رواية غفوة قلبي الفصل الثاني 2 - بقلم ملك امير

راحت ولسه جايه تدي لـ عدي القهوة، بصت عليه واتخضت ورمت الصينية عليه. قام هو مرة واحدة واتخض. طبعًا مكنش عارف يتكلم، بس الذعر بان على وشه. حاول يطمنها بإشارات إنه عادي، لأنه كده كده لابس أسود. خدته غفران وهي بتعيط عشان يغسل هدومه. = ينفع متقولش لماما أو لحد إني أنا اللي وقعت القهوة عليك؟ بصلها وابتسم وشاور بمعنى حاضر. وبعدين عملها علامة ورقة، ففهمت إنه عايز يكتب لها. خد الورقة وكتب: "ممكن بس انتي توافقي على الخطوبة؟

وطبعًا انتي عارفة اللي فيها. فلو تديني أي وسيلة متحسسنيش إني عاجز في الكلام معاكي، هكون شاكر جدًا ليك." بصت له غفران وشاورت بمعنى حاضر. كان ماشي ورايح الصالون. = عدي. شاور لها بمعنى قولي. = شكرًا بجد ليك أوي. عدى باقي اليوم بدون أحداث، غير ولادة لحب جديد بين اتنين ربنا رسم طريقهم سوا عشان يكملوا الباقي من حياتهم. كانت في الكلية مع نرجس. ~ بس تصدقي زي المسلسلات التركي يا بت، بس محطتيش في القهوة ملح لي؟

بس فكرتيني بـ سونا الغبية لما وقعت وهي بتقدم القهوة بردو. = يا بنتي طب هي وقعت، مش رمتها في وش فريد. فضلو يضحكوا ويهزروا لحد ما فون غفران جت له رسالة. نرجس بصت لها. ~ طبعًا يعني طبعًا، أنا مش هكون حرباية وأخليكي مترديش. ردي دلوقتي ومش هخليكي تردي تاني. = يالهوي ثعبان، ياه قد إيه إنت حنينة. ~ عشان تعرفي قيمتي بس. = اتنيلي. بصت في الموبايل وهي مبتسمة.

_صباح الفل على أحلى مهندسة. حبيت أبعتلك تيكست مورنينج عشان متقوليش إني توكسيك ومعقد ونرف. = ياه عندك جفاف للدرجادي؟ عمومًا حبيت أقولك إني هعدي آخدك خلوصة. = تمام. كانت حاسة بصدمة شوية، أو بالمعنى الأصح كانت بتفتكر صدمتها اللي فاتت. نرجس خدت بالها. ~ غفران، هو لو كان كويس كان فضل معاكي؟ مكنش اتخلى عنك في أول اختبار من ربنا ليكوا. مش يمكن يكون عدي ده هو العوض اللي بجد ليكي؟

= مش عارفة، بس أنا مش قادرة أنساه. كان كل حاجة لفترة طويلة أوي. محدش فاهمني ولا حاسس. أنا دعيت قد إيه عشان ربنا يجمعني بيه، وفي الآخر طلع بالشكل ده. صدمتي مش قليلة، وسيباه بقالي تلت شهور أهو. بس تخيلي أمي تعايرني إني اتكسرت في يوم؟ تخيلي كمية الوجع يا نرجس. ~ يا قلب نرجس، أنا عارفة والله قد إيه إنت بتحبيه فعلًا، بس صدقيني هو نسي وعاش وعمل كل اللي ما بتعمل. جربي بس تدي لـ عدي فرصة.

= هحاول. يلا تعالي عشان هو هيوصلنا ويرحمنا من المواصلات. طلعت غفران ونرجس، الاتنين كانوا بيحاولوا بهزار ويداروا على وجع بعض. فضلو واقفين قدام الكلية لحد ما عدي جه، وكان معاه ماجد. اللي أول ما شافته نرجس غمضت عينها وبعدها ركبت على طول. وغفران وراها، اللي مكانتش تعرف إن ماجد هييجي. فضلت نرجس باصة بخنقة وديق لحد ما وصلوا، وكلهم ساكتين.

وعدي قال لماجد إنه غفران تستنى خمس دقايق هيقولها حاجة بس. وطبعًا نرجس لما شافت كدا راحت طلبت الاسانسير بسرعة عشان تطلع قبل ماجد، اللي لحق الاسانسير على آخر لحظة. وهنا نرجس اتضايقت أكتر. « وحشتيني. ~ وحشتك عقربة. « في إيه يا نرجس، انت بقالك فترة مش طيقاني ليه؟ ده أنا خطيبك وكلها شهر وفرحنا يتم. ~ اسكت، هو أنا مقلتلكش؟ مش هيبقى فيه فرح أصلًا ومش هتجوزك. قرب منها جامد وهي كانت بتزقه. « ما تتعدلي بدل ما أعدلك.

~ أنا معدولة، روح اعدل اللي كنت واخدها في حضنك ونازل بوس فيها. « طب ومش خايفة أبوسك انت كمان دلوقتي؟ ~ بعينكم. وصل الاسانسير في اللحظة دي وجريت هي على شقتهم، ولسه هيكلم قامت رازعة الباب في وشه. عند عدي وغفران. _هو ينفع سؤال؟ = اه طبعًا. _هو انت حبيتي قبل كده؟

= اه. أنا عارفة ممكن تستغرب من صراحتي، بس أنا حبيت خطيبي اللي قبلك أكتر من أي حاجة وأي حد. كان كل حاجة بالنسبة ليا. أنا عارفة إن الكلام ممكن يجرحك، بس عمري ما اتعودت أكذب في مشاعري أبدًا. بصلها ببرود. _عادي، أنا كمان حبيت. بس لسه بحبها أصلًا. يمكن لو كانت فضلت عايشة مكنش زماني عرفتك. = ليه يعني؟ ما كنت هتخبط فيا بردو ومش هتعتذر. _لا، كنت هعتذر. لأني ساعتها مكنتش هكون عامل الحادثة.

لسه هترد لقت صوت هي عرفاه كويس بينادي... غفران.