط وتدعيله. عند داغر.

أخد آخر أنفاسه، واسم روز هو آخر حاجة كانت على لسانه وفي قلبه. عند روز. خرجت من أوضتها، وكانت بتجري وبتعيط وتنادي عليه بأعلى صوتها. كل العيلة طلعت على صوته. روز بدموع وصرخة: داغر! داغر! قمر: في إيه يا روز؟ اهدّي. روز بدموع: داغر جراله حاجة، قلبي مقبوض أوي يا قمر. قمر بهدوء: اهدي، أكيد كويس، متخافيش. ولكن لم تهتم بحديثها، وخرجت من القصر وهي تركض، عندما استمعت لصوت سيارة، وكل تفكيرها إن داغر برا.

لكن وقفت مرة واحدة لما لقيت ناس شايلين داغر ووشه عليه دم. روز وقفت مرة واحدة بصدمة ووووو.