رواية غلبت قسوتي الفصل السابع 7 - بقلم بسملة بدوي

بهدوء روحي وانتِ طالق بالتلاتة. سمر بصريخ: انت بتتحجج اصلا يا مهيب صدقني مش هسكت. مهيب قاطعها بصفعة طرحتها أرضاً: صوتك أنا ماسك أعصابي عنك يا سمر. لمي هدومك وعلى بيت أهلك وأنا مش همد إيدي عليكِ بس ليا رجالة تتكلم معاهم يا بنت الناس. تصرفك مع كادي مش هيعدي بالساهل. سمر بصتله بغل وجريت على أوضتها تلم هدومها. مرفت لسه هتتكلم قاطعها وهو بيرفع إيده: لو سمحتي يا أمي متدخليش. مرفت بغيظ

وجهت كلامها لسامي والجد: ما تقولوا حاجة. سامي بهدوء: اللي حصل غلط وسمر بصراحة زودتها. الجد أيدُه الرأي: فعلاً وهو حر مع مراته محدش يدخله. مهيب خد كادي ودخل الأوضة تاني. أول ما دخلت حضنته جامد وقعدت تعيط. احتواها بحنية: بلاش عياط يا قلب مهيب. كادي ببراءة: أنا جيت بوظتلك حياتك سيبني أمشي. وسكتت بخوف من شكله وحاولت تخرج من حضنه بس كان ماسك جامد على خصرها بتملك. همس بكسرة في نبرة صوته: أنت بتوجعني.

ومسكت وجهه برقة: مش بقصد. سند جبينه على جبينها: أنا محتاجلك أوي صدقيني أنا ضحيت بكل حاجة عشانك وعشان نبكي سوا. أرجوكي بلاش تقولي سيبني دي. كادي أنتِ الحاجة الوحيدة الحلوة اللي طلعت بيها من الدنيا. أنا وحيد أنا اتظلمت كتير يا كادي الدنيا مرحمتنيش. كادي عيطت على كلامه: متقولش كده باباك ومامتك وجدك معاك وأنا كمان. ليه بتقول كده؟

همس بصوت متعب: تعبت علطول جامد. شامخ قوي بارد. كل ده أنتِ مش عارفة وراه إيه. عارفة وراه واحد ضعيف فـ عمره ينفذ رغباتهم. دخلت طب عشان أبويا عايز كده ودخلت شرطة عشان حلمي. بسببها خسرت صاحب عمري ومراتي. كادي بصدمة: مراتك؟ مهيب بهدوء: أيوا أم فهد ماتت بسببي. كادي لسه هتتكلم سكتت بحزن: أنت بتعيط. مهيب بجمود: لا بس فيه حاجة دخلت في عيني. كادي بحب: ما تكذبش عليا. صدقني أنا عمري ما هسيبك.

ابتسم بحب وساحبها لحضنه: مش هسمحلك تسيبيني أصلا. ضحكت: مغرور. مهيب تليفونه عمل صوته فتح ثواني وريأكشن وشه اتغير 180 درجة. كادي بخوف: فـ فـ إيه؟ مهيب بهدوء مخيف: أنا عقيم. كادي ببراءة: يعني إيه؟ مهيب بجمود: يعني مش هتبقي أم يعني مش هيبقى ليا ولاد منك. كادي بصدمة.