رواية غلطة العمر الفصل السابع 7 - بقلم هاجر العفيفي

أكرم اتعصب وطلع من جيبه سكينة صغيرة وخبطها في سليم بغضب. نيرة بصراخ: سلييييم !!!! أكرم زقها وجرى. هي قعدت جمب سليم وقالت بخوف ودموع: سليم فوق ياسليم. سليم فتح عيونه بتعب وقال: متخافيش انا كويس. نيرة قامت وقفت وجريت وقفت تاكسي وجابت صاحب التاكسي يسند سليم وركبوه وطلعوا على المستشفى. أكرم دخل البيت وهو بينهج وخايف. والدته من خلفه: مالك يا أكرم فيك ايه؟ أكرم بتوتر: م مفيش.

دخل بسرعة الأوضة اللي فيها مريم وفتحها واتصدم لما ملقاهاش. أكرم بغضب: هي رااااحت فين؟ والدته بتوتر وصدمة مصطنعة: م معرفش يابنى. أكرم قلب عليها الشقة كلها وقال بغضب: هربت بنت ال.... "هوصلها وهقتلها" خرج من البيت بعصبية. والدته بخوف: استر يارب. في المستشفى. نيرة بقلق: خير يادكتور هو كويس؟ الدكتور بهدوء: الحمد لله الإصابة سطحية تقدرى تشوفيه. نيرة دخلت عنده وكان جمبه كله ملفوف عليه شاش كتير. نيرة بدموع: انا اسفة. سليم

فتح عيونه وقال بابتسامة: على ايه؟ نيرة بدموع وشهقة: انا السبب في ال انت فيه ده. سليم بابتسامة: ولا يهمك انا مستعد أضحي بعمري كله عشانك. نيرة بصدمة: ايه؟ سليم بضحك: ايه؟ نيرة اتكسفت وسكتت. الممرضة دخلت وقالت: الظابط بره محتاج يتكلم مع المريض. سليم بهدوء: خليه يدخل. الظابط دخل وسلم على سليم وقعد. الظابط: أستاذ سليم تقدر تقول من ال عمل فيك كده؟ نيرة لسه هتتكلم قاطعها سليم بهدوء وقال: شوية بلطجية بس مش فاكر شكلهم.

نيرة اتصدمت. الظابط قال بشك: والمدام مكانتش معاك؟ سليم: لاء. الظابط: تمام. الظابط خرج ونيرة قالت بصدمة: ليه !!! سليم: ليه ايه؟ نيرة: ليه معترفتش على أكرم؟ سليم: مش مستاهلة. نيرة بانفعال: لاء طبعا مستاهلة دي حياتك كانت هتضيع بسببه. سليم بابتسامة: خايفة عليا؟ نيرة بتوتر: ه ها ل لاء بس... سليم بضحك: خلاص خلاص متتوتريش كده ممكن أسألك سؤال؟ نيرة: اتفضل. سليم: لسه بتحبيه؟

نيرة بسخرية: اكتشفت أن مكنتش بحبه اصلا عن إذنك هقوم أعمل تلفون لسارة عشان متقلقش عليا. سابته وخرجت وهو عرف أنها مش عايزة تتكلم وغمض عيونه بتعب. نيرة خرجت بره الأوضة وقعدت على أقرب كرسي وعيطت بشدة وافتكرت هي إزاي كسرت سليم زمان. سليم بحب: انا بحبك يانيرة. نيرة بغرور: وانا بحب أكرم ومين انت اصلا عشان احبك أو اتجوزك؟ سليم بصدمة: نيرة انا...

نيرة بحدة: متجبيش اسمي على لسانك تاني وابعد عن طريقي أحسن ليك بدل ما اعمل ليك فضيحة هنا في الجامعة كلها. سليم بكسرة: ياخسارة بجد على قلبي اللي حبك. سابها ومشي وهو مقرر أن ينساها نهائي بس قلبه مش بإيده. نيرة رجعت من تفكيرها وقالت بدموع: انا إزاي كنت بعيدة عن ربنا كده أزاى قدرت أكسرك ياسليم وأخسر ثقة أهلي وأتجوز واحد زي أكرم ده إزاي إزاي؟ سارة: سلام عليكم. مازن: وعليكم السلام ورحمة الله وبركاته.

سارة: هي نيرة مشيت من الشركة؟ مازن: قريبتها. سارة: صاحبته. مازن: هي مشيت من الشركة من ساعة. سارة بقلق: اومال مجتش ليه طب تمام اسفة أن أزعجتك. مازن بابتسامة: أزعجيني براحتك طبعاً. سارة بخجل: شكرا سلام عليكم. مازن بضحك على كسوفها: وعليكم السلام في حفظ الله. نيرة جابت عصير لسليم ودخلتله بعد لما مسحت دموعها بس كانت حاسة بألم شديد في بطنها. سليم بقلق: حاسة بحاجة؟ نيرة بوجع: لاء لاء مفيش حاجة.

سليم قام قعد بتعب وقال: وشك باين عليه مالك يانيرة؟ نيرة لسه هتتكلم مسكت بطنها وقالت بوجع أكبر: انا ش شكلى بسقط ااااااه بطني. سليم قام من مكانه بخضة.